مشاهدة النسخة كاملة : البنت احسن من الولد مش مصدق خش وشوف
السلام عليكم ورحمة الله وبركاته
ثبت علميا بعد البحث والتدقيق أن البنت احسن من الولد للاسباب التاليه:-
1_البنت بتتكلم براحتها فى التليفون وباباها او جوزها هو اللى بيدفع الفاتوره
2_البنت مش ملزمه تجهز نفسها باباها أو البيه(خاطبها)هما اللى هيدفعو دم قلبهم
3_مفيش حد بيبص على بدلة العريس كله بيبص على فستان العروسه
4_لو واحده عملت مخالفه وعيطت شويه للظابط هايعديها ولو راجل هياخد على دماغه
5_لو واحد ما ادتش قرايبها عيديه مش هايقولو عليها بخيله هايقولو اصل العيب على جوزها
6_لو واحده اتاخرت على المحاضره ممكن الدكتور يدخلها لو ولد هايقولوله روح يا بابا كمل نوم فى الشمس
7_لو حصل زعل بين البنت ووالدها مش هايطردها بره البيت وهى بس يا دوب تعيط شويه وبابا هايروح يصالحها على طول اما الولد فيا دوب يلحق مكان ينام فيه جنب البواب
8_دلع البنت:-
يا ختى كميله (سنتين)
- يا عسوله (5 سنين)
- يا عروسه (12 سنه)
- يا قمر (18 سنه)
- يا هانم (40 سنه)
-يا ام العيال (50 سنه)
- يا ست الكل (60 سنه)
اما بقى دلع الولد:-
- انت ياد (10 سنين)
- انت يا شحط بقيت طول الباب (18 سنه)
- يا راجل (40 سنه)
- يا عم الحاج (50 سنه)
- يا راجل يا عجوز مناخيرك اد الكوز (60 سنه)
منقول (مش انا والله ) بس انا مؤمنه طبعا بالكلام ده
راضيه 17-08-2007, 10:07 PM السلام عليكم ...............على فكره موضوع دمه خفيف اوي......اول مره اضحك من فتره ........بس برضه لاتنسي ان الرجال قوامون على النساء...........على فكره اوعي تفتكري اني معاهم لاوالله بس دا كلام ربنا.............والسلام عليكم
JusT l0sT 17-08-2007, 10:19 PM ما هو اللى بيحصل اليومين دول من ايه
ماهو أخرة الدلع دلع البنات
ـــــــــــــــــــــــــــــــــ
موضوعك كتيييييييير رائع
مشكوووووووووووورة على مجهودك
الرعد الاحمر 08-09-2007, 06:57 PM موضوع جميل بس دا بيدل علي ان البنات عالم مدلعه و احنا اللي بناخد علي دماغنا علشان ايه "أحنا رجاله"
وشكرا علي الموضوع
am_online5 19-09-2007, 07:33 AM شكرا جزيلا لكي اية علي محاولاتك الناجحة في وضع الابتسامة علي وجوهنا التي قد فارقتها منذ زمن
وعلي فكرة الاحسن مبيكونش بالاسباب الي ذكرتيها
ولكن كل منا بعملة
وقل اعملوا فسيرى الله عملكم ورسولة والمؤمنون وستردون الي عالم الغيب والشهادة فينبئكم بما كنتم تعملون
صدق الله العظيم
واخيرا لكي مني كل التقدير والاحترام
..Just Stop 19-09-2007, 09:58 AM فعلا بنات اخر زمن
ماعلينا
بردو علينا الاستحمال
بس متنسيش بردو
الراجل بيعمل كل اللى هو عايزه
يسهر مع اصحابه
يدخل البيت متاخر
يخرج وقت مايحب ويجى وقت ما يحب
مالوش دعوة بشغل البيت
الست هيا اللى بتتمرمط فى شغل البيت لوحدها
..........................
اقول كمان واللا كفاية
شكرا على الموضوع
ودمتم
amr_2010 20-09-2007, 03:34 PM موضوع جميل
بس في حاجات كتير الولد فيها احسن من البنت
الولد بيتأخر بره البيت براحته وممكن يبات كمان عند اصحاب زي مانا بعمل وكبيرها كام كلمة وخلاص
الولد يلبس اللبس الي هو عاوزه وفي الصيف يلبس بنص كم او قط وينزل البحر بشورت بس
لكن البنت التحجيبه بتخنؤها في الحر واللبس كمان
والولد يعمل الي هو عايزه وفي اي وقت
وحاجات تانيه كتير
..Just Stop 21-09-2007, 05:55 AM هههههههههههه
تححيبة ايه ياعم عمرو
ال تحجيبة قال
انت مش عايش فى مصر يابنى وشايف اللبس عامل ازاى
اللبس دا الحاجة الوحيدة من الحوايج الكتير
اللى هما واخدين راحتهم فيها برمودة ومينى كات وجيب
ال تحجيبة ال
ayooosh 21-09-2007, 12:21 PM ههههههههههههههه
موضوع حلو يا آيه
وفعلاااااا الولا واخدين حقوق احنا ماخدهاش
والبنات نفس الحكابه
يلااا سلام
Unique Muslimah 21-09-2007, 12:36 PM lol..i ♥ it:cool: from a fun point of view, but from a professional one, i would say that we're all equal in the eyes of Allah (Swt) what is different is how much imaan and close relationship we have with Allah (swt) and that's what makes the difference :)
..Just Stop 21-09-2007, 07:23 PM نفسى يا سارة اشوفلك رد بالعربى قبل ما اموت
amr_2010 22-09-2007, 02:23 AM نفسى يا سارة اشوفلك رد بالعربى قبل ما اموت
هههههههه
معلش اصلها متوعدا علي كده مش تناكه يعني
بس انتي يا سارة كلامك مالهوش دعوة بالموضوع
الملثمه 23-09-2007, 04:40 PM هههههههههههههههههههه
اكيد حنا لينا بعض الخصوصيه والدلع وانا معاك في الكلام
بس هم ماخدين حقوقهم اكثر من اللازم سهر ولبس .......................الخ اقول ايه وخلي ايه
وشكرا على الموضوع الحلوووووووووو
The Happy Angel 23-10-2007, 05:33 AM هههههههههههههههههههههههههههههه الموضوع جميل اوي انا وصلت لمرحله الباب تقريبا عمرو 2010
هو اللي بيقلوله مناخيرك قد الكوز هههههههههه
M I D O 23-10-2007, 09:18 AM بصراحة موضوع فكاهى اكثر منه موضوعى وهادف
شكراا لمجهودك يا فندم
صوت الحق 23-10-2007, 01:20 PM بصراحة موضوع فكاهى اكثر منه موضوعى وهادف
شكراا لمجهودك يا فندم
شكرا على الموضوع
تعلوا نخلية موضوع هادف انا اب لثلاث بنات وولد
ماهى حقوق البنت وما هى حقوق الولد وهنشوف مين احسن من مين وانا هقول فى الاخر الرجاء كل الرجا هتناقش الموضوع معنا تكلم هترد مجاملة فقط لا داعى
شموخ مسلمة 16-11-2007, 12:54 PM الصراحة يا جماعة انا شايفة ان البنت لازم تكون مدلعة بس مش مايصة يعنى الدلع على ماما و بابا و اللى ينفع انى ادلع عليهم مش امشى فى الشارع امشى مش مضبوط و اتكلم بطريقة مش حلوة و اقول اصل انا مدلعة ما اظنش ان ده صح
بالنسبة للحجاب هو صح بيحرر بس برده بيدفى فى الشتاء و كمان كفاية ان البنت قلدرة تقلع الحجاب و هى اللى مش راضية ده طبعا اللى لابسة الحجاب الصح مش البرمودة و الطرحة
بعدين و الله انا من وجهة نظرى ان عدوم خروج البنت باليل ده تكريم ليها لانها مش حاجة كده مهملة يعنى الاب مهتم بيها و كذلك الام و الاقارب و المجتمع كله اما الولد فيروح مكان ما يروح مش مهم هههههههههههه
أميرة بكلمتي 17-11-2007, 02:44 PM بصراحة موضووووع جامد موووت انا برده متفقة مع بعض الاخوة والاخوات في ردودهم بس فيه نقطة كده البنت بتكون متحمله المسؤولية من وهيا صغيرة يعني ماما تقولها خلي بالك من اخوتك الصغيرين تاخد بالها اما اخوها بيروح يلعبله كام ماتش كورة في النادي ويروح ويجي والبنت ديما بتهتم بدراستها اما الولد يا عيني مش فارقة معاه غير لما يقع ورقبته تنكسر بعضهم يعني مش كلهم لكي مني اجمل تحية
محبة الله 25-11-2007, 10:48 AM شكرا بجد موضوع لذيذ اوى
mR . mOstafa Fathi 25-11-2007, 11:40 AM خههههه
التوبيك جامد جدا
شكرا
اميرة ولكن حزينة 05-12-2007, 02:01 PM فعلا مووضع جميل اوى بس دة كلة احترام لينا وتقيدس لينا
مرسى ع الموضع الحلو دة لانى البى وجعنى من كتر الضحك
KHALOOOD 06-12-2007, 04:09 AM بجد موضوع جامد طحن
والواحد ضحك كتيررررررررررر
بس انتى نسيتى حاجه والاعضاء برده نسوها
ان البنت بتولد عارف يعنى ايه بتولد
اولا الحمد لله ان احنا مش بنولد هههههههههههههههههههههه
انا بجد اكتر حاجه بتصعب عليا البنت فيها ساعه الولاده
وكفايه التعب والمرار والعذاب للى بتشوفه اثناء الحمل والولاده
برده يا بنات مهما تكونى مدلعين بس بتتعبوا اوى
شكرررررررررررا على الموضوع بجد والله جااااااااامد
doctor mostafa 28-12-2007, 05:45 PM ههههههههههههههههههههههههههههههههههههههههههههههه
الموضوع مش قد كدة...........بس شكراااااااااااااااااااااااااااااا
Taleba Me7tasa 29-12-2007, 12:10 AM البنت احسن من الولد مش مصدق خش وشوف
انا مصدقة طبعا بس دخلت زيادة توكيد :d
بس احلى حاجة دلع البنت ودلع الولد
postan algana 29-12-2007, 10:36 AM هههههههههههههههه
جميا اوي
|