ظاظا رئيسا للجمهورية [الأرشيف] - بوابة الثانوية العامة المصرية

مصرية وبحب بلدي

23-09-2010, 06:44 PM

السلام عليكم
امبارح كنا قاعدين انا ووالدى ومحمد اخويا قدام التلفزيون وانا بقلب لقيت اخر جزء من فيلم ظاظا رئيس للجمهورية
اللى هو كان بيتخذ فيه قرارات لما بقا الريس وهاقلكم عليها
عزل كل الوزراء ومعاقبتهم على الفساد
والغاء كل المعاهدات الدولية مع اسرائيل
وكمان شرا نووى وبقا عندنا نووى احنا عندنا نووى
الله حلم جميل هو اصدر قرارات تانية بس دول اهم ما فيهم
بس يا خسارة هو اتقتل فى الاخر دا طبعا طبيعى المهم دا مش موضوعنا
بعد اما خلص الفيلم سألت سؤال
هل ممكن دا يحصل فعلا؟
رد والدى وقال مستحيل بدون تعليق
ومحمد اخويا رد وقال ممكن بس لما مصر يبقى فيها راجل بس راجل مصر عاوزة راجل
فى الحقيقة انا من رأى والدى لان ما اعتقدش ان الراجل ده موجود
هل ده ممكن يتحقق فعلا ولا مستحيل؟
انا قولت رأيي ومستنية ارأئكم
فى رعاية الله واتمنى تفاعلكم

usernamo

23-09-2010, 06:49 PM

سنة 2050 .. حتمال تكون فيه امرأة ولدت رجلاً .. ام لذلك الوقت فالنساء و الرجال واحد

عاشقه الدراسه

23-09-2010, 07:02 PM

انا كمان شفت شويه فى الفيلم وقلت لازم اكمله للاخر مع ان مش عندى وقت
بس استفزنى شخصيه الريس فى الفيلم
الشخصيه مش متراكبه مع بعضها اولا جاى انسان سطحى منعدم الثقافه (فى اجزاء كتيره من الفيلم )
وبعدين اخد قرارت جديه فى اخر الفيلم
بالرغم من عدم التوافق فى شخصيه ظاظا
الا ان فعلا القرارات اللى اخدها فى الاخر احنا فى امس الحاجه ليها
واغتياله فى الاخر كان متوقع !!

Dr.Silent

23-09-2010, 07:05 PM

ممكن يحصل وقريب كمان

لو احنا قررنا نتغير بجد

مش كلام شعارات وخلاص

مصر كلها رجالة لكن شغل الارهاب والاعتقال اللى بيحصل هو

اللى بيخلي الناس تخاف

شكرا ع التوبيك موضوع فعلا جميل

مصرية وبحب بلدي

23-09-2010, 10:04 PM

شكرا ليكو جدا على المرور الاكثر من رائع
انا عارفة ايه الخطة اللى ما شية فى البلد
جوع الناس علشان ما تقدرش تتكلم الا عن اللقمة
الناس هنا مابيدوروش الا عن لقمة عيشهم يخافو يتكلمو فى حاجة تانى يروحو ورا الشمس
وساعتها محدش هاينفعهم
هى دى الخطة بالزمة مش خطة استراتيجية رهيبة
دا امريكا وصل بيها الحل انها ترمى القمح فى البحر وماتصدرهوش لينا علشان ما نقدرش نفتح بقنا
الله معنا

مصرية وبحب بلدي

23-09-2010, 10:29 PM

مصرية وبحب بلدي

23-09-2010, 10:32 PM

سنة 2050 .. حتمال تكون فيه امرأة ولدت رجلاً .. ام لذلك الوقت فالنساء و الرجال واحد
والله عندك حق وعلى رأى سيد ابو حفيظة
السلام عليكم سيداتى سيداتى لان لحد دلوقت ما ظهرش رجالة
مرسى لمرورك

مصرية وبحب بلدي

23-09-2010, 10:34 PM

ممكن يحصل وقريب كمان

لو احنا قررنا نتغير بجد

مش كلام شعارات وخلاص

مصر كلها رجالة لكن شغل الارهاب والاعتقال اللى بيحصل هو

اللى بيخلي الناس تخاف

شكرا ع التوبيك موضوع فعلا جميل
حضرتك متفائل جدا
بس انا خلاص فقدت الامل
والله العظيم خيفة اموت ومصر لسة على حالها واكيد ده هايحصل
لان مبارك وجمال واحد
وشكرا لمرورك نورت التوبيك

سمر2000

24-09-2010, 04:05 AM

لمل يبقى اكلنا من ايدنا يبقى نملك قرارنا ومحدش ليه عندنا حاجه

مصرية وبحب بلدي

24-09-2010, 04:56 PM

بس امتى ده هايحصل
مشكورة على المرور

مصرية وبحب بلدي

24-09-2010, 11:07 PM

انا كنت متوقعة انى اشوف اراء كتير
بس للاسف محدش عارف يجاوب على السؤال
هوصعب للدرجة دى؟

Mr. Ali 1

24-09-2010, 11:58 PM

مش عايز أرد عشان ما يجلكيش انهيار أو احباط بسبب كلامي.
لكن فيه تساؤل
موضوعك ده ورأيك فيه - موضوع علمتني أمريكا ورأيك فيه

مصرية وبحب بلدي

25-09-2010, 01:11 AM

مش عايز أرد عشان ما يجلكيش انهيار أو احباط بسبب كلامي.
لكن فيه تساؤل
موضوعك ده ورأيك فيه - موضوع علمتني أمريكا ورأيك فيه
اولا حضرتك ممكن ترد زى ما انت عايز لان الموضوع د ه للنقاش
وبعدين خلاص انا احدت على الكلام ده
وبالنسبة لموضوعى ده انا بتكلم فيه على الحكام مش الشعب
انما هناك بنتكلم عن الشعب واللى هو مصر
وانا قولت رأيى هنا بصراحة لان الحكام لايمثلو مصر ابدا بالنسبة ليا
وشرفت الموضوع بمرورك العطر وفى انتظار رأى حضرتك وبدون مجاملة

Mr. Ali 1

25-09-2010, 01:30 AM

والحكام دول مش مصريين؟!!
الوزراء وكبار المسؤلين مش مصريين؟!!
رجال الأعمال اللي واكلين البلد مش مصريين؟!!
الموظفون المرتشون في كل مكان في البلد مش مصريين؟!!
طلاب الجامعات اللي كل همهم اصطياد البنات أو اصطياد الشباب مش مصريين؟!!
طلاب المدارس اللي تعليمهم وسلكوهم خطأ مش مصريين؟!!
لاعبين الكرة اللي بياخدوا ملايين عشان يلعبوا مش مصريين؟!!
الفنانين والفنانات اللي الواحد مبقاش عارف اساميهم من كترهم مش مصريين؟!!
المطربين والمطربات والراقصات وهوس غالبية الشباب عليهم مش مصريين؟!!
الأطباء , المهندسين , المدرسين , المحامين , ....... معدومي الضمير وما أكثرهم مش مصريين؟!!
الأباء والأمهات اللي اتخلوا عن دورهم في التربية السليمة مش مصريين؟!!
مرتادي الكباريهات والأماكن المشبوهة وما أكثرهم مش مصريين؟!!
التجار وأصحاب المحلات اللي بيزودوا الأسعار كيفما يحلو لهم مش مصريين؟!!
وغيرهم كتير اوي ....
يبقي باقي مين من الشعب المصري؟!!
مجرد أقلية لا تستطيع أن تغير من أمرها شيء !!
يبقي احنا منتظرين اللي يحكمنا يبقي كويس ازاي؟!!!

نقطة أخيرة
قرأت رأيك في موضوع " ايه أكتر مشكلة يواجهها الشباب في مصر ؟"
وكان ردك هو " انه مش لاقي نفسه في بلده "
وانا موافق , بس تفتكري هو ليه مش لاقي نفسه ؟؟ يعني العيب فيه ولا في حاجة تانية
وحاجة تانية دي انتي فاهمة أنا أقصد ايه بيها . دا بس عشان خاطرك محبتش اجيب سيرة " ماما "!!

مصرية وبحب بلدي

25-09-2010, 01:45 AM

والحكام دول مش مصريين؟!!
الوزراء وكبار المسؤلين مش مصريين؟!!
رجال الأعمال اللي واكلين البلد مش مصريين؟!!
الموظفون المرتشون في كل مكان في البلد مش مصريين؟!!
بس بردو فيه موظفين محترمين وبرده مصريين
طلاب الجامعات اللي كل همهم اصطياد البنات أو اصطياد الشباب مش مصريين؟!!
بس فيه شباب عايزين يتخرجوا ويعملوا حاجة لبلدهم ومصريين واعتقد ان اناوانت مثلا منهم
طلاب المدارس اللي تعليمهم وسلكوهم خطأ مش مصريين؟!!
في كمان طلاب تعليمهم وسلوكهم صح ومصريين
لاعبين الكرة اللي بياخدوا ملايين عشان يلعبوا مش مصريين؟!!
لاء بقا دول اوعى تتكلم عنهم دول فى دنيا لوحديهم دول عايزين موضوع لوحديهم موضوع ايه دول عايزين قسم ولا منتدى بحالو
هههههههه
الفنانين والفنانات اللي الواحد مبقاش عارف اساميهم من كترهم مش مصريين؟!!
بس بردوا ام كلثوم وحليم وعبد الوهاب مصريين
المطربين والمطربات والراقصات وهوس غالبية الشباب عليهم مش مصريين؟!!
كل بلد فيها كدة مش مصر بس وفيه كمان اللى بيحبو عمرو خالد والشيخ محمود المصرى ومصريين
الأطباء , المهندسين , المدرسين , المحامين , ....... معدومي الضمير وما أكثرهم مش مصريين؟!!
وكمان في اطباء ومهندسين ومحاميين عندهم ضمير ومصريين
الأباء والأمهات اللي اتخلوا عن دورهم في التربية السليمة مش مصريين؟!!
وفى كمان اباء وامهاتربوا اولادهم احسن تربية زى والدى ووالدك واباء الكثير من المحترمين وبردو مصريين
مرتادي الكباريهات والأماكن المشبوهة وما أكثرهم مش مصريين؟!!
وكمان فيه معتكفين فى المساجد و بردوا مصريين
التجار وأصحاب المحلات اللي بيزودوا الأسعار كيفما يحلو لهم مش مصريين؟!!
وفيه كمان تجار بيتعاملو بضميرهم بس حكاية الاسعار دى ما اقدرش اعارض حضرتك فيها
وغيرهم كتير اوي ....
يبقي باقي مين من الشعب المصري؟!!
يبقى كل اللى انا قولته
مجرد أقلية لا تستطيع أن تغير من أمرها شيء !!
يبقي احنا منتظرين اللي يحكمنا يبقي كويس ازاي؟!!!
محدش قال انهم اقلية دول كتير جدا بس ساكتين علشان لقمة العيش
ومرسى لمرورك وتقبل رأيى

Mr. Ali 1

25-09-2010, 01:55 AM

أكيد فيه ناس كويسين في مصر بس مش كتير زي ما انتي فاكرة
علي فكرة انا اتخرجت من زمااااان واحتكيت بناس كتير أوي , مش معني كده
ان لازم اللي أقوله يكون هو الصواب ... لا .
لكن والله الفاسدين في هذا البلد أكثر من الصالحين .
يا ريت كانوا الصالحين أكتر كان حالنا غير الحال وكلامنا غير الكلام .
وعلي فكرة لو العرب شاهدوا كلامي ورأيي هذا فتأكدي انهم من داخلهم
يحسدوننا علي حرية التعبير عن الرأي , بينما هم لا يستطيعون ذلك علي الرغم
من القهر والظلم الذي يعانونه من حكامهم .
وبعدين بالله عليكي سأثبت لك من ردك بمثال واحد أن الفاسدين أكثر من الصالحين
يعني لو عاملنا مقارنة بين مرتادي الكباريهات والأماكن المشبوهة وبين معتكفي المساجد
مين يطلع أكثر عدداً والنسبة بينهما كام؟!!

مصرية وبحب بلدي

25-09-2010, 02:00 AM

Mr. Ali 1

25-09-2010, 02:10 AM

مصرية وبحب بلدي

25-09-2010, 02:17 AM

أنا سبق وقلت رأيي في أمريكا
فيها حاجات كتير كويسة وفيها حاجات كتير سيئة " ده بالنسبة لنا كمسلمين "
بالنسبة للكوب اللي نصفه فاضي , هو فين النصف المليان ؟!!!
دا كلام حكومة بتقول انظر للنصف المملوء من الكوب , يعني أتخيل
ان الكوب فيه ماء وكمان نصفه مملوء؟؟!!
يعني أخدع نفسي أو أعيش في وهم؟!!
يا ريت الكوب كله يكون مليان , هو انا أكره !!!
بص حضرتك زى ما قلتلك فى الموضوع التانى بس انت لسة ما قرتهوش
ان انا مقتنعة بكلامك بس غيرتى على مصر يمنعنى انى اتكلم عليها كدة
بس انا استسلمت ان كلامك صحيح بس بردوا مش مفروض اننا نعبر عنه كدة فى طريقة احلى للتعبير عنه
وعلى فكرة محمد اخويا قاعد جمبى ومقتنع بكلامك جدا وعمال بيضحك عليا لما مش لاقية كلا اقوله

Mr. Ali 1

25-09-2010, 02:25 AM

شفتي بقي أهو محمد متفق معي في الرأي يعني
الرد جايلك من بيتك نفسه !!
وشهد شاهد من أهلها والحمد لله .
والله أنا قصدي كله صالح هذا البلد ونفسي يبقي فيه
بادرة اصلاح حقيقي وانا أكون أول من يساند ويؤيد ويدعم
ويدافع عن هذا البلد بكل ما أوتي من قوة " بس قوة أقل من قوة الاسلام "
وعقبال ما تتخرجي وتبقي محامية شاطرة زي مرتضي منصور , بس اوعي أول قضية
ترفعيها عليا أنا !!!

مصرية وبحب بلدي

25-09-2010, 02:29 AM

Mr. Ali 1

25-09-2010, 02:38 AM

ومحمد أخوكي هيهون عليكي؟!!
طيب أنا حروح وأوكل مرتضي منصور
والمفروض انك عارفة انه لا يخسر قضية !!!

مصرية وبحب بلدي

25-09-2010, 02:43 AM

ومحمد أخوكي هيهون عليكي؟!!
طيب أنا حروح وأوكل مرتضي منصور
والمفروض انك عارفة انه لا يخسر قضية !!!
اه محمد اخويا يهون عليا علشان مصر دا انا تهون عليا نفسى ولا مصر تزعل
مرتضى منصو مين هاتشوف دا انا معايا مستندات ويجى مليون شاهد
حضرتك ناسى الكلام انت كتبته فين ولا ايه

Mr. Ali 1

25-09-2010, 02:52 AM

وأنا عندي كلمة الحق أهم من أي شيء آخر !!!
وبعدين كده حبقي بطل قومي والناس تفضل
فاكراني لمدة طويلة . بس مش عارف الناس اللي في مصر
ولا بره مصر؟!!!
اوعي تقولي لا دول ولا دول !!
يبقي ساعتها مفيش فايدة والبلد مش حتتغير , وحتهدي كل اللي
انتي دافعتي عنه .
وانت يا محمد متحملش أي هم مرتضي حيدافع عنك معايا
ونبقي نشوف مرتضي ولا أختك ؟!!!!!!!!!!!!!!!!!!!

Hopeful Girl

25-09-2010, 02:59 AM

أكيد فى ناس محترمين ورجالة بجد. أنا عارفة انهم قليلين بس موجودين .لذلك دعنا لا نفقد الامل فى واحدكويس ان شاء الله .

ممكن ده مايحصلش دلوقتى ممكن بعد فترة من الزمن .ممكن تيجى صدفة .

ما أعتقدش ان ربنا هيسيب مصر بالطريقة دى . وعلى فكرة احنا المذنبين مش الحكام لاننا بعدنا عن ديننا وظلمنا فى الارض
وربنا قال انه عندما يريد أن يذل قوم فإنه يرسل اليهم حاكم ظالم

بس أكيد ربنا هيحمينا بإذنه لان مصر ذكرها بكل الخير فى القران الكريم

تقبلى مرورى

:stickjo4::078111rg3::stickjo4::078111rg3::huh::hu h::stickjo4:

**تسابيح**

25-09-2010, 08:45 AM

أكيد في الأحلام ....
لأن الكوسة منتشرة ف البلد
يابنتي عشان البلد دي تتقدم\
لازم يكون فيه مقدمات!!

مصرية وبحب بلدي

25-09-2010, 11:33 AM

انا بجد محتارة الكلام كلو انا مقتنعة بيه
مع انه متناقض مع بعضه جدا
عموما شكرا لكل اللى شرفو الموضوع بردودهم وزادو حيرتى

Hanan EsSam

25-09-2010, 12:11 PM

امل مصر دلوقتى هوا ان التعليم يبقي بجد

دلوقتى التعليم بايظ والمدارس بايظه

وربنا يسطر

واحنا امل مصر بعد اللى مقدروش يعملوا حاجه لبلدهم

coody

25-09-2010, 05:54 PM

صعب صعب صعب
لغاية ما حد كبير يفهم يعني ايه وطن و يحاول يفهم الحصار اللي كل ثانية بيتمد علينا ده
ساعتها لو نطق مية هيسكتوه
و لو واحد معاه نطق و وصلت لشعبنا الجميل يبقي مستحيل هيوقفوا
لكن المسئول ده لسه شوية عليه علي ما يظهر

مصرية وبحب بلدي

25-09-2010, 06:33 PM

امتى بس الكلام ده يحصل
اعتقد انه مش ممكن يحصل بطول ما مصر فيها حسنى مبارك وابنه

مصرية وبحب بلدي

26-09-2010, 04:08 PM

امل مصر دلوقتى هوا ان التعليم يبقي بجد

دلوقتى التعليم بايظ والمدارس بايظه

وربنا يسطر

واحنا امل مصر بعد اللى مقدروش يعملوا حاجه لبلدهم
عندك حق علشان احنا امل مصر لازم نحبها
مصر محتاجة ان اهلها يحبو يعيشو فيها علشان تتقدم
نورتى التوبيك

كرومبو2011

26-09-2010, 07:11 PM

مصرية وبحب بلدي

26-09-2010, 07:40 PM

نقطة أخيرة
قرأت رأيك في موضوع " ايه أكتر مشكلة يواجهها الشباب في مصر ؟"
وكان ردك هو " انه مش لاقي نفسه في بلده "
وانا موافق , بس تفتكري هو ليه مش لاقي نفسه ؟؟ يعني العيب فيه ولا في حاجة تانية
وحاجة تانية دي انتي فاهمة أنا أقصد ايه بيها . دا بس عشان خاطرك محبتش اجيب سيرة " ماما "!!
العيب فيه هو طبعا عارف انا اقصد ايه بالكلمة دى وعارف ليه حضرتك
لانه مش بيحبها علشان كدة مش لاقى نفسه فيها
وماما بحبها وهحبها وعمر ما حد يقدر يخلينى ما احبهاش

مصرية وبحب بلدي

26-09-2010, 07:41 PM

خبير استراتيجى حضرتك ؟؟؟؟!!!!!!!!!!!!!!!!!!
مصر أمنا وهتفضل أم الدنيا رغم حقد المتأمريكين وللبلد كارهين وللغرب بنظرهم وقلوبهم متعلقين
واللى سابوا مذاكرتهم وبيعلقوا على أفلام هزلية
كأنها أصبحت منارة للبلد وشبابها
مرسى لردك جدا
نورت التوبيك يا مصرى

مصرية وبحب بلدي

27-09-2010, 05:43 PM

اللهم لا أسألك رد القضاء ولكنى اسألك اللطف فيه
لا حول ولا قوة الا بالله

الفلاح الفصيح2011

27-09-2010, 10:15 PM

لاحول ولاقوة إلا بالله دائما

ولى نقطة صغيرة يامصرية
أراء النت ليست هى المقياس
وفى مقابل هؤلاء هناك ألملايين يحملون أرواحهم على أيديهم من أجل هذا الوطن
هناك الملايين من الشباب يعتصرون العرق فى مشروعاتهم الصغيرة وأراضيهم الجديدةمتمسكين بهذا التراب
وليس هذا مدحا ولا شعارات كما يحاولون دائما طمس الحقائق
فمعظم هؤلاء الملايين ليسوا من مؤيدى النظام بل من أشد المعارضين
ولكنهم بدأوا العمل ويطالبوت بالاصلاح فى كل مجالات الحياة ليكملوه ويحافظوا عليه
هؤلاء هم الاحق بالتكريم منى ومنكى وممن تحدثوا معنا
لانهم لم ينشغلوا بنشر أرائهم هنا وهناك ومصادمات هنا وهناك كما نفعل وتسالى
مصر بخير بسبب هؤلاء فقط والذين يسعون لرقيها وكلهم أمل فى الله وفى أنفسهم
ويكفيهم فخرا بأنهم عزلوا أنفسهم عنا بين زراعتهم الجميلة فى أبو المطامير والصالحية الجديدة والحامول وغيرها
وفى مشروعاتهم المنتشرة فى كل مكان
وياريت كلنا نحى عاطف بتاع الأنابيب (أداب انجليزى ) وصبحى ملك البطيخ الصحراوى والأناناس والفراوله والطمام المسكرة ( لغه عربيه المنصورة )لا احتاجو للاتجار فى المخدرات ولا فعلوا شىء يغضب ربنا من أجل أن يكونوا من خيرة شباب هذا البلد

مصرية وبحب بلدي

27-09-2010, 10:21 PM

BaNZeR

27-09-2010, 11:52 PM

والله عند حضرتك حق
انا بعد عرضى للموضوع الاخير توقعت ان كل الناس هاتبقى ضد الشخص اللى هاجر بس لقيت العكس
واصبت باحباط شديد
اه على فكرة ابن عمى خريج تجارة وبيشتغل نجار
وخالى اداب عربى و واخد ارض من المشروعات الجديدة وبيزرعها ووالدى كمان
هما دول اهل مصر بجد
ومتشكرة لحضرتك انك رجعتلى الامل تانى
اقصد إني أموت الموهبة اللى عندي
وارمي الطب وارمي الهندسة وافتحلي ورشة واشتغل فيها
وابقى كدا بفيد مصر !
احمد زويل مبقاش زويل الا لما طلع بره مصر
حد يقدر يشكك في وطنيته ؟
احمد زويل قدم لمصر العديد من خطط التنمية وافتتاح جامعات مصرية كدا على مستوى عالي
ومحدش عبره
يرضخ للأمر الواقع ويفتحله ورشة ويقعد في مصر ؟
انتي فاكرة مجرد إني قعدت في مصر كدا بفيدها بحاجة اصلاً ؟
والله في ناس بره مصر بتعمل لمصر اكتر من اللى بيعملوه جوه بميت مرة

مصرية وبحب بلدي

28-09-2010, 11:34 AM

اقصد إني أموت الموهبة اللى عندي
وارمي الطب وارمي الهندسة وافتحلي ورشة واشتغل فيها
وابقى كدا بفيد مصر !
احمد زويل مبقاش زويل الا لما طلع بره مصر
حد يقدر يشكك في وطنيته ؟
احمد زويل قدم لمصر العديد من خطط التنمية وافتتاح جامعات مصرية كدا على مستوى عالي
ومحدش عبره
يرضخ للأمر الواقع ويفتحله ورشة ويقعد في مصر ؟
انتي فاكرة مجرد إني قعدت في مصر كدا بفيدها بحاجة اصلاً ؟
والله في ناس بره مصر بتعمل لمصر اكتر من اللى بيعملوه جوه بميت مرة
ممكن يكون عند حضرتك حق
بس ده احمد زويل!!!

الرجل الغامض بسلامته

28-09-2010, 07:30 PM

هل ده ممكن يتحقق فعلا ولا مستحيل ؟

ان شاء الله هيتحقق

بس مش من فراغ

لما ننقى قلوبنا ونشتغل بجد ونحب بلدنا مش بالكلام بس بل بالفعل

و اكيد البلد هتبقى احسن

و عمر البقاء ما بيكون للشر والفساد

BaNZeR

28-09-2010, 08:25 PM

ممكن يكون عند حضرتك حق
بس ده احمد زويل!!!
منا عارف انه ده احمد زويل :d
ده اقرب افضل شخصية مصرية حالياً
يعني راجل معاصر لزماننا
قوليلي كدا بعد كل ما وصل إليه علماً وقدراً ومنصباً حيث إنه حالياً من الجماعة المختارين ليكونو من مستشاري اوباما
قدر يفيد مصر بحاجة ؟
يبقى منين انا حفيد مصر وانا مش معايا لا منصب ولا علم ولا مال !!!!!
استفدت ايه انا مثلاً من جملتك جديد ؟

مصرية وبحب بلدي

29-09-2010, 02:24 PM

واله براحتكم بلدكم وانتو حرين فيها
انا قربت اتشل

الفلاح الفصيح2011

29-09-2010, 06:21 PM

منا عارف انه ده احمد زويل :d
ده اقرب افضل شخصية مصرية حالياً
يعني راجل معاصر لزماننا
قوليلي كدا بعد كل ما وصل إليه علماً وقدراً ومنصباً حيث إنه حالياً من الجماعة المختارين ليكونو من مستشاري اوباما
قدر يفيد مصر بحاجة ؟
يبقى منين انا حفيد مصر وانا مش معايا لا منصب ولا علم ولا مال !!!!!
استفدت ايه انا مثلاً من جملتك جديد ؟

مستشار اوباما ؟!!!!!!!!!!!!!!!!!!!!!!!!!!!!
مدخل جديد لدبح هذا العالم الكبير
وبث روح الكراهية فى قلوب المصريين لهذا الرجل الذى لم ينسى حتى لعبة الخمس طوبات فى شوارع عاشقته الأبدية مدينة دمنهور والذى ذكر ها أكثر من مرة أنها أجمل فى نظره من نيويورك
هل سمعنا هذا العالم العظيم أنه أنكر على نفسه مصريته وفرعونيته وإسلامه كما يفعل بعض سفهاء القوم
الذين لايملكون إلا الكلام والتشكيك فى كل شىء
ليتنا نحب هذا الوطن كما يحبه زويل والباز وكل علماء مصر
فحب الوطن كتاب لايفهمه صفحاته إلا أصحاب النوايا الحسنة

مجنونة الكيمياء

29-09-2010, 06:46 PM

أكيد هيظهر فى يوم اللى يصدر القرارات دى فعلا بس يا ريت ميحصلش ليه زى ما حصل لظاظا
على فكرة الجزء الاخير من الفيلم رائع والاغنية أروع لانها تعبر عنا ولكن ليس الان
فالله اعلم متى بعلو الصـــــــــــــــــــــــــوت هنتكلم ان شاء الله نموت هنتكلم
وشكرا على الموضوع
تقبلى مرورى

عاشقه ام الدنيا

29-09-2010, 09:13 PM

بصي مفيش حاجه مستحيله يمكن فيه راجل
بس مستخبي ولا حاجه بس هيطلع
يسنه 12743634536453646
وبما ان السنه دي لا جت ولا هتيجي يبقى مستحيييييييييييييييييييييييييييل
حاجه من دي تحصل

كرومبو2011

30-09-2010, 12:52 AM

أسطوانه مشروخه
معظمهم متنغنغ فى خيرها
وبيقول عايز يسيبها وعنيه على مناصبها
هى التذكرة لأمريكا بكام الايام دى

no cry

30-09-2010, 04:11 PM

سنة 2050 .. حتمال تكون فيه امرأة ولدت رجلاً .. ام لذلك الوقت فالنساء و الرجال واحد

صدقت والله

وأنا عندي كلمة الحق أهم من أي شيء آخر !!!
وبعدين كده حبقي بطل قومي والناس تفضل
فاكراني لمدة طويلة . بس مش عارف الناس اللي في مصر
ولا بره مصر؟!!!
اوعي تقولي لا دول ولا دول !!
يبقي ساعتها مفيش فايدة والبلد مش حتتغير , وحتهدي كل اللي
انتي دافعتي عنه .

دول اكتر ردود عجبتنى ومن رايى عندهم حق

مفيشششششششششششششششششششششش فايدة

احنا بنتكلم فى الهوا

احلى هالة

30-09-2010, 08:32 PM

بطول ما ناس مصر مش بتحبها مصر عمرها ما هاتتغير

dora_h

30-09-2010, 08:43 PM

موجود هذا الرجل

ولكن .......................

مش قادر يوصل ...وطبعا مفهوم ليه

بلدنا اللى حكمينها ناس فاسده وقادرة

ينسفوا اللى يقول لا ويمحوا اللى يتحرك خطوة

وفى النهايه نقول ان الاسلام هو الحل

وباذن الله هيجى اليوم ده واحنا طبعا واثقين فى ربنا

ومتأكدين انه باذن الله هيكرمنا طول ما احنا ماشيين صح

وبنحاول بجد نتغير ونغير

احلى هالة

30-09-2010, 08:48 PM

dora_h

02-10-2010, 03:57 PM

ومين اللى قال لحضرتك ان احنا ماشيين صح ولا بنحاول نتغير
صلى على النبى احسن
مرسى لمرورك نورت التوبيك

عليه افضل الصلاة والسلام

ياستى مصر فيها كتيير حلو

والعيب مش فيها ولا فى الزمن العيب فى الناس

اللى بقت تبيع ضمايرها واللى تنسى مباديئها

لو قولتى لى انا اللى هغير الكون هقولك اه

لو كل واحد قال كده بجد بجد هنتغير

واحنا مع بعض اهو بنحاول وماشين وطول ما قلبنا صافى والنيه لله

اكييييييييييييييد هنرتاح ونوصل لكل اهدافنا

خلى الامل موجود والحياة تبقى كلها سرور

تقبلى مرورى مرة اخرى

عذرا للاطاله

كرومبو2011

02-10-2010, 07:52 PM

حتى ظاظا ناوى يطول هنا كمان
موضوع جميل

مصرية وبحب بلدي

14-10-2010, 10:00 PM

عليه افضل الصلاة والسلام

ياستى مصر فيها كتيير حلو

والعيب مش فيها ولا فى الزمن العيب فى الناس

اللى بقت تبيع ضمايرها واللى تنسى مباديئها

لو قولتى لى انا اللى هغير الكون هقولك اه

لو كل واحد قال كده بجد بجد هنتغير

واحنا مع بعض اهو بنحاول وماشين وطول ما قلبنا صافى والنيه لله

اكييييييييييييييد هنرتاح ونوصل لكل اهدافنا

خلى الامل موجود والحياة تبقى كلها سرور

تقبلى مرورى مرة اخرى

عذرا للاطاله
حضرتك متفائل جدا
مرسى لمرورك

شهر زاد عبدالله عيسى

14-10-2010, 11:04 PM

تسلمي ياغالية لعرضك الموضوع ده بصي الواحد من كتر ما شايف اليأس والأحباط في عيون الأطفال النتيجة هتكون استحالة وجود رجل مثل ظاظا دلوقتي الكل ماشي جنب الحيط ده يقولك وانا مالي بالسياسة والتاني يقولك ياعم مدام مستورة والحمد لله نشغل بلنا ليه وكله ماشي في حاله وعلى هواه بس لو فكرنا بجد ودورنا هنلاقي ان اكتر من مليون واحد واكتر زي ظاظا بس حاجه من الاتنين مستنين فرصتهم او خايفين كلنا بنحلم ان بلدنا تكون احسن بلد بس ما نملك سوى الدعاء ان الله يرزقنا موش بظاظا لا بحد في حكمة واخلاق وعقلانية وحنية وحنان النبي عليه الصلاة وأفضل السلام والله ولي التدبير وتسلمي ياغالية مرة تانية