السلام عليكم ورحمه الله وبركاته
بصوا ياجماعه انا هتكلم فى موضوع كده عن بلدنا المهم الموضوع هو ايه
انى سمعت على قناه دريم فى برنامج للدكتوره منى الشاذلى جايبين ايه فيه
جايبين خبر ان بلدنا مصر طلعت اكتر دوله بتلقى القمامه فى الشوارع موش كده وبس دى كمان طلعت اكبر دوله فى تلوث الهواء والماء حتى فى الأكل اللى انا عاوزه افهمه بقى ان العيب فى مين
العيب فى المواطن المصرى ولا العيب فى الحكومه اللى موش مهتمه بأى حاجه فى ناس شايفه ان العيب فى المواطن المصرى بس من وجهه نظرى انى شايفه العيب من المواطن المصرى ومن الحكومه
ياجماعه انا هقولكوا ع حاجه
من 15 سنه فى شبرا واكيد انتوا عارفينها راحوا بعض السياح يزوروا المكان ده
وللأسف لقوا القمامه ماليه الشوارع لدرجه ان الناس مكانتش عارفه تمشى فى الشارع وللأسف برضه اننا المصريين مصعبناش على الحكومه وصعبنا على الأجانب طبعا الأجانب لما صعبنا عليهم عملوا إيه
جابوا حاجه زى المطحنة ودى حولت القمامه لسماد عضوى وبكده انقذوا أهل شبرا الغلابه
وآخر حاجه عاوزه أقولها إن
مصر بتحتضر

هو انتى عندك حد فى الحكومه عدل

ماكلهم بتوع مصلحتهم من رئيسهم لاقل واحد فيهم

انما البلد تروح فى داهيه هى واللى فيها

ياما الناس اتكلمو كتير ولا حد بيسأل فيهم

احسن حاجه نسكت الكلام مافيش فيه فايده

الناس اللى بره خايفين علينا واحنا ياولاد البلد مش خايفين على نفسنا

بلا وكسه

والله ياعبدو عندك حق بلا وكسه
شكرا لمرورك

<div align="center">بصى بلدنا فى الترتيب ال26 فى الدول المتخلفه
وبعدين إحنا دوله مش لقيه تاكل وعايشه تقريبا وبنيه نص إقتصادها على المعونه
والعيب دلوقتى فى حاجتين
الحكومه اللى بدوس على اللى خلفونا
وإحنا اللى سيبنهم يهنونا
لحد ماخربو بيت أبونا
</div>

<div class='quotetop'>إقتباس(الامير عبده @ Aug 16 2007, 08:30 PM) 348969</div>هو انتى عندك حد فى الحكومه عدل

ماكلهم بتوع مصلحتهم من رئيسهم لاقل واحد فيهم

انما البلد تروح فى داهيه هى واللى فيها

ياما الناس اتكلمو كتير ولا حد بيسأل فيهم

احسن حاجه نسكت الكلام مافيش فيه فايده

الناس اللى بره خايفين علينا واحنا ياولاد البلد مش خايفين على نفسنا

بلا وكسه[/b]


معلش ياعبدوا انا بتعارض معاك شوية فى الراى وده لايفسد للود قضية

----------------------------------------------------------

العيب فينا وفيهم وهما مش ناس غريبة دول بشر

بس احنا مانملكش عليهم حاجة مانقدرش نحكم عليهم ولكن نقدر نحكم على نفسنا

يعنى ندور الاول على الى نقدر نحكم علية وهوا نفسنا

يعنى الحل بموجذ بسيط

لو كل واحد فى بلدنا أكل ورمى القمامة فى مكانها

وكل واحد عمل ونظف وراة واعتبر نفسة مش فى الشارع بالعكس اعتبر نفسة فى بيتة

مش هنلاقى قمامة

يعنى حد فيكم يرضى يرمى القمامة فى منزلة

...........................................

وبكدا هنكون حلينا نصف المشكلة وبقت سهلة شوية

والباقى على ربنا

هوا ده الحل من وجهة نظرى

؟؟؟؟؟؟؟؟؟؟؟؟؟؟؟؟؟؟؟؟؟


هوه الشعب المصري لاقي ياكل علشان يهتم بنظافة الشارع
الحجات ديه بتاعة الدول المتطوره الغنيه بيهتموا بكل حاجه اما احنا من دو العالم النايمه لما نبقي نصحي
والشعب المصري يلاقي ياكل هنطور ان شاء الله

و عليكم السلام و رحمه الله و بركاته

ازيك يا سيليا احب احيكي علي موضوعك اللي بيطرح ظاهره منتشره جدا و شايفنها كلنا

و الله يا جماعه العيب فينا أولا ثم علي الحكومه ده رايي ليه انا مبقاش نظيف ليه انا مرميش كيس الزباله او السله في حته خاصه بيها عشان مضرش اولادي و اهل بلدي يا ستي مش هقول اهل بلدي عشان محدش يقول شعارات بس انا اخاف علي ولادي و علي أهلي

طب هحكيلك حكايه

انا عندي خال جي من امريكا بقاله حوالي 10 سنين هناك مش عارف انا حكيتلك عنه ولا ايه كان رايح يغير تقريبا فلوس و كنت رايح معاه طلع علبه مناديل و مسح وشه من العرق و عايز يرمي المنديل بيقولي ايه ارميه فين قولتله في الزباله قالي و فين الزباله قولتله هيا كلها سله مهملات ارمي في اي حته... و الله يا سيليا قعد يدور علي سله حوالي 10 دقايق ملقهاش راح حاططها في جيبه و لما روح رماها في الزباله ... تخيلي هما هناك عاملين ازاي تخيلي هوا اتعود علي ايه


في الدول المتقدمه الناس بعد ما بتشرب حاجة او بتاكل حاجة بتعمل ايه

مثلا شرب ازازه كانز تخيلي بعد ما يخلصها بيعمل ايه


بيمسكها يغسلها و يروح نازع اي ورق عليها مثلا او اي حاجة و يروح منشفها كويس اوي

و يروح راميها في السله

لا و مش كدا كمان

لكل حاجة سله

يعني الورق له سله
الحديد و النحاس و الحاجات المعدنيه ليها سله

مش منظره لا .. عشان بتاع الورق بيجي يقوله انا بتاع الورق يروح مديهوله
انا بتاع النحاس
انا بتاع البلاستيك

شوفي حتي كل زبال متخصص ده مش زبال ده كدا باشا

يلا يارب نبقي زيهم

ربنا يهدي الجكيل و جزاكي الله كل خير

وعليكم السلام ورحمه الله وبركاته
عندك حق يا سيليا
بس هقوللك حاجه احنا مش عايزين نتقدم لسببب واحد
اولا احنا لو حد قالنا مترموش القمامه فى غير المكان المخصص هنقول ما هى الحكومه مش بتوفر لنا صناديق واماكن مخصصه
ولو قلتى للحكومه اعملوا لنا صناديق فى الشارع هيقوللك ما الناس مش هترمى فيها
لكن كل واحد عامل التانى شماعه بيعلق عليها حججه
لكن انا من رايى لو كل واحد فينا راعى ربنا وعمل اللى عليه مكانشى ده بقى حالنا
لكن انا الحمد لله لما بكون بره البيت عمرى ما برمى حاجه فى الشارع لكن لو قلت ماهو الشارعمليان يبقى هنفضل زى مااحنا
وشكرا ليكى على مناقشه الموضوع