بسم الله الرحمن الرحيم

اولا انا احمد اتش اخر الرجال المحترمين
اصدى انى اخر دفعات الناس المنفضة دماغها ومريحه على الاخر (سنة الفراغ )
ودخلت الكلية وخلاص واول يوم هروح بكرة لان عندنا مافيش سبت وجمعة اجازة هوة جمعة بس

المهم انا بقة حكايتى حكاية مع الكيمياء
وارجو كل من هياخد كيمياء السنادى ياخدنى عبرة

اولا انا لما كنت فى 2 ثانوى دخلت الكيمياء وسقطت
قولت يلا اهو نصيب ادخلها فى الملاحق
الا انى دخلت الملاحق وسقطت بردك
قولت خلاص اخدها معايا 3 ثانوى مع انى كنت داخل شعبة علمى رياضة
يعنى ولعة
وسقطت فى الكيمياء
فاتعقدت وقولت هاخد سنة كمان لانى كنت شايل فيزياء ورياضيات 2

وخلص الموضوع ومادخلتش الملاحق
ومش عارف اقول الحمد لله انى مادخلتش ولا اقول يارتنى كنت دخلت
لانى الان الحمد لله فى كلية عمرى ماكنت هحلم بيها ابدا وماكنتش هدخلها غير من سنة الفراغ فقط
لكنى كنت بقول يارتنى كنت دخلت الملاحق وانا لسة فى الدراسة يعنى

المهم دخلت سنة الفراغ اللى هى لسة خلصانة دى ومعايا كيمياء وفيزياء ورياضيات 2
وخلصت السنة ودخلت امتحانات الدور الاول كالعادة
وبلا فخر شلت ال 3 مواد كلهم
ايوة سقطت فى الفيزياء والرياضيات 2 لتانى مرة
والكيمياء ل 4 مرة على التوالى :(:mad::redface:
وكنت بقول لنفسى اية دة كانا لو كنت بحضر ذرة كنت خلصت :redface:
ولرابع امتحان ثانوية عامة مش عارف اخلص من الكيمياء حرااااااااااام يا ناس
بالذات ان عندى فيزياء ورياضيات 2
بل كان اساسا معمولى محضرين فى الامتحان نفسة وكان هتمنع من دخول الامتحانات وكنت وكنت وبلاوى

قولت مافيش فايدة هعيد السنة وامرى لله فى سنة جديدة
وكنت هاخد ال3 مواد اللى هم الثلاثى المرح معايا فى سنة جديدة اللى هى المفرود هتبدئ اهى

وكنت متردد اووووووووووووى ومش عارف اعمل اية
وكان اليوم دة يوم خميس ووراة جمعة

ففى صلاة الجمعة كنت قاعد حزين على السريع لغاية اما لقيت الاذان بياذن على اساس هيبدئو الصلاة
فقمت استحميت ولبست ورحت الجامع وانا بقول يارب الحق
ولقيتهم بيحيو والجامع مليان مافيهوش غير مكان واحد سبحان الله والمفرود انة كان فى زاوية يعنى نص مكان
روحت اول ماقلت الله اكبر وقعدت خلصو بانهم قالو السلام عليكم ورحمة الله وبركاتة
وصليت الركعتين وخلصت

وعرفت ان دة كان نصيبى انى الحق الصلاة
ومهما كان الوقت ديق ففى فرصة لاخر دقيقة

فروحت كلت الكتب اكل
والله يعلم مدى تعبى واسرافى فى حق نفسى
لانى من الاخر كنت بنام 6 ساعات لكن ال 18 الباقيين كنت واخدهم طحن
دا غير انى جبت مدرسين خصوصيين ليا لواحدى والحصة ب 30 لاتنين منهم و 50 لواحد وال50 كانت لاستاذ الكيمياء :angry2: على اساس الكيمياء دى مش هتسبى فى حالى والدروس كانت كل يوم
وكل يوم بحمد الله كنت بحل امتحانيين ثانوية عامة لكل مدرس ولما كان بييجى دا بعد الشرح الخفيف جدا عن باب كامل ناخد امتحانين دا غير الاسئلة
والنعمة الشريفة خلصت الكتب الخارجية وامتحانات ثانوية عامة من 96 ل 2010

المهم جت لحظة الامتحانات
كنا 8 بس فى المدرسة اللى شايلين رياضيات 2
والامتحان بيقولى انة وحش لان 50% من اللى دخلو امتحانات 3 ثانوى(سنة الفراغ ) صقتو
لكن الحمد لله كنت ماشى فية مية مية وكان العيال اللى معايا ماشيين مية مية سبحان الله
مع انى خبرة فى امتحانات الملاحق دى فاعرف ان كلها دوشة وكلة عاوز يغش وليلة سودة
الا اننا اتصاحبنا اصلا لان نصنا كان عندة رياضيات 2 وفيزياء يعنى 4 امتحانات نتقابل
والباقى 3 ايام بس

دا حتى الغربية ان نص اللى كانو معايا فى الفيزياء كانو معايا فى الكيمياء :039uw8:
وكنا فصل واحد فى الفيزياء وفصلين كيمياء لبتوع 3 بس انما 2 كانو بتاع 13 لجنة هههههههههه لدرجة انى قولت امال مين نجح هههههههههه

المهم كنت ماشى زى الفل والعيال اللى معايا كانو شطار وداحيين زيى وكنا بنخش نطحش الورق
وكنت دا غير اننا كنا بنقابل كتير زى ماوضحت

ودة يوضح شئ ان والله احنا ( سنة الفراغ ) كل واحد ولية ظروف حطيتة هنة

وكان الوزير مخلى امتحانات 3 زبالة بمعنى الكلمة
فالاثنين تفاضل والاربعاء جبر والخميس فيزياء والسبت كيمياء والاحد ميكانيكا
شوفو ازاى ودة بالنسبة للى انا حضرتة وكلو ورا بعضة

وماكنتش بطلع من اللجنة غير لما اشوف هجيب كام فى الامتحان
والغريبة ان لما كنت براجع مع العيال اللى كانو معايا كلنا كنا نفس الاجابة اى كلنا صح
عكس الدور الاول اللى كان كل واحد من اللى كانو معايا بنتجية شكل دا اذا حل السؤال اصلا :confused:
وكنت برجع كل يوم من اللجنة لحد بيتى حوالى اتنين كيلو فى عز العصر وكنت بتعمد انى امشى تحت الشمس وامشى سريع
ودة علشان يضيعلى فرحتى فى امتحان اليوم علشان اقدر اجيب درجات اكتر فى امتحان الغد
لان كنت دائما اقول ربنا فرحنى النهاردة وكرمنى اخر كرم
امال امتة هتبقة ليلتى سودة ؟ والمصيبة ان لو مادة واحدة ضعت فيها فهعيد سنة كاملة عليها
ونصيحة جانبية حابب ادهالكو انى فى ايام الامتحانات كنت اول مايقع منى القلم اقوم انام على طول واصحى براحتى ودة كان بيستغرق 7-8 ساعات يوميا وكنت مابحشيش دماغى
لا كنت عامل استراتيجية الراحه النفسية وكنت بشرب بتاع 5 لتر مياة يوميا او اكتر وعصائر كتير ودة اساسا من يوم ماتلقيت خبر الملاحق
الا انى اعترف حقيقة ان بعد ماخلصت الفيزياء يوم الخميس
والمفرود ادامى يوم ونص وبعدين امتحان الكيمياء لانة يوم السبت ع طول
والنعمة كنت بصرخ من نفوخى
كنت بحس ان 4 عمالين يزاكرو جوة
دماغى كانت هتتفجر والله مكنت حاسس انى هروح مستشفى فى يوم الخميس دة
لانى اولا قرات شرح ال 8 ابواب الاولنيين وسبت العضوية خالص
وراجعت الامتحانات والاسئلة اللى المفرود الواحد يحلها فى سنة كاملة
الا انى رجعت طبقت استراتيجية الراحه النفسية يوم الجمعة مع مراجعة مش بسيطة ولكنها اخف مليون مرة من بتاعت يوم الجمعة
ودة لانى كنت مرعووووووووووووب من الكيمياء حرام اخدها 4 سنين
والمصيبة انى هاخدها فى سنة لوحدها ولو سقطت تانى هتحول دبلوم مهنى ويضيع مستقبل

ولكن الحمد لله نجحت الاستراتيجية

ويوم النتيجة كانت العصر وانا اتفاجئت بيها ماكنتش فى البيت
المهمم ماكنش معايا البطاقة الشخصية لان لازم علشان اشوف نتيجى يكون معايا البطاقة
دخلت عند اقرب سايبر وادور على صورة بطاقتى على الايميل بتاعى اشوفها لانى كنت حاططها على الايميل فى رسالة مسودة واخر توتر
لغاية اما اتنرفزت وقلبى بيدق يمين وشمال وروحت اتصلت بالبيت وجبت الرقم القومى
ودخلتة والا انى اتفاجئ بمافيش الوان حمراا
فقولت ابص بقة على النتيجة لقيتها اعلى من النجاح وبصيت على الدرجات لقيتها كلها بسم الله 25 للفيزياء والرياضيات 2 ماعدا الكيمياء جبت 21.5 وساعتها طرت ووربنا كان اسعد يوم فى حياتى
وضحكت وقولت هى الكيميا لغاية الان مربيالى الخفيف ولولا درجة ونص كنت سقطت ولا اية
:039uw8::039uw8::039uw8:

الا انى نجحت خلاص بعد 5 امتحان كيمياء ثانوية عامة اللى وبلا فخر بمتحن امتحاناتها من 2007 الى 2010 :028ja7:
وساعتها اتصلت بكل اللى اعرفة افرحة ووالله كان اليوم دة يوم سعيد
ومانمتش فى اليوم دة

وانا الان فى كلية ماكنتش احلم بيها
وماكنتش هدخلها غير من خلال سنة الفراغ فقط

ويارب تاخدو العبرة من موضوعى يارب
وفية عبر كتير

ولكن العبرة الاساسية هى ان الكيمياء عايزة متابعة ومراجعة وماينفعش تتنسى ومراجعة مستمرة
وكمان التركيز من اول يوم فى المدرسة ......... اصدى اول يوم من الدروس الخصوصية :039uw8: لازم تاخدوها جد علشان بجد ربنا يديكو ويكرمكو اخر كرم زيى كدة

وماحدش يقول انا مش قادر
والله ثم والله واحدة تعتبر جارتنا كانت فى 2 ثانوى وطالعة اهو 3 ثانوى مع السنة الجديدة
كل ماحد يكلمها تعيط وتقول انا هضيع هضيع
الا انى الاقيها بتقولى انها جابت 98% اى والله
وشوفتها على موقع الاستاذ ولقيت الكلام دة صح
عرفين السر فين ؟؟
انا اتفاجئت انها سالتنى ساعتها عن احسن مدرس عربى بيدى مستوى رفيع
ولما قولتلها لية ؟ باستغراب شديد
قالتلى علشان عايزة ابدئ فية من الان
فعرفتو السر فين ؟؟؟؟

وللعلم البنت دى كانت جايبة 190 درجة فى الاعدادى يعنى اقل من 75% لما طلعت الثانوى
وماحدش يحس انها تجيب 98% بتاتا
وانا كنت خايف اسالها لحسن تكون شايلة ملاحق
الا انى اصدم بالمجموع دة اللى ان شاء الله هتجيب زية فى 3 وتدخل طب :friendsxs3:


واتمنلكو التوفيق للجميع ولكل مجتهد نصيب

دى صورة من نتيجة الدور الاول بتاعتى :redface::redface::frown::frown::040vk0::040vk0:

http://www2.0zz0.com/2010/09/17/16/458693865.png


انما دى بقة نفس النتيجة بردك ولكن بتاعت الدور الثانى :022yb4::022yb4::022yb4::d:028ja7::028ja7:

http://www2.0zz0.com/2010/09/17/16/156180059.png

شايفيين الفرق
:039uw8:

عايز الحق

انا نفس مشكلتك بس بطريقة تاني

انا لسا داخلة تانية وواخدة كيمياء

وامتحنت 3 امتحانات في الدروس

الاول 7 ونص

والتاني 8 ونص

والتالت من كتر ما انا مش حليت حاجة مش اديته الورقة

بس وربنا كان بيقول ذاكروا حاجة كنت بذاكرها

والامتحان يجي من حتة تانية

بس بعد الي قلت انا اصلا لسا جاية من درس الكيمياء

شوية اجيب الكتاب واطحن الباب التاني

انا من 8 الصبح لغاية 2ونص انهاردة وانا بس بذاكر كيمياء الباب الاول

ذاكرته كويس وحليت كتاب الامتحان واسئلة المستر(( دي اسئلة كتتتتير وغبية مش صعبة))

بس في كل مادة لو جيت من الدرس ذاكرتها مستجيل تنساها