|
مشاهدة النسخة كاملة : انا جايب 88% عايز اعرف لما اكمل علمى رياضة mostafa02000 23-09-2010, 10:47 AM انا جايب 88% عايز اعرف لما اكمل علمى رياضة و شديت حيلى شوية ممكن الحق فنون جميلة عمارة (فنون عمارة:هندسة عمارة بس ال 5 سنين عمارة) و ياريت الرد عليا :giljotiiniug3: ayman210 23-09-2010, 12:18 PM لو شديت حيلك تلحق وربنا معاك انا عن نفسى جبت 82% وحكمل علمى رياضة عشان نفسى اخش علوم محمود فتحي م 23-09-2010, 04:57 PM طبعا كمل علمي و ما تحولش ادبي لان الادبي كله كليات نظرية و احتياجات سوق العمل علمية مثل الهندسة والطب و الصيدلة........الخ المهم تعمل اللي عليك بضمير و النتيجة دي بتاعت ربنا ولو جبت مجموع قليل لقدر الله و عملت اللي عليك تاكد ان ربنا شايف لك حاجة احسن من اللي انت بتتمناها mostafa02000 26-09-2010, 09:15 PM شكراا ليكوا يا رجالة m_adel_143 27-09-2010, 02:07 PM بص ياحبيبي انا هنصحك كأني بنصح نفسي بالضبط لاني اكبر منك وكيد شفت تجارب كتير قدامي وانا دلوقتي مدرس رياضيات شوف امتي تكمل علمي ؟ لو امكانياتك المادية كويسة ومستواك معقول ( ودي متوفرة مستوك كويس ) كمل علمي حتي لو ملحقتش ندسة ادخل جامعة خاصة ايا كانت الشروق او السلاب ( المنصورة ) او اي هندسة خاصة ولما تتخرج هتلاقي شغل ان شاء الله بس دي هتعمل نقلة في حياتك كبييييييييرة لو دلت هندسة ايا كانت بس كله متوقف علي ظروفك المادية امتي بقه تدخل ادبي ؟ لو ظروفك ماتسمحش انك تكمل هندسة خاصة لانها بتاخد مصاريف يمكن كبيرة علي البعض مننا يبقي طريقك هو ادبي ليه بقه ادبي؟ لانك لو جبت في ادبي 88 سهل جدا تلحق تجارة لكن 88 علمي ممكن متلحقش تجارة عرفت ليه بقوك يبقي تحول ادبي وعلي فكرة تجارة مش وحشة بالعكس والله جميلة انا دخلت تربية رياضيات لاني ملحقتش هندسة وكان قدامي اختيارين اني احول تجارة او هندسة خاصة لكن كنت شايف اني مااستحقش الفلوس الللي اهلي هيصرفوها عليا . بس كنت غلطان واكبر غلطة غلطتها في حياتي اني مادخلتش هندسة خاصة لانها بتعمل نقلة مادية رهيبة في حياة الانسان واناا شفت ده قدام عيني اما عن تجارة فبرده زمايلي اللي اخدوا تجاةر عربي او تجارة انجلش سافروا وشغالين كويس جدا وماشاء الله عليهم ربنا يبارك فيهم ويكرمهم انا بقولك كل الاختيارات عشان تبقي شايف الصورة كاملة مش لازم تشتغل الحاجة اللي بتحبه انت لازم تشتغل الحاجة اللي هتريحك ماديا وتأمنلك مستقبلك انا كنت بفكر زيك بس صدقني راحتك وسعادتك = راحتك المادية لو هتكمل علمي _____ يبقي تكون مستعد انك تكمل هندسة خاصة وبس مش غيرها ... وامكانياتك المادية تساعدك لو هتكمل ادبي ______ يبقي تشد حيلك وتجيب مجموع كويس عشان تدخل تجارة وياريت لو انجلش وتاخد icdl وياريت لو تاخد تويفل او ايلتس كمان بالاضافة لدبلومة اعداد محاسبين وكام برنامج محاسبة كده وظبط نفسك بكل الدورات دي خلال فترة دراستك في الجامعة اثناء الاجازات الصيفية بحيث لما تخلص كلية تكون واخد كورسات مفيدة ومطلوبة في شغلك اظن انت كده عرفت الامور هتمشي ازاي فكر وصلي استخارة وربنا يوفقك ياحبيبي بس الاهم من ده كله بلاش تفكر كتير في المستقبل وتنسي الحاضر اللي انت عايشه لازم تركز في دراستك عشان توصل للمجموع الللي انت عايزة سواء علمي او ادبي ما المستقبل فانت اكيد هتقرر انت عايز ايه وتنساه مؤقتا لغاية ماتجيب المجموع اللي نت عايزه وبعد كده تبدأ تفكر ازاي توصل لاهدافك الي انت رسمتها دي وياااار ب بالتوفيق وربنا يكتبلك الخير دايما mostafa02000 28-09-2010, 02:55 PM شكراا ليك يا مستر عادل بس هى فنون جميلة عمارة حلوان ممكن تاخد من كام ااسنة دى؟ remssmsm 22-12-2010, 05:38 AM لا طبعا كمل علمي انا جايبه 80 وهكمل وانشاء الله لو شدينا في المزاكره طبعا هنلحق mostafa02000 22-12-2010, 07:56 PM ان شاء الله dody_2_20000 23-12-2010, 03:00 AM كمل يابنى ربنا معاك و معانا الدور و الباقى عاللى فرحنللى با 90% اللى جايبهم بس السنة دى مش بيذاكر خالص و بيعتز بالماضى تنصحووه با يه و النبى (انا) dody_2_20000 23-12-2010, 03:07 AM عايزين امتحانات السنوات الماضية يمكن نتعذ notime_foralove 25-12-2010, 03:00 AM انا جايب 84% وفى علمى رياضه عايز الحق هندسه ممكن الرد بسرعه narutotayaa 25-12-2010, 09:43 PM ارجو الرد سريعا انا جايب 90.7% ممكن ادخل هندسة karim elsamkary 27-12-2010, 08:20 PM ممكن تدخل بس شد حيلك وجيب 95 السنه الجايه وان شاء الله هتلحق انا جايب 85 ومكمل رياضه mostafa02000 29-12-2010, 02:52 PM ربناا معاانا كلنا و ان شاء الله كل واحد هياخد نصيبه mohamed b 29-12-2010, 05:58 PM انا جايب 93.1 وحاسس ان انا مش هالحق بردو لان ممكن التنسيق يبقى عالي amrfahmy65 29-12-2010, 11:38 PM ياريت حد يرد ويقول الكليات هتاخد كام هذا العام the red flower 02-01-2011, 07:24 PM ////// god with us/////// story.ending 21-01-2011, 07:22 PM لو سمحتم يا جماعه انا فى تانيه وعاوزه اكمل علمى رياضه ان شاء الله يا ترى من خلال دراستكم لعلمى الرياضه هوه كويس ولا زى ما الناس بتقول محمد نيزار فتحى 25-01-2011, 12:27 AM مفيش حاجه صعبه ان شاء الله هى لو ذاكرتها كويس وحليت مسائل كتير بالخصوص الاستاتيكا والديناميكا لانهم أكتر حاجه بتتنسى مع انى لسه مشفتش الديناميكا نظامها ايه بس المستر بيقولنا هى زى الاستاتيكا ويمكن اصعب كمان بس ربنا يستر علينا العاشق بودى 25-01-2011, 04:11 AM انا جايبة 95 % بس مش بذاكر خالص السنة دى وحسة انى حتى مش هجيب الهندسة ربنا يستر |