<div align="center"><span style="font-family:Comic Sans MS"><span style="font-family:Book Antiqua"><span style="color:#000080"><strike><span style="color:#000000">بسم الله الرحمن الرحيم
انا مش بحب المقدمات
ولا التمهيدات ولا زفت

بس اقدر اقولكم ان ده اخر يوم ليا النهاردة هنا
كفاية تقريبا حوالى سنة ونص هنا فى المنتدى
كتير بالنسبة لى .....لا نفعت ولا انتفعت
يمكن ضريت كتير....وانا شايف كده

اينعم انى شايف قلل جاهزة و كام زير جاهزين وهيترموا عليا بس يالالا
اهى تبقى قلة افتكر المنتدى بيها:D

الموضوع اعتبره انا بلا قيمة لانى مش من انصار الاغبياء اللى بيكتبوا الموضوعات دى
سواء اتفهم او محدش فهم الكلام ...بس مش مشكلة:D

افتكر يعنى وجودى يعنى لا هيزود حاجة ولا هينقص
ولكنى شايف ان استمرار وجودى هيزعل ناس كتير




قضيت معاكم وقت مش هقول جميل ورائع بالاجمال
ولا هقول انه عبيط واهبل بالاجمال

هو خليط من الاتنين بالامانة
حسب التساهيل او حسب الاوقات
بس انتو ادرى بنسب العبط والجمال منى

بس ملحوظة احب اقولها برضو
ان المنتدى مسيره ينصلح حاله ...
كمان عشر سنين على اقصى تقدير

مش هنافق حتى وانا ماشى


والجميل ان عرفت ناس كويسة ومحترمة ربنا يخليهم بقى وخلاص:D

والموضوع انا كاتبه من باب العلم بالشئ
يعنى مش عاوز ردود ولا ناس تقول حاجات كتير...
وده احسن لى الصراحة



وانا مش عامل على اى شئ ييجى فى بال اى حد عن لزمة الموضوع
او سبب الرحيل او دافع الرحيل
او بيعمل عشان يتفشخر قبل ما يمشى
لانه زى ما قولت من باب العلم بالشئ
وافتكر ان محدش هيهتم اوى او يفكر

عشان كده حطيته فى القسم ده
ده ان اخر موضوع ليا هنا

انا مسلم عهدتى ومفاتيح الخزنة لاى مشرف ادارى...
يبقى اى حد ييجى ياخدها
http://tbn0.google.com/images?q=tbn:mHMIkCZg23Zu9M:http://www.universes-in-universe.de/islam/img/2004/02/hkw/img-09-3.jpg
</span>

وزى ما الافلام العربى بتقول فى المواقف اللى زى دى

انتى طالق يا امال:D
سلام عليكم ورحمة الله وبركاته
اخوكم خالد</strike>

</span>
[/center]

ههههههههههههههه

قله واحده بس انت تأمر

بس بجد المنتدي من غيرك حيبقي ممل ودي والله مش مجامله

كان نفسي اكتبلك قصيده وداع بس بجد دماغي مصدعه والماوس بايظ يالا حتي الماوس متعاطف معاك

<div align="center">بس انا متأكد.....انى هروح مثلا وارجع والاقيه زى ما هو
<div class=\'quotetop\'>إقتباس</div><div class=\'quotemain\'>[/b][/quote]

يعنى انت راجع يا جميل

بس بجد يا خاليد يا ريت متمشيش فعلا المنتدى من غيرك هيبقى دمه نقيل
[/b] </div>

يا خالد خليك هينصلح ان شاء الله
بس اوعى تقول كلمة حق في المنتدى ده علشان متتوقفش

مسحتها يا سادات خالص:D

طيب خليك دلوقتى ....وعلى اول الدراسه ارحل

وربنا انتا بتستعبط
ربنا يشفيك يارب بجد ياخالد انتا لو سبت المنتدى
المنتده هيخسر كتير اوى ...... بس هقولك حاجة انتا دخلت المنتدى ده وهو كان كويس عن كده
وفيه شغل عن كده وانسحبت منه وهو محتاجك ومحتاج ناس كتير زيك ترجعه زى الاول
وياريت كلنا نبطل نغمة انا هسيب النتدى ومش هنرجع غير لما ينصلح
طيب قولى انتا ازاى هينصلح وكل الناس الكويسة بتنسحب منه ؟

بصراحة المرشد كلامه صح كدة المنتدى هايتصلح ازاي لما كله يمشي ولا هوالمنتدى وهو شغال يبقى قشطة ولما ينام يبقى كله يهرب
مع ان ردودك مستفزة وبحس انك مهيس (معلش يعني) بس برضو عامل جو حلو للمنتدى ولو مصمم احنا موش هنتحايل على حد
هانزل حالا اجيب 7 قلل ومتسالونيش اشمعنة 7
سلام

اية يابنى متستهدا بالله
الله يخربيت اللى يزعلك خلصنا مفيش حاجة
شيلوا الموضوع دة ملوش لازمة

وانت يا بطل هبل مفيش خروج من هنا

بص يا خالد


انا قلتك ردي على الموضوع ده بره


اما هقوله هنا



لو المنتدى كله قالك اقعد وانت عاوز تمشي هتمشي
واللي مش عاجبه يولع
حلو


لو عايز تقعد هتقعد
واللي مش عاجبه رجله فوق رقبته
وهتقعد غصب عن عين التخين
هههههههههه



وفي الأخر شوف اللي انت عايزه واعمله


:D :D:D:D

نفسي اقولك حاجة ..

يا ريت
متعيش فى دور العاقلين علشان متتعبش

والمنتدى مش وحش اوى كده
و ع فكرة ده هو دلوقتى معقول

عامة انا مش شايفة ان ليها لازمة انك تسيب المنتدى
خلى تواجدك طفيف لو هو مش عاجبك
وممكن متتعاملش مع اللى مش عاجبك من مواضيع .. اعضاء ..
وخاصة انك مش هتبقي مشرف خلاص

بس وهقولك بردو كلمة اخيرة ...

<div class='quotetop'>إقتباس(The_Relativistic200 @ Feb 1 2007, 11:03 PM) 262960</div>ولو كان المنتدى او النت اثر سلبا على حياتك
يبقى الافضل سيبك منه خالص[/color][/b]

مع انى معتقدش
....

<span style="color:#000000"><div align="center">:D
بص يا خالد امنا مش حقولك اقعد و بتاع

انا بالعكس بأيدكـ في القرار ده

انا ايه اللي استفدته من الموقع ده ؟؟

اقولك ....

ولا حاجة ......... كل اللي اخدته من الموقع ده اني بحرق في دمي و بتعتب اعصابي مش اكتر

يعني مثلا انا بقالي سنة و 8 شهور هنا ... عملت حاجات كتير مواضيع و ردود و مشاكات و كده

مسكت اشراف برغبة الاعضاء مش برغبة حد تاني ;) و كنت شايف واجباتي مية مية

لغاية لما جه المدير الفاضل مش عجبه اني بدخله كل يوم و مش بسيب موضوع الا لما ارد عليه

المهم كان جزائي ايه ... جه شايل اشرافي من غير سبب ( و الله من غير سبب ) الا انه مش عاوزني مشرف :D

بص يا خالد انت شايف الموقع بأى عامل ازي

انا حاسس ان الاعضاء القدام بينقرضوا حاسس كمان شوية مش حلاقس حد اعرفه غير البري :D

كمان حاجو الموازين الادارية مختلة بنسبة مية في المية

مع احترامي للجميع لكن لما المشرفين الاداريين اكون انا اقدم منهم و اكثر تواجد منهم

يبقي فين الموازين ..........

انما بأى لو جيت للموقع و استخدامه حتلاقي ان الموقع بأى عرة ع الاخر

سوري يجماعة الحقيقة متزعلش

لو جيت بأى للاعضاء حتلاقي ان افضل الاعضاء هما اللي بيسيبوا الموقع

و الامثلة كتير و لا داعي لذكر اسماء ........ الامثلة كتير قوي و آخرهم انت

بس السبب ايه ... مش محتاجة ذكاء ... اللي بالي بالكم :D

انتو عارفين نفسي في ايه

نفسي اعمل منتدي و احنا اللي نحتار اللي يشترك فيه

و ان شاء الله حيتحقق</div></span>

ع فكرة انا كنت هرد عليكم رد مطووووووول وفعلا كنت عمالة اكتبه

بس هغيره

لان انت عندك حق الى حد ما ....

وانا

مش هعرف ارد عليك ....

والله العظيم كده ما نافع

والله المفروض بعد الردود دى خلاص خلصت :blink:
وبعدين فى نقطه
المنتدى يعنى اعتقد مش فارق معاك اوى
انت مش هتستفيد منه فى حاجه اوك بس مش هيضرك برده
دوالى الرئتين دى وفرها لحاجات اهم زى دكتور رخم فى الكليه مثلا :P
وخلاص اسمك هيتشال من ع العام يعنى المفروض تحتفل مش تمشى
وهتبقى حر ومحدش هيكلمك :rolleyes:
ياريت تعيد نظر عموما علشان المنتدى هينقرض بالطريقه دى
سلام عليكم

مسدات بقه وعقبالنا يا رب

كنت بقول كده زيك ، لكن معرفش المنتدى ده فيه حاجة تشد وأنا متأكد إنك هتبقى معانا تاني

تحياني
Xx_Youri_xX

<span style="font-family:Comic Sans MS"><div align="center">مش فاهمة :P :P



يا خسارة الاكل اللى جبتهولك على الطبيلة :angry: </div></span>