مشاهدة النسخة كاملة : سؤال للمناقشة
Hisham_physics 18-09-2010, 11:08 AM ده جزء في منهج ثالثة إهدادي بس إحترت في فهمه و شرحه أرجوا من الزملاء التوضيح :
1- إذا كانــــــت الســـرعة المتـــوسطة للجسم تســــــــــاوي السرعة المنتظمة ( ع = ع ) توصف الحركة بأنها حركة مـنــتــظـمـة
2- إذا كانــــــت الســـرعة المتـــوسطة للجسم لا تســــــاوي السرعة المنتظمة ( ع لاتساوي ع ) توصف الحركة بأنها حركة غير منتظمة
aboloay 18-09-2010, 11:25 AM السرعة المتوسطة تنتج من قسمة الازاحة الكلية علي الزمن الكلي وبذلك فاذا تساوت السرعة المتوسطة مع سرعة الجسم تكون سرعته منتظمة ونمثلها بخط مستقيم طردي
اما اذا تغيرت سرعة الجسم بين انخفاض وارتفاع فستكون سرعته المتوسطة غير مساوية لقيمة سرعة الجسم وتكون سرعته غير منتظمة
وبالله التوفيق
لما يتحرك الجسم 3 ساعات بسرعة منتطمةكل ساعة بسرعة 10كم فى الساعة
يكون السرعة المتوسطة = (10 +10+10)\3 =10 كم فى الساعة وهى تساوى السرعة المتوسطة
لما يتحرك الجسم 3 ساعات بسرعة غير منتطمة
ساعة بسرعة 10كم فى الساعة
ساعة بسرعة 15م فى الساعة
ساعة بسرعة 5كم فى الساعة
يكون السرعة المتوسطة = (10 +15+5)\3 =10 كم فى الساعة هى لاتساوى السرعة الغير منتطمة
اخوك تامر صلاح
باسم فتحى 18-09-2010, 03:43 PM تعرف السرعة المتوسطة بانها سرعة منتظمة لو ساربها الجسم لقطع نفس المسافة فى نفس الزمن
Hisham_physics 19-09-2010, 07:19 AM شكراً أستاذ محمد الحطاب و أستاذ تامر صلاح على الإهتمام و الرد بس واضح إن حضراتكم مش فاهمين بالظبط أنا أقصد إيه
هيا رقم (1) أنا فاهمها كويس
أما بالنسبة لرقم (2) فبيقول إنه لو كانت السرعة المتوسطة لا تساوي السرعة المنتظمة تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟
سمسم استار 19-09-2010, 06:25 PM يا استاذهيثم/من الممكن ان تكون السرعة منتظمة كما فى البنول البسيط والحركة غير منتظمة لانة تزيد عند موضع السكون وتقل على الجانبين
جمال البلتاجي 20-09-2010, 06:46 AM ازيك ياعم هشام .................مشكور علي الجهد الرائع
مسترسمير إبراهيم 20-09-2010, 07:04 AM جزاكم ربى كل الخير على المساهمات العلمية حضرات الأساتذة الكرام
عادل ربيع 20-09-2010, 08:34 AM شكراً أستاذ محمد الحطاب و أستاذ تامر صلاح على الإهتمام و الرد بس واضح إن حضراتكم مش فاهمين بالظبط أنا أقصد إيه
هيا رقم (1) أنا فاهمها كويس
أما بالنسبة لرقم (2) فبيقول إنه لو كانت السرعة المتوسطة لا تساوي السرعة المنتظمة تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟
بالنسبة لرقم (2) فبيقول إنه لو كانت السرعة المتوسطة لا تساوي السرعة اللحظية تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟
أ/ احمد عبد الوارث 20-09-2010, 11:35 AM لو الجسم يقطع ازاحات متساوية فى ازمنة متساوية تكون متوسط سرعة الجسم ( الازاحة الكلية ÷ الزمن الكلى )
وتكون السرعى التى يتحرك بها الجسم سرعة منتظمة وتوصف حركة الجسم بانها حركة منتظمة
اما لو الجسم يقطع ازاحات غير متساوية فى ازمنة متساوية تكون السرعة غير منتظمة والسرعة المتوسطة لاتساوى السرعة الغير منتظمة ويتحرك الجسم هنا حركة غير منتظمة
السيد الجابرى 20-09-2010, 05:45 PM اريد الاستفسار تعرف السرعة المتوسطة هى السرعة النتظمة التى لوتحرك بها الجسم لقطع مسافات متساوية فى ازمنة متساوية فمثلا كما ذكر الاستاذ هيثم ان الجسم لو تحرك مسافة بسرعة 15 ومسافة بسرعة 10 واخرى بسرعة 5 لو تم حساب السرعة المتوسطة اصبحت 30 ÷3 =10 م\ث
فلو تحرك الجسم هذة المسافات بنفس السرعة الموتوسطة لاصبحت السرعة منتظمة
اريد التوضيح
مسترسمير إبراهيم 20-09-2010, 06:07 PM لأن السرعة المتوسطة هى سرعة منتظمة
أ/ احمد عبد الوارث 20-09-2010, 06:31 PM يا اخ سيد اى ان الجسم يقطع مثلا 10 متر فى زمن قدرة 2 ثانية و20متر فى زمن قدرة 3 ثانية و30متر فى زمن قدرة 4ثانية هنة بنقول ان السرعة منتظمة وبنطلق عليها مسمى السرعة المتوسطة وبعدين من الاخر السرعة المتوسطة لها قانونين (1) الزاحة الكلية ÷ الزمن الكلى
(2) حاصل جمع السرعات ÷ عددهم اسال اللة ان كنت قد وفيت
سنوات الانتظار 20-09-2010, 06:37 PM سبحان الله نفس السؤال فى نفس السطرين دول بالظبط سالته لزمايلى فى المدرسة والحمد لله طلعو كلهم مش فاهمين زيى
احمدالمعداوي 20-09-2010, 06:49 PM ممكن تشرحها بقصة قصيرة كل الطلبة عارفاها
( قصة السلحفاة والارنب )
السلحفاة : سرعتها بطيئة ولكنها منتظمة لانها لم تقف ولم تبطئ حركتها طول الطريق
(فلو حسبنا سرعتها المتوسطة =6م/ث مثلا)
(ولو حسبنا سرعتها عند اي نقطة = 6م/ث)
اذا ع = عً اذا الحركة منتظمة
الالرنب : سريع ولكنه مغرور استراح في منتصف الطريق
(فلو حسبنا سرعته المتوسطة نجد انها 5 م/ث مثلا)
( ولو حسبنا سرعتها نجد انها 10 م/ث احيانا واحيانا صفر )
اذا ع =/ عً اذا الحركة غير منتظمة
ارجو ان اكون قد وفقت في ذكر المثال الصحيح في الوقت الصحيح
أ/ احمد عبد الوارث 20-09-2010, 07:04 PM علشان كلامك يا استاذ سنوات الانتظار انتا افهم الرسم البيانى كويس من كتاب فيزياء اولى ثانوى وبعدين ابقى قوللى رايك
أ/ احمد عبد الوارث 20-09-2010, 07:08 PM ممتاز يا استاذ احمد هو دى الكلام التمام والشرح المناسب
جمال الديك 20-09-2010, 07:46 PM لو فى مسألة فيها السرعة منتظمة وجيت حسبت السرعة المتوسطة هتلاقيها نفس القيمة
شكراً أستاذ محمد الحطاب و أستاذ تامر صلاح على الإهتمام و الرد بس واضح إن حضراتكم مش فاهمين بالظبط أنا أقصد إيه
هيا رقم (1) أنا فاهمها كويس
أما بالنسبة لرقم (2) فبيقول إنه لو كانت السرعة المتوسطة لا تساوي السرعة المنتظمة تكون الحركة غير منتظمة
إزاي أصلاً يبقى في سرعة منتظمة لحركة غير منتظمة ؟؟؟؟؟؟؟؟؟؟؟؟
فعلا الكتاب غير دقيق فى اللفظ
المفروض تكون سرعة لحظية
او من الممكن عرض الدرس باسلوب ابسط بعيدا عن لو ...لو ...
بطوطى18 21-09-2010, 12:28 PM ممتاز يا استاذ احمد هو دى الكلام التمام والشرح المناسب
احمدالمعداوي 21-09-2010, 05:39 PM فعلا الكتاب غير دقيق فى اللفظ
المفروض تكون سرعة لحظية
او من الممكن عرض الدرس باسلوب ابسط بعيدا عن لو ...لو ...
لو عندك اسلوب ابسط من لو................ ولو....................
اتفضل وكلنا اذان صاغية
احمدالمعداوي 21-09-2010, 05:41 PM ممتاز يا استاذ احمد هو دى الكلام التمام والشرح المناسب
ممتاز يا استاذ احمد هو دى الكلام التمام والشرح المناسب
بارك الله فيكم
Hisham_physics 22-09-2010, 12:13 AM يا استاذهيثم/من الممكن ان تكون السرعة منتظمة كما فى البنول البسيط والحركة غير منتظمة لانة تزيد عند موضع السكون وتقل على الجانبين
بارك الله فيك يا أ / سمسم استار
رأيك فعلاً أقنعني
و خالص الشكر لأساتذة الأفاضل الذين ردوا على موضوعي و شاركوا في النقاش
و للأسف أنا عارف إن الموضوع يجب أن نتعرض فيه للسرعة اللحظية و بكده مكنتش هفتح الموضوع ده من الأول
بس للأسف كتاب المدرسة التعبان اللي بيقارن السرعة المتوسطة بالسرعة المنتظمة ((قمة الغباء))
amr aly 22-09-2010, 11:54 PM ياريت حد من المدرسين الافاضل تخصص فزياء يجمع مسائل السرعه والعجله كلها من الاسئله التى فى اول الكتاب وفى الاختبارات الاخيره ويحلها مساعدة للاخرين ( خاص بمنهج ثالثه اعدادى الجديد )
esam99 27-09-2010, 01:32 AM يا استاذهيثم/من الممكن ان تكون السرعة منتظمة كما فى البنول البسيط والحركة غير منتظمة لانة تزيد عند موضع السكون وتقل على الجانبين
في البندول البسيط ياسمسم السرعة غير منتظمة تزيد في مراحل الهبوط وتقل في مراحل صعود جسم البندول لأعلى * على جاني الحركة السرعة = صفر وفي المنتصف السرعة أكبر مايمكن
esam99 27-09-2010, 01:40 AM ده جزء في منهج ثالثة إهدادي بس إحترت في فهمه و شرحه أرجوا من الزملاء التوضيح :
1- إذا كانــــــت الســـرعة المتـــوسطة للجسم تســــــــــاوي السرعة المنتظمة ( ع = ع ) توصف الحركة بأنها حركة مـنــتــظـمـة
2- إذا كانــــــت الســـرعة المتـــوسطة للجسم لا تســــــاوي السرعة المنتظمة ( ع لاتساوي ع ) توصف الحركة بأنها حركة غير منتظمة
يا أستاذ هيثم يمكن التعامل مع الموضوع بمقارنة السرعة المتوسظة بسرعة الجسم وليس بالسرعة المنتظمه كالتالي :
إذا كانت السرعة المتوسط = السرعة التي يتحرك بها الجسم معناها أن الحركة منتظمة
وإذا كانت السرعة المتوسط لاتساوي السرعة التي يتحرك بها الجسم معناها أن الحركة غير منتظمة فيها تكون السرعة المتوسطة مساوية لسرعة منتظمة أُخرى لوتحرك بها الجسم لقطع نفس المسافة التي قُطعت بالسرعات المتغيرة خلال نفس الزمن
montaser hafez 24-07-2013, 04:51 AM السلام عليكم ايها الاخوة الاعزاء معروف ان السرعة المتوسطة = مجموع السرعة الابتدائية والنهائية مقسوما على 2 (مجموع السرعات على عددهم)فانه يعطى احتمالين ان السرعه المتوسطه =السرعه الابتدائية= السرعه النهائيه(فى حالة السرعه المنتظمه)اما اذا كانت السرعة المتوسطة لاتساوى اى منهما (فى حالة السرعة الغير منتظمه)
اما بالنسبة للسرعة المتوسطة يقال عنها منتظمه لانها دائما تقطع مسافات متساوية فى ازمنه متساوية
مثلا جسم بدا بسرعه 10 وانتهى ب10 السرعه منتظمه ليه لان السرعة المتوسطه =10
جسم بدا بسرعه 5 ثم انتهى بسرعه 15 المتوسطه تكون كام 10 اذن السرعه المتوسطه فى الحالة الثانية
هى نفسها السرعة المنتظمه فى الاولى فدائما السرعه المتوسطه هى سرعة منتظمه بغض النظر نوع السرعه ايه
wail_poet 08-09-2013, 12:47 AM أستاذى العزيز من الواضح انه يوجد خطأ فى الفقرة رقم 2 .. قد تكون خطأ طباعة فى الكتاب لأن مثل هذه المعلوم لا توجد فى كتاب المدرسة وأعتقد انها فى كتاب خارجى
الفقرة رقم 1 موجوده فى كتاب الوزارة اما 2 فلا توجد والفقرة تكون صحيحة لو كتبت كالتالى:
اذا كانت السرعة المتوسطه (وهى نوع منتظم) لم تساوى السرعة (فقط من غير كلمة المنتظمة) فإن الحركة تكون غير منتظمة وبالتالى تكون الجملة مفهومة وصحيحة .... وشكراً لكم
ربيع ابراهيم راضى 09-10-2013, 05:36 PM يااستاذى الفاضل الجمله رقم2 اساسا خطأ غير مقصود من واضع الكتاب وتصحيحهاهو
اذا كانت السرعه المتوسطه للجسم لاتساوى سرعته اللحظيه (وهى سرعة الجسم المتحرك عند لحظه معينه ) كان الجسم يتحرك بسرعه غير منتظمه
اما السرعه المنتظه متساويه فى جميع اللحظات فهى تساوى السرعه المتوسطه
9
|