بسم الله الرحمن الرحيم

بعد ما اسرائيل ضربت اسطول الحريه الي كان متوجه لغزه.....السيناريو المحفوظ لسياسه تعاملنا نحن ك عرب مع
الازمه :

1 - وزراء الخارجيه العرب والرؤساء : نحن ندين وبشده - متاثراوي - هذا الاعتادالمشين وهو ضد الانسانيه وضد

الحقوق البشريه ..وضد حقوق الانسان....وضد الميه..وضد النار..وضد الحشره..وضدالفار

2 - الشباب العربي علي الفيس بوك والمنتديات : يلانجمع مليون واحد يقول لاسرائيل يا وحشين عشان ضربوا
الاسطول

3- حمله خمسميه بطيخه من غير بزر عشان نرميها في وش الاسرائيليين الوحشين الذين هجموا علي الاسطول

4- الرحمه باقيه باذن الله - مش عارف ايه الي جابها هنا -

5- كلنا ضد اسرائيل....انشرها ..وان لم تنشرها ..فانت ..........والشيطان هو اليلعب في دماغك

وخلاك تسرق الدهب بتاع اختك وتبيعه وتجيب بيه موبايل بكمرتين

6 - البرامج الحواريه والتوك شو والاعلام : ان ما حدث هذا ماساه حقيقيه.....نحن لن نصمت !!!!!!
- خلي بالك من الحته دي -

لن نصمت ابدا في مواجهه الاسرائيلين..والتهجمات الاسرائيلين الشنيعه
المشينه الشنيفه السخيفه الشريفه

وبقالي تسعين سنه بسمع في الجملتين دول ومشوفتش اي حاجه غير الصمت

وبعد ما يخلص المزيع ....يستضيفوا محسن بيه : المحلل
الاستراتيجي و خبير التنميه الاقتصاديه والزراعيه

بجريده الاوزان الدوليه الكيلو بجنيه ونص

محسن بيه : ان اسرائيل قد فعلت فعلا مشينا - يا سلام - وانهذا تهكم علي البتنجان الاسود

المزيع : نعم استاذ محسن ولكن وضح لنا ما حدث استراتيجيا

محسن بيه : ان هذا الفعل استراتيجيا ...فعل مشينا - بردو -..وان هذا تهكم علي البتنجان الاسود

وخد عندك بقي اربع سعات رغي

يوم ما نتحرك بقي........وده تحريك شكلي . - اجتماع وزراء خارجيه عرب -

واجتماع يدوم لساعات ...ومناقشات واحتدامات

وبلاوي زرقه ..والناس وشها يحمر


وبعد الاجتماع ..يطلعولنا وزراء الخارجيه العرب قائلين : ..........

............

...........

"""" نحن لن نصمت علي افعال اسرائيل """""

محلوظه عريضه : ........ناس كتير هتسالني ايه الحل طيب ولا انت عايز ايه يعني ....

http://www.youtube.com/watch?v=obFQlq6XZwY


يمكــن الدكتور مصطفى محمود يقدر يوصلكم احســن مني


http://store1.up-00.com/Jun10/zj471483.jpg

هذا تهكم علي البتنجان الاسود

والله دي البصمة اليهودية الي مسحو بيها عقول الشباب عن طريق النت و التليفزيون و الأفلام الاجنبية الجننت بناتنا و أهمهم فيلم twilight w nour

انه حقا تهكم على البتنجان الاسود

هذا يحدث وسيظل يحدث طول ما العرب ملهومش كبير
وعلي رأي المثل " اللي ملوش كبير يشتري له كبير " ,
لكن كل واحد من حكام العرب شايف نفسه هو الكبير
وكل شعب من الشعوب العربية شايف نفسه هو الكبير
والحكمة اللي بتقول " في الاتحاد قوة , وفي الفرقة ضعف "
بقت مجرد شعار غير قابل للتطبيق !!!
الجزائريين معظمهم ثار علي مباراة كرة قدم , وقرروا يتهجموا
علي المصريين في السودان !!!! خدوا موقف فعلي مش بالكلام !!
والمصريين معظمهم اتحدوا علي قلب رجل واحد وطالبوا بالرد علي الاعتداء بالمثل , ومستحلفين لهم !!!
هل في شعب منهما انتفض واتحد وعمل فعل يرد بيه علي الانتهاكات الاسرائيلية المتكررة ؟!!!! لا ... هنا احنا بنشجب وندين ونستنكر ونأبي ونناشد !!!!!!!!!!
" يا فرعون ايه فرعنك , قال ملقتش حد يردني !! "
قال الله عز وجل " واعتصموا بحبل الله جميعاً ولا تفرقوا " صدق الله العظيم .
واحنا لا عندنا اعتصام بحبل الله ولا احنا متحدين , يبقي حننتصر ازاي ؟!!!!!!!!!
احنا في عصر محتاجين واحد زي " الحجاج بن يوسف الثقفي " يوحد المسلمين بالقوة بالغصب في مواجهة أعدائنا .
العرب للأسف والحزن الشديد بياخدوا موقف فعلي من بعضهم البعض فقط !!!
بصوا علي لبنان , العراق , الصومال , السودان , ايران
أين المغرب , الجزائر , تونس , البحرين ؟؟؟
أين دول الخليج ؟؟؟
أين مصر ؟؟ أين خير جنود الأرض ؟؟
فين أيام الدولة الأموية وبدايات الدولة العباسية ؟؟؟
كان العالم كله يخشي من الدولة الاسلامية , دولة واحدة , وحدة واحدة , قضية واحدة !!!
يظهر ما فيش أي أمل غير انتظار نزول السيد المسيح عليه الصلاة والسلام .

ويبقى البتنجان كما هو عليه