مشاهدة النسخة كاملة : بلا عنوان ؟!


shimaa2009
20-09-2010, 11:15 AM
انت مين


لو ماشي في الشارع وحد سألك السؤال ده هتقوله ايه ؟؟


" بعين الخيال سأتخيل بعض المواقف في مصر "



* صبي صغير في سن المراهقه شايل كتب في ايده وفي الايد التانيه ساندويتش معرفش ايه طبعا مش موضوعنا

" كابتن انت مين "
- نا طالب في تانيه ثانوي ورايح الدرس

- ازاي ولسه الساعه 10 الصبح مش فيه مدرسه

- مهو احنا مش بنروح الدروس اهم يا عم

- عم ؟ ! , ماشي ربنا يوفقك


* شاب في سن العشرينات شايل مسطره حرف t يعني واضح انه في هندسه

- لو سمحت يا استاذ

_ استاذ ؟ انا في كليه هندسه

- ماشي يا بشمهندس مع انك لسه بتدرس بس يلا مش مشكله

- عايز ايه ؟

- انت مين ؟

- يعني ايه انا مين ده سؤال يتسأل ؟

- يعني انت ايه في مصر ؟

- بدرس في كليه الهندسه

- وايه تاني ؟ يعني هو كل شغلتلك دراسه , مبتعملش حاجه تانيه للبلد

- اعمل لنفسي الاول ., سلام مش فاضيلك



* مدام رايحه الشغل وباين انها مستعجله

- لو سمحتي يا مدام

- نعم فيه حاجه

- حضرتك مين

- انا ... مرات ..... تحب اناديهولك

- ليه الطيب احسن , صباح الخير , سلامو عليكم ( انفد بجلدك )


* راجل عجوز ماشي

- صباح لخير يا حج

- صباح الخير يابني " الله علي الناس بتاعت زمان "

- تحب اوصلك في حته يا حج

- ربنا يكرمك يابني

_ يا حج , انت مين ؟


_ انا ........ وساكن هنا في الشارع .........

-بتشتغل ايه يا حج ؟

- بشتغل في شركه الكهربا

-مستريح يا حج في شغلك ؟

- الحمد لله يابني اهي ماشيه وبعدين احنا هناخد معانا ايه

_ يعني مش زعلان من البلد يا حج ؟

_ انا واخد علي خاطري منها اوي يابني وكلنا وخدين علي خاطرنا منها لكن اهي بلدنا
وياما زعلنا من امهاتنا لكن مقدرناش نسيبها بلدنا زي امنا نزعل منها لكن منقدش نستغني عنها


- انت متأكد يا حج انت عايش في البلد دي ؟

_ يابني انا عارف انت تقصد ايه ؟ الفساد والرشوه والي بيتخرج ميلاقيش شغل ومشكلات كتير صح ؟

_ صح يا حج

_ بص يابني " ان الله لا يغير ما بقوم حتي يغيروا ما بأنفسهم " صدق الله العظيم

- صدق الله العظيم

_ الي مش فخور بمصريته يابني ميستحقش يعيش فيها ومهما كان احنا السبب لان الي عمل في البلد دي كده هما برده المصريين
مش ناس من بره


- شكرا ليك يا حج وتعبتك معايا

_ لا تعب ولا حاجه بس قولي قبل ما تمشي , انت مين ؟


ايه رايكم فى الموضوع ده






والي اللقاء في القادم


منقول

التائبة الى ربها
20-09-2010, 11:59 AM
الموضوع جميل
تسلم ايدك
وانا مين
انا مصرية بس لسة مش حاسة قوى انى بحب مصر مفيش لغاية دلوقتى لا شئ مادى ولا معنوى حببنى فيها
لكن اكيد انا فخورة انى مصرية لانها ام الدنيا
بس يمكن لو كنت زمان شوية يمكن كنت احبها كتر من دلوقتى
وجزاكى الله خيرا على الموضوع

sympathique
20-09-2010, 01:43 PM
للمرة المليون بتجددوا مواجعنا

كالعادة موضوع متميز من مواضيعك

من الاخر كده بقى

كل اللى احنا فيه ده سببه السلبيه

MR : ABO BATTA
20-09-2010, 04:38 PM
هذا الحوار دار بين مدرستين
الأولى عريقة له جذور وتأصلت وثبت عليها .
والثانية مدرسة هشة ليس لها جذور تغذيها فقد تتعرض للتصدع والانهيار بمجرد هزة بسيطة .
اشكرك يا شيماء على هذه الحوار الجديد القديم ... !!!!

shimaa2009
20-09-2010, 05:26 PM
بجد مشكوررررررين على مرورك الرائع وتعليقاتكم الاروع

دمتم فى امان الله

مستر ايمن محمد راشد
21-09-2010, 05:45 PM
اولاً هو حوار فلسفى رائع يظهر فيه قمة الحب لمصر وايضاً يعكس مظاهر الفساد الرشوة التى انتتشرت بشكل كبير .. ولكن فى مقولة اعجبتنى فى موضوعك الا وهى ((
_ الي مش فخور بمصريته يابني ميستحقش يعيش فيها ومهما كان احنا السبب لان الي عمل في البلد دي كده هما برده المصريين
مش ناس من بره
شكراً يا شيماء على الموضوع

shimaa2009
21-09-2010, 06:49 PM
اولاً هو حوار فلسفى رائع يظهر فيه قمة الحب لمصر وايضاً يعكس مظاهر الفساد الرشوة التى انتتشرت بشكل كبير .. ولكن فى مقولة اعجبتنى فى موضوعك الا وهى ((
_ الي مش فخور بمصريته يابني ميستحقش يعيش فيها ومهما كان احنا السبب لان الي عمل في البلد دي كده هما برده المصريين
مش ناس من بره
شكراً يا شيماء على الموضوع

جزاك الله خيرا مستر ايمن على المرور العطر

وتعليق حضرتك على الموضوع

ديني الاسلام
21-09-2010, 11:16 PM
بجد موضوع حلو فعلا بيعكس السلبية اللي في المجتمع واللي انتشرت اوووي

بس خلاصة القول ان كل واحد يبدا بنفسه ويقدم النصح للاخرين وفرد علي فرد ممكن يتصلح المجتمع للافضل ودي اكيد امنية الجميع

شكرااااااااااا شيماء :)

shimaa2009
22-09-2010, 10:34 AM
بجد موضوع حلو فعلا بيعكس السلبية اللي في المجتمع واللي انتشرت اوووي

بس خلاصة القول ان كل واحد يبدا بنفسه ويقدم النصح للاخرين وفرد علي فرد ممكن يتصلح المجتمع للافضل ودي اكيد امنية الجميع

شكرااااااااااا شيماء :)

ايه النور ده يا ناس

منوره ياجميل الموضوع

جزاكى الله خيرا على المرور العطر

ديني الاسلام
23-09-2010, 03:56 AM
النور نورك وبمواضيعك الحلوة

**كن انت التغير الذي تبحث عنه في مجتمعك ... مما قرات **