coody
16-09-2010, 11:45 AM
السلام عليكم و رحمة الله و بركاته
انا شفت من يومين منظر كان بالنسبالي غاية في الغرابة
شفت فرح متنقل !!
الكوشة علي حنطور و العريس و العروسة و المصور و صب صوته عالي علي الحنطور
الحنطور بيلف في الشوارع و وراه الحضور ماشيين علي الارض عادي
و بعضهم راكب عربيات
عجبني اوي المنظر
و كان مضحك شوية لانها كانت اول مرة اشوف منظر زي ده
جوازة غير مكلفة
تمت بسرعة بدون تكاليف كتيرة و اكيد الشقة كانت تبع اهل حد من الازواج
جوازة موفقة بكل المقاييس
سألت نفسي الاسئلة دي:
ايه سبب ازمة الجواز دلوقت؟؟
هل السبب سوء الاحوال المالية؟
ام السبب هو ازمة ثقة من اولياء الامور؟
ولا السبب هو اختفاء الدين من حياة الكثير من الناس؟
ولا يكون السبب الاوهام الغريبة عن فتي الاحلام عند البنت او فتاة الاحلام عند الولد ؟
شاركوني برأيكوا
NeVeR CoMe BacK
16-09-2010, 11:54 AM
والله انا حاليا بيتهيقلى الازمة المادية هى السبب فى كل ده ،،،،،،،،،،،،،،،،،،،،،،،،،
الناس كلها عايزة تتجوز بس مين اللى عنده فلوس للجواز ومسئوليتاه الكتير ،،،،،،،،،،،،،،،،،،،،،،،،
العيشة بقت غالية والاسعار فى الطالع والحالة فى النازل وكلو ماشـــــــــــــــــــــــــــــــــــــــى،،،،،،، ،،،،،،،،،،،،،،،
مرسيه عالطرح ده ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،
Mr. Ali 1
16-09-2010, 12:10 PM
سبب المشكلة هو المال اللي الناس بقت بتهتم به فقط . والدة الفتاة أو والدها كل همهم الشقة والشبكة بكام والمؤخر كام والقايمة حتبقي بكام والرصيد اللي في البنك ولما يلاقي كل ده تمام يقولك " احنا نشورهالك ونجيبهالك لحد باب البيت , احنا بنشتري راجل !! " الحكاية بيع وشراء . معاك اللي انا عايزه , أهلاً وسهلاً بيك . ممعكش ما يلزمكش . أما مسألة الدين والأخلاق بقت مجرد كلام " سد خانة يعني " . والحجة بتاعت أهل الفتاة انهم بيأمنوا مستقبل بنتهم !!! طيب ومين يأمن مستقبل الشاب؟!!! ايه اللي يضمن للشاب ان الفتاة مش حتطلع عينه وتندمه علي اليوم اللي فكر انه يتقدم ليها؟!!! وطبعاً لو طلقها حتاخد اللي وراه واللي قدامه !! ويبقي الشاب بين نارين , اما يطلق ويبقي علي الحديدة " ده لو الحديدة لسه موجودة " , أو يعيش في نكد وحسرة .
قال رسول الله صلي الله عليه وسلم " إذا جاءكم من ترضون خلقه ودينه فزوجوه , إلا تفعلوا تكن فتنة في الأرض وفساد كبير " صدق رسول الله صلي الله عليه وسلم. واحنا عايشين الفتنة والفساد الكبير . أمان كل فتاة يتقدم لها شاب هو الدين والأخلاق .
روووووز
16-09-2010, 01:14 PM
السبب بكل اختصار ارتفاع الاسعار والغلاء اللى احنا فيه
BaNZeR
16-09-2010, 03:09 PM
ببساطة ... كل واحد عايز يشوف بنته في فرح متعملش قبل كدا
في ناس بتفضل كدا لحد ما ميحصلوش لا ده ولا ده
واكيد جوازة الحنطور اهون من مفيش :d
small star
16-09-2010, 03:36 PM
أنا رايى سوء الاحوال المادية والبطالة
مجنونة الكيمياء
16-09-2010, 04:46 PM
أنا شايفة فعلا ان الجواز أزمة مادية
فمجرد ان الشاب يفكر فى الموضوع لازم على الاقل يكون قادر يقدم شبكة ومهر وشقة
ولا الجهاز بتاع البنت مشكلة بجد
واللى يفكر انه يعتمد على نفسه بدون مساعدة من أهله
يبقى حكم على نفسه بالعزوبة الابدية
ربنا يكون فى عون الشباب
ضياء الدين سعيد
16-09-2010, 04:51 PM
من وجهة نظرى
هو الأزمة المادية
وكمان كثرة المتطلبات
يعنى الرسول صلى الله عليه وسلم كان بيجوز الصحابة بالقرآن
لكن عندنا
الوضع إتغير قبل ما تدخل على أهل العروسه
بيقولولك مش أنت أبن مين ولا تعليمك إيه ولا حافظ قرآن قد إيه
بيقولك معاك كام
BaNZeR
16-09-2010, 04:55 PM
بيقولولك مش أنت أبن مين ولا تعليمك إيه ولا حافظ قرآن قد إيه
بيقولك معاك كام
لا بتفرق انت مين وتعليمك ايه :d
ومعاك كام برده
ضياء الدين سعيد
16-09-2010, 05:02 PM
لا بتفرق انت مين وتعليمك ايه :d
ومعاك كام برده
والله أنا قدام عينى
ناس كتير بتقول معاك كام
ولو لاحظت المصريات اللى متجوزين ناس من الخليج
وغير كدا
ناس والله معاهم تعليم متوسط
وبسم الله ما شاء الله واخدين عرايس أحلى مؤهلات بس هو معااااااااه كتير :078111rg3:
MR : ABO BATTA
16-09-2010, 05:42 PM
حسبي الله ونعم الوكيل في كل من يعطل زواجة بسب تفاهات وعرض قليل من الدنيا
اعرف زواجة فشلت بسبب ان العريس هيجيب تلفزيون 21 بوصة والعروسة عايزاه 25 بوصة
واخرى فشلت يوم كتب لكتاب بسبب القائمة وغيره كتيييييييييييييييييييييير