bassemtaha
21-09-2010, 07:24 PM
السلام عليكم ورحمة الله وبركاته
القرار 230 الخاص بالتقويم الشامل او ملف (الاعجاز)
في مادتين عكس بعض تماما وانا مش فاهم حاجة فيهم خالص
في صفحة 2 المادة الرابعة القرار بيقول ان ملف الانجاز هيكون نجاح ورسوب فقط ولا تضاف درجاته الى درجات الطالب وانما تحتسب له الدرجات الفعلية في امتحان التيرمين
لحد كدة كويس ولكن
في صفحة 8 الخاصة بعملية احتساب درجات المتعلم الباشا حاطط درجات ملف الانجاز ضمن درجات الطالب بالظبط زي العام الماضي ماعدا فقط الغاء 15 درجة بتوع النشاط وتوزيعهم على التحريري والشفوي
ياترى بقى اصدق اي مادة فيهم والاتنين في قرار وزاري واحد
ياريت لو حد فاهم يفهمني قبل ما يحصلي حاجة
وكل عام وانتم بخير
sobhy333
21-09-2010, 07:43 PM
اغلبنا زى حضرتك مش فاهمين هينضاف لدرجات الطالب أم لا ، بس ساكتين لما موضوع الكتب ينتهى بين مرتضى باشا منصور والوزارة ، وتبقى الوزارة تفضالنا شويه علشان تفهمنا ، ويكون الفصل الدراسى الأول أوشك على الانتهاء ويبعتوا فى الفصل الدراسى الثانى وعليك بخير حاجه اسمها بيان توضيحى لملف الانجاز وطبعاً هنكون بنجهز لكنترول المدرسة والامتحانات تم طباعتها . ( عظيمه يامصر يا أرض النعم يامهد الحضارة يا أصل الكرم نيلك دا سكر جوك معطر بدرك منور بين الأمم عظيمه يامصر عظيمه يامصر يا أرض النعم . )
الإضافة للمجموع
لصفوف النقل
و عدم الإضافة
للشهادة الإعدادية
مينا دعريش
21-09-2010, 10:00 PM
سؤال عن ملف الانجاز محيرنى هل يختار الطالب الانشطة المضافة فى النقل من العربى _ والدراسات والانجليزى والعلوم والرياضيات والحاسب والرسم ولا الخمس مواد الاساسية ويهمل الحاسب والرسم عند اختيار الطالب للنشاطين المضافين وكل سنة وانتم طيبين
هناك مادتان يختارهما الطالب لملف الإنجاز
يختارهما من كل المواد
ومنها الفنية و الحاسب
وهناك نشاطان يختارهما الطالب من الأنشطة
و كل نشاط له 10 درجات
ايمن شليح
22-09-2010, 11:02 PM
النجاح والرسوب في ملف الانجاز
للصف السادس الابتدائي والثالث الاعدادي
ولا يضاف للمجموع
اما
من الصف الثاني الابتدائي الى الثاني الاعدادي
يضاف الى المجموع الكلي
النشاط المصاحب 1، 2 كل نشاط 10 درجات
درجة الامتحان الكلية 320 + 20 النشاطين = 340 هي الدرجة الكلية
صفاء عزمى
23-09-2010, 04:49 AM
في 3 ع هل الطالب يختار مادتين فقط يمتحن فيهم ملف انجاز لو رسب فيهم يحرم من الامتحان
اما كل مواد ملف انجاز وفقط مادتين يختارهم للنشاط
سؤال اخر لو رسب طالب في عربي فقط ونجح في باقي مواد هل يحرم من كل امتحانات ام من عربي فقط
عوض محمد محمد
23-09-2010, 08:55 AM
المادة الرابعة صفحة 2 خاصة بالصف الثالث الاعدادى فقط ولا يضاف درجات ملف الانجاز للمجموع الكلى
أما توزيع الدرجات صفحة 8 خاصة بالمرحلة الابتدائية وتضاف درجات ملف الانجاز للمجموع الكلى للدرجات
a7madxxx
23-09-2010, 01:18 PM
iهذا الأمر يخص الصف الثالث الإعدادى فقط
ربيع النوبى
23-09-2010, 08:03 PM
في 3 ع هل الطالب يختار مادتين فقط يمتحن فيهم ملف انجاز لو رسب فيهم يحرم من الامتحان
اما كل مواد ملف انجاز وفقط مادتين يختارهم للنشاط
ملف الانجاز فى جميع المواد ويختار مادتين للنشاط
سؤال اخر لو رسب طالب في عربي فقط ونجح في باقي مواد هل يحرم من كل امتحانات ام من عربي فقط
l
يحرم من العربى فقط ويحق له دخول امتحان المواد التى نجح فى ملف انجازها
مصرى واعتز
15-10-2010, 12:26 AM
ايه اللى مفهوش لغز
الدنيا كلها الغاز
جماااال
08-11-2010, 10:50 PM
يا سادة اختيار مادتي النشاط يجب ان يكون من المواد الخمس الاساسية فقط
وتعالى اتفرج على المهازل اللى بتحصل كل الطلبة ان لم يكن اغلبهم حيختاروا مادتين من العربى ، دراسات، رياضيات ، علوم
وحيتركو الانجليزى ما هو متقدرش تجبر طالب على اختيار مادة بعينها سيبه هو حر فى اختياراته
وفى النهاية ملف الاعجاز حتلاقيه سمك - لبن - تمر هندى
هو ده التطور ولا بلاش وسلملى على التعليم
ahmedabdo3
08-11-2010, 11:25 PM
استاذى فى القرار قال ان يتم اختيار مادتين للنشاط من المواد الاساسية , طيب هو قال الخمسة ؟ الحاسب الآلى فى الاعدادية من المواد الاساسية