السلام عليكم
انا شوفت منظر النهاردة هو كل يوم بشوفة بس النهاردة كان زيادة عن اللزوم وبجد انا مش قادرة اكمل
ارملة وام ل5 اولاد وبنت مات زوجها قبل ما يتزوج احد من اولاده كافحت وزوجت ابنها الكبير المصاب بمرض القلب وبعد لما شافت الويل فى زواجه من تكاليف ومصارف اخد مراته وسابها وسكن بعيد عنها
وبعديها بحوالى سنة تزوجت ابنتها ومش بتزورها خاص ونست انها ليها ام
تبقى لها 4 اولاد الكبير فيهم شاب فى مقتبل العمر سنه حوالى 21 سنة ده بقى المفروض انه يشتغل ويساعدها بدل ماهى متمرمطة انا بشوف شباب بتتمنى انها تتخرج بسرعة علشان تساعدة والديها انما ده بيضربها ويبهدلها وياخد منها الفلوس علشان يشرب بانجو وحشيش ايوة بانجو ةحشيش
التانى بقا ربنا معاه عنده 18 سنة ومصاب بمرض خبيث فى قدميه وبرده مش حنين عليا ابدا بيبهدلها ويضربها وهى صابرة ومستحملة
التالت عنده 15 سنة دا بقا حالته حالة داير صايع لا مدرسة يروح ولا شغل يشتغل وبرضه زى اخوه الكبير بيطعاطى المخدرات
اما الرابع ربنا يخلهولها هو احسن واحد فيهم هو فى ستة ابتدائى السنادى وهو اكتر حد بيعاملها كويس
وامبارح اتلمو عليها كلهم وقعدوا يضربوا فيها لحد اما اتعورت والناس ودتها المستشفى وحالتها خطرة
هل هى دى جزاتها اللى بتشقى وتتعب علشان توفرلهم اللقمة اللى بيكلوها
والله ده حرام وده مجرد نموزج من اللى بشوفه كل يوم
ادعولها ربنا يشفيها علشان ابنها الصغير بس
ربنا يشفيكى يا ام اشرف

ربنا يشفيها ويهدى اولادها ليها فعلا معظم الشباب اليومين دول بقو حاجه صعبه والله الواحد بيحزن عليهم

تعرفى كان فيه واحده صحبتى اغمى عليها مره وودينها المستشفى بسرعه جنب الكليه

لقينا شاب داخل علشان يعلق محلول علشان البانجو اللى بيشربه وسمعت الدكاتره بتقول الواد ده هيموت من كتر المخدرا ت اللى بيخدها بجد انا زعلت فى نفسى اوى يعنى حرام لما يبقو شباب كده وامل الامه ويموتو علشان المخدرات

ربنا يهديهم بجد

بصراحه موضوع صعب اوى

جزاكى الله خيرا على روحك الطيبه

انا بجد متشكرة لمرورك العطر
والله ده مش حاجة جنب اللى بشوفه كل يوم وزعلانة جدا ان ده بقا حال المسلمين وربنا معانا
يوم القيامة قرب جدا

لا حول ولا قوة الا بالله العلي العظيم
ربنا يشفي ويهدي الجميع بأذن الله

امين يارب
مرسى يا محمد لمرورك

طبعاً الموضوع في ظاهره مأساة وجحود وقلة أدب ليس لها وصف .
لكن هي كمان لها دخل فيما يحدث لها الآن , لأن ده راجع لسوء
التربية وغالباً بيكون في حاجات وأسباب غير معلنة لكثير من الناس.
يحصد الانسان ما يزرع .
شفاها الله وهداها وهدي أبنائها وهدانا جميعاً لما يحبه ويرضاه.

مش عارف أقول اية
فين الرحمة ال ربنا حطهلنا؟
انا استحالة أزعل أمي مهما حصل

صورة من صور المآسي ال بنسمع عنها كل يوم ،:frown:
الطف بينا يارب ،

ربنا يشفيها ويعافيها،
ويهدي اولادها يارب،

طبعاً الموضوع في ظاهره مأساة وجحود وقلة أدب ليس لها وصف .
لكن هي كمان لها دخل فيما يحدث لها الآن , لأن ده راجع لسوء
التربية وغالباً بيكون في حاجات وأسباب غير معلنة لكثير من الناس.
يحصد الانسان ما يزرع .
شفاها الله وهداها وهدي أبنائها وهدانا جميعاً لما يحبه ويرضاه.
هى مش ليها ذنب بس زوجها بقى الله يرحمة انا مش عايزة اشوه صورته وهو ميت
بس هى ملهاش ذنب تحصد اللى زرعه هو الله يرحمه
مرسى لمرورك ونورت التوبيك

ربنا يهديهم جميعا ويشفيها ويجعل صبرها على هذه المصائي في ميزان حسناتها

-------------------------------

ربنا يشفيها ويعافيها،
ويهدي اولادها يارب،

امين يارب وجزاكم الله خيرا