انهارده عايزه اتكلم عن موضوع يعنى من وجهه نظرى مهم
هحكى حكايه كده حصلت معايه بس اوعوا تناموا :slap1qk6:
فى يوم كده كنت راجعه من الجامعه انا وواحده صحبتى وراكبين الموصلات وكان اليوم ده زحمه:giljotiiniug3:
اصله كان يوم خميس
والحمدلله انا وصحبتى كنا قعدين وكان فى كام راجل كده واقفين فى الطرقه وبنت واحده:mad:
شويه ولقيت البنت بتقول للراجل اللى واقف جمبها لو سمحت
ادخل شويه عشان اعرف اقف قام رد عليه قالها
هوه انا جيت جمبك:mad: قالتلوه انا بقولك مش عارفه اقف ادخل شويه
قعد يضحك للأسف واللى لحظته عليه ان تصرفاته غريبه يعنى
وانا اسفه
انى هقول كده انسان غير محترم بالمره!!!:049gc0:
لأن جمبه مكان فاضى وواقف لازق فيها!!!:mad::mad:
يعنى بدل ما حد يقوم ويقعدها واقف عمال يضايق فيها
هقول ايه حسبى الله ونعم الوكيل:040vk0:
فقمت قولت لصحبتى تناديها تقعد جمبنا
يعنى انا وصحبتى والبنت فعدين على كرسيين!!!:d
اول ما قعدت جمبنا بردوا الراجل قعد يضحك
واسفه فى الكلام قعد يهبهب بشويه كلام كده
معرفش ماله!!!!!!!!!!:confused::confused:
معايه ولا نمتوا؟!؟!:p:p
شويه كده وواحده طلعت ركبت ومعاها ما شاء الله 3 اطفال
قامت واحده ست خدت منها الولد وقعدته جمبها
وانا وصحبتى خدنا منها البنوته تقعد جمبنا
اقصد فوقينا بقا!!!:028ja7:
والام فضلت واقفه فى الطرقه وشايله الطفل
ولكن اين الشباب؟!؟؟!!
واين النخوه؟!؟!
لما ست زى دى تفضل واقفه فى الموصلات ومفيش حد يتحرك ويقوم من مكانه عشان تقعد
ده يبقا ايه؟!؟:slap1qk6:
محدش يقولى وايه اللى خلاها تركب لما مفيش مكان يعنى ست ومعاها 3 اطفال
وواقفه مش لاقيه موصلات والجوحر
غصب عنها هتركب عشان تروح حتى لوهتقف
كمان فى حاجه حصلت معلش اصله كان يوم غريب:028ja7:
شويه بردوا لقينا راجل كبير فى السن بيوقف السواق عشان يركب
وكان معاه شنطه كبيره قام التباع بعد ما الراجل ركب قاله انزل
انت عايز تقطع عيشى!!!!!!!!!:mad::mad:
الشنطه اللى هتحطهالى فى الطرقه دى يقف مكانها نفرين!!!!!:o:o
والراجل لا حول ولا قوه الا بالله
يقوله يا بنى انا واقف بقالى كتير مش لاقى موصلات
بردوا التباع يقوله انزل!!
لقيت الراجل بيقولى خلى الشنطه معاكى يا بنتى لحد ما انزل
مقدرتش طبعا اتكلم واخدتها منه :):blush:
يعنى التباع بيفكر فى قطع العيش ومفكرش فى الراجل الكبير ولا تعبه وواقفته
للأسف كل واحد بيقول يلا نفسى ربنا يرحمنا:romarioxp6::bosyht9:
كده انتوا معايه ولا شكلكوا نمتوا؟!؟!:p
كده بقا مين قاعد على الكرسيين؟!؟!؟:blink:
انا وصحبتى والبنت اللى ضايقها الراجل والبنوته الصغيره
والشنطه اللى الراجل ادهانى!!!!!!!:039uw8:
منظر يهلك من الضحك والله العظيم:022yb4:
وان فى حد يتحرك من الشباب ابدا والله
مع ان العربيه كان معظمها شباب والله
ولكن لا حياه لمن تنادى!!!!!:d
بس اد ايه كنت فرحانه لما رحمت البنت من نظرات الراجل الغريبه ليها!!!
ولما خففت عن الام واخدت منها بنتها ولما كسبت دعوتين حلوين اوى
من الراجل الكبير لما خليت معايه الشنطه
هذا ما حدث معى والله فى يوم واحد:d
ومواصله واحده:d
اللى عايزه اقوله بقا :p
ياترى انت كشاب لما تلاقى بنت واقفه فى الموصله هتقوم وتقعدها؟!؟!؟:slap1qk6:
مش شرط بنت راجل كبير فى السن او ست كبيره فى السن هتقوم وتقعدهم؟!؟!:stickjo4:
ولا هتكبر دماغك وتقول انا راجع تعبان من الشغل او من الجامعه؟!؟؟!
اسفه على الاطاله بس كان لازم احكى بالتفصيل

　
　
　

طبعا موضوع ضرورى جدا
وجميل منك انك اتكلمتى فيه
الحمد لله انا بعمل كده
بس شفت شباب كتير فعلا ذى ما بتقولى ولا بيحسوا على دمهم ويتحركوا حتى



مشكوره ع التوبيك

والله المواقف ديه بتحصل وكل يوم تقريبا ،
ومش عارفة هو ايه ال حصل بالضبط ،
خلاص ماحدش بئا عندو ذوق حتى بلاش نقول نخوة و لا شهامة ،
الذوق انعدم بردو للاسف ،

قبل يومين كنت راكبة وكان فيه راجل قاعد مش هقول كبير ولا صغير
وطلعت وحدة معها بنوتة ومافيش كرسي
الراجل ما شاء الله عليه كويس جدا كان عاوز يقوم ويخليها تقعد مكانه
فقال للسواق استنى شوية لحد ما يبدلوا وكدة
اتخيلي بئا السواق الشاب بيرد عليه ايه ؟!
بيقولوا سيبك منها خليها واقفة مايهمكش !!!

يعني انا قعدت مبلمة ثانيتين كدة ،

والمواقف كتير والله ،
شباب الله يهديهم بجد ،
بس مش الكل اكيد
فيه نماذج كويسة بس للاسف قليلة ،

طبعا موضوع ضرورى جدا
وجميل منك انك اتكلمتى فيه
الحمد لله انا بعمل كده
بس شفت شباب كتير فعلا ذى ما بتقولى ولا بيحسوا على دمهم ويتحركوا حتى



مشكوره ع التوبيك
الجميل هو مرور حضرتك
وربنا يكرم حضرتك انك بتعمل كده
وربنا يهدى اللى مبيحسوش على دمهم:slap1qk6:

للاسف الموضوع ده حصل كتير اوى
وربنا يهدى الشباب كلهم

فعلاً الموضوع ده بيحصل كتير .
وأنا عن نفسي لما بنزل القاهرة وأركب مواصلة
لا أقوم لأي امرأة إلا في ثلاث حالات :-
1- كبيرة في السن .
2- حامل
3- تحمل طفل
اما بخلاف ذلك فلا أقوم ولا أفكر حتي في القيام .
ومعظم الرجال تفعل مثلما أفعل بل وأقل من ذلك .
ونحن كرجال لدينا الأسباب ومنها :-
1- كثرة المناظر السيئة للفتيات .
2- تأكد الفتاة بأنها بمجرد ركوبها للمواصلة ستجلس .
3- كثرة المطالبة بحقوق المرأة " خلت الحكاية تبقي ماسخة زيادة عن اللزوم "
وده نتج عنه موقف مضاد للرجل في عدم مساعدة المرأة .
4- إلقاء اللوم علي الرجل في كل الأحوال , جعله غير راغب في مد يد العون للمرأة .
5- تصوير وسائل الاعلام المختلفة للرجل علي أنه ذئب وأن المرأة ملاك وديع !!
6- المناداة بالمساواة المطلقة بين الرجل والمرأة جعلت الرجل ميصدق يلاقي
موقف زي ده ويقول في نفسه " مش هما بيطالبوا بالمساواة , خليهم يدوقوا شوية
من اللي بنشوفه " .
7- انعدام الأخلاقيات والنخوة بصفة عامة في المجتمع .

وعن تجارب شخصية لي في وسائل المواصلات حينما تجلس بجانبي فتاة , والله
بجلس كمشان في جلستي , بينما هي تجلس أخر رحرحة , وساعات نفسي
تحدثني بأنها هي من يجب أن تجلس جلستي هذه وليس أنا !!!
ولكني أفعل ذلك من أجل نفسي وليس من أجلها هي .
والحكاية دي بتتكرر معايا ومع الأخرين كتير أوي .
يعني زي ما فيه شباب سلبي , فيه فتيات سلبية ومستهترة أو علي الأقل
خدت علي مسألة الاحتكاك بين الشاب والفتاة .
زمان لما كانت المرأة قليلة الخروج من البيت , كنت تلاقي الرجل لما يشوف
واحدة في مشكلة أو مأزق , يجري ويساعدها بلا أي تردد .
وكانت المرأة لما تستغيث من معاكسة أو احتكاك شاب بها , تلاقي مجموعة
من الرجال مسكوا الشاب ده وهات يا ضرب فيه لحد ما يبان له صاحب , حتي
بدون ما يتأكدوا من صدق المرأة .
أما الأن , خلي أي واحدة تصرخ وتصوت , مش حتلاقي أي راجل ينجدها وده لأن
أصبح هناك أزمة نفسية من الرجل تجاه المرأة .
ولو كانت وسائل الاعلام بتناقش مشكلة التحرش بموضوعية وحياد , ومش دايماً
المرأة هي المجني عليها وهي حرة في اللي تلبسه أو في طريقة مشيها , وعلي
الرجل أو الشاب عدم التعرض لها بأي صورة من الصور , يعني هو الجاني في كل الأحوال
وهي المجني عليها في كل الأحوال !!!
والأمر ده سبب موقف مضاد تجاه المرأة بصفة عامة .
طبعاً عدم التمسك بتعاليم الاسلام سبب أساسي , بس ده ينطبق علي الشاب والفتاة معاً .

هههههههههههه
هم يضحك وهم يبكي ...
حصلت معايا مواقف كتير اوي ف نفس الموضوع دا :
مره كنت راكب اوتوبيس
طبعا كان زحمة ..
المهم انا وقفت ..
كمان شوية الاوتوبيس اتزحم اكتر
ودخل راجل كبير اوي يعني - عنده مثلا 75 سنة - ربنا يديله الصحة .
ماسك عصايا و مش عارف يقف اصلاً ...
المهم ,
كان في واحده و معاها ولد عنده بتاع 13 سنة كدا
طبعا منظر غريب : واحد عنده 13 سنة قاعد علي الكرسي
و الراجل التاني مش قادر يقف اصلا !!
المهم : الناس قالت للولد دا : بعد اذنك قعد الراجل دا عشان مش قادر يقف ...
الست اللي معاه بقي ردت و قالت : احنا دافعين تمن كرسيين ... محدش ليه حاجة !!
طبعا كان منظر محزن ...
و اللوم مش عليها بس , اللوم علي كل الناس اللي قاعدين و مش عايزه تقوم للراجل دا ..
ف نفس الاوتوبيس دخل راجل عجوز برده
المهم بيقول لواحد شاب قاعد : ما تقوموا و تقعدوا الناس الكبيرة دي !!
التاني رد عليه و قاله : يا عم دا انتوا صحتكوا احسن مننا .. دا انتوا صحتكوا وانتوا كبار كدا بمب
دا احنا شباب و مش قادرين نتحرك .. سمعت قبل كدا عن السرطان الامراض دي ف زمنكوا ؟؟
المهم اتفتحت مناقشة عقيمة بنهم , و الشاب دا ما قمش في الاخر ...
دا الناس بيبقي صعبان عليها تقوم من علي الكرسي اصلا !!
ربنا يصلح اخلاق الناس ,,

والله المواقف ديه بتحصل وكل يوم تقريبا ،

ومش عارفة هو ايه ال حصل بالضبط ،
خلاص ماحدش بئا عندو ذوق حتى بلاش نقول نخوة و لا شهامة ،
الذوق انعدم بردو للاسف ،

قبل يومين كنت راكبة وكان فيه راجل قاعد مش هقول كبير ولا صغير
وطلعت وحدة معها بنوتة ومافيش كرسي
الراجل ما شاء الله عليه كويس جدا كان عاوز يقوم ويخليها تقعد مكانه
فقال للسواق استنى شوية لحد ما يبدلوا وكدة
اتخيلي بئا السواق الشاب بيرد عليه ايه ؟!
بيقولوا سيبك منها خليها واقفة مايهمكش !!!
لا حول ولا قوه الا بالله
طب وهوه ماله؟!؟!:mad:

يعني انا قعدت مبلمة ثانيتين كدة ،

والمواقف كتير والله ،
شباب الله يهديهم بجد ،
بس مش الكل اكيد

فيه نماذج كويسة بس للاسف قليلة ،

ربنا يهدينا جميعا يارب
اكيد طبع زى ما فى الوحش فى الحلو
بس للأسف الوحش اكتر:mad:
نورتى الموضوع
شكرا على المرور

للاسف الموضوع ده حصل كتير اوى
وربنا يهدى الشباب كلهم
يارب
شكرا للمرور

فعلاً الموضوع ده بيحصل كتير .
وأنا عن نفسي لما بنزل القاهرة وأركب مواصلة
لا أقوم لأي امرأة إلا في ثلاث حالات :-
1- كبيرة في السن .
2- حامل
3- تحمل طفل
اما بخلاف ذلك فلا أقوم ولا أفكر حتي في القيام .
ليه حضرتك لا تفكر فى القيام
طبعا حضرتك حر
بس احنا بنتناقش
تخيل معايه مثلا ان بنت مش شرط من اللى ذكرتهم
طلعت وواقفه ليه متقمش وتقعدها
طبعا حضرتك مش مطالب بكده
بس حط اخت حضرتك مكانها:bosyht9:

ومعظم الرجال تفعل مثلما أفعل بل وأقل من ذلك .
اظن الواحد لما يفكر انه يعمل حاجه ميفكرش
فى اللى بيعملها اقل منه
ونحن كرجال لدينا الأسباب ومنها :-
1- كثرة المناظر السيئة للفتيات .
زى ما فى الوحش اكيد فى الحلو
وانت بتعمل الحاجه دى لله
بغض النظر عن منظر البنت او غيره

2- تأكد الفتاة بأنها بمجرد ركوبها للمواصلة ستجلس .
طب ودى حاجه تضايق حضرتك فى ايه
اللى مترضهوش لأختك او لأمك
مترضهوش لغيرك
3- كثرة المطالبة بحقوق المرأة " خلت الحكاية تبقي ماسخة زيادة عن اللزوم "
اظن من حقنا نطالب بحقوقنا:romarioxp6:

وده نتج عنه موقف مضاد للرجل في عدم مساعدة المرأة .
يعنى العيب فى الراجل مش فى الست
الراجل بيغير من الست
لما بيلاقيها احسن منه
وقليل اوى لما تلاقى راجل متقبل نجاح مراته مثلا:romarioxp6:
4- إلقاء اللوم علي الرجل في كل الأحوال , جعله غير راغب في مد يد العون للمرأة .
5- تصوير وسائل الاعلام المختلفة للرجل علي أنه ذئب وأن المرأة ملاك وديع !!
طب ذنب المرأه ايه فى الحاجتين اللى حضرتك قولتهم دول
ولا كل حاجه المرأه:mad:
6- المناداة بالمساواة المطلقة بين الرجل والمرأة جعلت الرجل ميصدق يلاقي
موقف زي ده ويقول في نفسه " مش هما بيطالبوا بالمساواة , خليهم يدوقوا شوية
من اللي بنشوفه " .
طب ليه الراجل منفسن اوى من المرأه كده:blush:
7- انعدام الأخلاقيات والنخوة بصفة عامة في المجتمع .
مع حضرتك حق طبعا

وعن تجارب شخصية لي في وسائل المواصلات حينما تجلس بجانبي فتاة , والله
بجلس كمشان في جلستي , بينما هي تجلس أخر رحرحة , وساعات نفسي
تحدثني بأنها هي من يجب أن تجلس جلستي هذه وليس أنا !!!
حضرتك مينفعش تعمم النظريه
وانا معاك ان فى بنات عايزه الحرق:mad::mad:
ولكني أفعل ذلك من أجل نفسي وليس من أجلها هي .
والحكاية دي بتتكرر معايا ومع الأخرين كتير أوي .
يعني زي ما فيه شباب سلبي , فيه فتيات سلبية ومستهترة أو علي الأقل
خدت علي مسألة الاحتكاك بين الشاب والفتاة .
زمان لما كانت المرأة قليلة الخروج من البيت , كنت تلاقي الرجل لما يشوف
واحدة في مشكلة أو مأزق , يجري ويساعدها بلا أي تردد .
وكانت المرأة لما تستغيث من معاكسة أو احتكاك شاب بها , تلاقي مجموعة
من الرجال مسكوا الشاب ده وهات يا ضرب فيه لحد ما يبان له صاحب , حتي
بدون ما يتأكدوا من صدق المرأة .
أما الأن , خلي أي واحدة تصرخ وتصوت , مش حتلاقي أي راجل ينجدها وده لأن
أصبح هناك أزمة نفسية من الرجل تجاه المرأة .
والازمه دى الراجل اللى عملها
عشان مش عايز يقبل انه زى ما بيكون ناجح وحاجه فى شغله
المرأه كمان من حقها تكون كده
ولو كانت وسائل الاعلام بتناقش مشكلة التحرش بموضوعية وحياد , ومش دايماً
المرأة هي المجني عليها وهي حرة في اللي تلبسه أو في طريقة مشيها , وعلي
الرجل أو الشاب عدم التعرض لها بأي صورة من الصور , يعني هو الجاني في كل الأحوال
وهي المجني عليها في كل الأحوال !!!
طب ما فى بنات منتقبات وتتعرض للتحرش
فكن عادلا فكيف يكون الرجل الجانى المجنى عليه فى كل الاحوال
والأمر ده سبب موقف مضاد تجاه المرأة بصفة عامة .
طبعاً عدم التمسك بتعاليم الاسلام سبب أساسي , بس ده ينطبق علي الشاب والفتاة معاً .
طبعا انا مع حضرتك فى دى
وربنا يهدى الجميع
بس انا ملاحظه ان حضرتك ليس من مؤيدى المرأه:d
كلام حضرتك كله هجوم على المرأه
حضرتك عممت نظريات كتير اوى
بتنظر لجميع البنات على انهم شياطين
بس زى ما فى شباب كويسيين ومش كويسيين
فى بنات كده بردوا
وعلى العموم اختلاف الرأى لا يفسد للود قضيه
وشكرا لمرور حضرتك:078111rg3:

هههههههههههه
هم يضحك وهم يبكي ...
حصلت معايا مواقف كتير اوي ف نفس الموضوع دا :
مره كنت راكب اوتوبيس
طبعا كان زحمة ..
المهم انا وقفت ..
كمان شوية الاوتوبيس اتزحم اكتر
ودخل راجل كبير اوي يعني - عنده مثلا 75 سنة - ربنا يديله الصحة .
ماسك عصايا و مش عارف يقف اصلاً ...
المهم ,
كان في واحده و معاها ولد عنده بتاع 13 سنة كدا
طبعا منظر غريب : واحد عنده 13 سنة قاعد علي الكرسي
و الراجل التاني مش قادر يقف اصلا !!
المهم : الناس قالت للولد دا : بعد اذنك قعد الراجل دا عشان مش قادر يقف ...
الست اللي معاه بقي ردت و قالت : احنا دافعين تمن كرسيين ... محدش ليه حاجة !!
طبعا كان منظر محزن ...
و اللوم مش عليها بس , اللوم علي كل الناس اللي قاعدين و مش عايزه تقوم للراجل دا ..
صح عند حضرتك حق اللوم مش عليها بس
للأسف الراجل ده فاكر نفسه باللى قاله ده
كده عمل اللى عليه:mad:


ف نفس الاوتوبيس دخل راجل عجوز برده
المهم بيقول لواحد شاب قاعد : ما تقوموا و تقعدوا الناس الكبيرة دي !!
التاني رد عليه و قاله : يا عم دا انتوا صحتكوا احسن مننا .. دا انتوا صحتكوا وانتوا كبار كدا بمب
دا احنا شباب و مش قادرين نتحرك .. سمعت قبل كدا عن السرطان الامراض دي ف زمنكوا ؟؟
كل واحد بيقول يلا نفسى
المهم اتفتحت مناقشة عقيمة بنهم , و الشاب دا ما قمش في الاخر ...
لسه هيتناقشوا؟!؟!
المفروض كده الواحد يتكسف على دمه ويقوم
عيب اوى
لما يشوف راجل كبير فى السن واقف وهوه قاعد :slap1qk6:

دا الناس بيبقي صعبان عليها تقوم من علي الكرسي اصلا !!
والله عند حضرتك حق
اللى بيلحق كرسى
بيفضل ماسك فيه بأيده وسنانه:049gc0:
ربنا يصلح اخلاق الناس ,,
يارب
شكرا لمرور حضرتك

كلامك منطقى جدا ياانسه ميراج
وانا شخصيا اقتنعت بيه
بس مساله انى اقوم واقعد لبنت مثلا فى سنى شابة متردد فيها بصراحه
لان هى برضه عنده المقدرة على الحركه وتقدر تمشى وتقف مش ست كبيرة فى سن

طبعا انا مع حضرتك فى دى

وربنا يهدى الجميع
بس انا ملاحظه ان حضرتك ليس من مؤيدى المرأه:d
كلام حضرتك كله هجوم على المرأه
حضرتك عممت نظريات كتير اوى
بتنظر لجميع البنات على انهم شياطين
بس زى ما فى شباب كويسيين ومش كويسيين
فى بنات كده بردوا
وعلى العموم اختلاف الرأى لا يفسد للود قضيه

وشكرا لمرور حضرتك:078111rg3:



ردك كله دفاع عن المرأة وأنا لم أهاجم المرأة بشكل عام , وانما وضحت موقفي كرجل انا وغيري ولا أقول كل الرجال , وضحت ليه الرجل أصبح يكف عن مساعدة المرأة وذكرت بعض الأسباب .
ومينفعش اني اقوم لواحدة بغض النظر عن منظرها ده كلام مش منطقي !!
ولما المرأة تطالب بالمساواة يبقي تقف في المواصلات زيها زي الرجل , مش دي برده مساواة؟!!
ولا الراجل عليه يوفر كل سبل الراحة للمرأة في كل مكان وينحرق هو ؟!!
وبعدين المرأة خدت حقوقها وزيادة لدرجة ان الرجالة هي اللي محتاجة تطالب بعودة الحقوق لها !!!
لو فكرتي شوية في المثل ده وبعدين قولي رأيك فيه ايه ؟
لو أهلك في البيت دايماً يتهمونك بالخطأ عمال علي بطال , بمناسبة ومن غير مناسبة , يا تري احساسك حيكون ايه تجاه أهلك حتي لو ناقشتيهم , لكنهم مصرين علي رأيهم فيكي ,
تعاملك معاهم حيبقي شكله ايه ؟!!
حتفضلي زي ما انتي ولا تعاملك معهم حيتغير؟!!
دفاعك عن المرأة بالصورة دي في كل شيء ,
يديني الحق اني أدافع عن الرجل في كل شيء . وهذا ما لم أفعله أو أقوله في مشاركتي الأولي , وتبقي الحكاية فعل ورد فعل !!
طبعاً أنا مش عايز كده , بس أنا عايز ننظر للأمر من عدة جوانب ونتناقش في أسبابه , مش مجرد اننا نتعبر الرجل والمرأة ضدان أو عدوان
لا المرأة مخلوقة لراحة وسكينة الرجل , والرجل واجبه رعايتها وحمايتها , يعني المرأة تكمل الرجل .
فبلاش ناخد الموضوع بصورة عداء بين الشباب
والفتيات.
وزي ما قلتي الاختلاف في الرأي لا يفسد للود قضية.

كلامك منطقى جدا ياانسه ميراج
وانا شخصيا اقتنعت بيه
بس مساله انى اقوم واقعد لبنت مثلا فى سنى شابة متردد فيها بصراحه
لان هى برضه عنده المقدرة على الحركه وتقدر تمشى وتقف مش ست كبيرة فى سن
حضرتك طبعا مش مطالب انك تقوم
بس لو مثلا بنت زى اللى كانت واقفه فى المواصله
دى اللى الراجل بدل ما يسيبها واقفه فى حالها عمال يضايقها
اظن حضرتك مش هتتردد لحظه انك تقوم وتقعدها
وحضرتك من حقك انك تركب وتقعد
بس اظن مش كل يوم حضرتك هتركب الموصلات
هتلاقى بنت واقفه
وانا عن نفسى شايفه ان مفهاش حاجه
ان لو البنت فى سنك تقوم وتقعدها
لأن فى الاول وفى الاخر هيه بنت
وحضرتك راجل
وانا بصراحه عن نفسى عمرى ما اركب مواصله
واقف فيها لو هقف بنزل حتى لو اضطريت انى اقف لبكره
واستنا مواصله تانى
او بصراحه عشان متتحطتش فى الموقف ده كتير
بس للضروره احكام
شكرا لمرور حضرتك

فيه نقطة هامة كمان
جمعيات المطالبة بحقوق المرأة واللي بتنادي بتشريع قانون
لمعاقبة الشاب بدعوي التحرش , وأنا موافق .
بس أيضاً يطالبوا بتشريع قانون يعاقب الفتاة أو المرأة الغير
محجبة الحجاب الشرعي !!
ولا البنات الكتير اللي ماشية شبه عارية تعمل كيفما يحلو لها
وعلي الشباب " ممنوع الإقتراب أو التصوير ؟"
كلامي ده فيه حاجة غلط؟!!

ردك كله دفاع عن المرأة وأنا لم أهاجم المرأة بشكل عام , وانما وضحت موقفي كرجل انا وغيري ولا أقول كل الرجال , وضحت ليه الرجل أصبح يكف عن مساعدة المرأة وذكرت بعض الأسباب .
ومينفعش اني اقوم لواحدة بغض النظر عن منظرها ده كلام مش منطقي !!
انا مقولتش لحضرتك الا تقوم وتقعدها
بس انت بتعمل الحاجه دى لله مش اكتر
وطبعا حضرتك حر تقوم او متقومش
ولما المرأة تطالب بالمساواة يبقي تقف في المواصلات زيها زي الرجل , مش دي برده مساواة؟!!
نقف مقولناش حاجه:romarioxp6:
طب هيه المرأه مش من حقها تطالب بحقوقها؟!؟

ولا الراجل عليه يوفر كل سبل الراحة للمرأة في كل مكان وينحرق هو ؟!!
انا مقولتش ينحرق:blush:
وبعدين هوه حضرتك كل يوم هتقابل بنت فى الموصلات واقفه
مش معقول ابدا
وبعدين المرأة خدت حقوقها وزيادة لدرجة ان الرجالة هي اللي محتاجة تطالب بعودة الحقوق لها !!!

لو فكرتي شوية في المثل ده وبعدين قولي رأيك فيه ايه ؟
لو أهلك في البيت دايماً يتهمونك بالخطأ عمال علي بطال , بمناسبة ومن غير مناسبة , يا تري احساسك حيكون ايه تجاه أهلك حتي لو ناقشتيهم , لكنهم مصرين علي رأيهم فيكي ,
تعاملك معاهم حيبقي شكله ايه ؟!!
حتفضلي زي ما انتي ولا تعاملك معهم حيتغير؟!!
اكيد طبعا تعاملى مع اهلى مش هيتغير
لأن فى الاول والاخر دول اهلى:romarioxp6:
ده علاقه ايه بالموضوع
دفاعك عن المرأة بالصورة دي في كل شيء ,
بس انا مدفعتش عن المرأه فى كل شى
وقولت زى ما فى الوحش فى الحلو
وقولت كمان ان فى فى زماننا ده بنات عايزين الحرق:mad:
يديني الحق اني أدافع عن الرجل في كل شيء .
حق حضرتك طبعا ان تدافع
ولكن مش فى كل شى
لأن كل انسان ليه سلبياته وايجابياته
وهذا ما لم أفعله أو أقوله في مشاركتي الأولي , وتبقي الحكاية فعل ورد فعل !!
طبعاً أنا مش عايز كده , بس أنا عايز ننظر للأمر من عدة جوانب ونتناقش في أسبابه , مش مجرد اننا نتعبر الرجل والمرأة ضدان أو عدوان
لا المرأة مخلوقة لراحة وسكينة الرجل , والرجل واجبه رعايتها وحمايتها , يعني المرأة تكمل الرجل .
فبلاش ناخد الموضوع بصورة عداء بين الشباب
والفتيات.
وزي ما قلتي الاختلاف في الرأي لا يفسد للود قضية.
والله مأخدتش الحكايه حكايه عداء خالص
بس اى حد يقرا مشاركه حضرتك الاولى هيلاحظ
هجوم حضرتك على المرأه
وكل ما قلته هو رأيى ليس اكثر
شكرا للمرور مره تانيه:078111rg3:

فيه نقطة هامة كمان
جمعيات المطالبة بحقوق المرأة واللي بتنادي بتشريع قانون
لمعاقبة الشاب بدعوي التحرش , وأنا موافق .
بس أيضاً يطالبوا بتشريع قانون يعاقب الفتاة أو المرأة الغير
محجبة الحجاب الشرعي !!
ولا البنات الكتير اللي ماشية شبه عارية تعمل كيفما يحلو لها
وعلي الشباب " ممنوع الإقتراب أو التصوير ؟"
كلامي ده فيه حاجة غلط؟!!
والله لو هنعمل لكل حاجه قانون يبقا مش هنخلص:d
واللى مش محجبه الحجاب الشرعى
سيبها لربنا هتروح فين من ربنا
بس انا ملاحظه ان حضرتك بتبص للبنت
بمنظور واحد بس
هوه البنت الوحشه
والله زى ما فى شباب كويسيين
اكيد فى بنات كويسه بردوا:bosyht9:

بالنسبة لأني حقابل كل يوم واحدة واقفة في المواصلات , يا ريت تبقي
واحدة بس , ما كانش يبقي فيه مشكلة . واضح انك مش من القاهرة
ولا حتي أنا منها , لكن لو نزلتي يوم القاهرة وركبتي مترو الأنفاق
أو بلاش تركبيه , اجلسي وانظري علي العربة المخصصة للحريم
وشوفي فيها كام واحدة , حتلاقيها رايقة أو علي الأقل يمكن للمرأة
أو الفتاة أن تقف فيها بكل حرية .
ومع ذلك تتجه معظم أقول معظم مش الكل أو البعض , لا ألكثرية من الفتيات
حتشوفيها بنفسك بتركب العربات الأخري واالي مفيش فيها مكان حتي للتنفس
تفتكري رايحين يركبوا هناك ليه؟!!!
انا مش حجاوب وحسيب الاجابة لكي انتي .
وبالنسبة لمشاركتي الأول , أكرر بأنني ذكرت بعض أسباب عدم مساعدة الرجل للمرأة
بصفة عامة مش في وسائل المواصلات فقط .

بالنسبة لأني حقابل كل يوم واحدة واقفة في المواصلات , يا ريت تبقي
واحدة بس , ما كانش يبقي فيه مشكلة . واضح انك مش من القاهرة
ولا حتي أنا منها , لكن لو نزلتي يوم القاهرة وركبتي مترو الأنفاق
أو بلاش تركبيه , اجلسي وانظري علي العربة المخصصة للحريم
وشوفي فيها كام واحدة , حتلاقيها رايقة أو علي الأقل يمكن للمرأة
أو الفتاة أن تقف فيها بكل حرية .
ومع ذلك تتجه معظم أقول معظم مش الكل أو البعض , لا ألكثرية من الفتيات
حتشوفيها بنفسك بتركب العربات الأخري واالي مفيش فيها مكان حتي للتنفس
تفتكري رايحين يركبوا هناك ليه؟!!!
انا مش حجاوب وحسيب الاجابة لكي انتي .
وبالنسبة لمشاركتي الأول , أكرر بأنني ذكرت بعض أسباب عدم مساعدة الرجل للمرأة
بصفة عامة مش في وسائل المواصلات فقط .
انا كل يوم بركب المترو وانا رايحه الجامعه!!!!;)
وفعلا بلاحظ ان السيدات بيركبوا فى العربيات
المخصصه للرجال:mad::mad:
بس هقول ايه ربنا يهدى
اللى تقبل على نفسها كده والله براحتها!!
وبصراحه مفيش سبب هيقنعنى مهما كان
ايه اللى بيخلى السيدات تركب فى العربيات
المخصصه للرجال
وانا مش مقتنعه انا عشان المرأه بتطالب بحقوقها
او غيره من اللى حضرتك ذكرته
انه يمنعك انك تقوم بواجبك كراجل
انك تساعد المرأه يعنى
لأن ده دينك
صح ولا انا غلطانه:romarioxp6:

انا كل يوم بركب المترو وانا رايحه الجامعه!!!!;)

وفعلا بلاحظ ان السيدات بيركبوا فى العربيات
المخصصه للرجال:mad::mad:
بس هقول ايه ربنا يهدى
اللى تقبل على نفسها كده والله براحتها!!
وبصراحه مفيش سبب هيقنعنى مهما كان
ايه اللى بيخلى السيدات تركب فى العربيات
المخصصه للرجال

طيب يبقي المطلوب من الرجال والشباب يقوموا من مقاعدهم في المترو عشان الستات تقعد ؟!!
وبعدين الفتيات دول مش شوية يعني مش عدد قليل .
والحل ان الرجالة تسيب المترو كله للستات ويا ريت يقضيهم !!
وانا مش مقتنعه انا عشان المرأه بتطالب بحقوقها
او غيره من اللى حضرتك ذكرته
انه يمنعك انك تقوم بواجبك كراجل
انك تساعد المرأه يعنى
لأن ده دينك
صح ولا انا غلطانه:romarioxp6:



قوليلي حقوق ايه اللي المرأة لسه بتطالب بيها؟!!!
الرحمة حلوة برده !!
وزي ما المثل بيقول " ان كان حبيبك عسل ما تحلسوش كله "
ايه اللي ناقص للمرأة ؟؟
الرجالة بقت مش لاقيه شغل وقاعدة في البيت ليس عن تقصير منهم وانما المرأة واخدة معظم اماكن العمل .
المرأة محتاجة حقوق ايه تاني؟ دا ناقص الجمعيات دي يجي عليها
يوم وتطالب فيه الرجل انه هو اللي يحمل ويخلف ويراعي المولود كمان !!
خلاصة قولي في هذه النقطة ان كلما زادت المرأة في المطالبة بحقوق وطب وأداب وتربية ومعاهد كمان والله , كلما نتج عن ذلك
رد فعل عكسي للرجل ليه؟!!! لأنه لا يري أن المرأة تستحق كل ذلك
لدرجة أنها تتمتع بمميزات وحقوق أكثر من الرجل نفسه !!
ومنذ ظهور هذه الجمعيات وانتشارها في مصر بصورة كبيرة جداً مع
ظهور ممثلات هذه الجمعيات في وسائل الاعلام ومساندة سوزان مبارك لتلك الجمعيات , منذ ذلك الحين , أصبح يوجد احتقان لدي الرجل مما يراه يحدث حوله رغماً عنه أقول رغماً عنه , مما يؤدي إلي
رد فعل عكسي تجاه المرأة بصورة عامة.
فرأيي ان المرأة هي أحد أسباب سلوكيات الرجل تجاهها , أقول أحد
أسباب وليست السبب الوحيد .

قوليلي حقوق ايه اللي المرأة لسه بتطالب بيها؟!!!
الرحمة حلوة برده !!
وزي ما المثل بيقول " ان كان حبيبك عسل ما تحلسوش كله "
ايه اللي ناقص للمرأة ؟؟
الرجالة بقت مش لاقيه شغل وقاعدة في البيت ليس عن تقصير منهم وانما المرأة واخدة معظم اماكن العمل .
طب ما يمكن عشان المرأه اكفأ من الرجل
فى مجال العمل ده:blush:
المرأة محتاجة حقوق ايه تاني؟ دا ناقص الجمعيات دي يجي عليها
يوم وتطالب فيه الرجل انه هو اللي يحمل ويخلف ويراعي المولود كمان !!
لأ مش للدرجادى
المرأه مش محتاجه حاجه
زى ما الراجل بيشتغل وبيثببت نفسه
هيه كمان من حقها تحس بوجودها
خصوصا ان مبقاش فى امان للدنيا
خلاصة قولي في هذه النقطة ان كلما زادت المرأة في المطالبة بحقوق وطب وأداب وتربية ومعاهد كمان والله
الله مش من حقا نتعلم ولا ايه:d
, كلما نتج عن ذلك
رد فعل عكسي للرجل ليه؟!!! لأنه لا يري أن المرأة تستحق كل ذلك
ليه لا تستحق ذلك
فى سيدات افضل من رجال كثير:)
لدرجة أنها تتمتع بمميزات وحقوق أكثر من الرجل نفسه !!
ومنذ ظهور هذه الجمعيات وانتشارها في مصر بصورة كبيرة جداً مع
ظهور ممثلات هذه الجمعيات في وسائل الاعلام ومساندة سوزان مبارك لتلك الجمعيات , منذ ذلك الحين , أصبح يوجد احتقان لدي الرجل مما يراه يحدث حوله رغماً عنه أقول رغماً عنه , مما يؤدي إلي
رد فعل عكسي تجاه المرأة بصورة عامة.
فرأيي ان المرأة هي أحد أسباب سلوكيات الرجل تجاهها , أقول أحد
أسباب وليست السبب الوحيد .
بردوا مش مقتنعه خالص :d
ايه يعنى لما الراجل يقبل بنجاح المرأه
ويعترف بيه
وميخدوش ان ده بيقلل من قيمته او مكانته كراجل

احنا مش بنقارن بين سيدات معينة ورجال معينين !!
الرجال بصفة عامة أفضل من السيدات أقول بصفة عامة
وده مش كلامي الشخصي .... لأ ده كلام المولي عز وجل .
وبرده مش عايزين نتعامل علي ان الرجال والنساء بيحاربوا
بعضهم البعض , قلنا المرأة بتكمل الرجل , مش بتنافسه !!!
ولما الفتاة تخرج للعلم شيء كويس جداً ومطلوب , لكن بالشكل اللي معظم
البنات بتخرج بيه ده .... أكيد لأ طبعاً !!
أما كفاءة المرأة في العمل عن الرجل فيا ريت تذكري أمثلة علي
تفوق المرأة علي الرجل في أي مجال من مجالات العمل المختلفة باستثناء
مجال التمريض .
دا حتي الطهي , الرجل يتفوق علي المرأة فيه وبصي علي الفنادق والمطاعم
لكن ده برده لا ينطبق علي كل الرجال وانما القلة والمرأة بصفة عامة تتفوق علي
الرجل في هذا الشأن ولكنه داخل البيت وليس خارجه !!
أما بالنسبة لقبول الرجل لنجاح المرأة فهذا وهم صدرته جمعيات حقوق المرأة
لمعظم النساء , لأن الرجل اللي يقبل ان زوجته تشتغل حيكره نجاحها في عملها
ليه وهو في ايده انه يقعدها في البيت؟!!
وبعدين حالياً فيه نساء وعددهم ليس بالقليل يطالبن بالكفاف عن المطالبة بحقوق
المرأة والنظر لحقوق الرجل .
يعني مثلاً خدي الحق ده :-
لو واحد طلق مراته وكان منجب منها بنت , المحكمة تحكم للمرأة بحضانة
البنت حتي سن الزواج , وان كان ولد فلها حق حضانته حتي سن 15 سنة
ثم يخير بين أبويه !!!!!!!
طيب هو عاش مع أبوه عشان يقدر يختار بين أبوه وأمه ؟!!!
والبنت ألا تحتاج لرعاية أبيها في سن معينة ؟!!
ولا هي المرأة اللي تراعي الاثنين ؟؟
طبعاً حتقولي انها أقدر علي رعاية الأولاد من الأب .
طيب بالله عليكي كام أم أو أب في هذا الوقت بيربوا أولادهم ؟؟
وليه الدادات والحضانات مطلوبين بكثرة ؟!!
دا حتي لو الواحدة تزوجت مرة أخري , الحضانة تنتقل لأمها !!!
وكأن الراجل ده غريب عن ابنه أو بنته !!!
هل الفتاة تذهب لأداء الخدمة العسكرية زي الشباب؟؟
لو فيه مساواة بالفعل , يبقي من حق الشباب انهم يطالبوا
الفتيات بأداء الخدمة العسكرية أيضاً .
ولا احنا حنقي اللي يعجب البنت تاخده واللي ميعجبهاش تسيبه !!
دي برده مساواة؟؟!!
يا أختي / حق المرأة أن تتساوي مع المرأة ولا تختلف عنها في شيء ,
أما الرجل فلا يحق لها أن تطالب بالمساواة معه , لماذا؟
لأن الرجل مكمل لها وليس نظيراً أو نداً لها .

احنا مش بنقارن بين سيدات معينة ورجال معينين !!
الرجال بصفة عامة أفضل من السيدات أقول بصفة عامة
وده مش كلامي الشخصي .... لأ ده كلام المولي عز وجل .
طبعا مقدرش اقول حاجه:)
وبرده مش عايزين نتعامل علي ان الرجال والنساء بيحاربوا
بعضهم البعض , قلنا المرأة بتكمل الرجل , مش بتنافسه !!!
طبعا المرأه مكمله للرجل مقولتش حاجه
ومين قال بتنافسه
الراجل هوه اللى بيعتبرها منافسه

ولما الفتاة تخرج للعلم شيء كويس جداً ومطلوب , لكن بالشكل اللي معظم
البنات بتخرج بيه ده .... أكيد لأ طبعاً !!
اكيد طبعا مع حضرتك
بس هنعملهم ايه يعنى
مفيش غير اننا ندعى ربنا يهديهم
طب النوع الاخر من البنات المحترم يعنى
حضرتك بتقول شى كويس انها تتعلم ومطلوب
طب ما كمان كويس انها تبقا حاجه فى شغلها
أما كفاءة المرأة في العمل عن الرجل فيا ريت تذكري أمثلة علي
تفوق المرأة علي الرجل في أي مجال من مجالات العمل المختلفة باستثناء
مجال التمريض .
دا حتي الطهي , الرجل يتفوق علي المرأة فيه وبصي علي الفنادق والمطاعم
لكن ده برده لا ينطبق علي كل الرجال وانما القلة والمرأة بصفة عامة تتفوق علي
الرجل في هذا الشأن ولكنه داخل البيت وليس خارجه !
الطهى ده لعبتنا
وانا معاك ان طبعا اى مجال فى اللى بيتفوق على التانى
سوء راجل او ست:)

أما بالنسبة لقبول الرجل لنجاح المرأة فهذا وهم صدرته جمعيات حقوق المرأة
لمعظم النساء , لأن الرجل اللي يقبل ان زوجته تشتغل حيكره نجاحها في عملها
ليه وهو في ايده انه يقعدها في البيت؟!!
صح بأيده انه يقعدها فى البيت
بس ممكن تكون بتساعده فى مصاريف البيت
يعنى مغلوب على امره هيقبل بشغلها
بس فى نفس الوقت مش هيحب ليها النجاح:excl:
وبعدين حالياً فيه نساء وعددهم ليس بالقليل يطالبن بالكفاف عن المطالبة بحقوق
المرأة والنظر لحقوق الرجل .
يعني مثلاً خدي الحق ده :-
لو واحد طلق مراته وكان منجب منها بنت , المحكمة تحكم للمرأة بحضانة
البنت حتي سن الزواج , وان كان ولد فلها حق حضانته حتي سن 15 سنة
ثم يخير بين أبويه !!!!!!!
طيب هو عاش مع أبوه عشان يقدر يختار بين أبوه وأمه ؟!!!
يعنى نخليها مع ابوه ازاى فى السن ده:blush:
والبنت ألا تحتاج لرعاية أبيها في سن معينة ؟!!
ولا هي المرأة اللي تراعي الاثنين ؟؟
متراعيش الاتنين
بس طفل لسه مولود لازم اكيد يبقا مع امه
طبعاً حتقولي انها أقدر علي رعاية الأولاد من الأب .
مش حكايه اقدر
فى اباء كتير افضل من سيدات فى تربيه الابناء
بس السن ده لازم الطفل الرضيع يبقا مع امه:o
طيب بالله عليكي كام أم أو أب في هذا الوقت بيربوا أولادهم ؟؟
وليه الدادات والحضانات مطلوبين بكثرة ؟!!
دا حتي لو الواحدة تزوجت مرة أخري , الحضانة تنتقل لأمها !!!
وكأن الراجل ده غريب عن ابنه أو بنته !!!
هل الفتاة تذهب لأداء الخدمة العسكرية زي الشباب؟؟
دى بقا مش معقوله ابدا:blush:

لو فيه مساواة بالفعل , يبقي من حق الشباب انهم يطالبوا
الفتيات بأداء الخدمة العسكرية أيضاً .
ولا احنا حنقي اللي يعجب البنت تاخده واللي ميعجبهاش تسيبه !!
دي برده مساواة؟؟!!
يا أختي / حق المرأة أن تتساوي مع المرأة ولا تختلف عنها في شيء ,
أما الرجل فلا يحق لها أن تطالب بالمساواة معه , لماذا؟
لأن الرجل مكمل لها وليس نظيراً أو نداً لها .
انا مع حضرتك والله ان المرأه مكمله للرجل
ومطالبتها بحقوقها كى تشعر بكيانها ووجودها ليس اكثر
فهناك رجال افضل من سيدات كثيرين
وهناك ايضا سيدات افضل من رجال كثيرين
سوء بقا فى العمل فى التربيه
او فى حاجات تانيه
واظن ان احنا خرجنا كتير عن موضوعنا :)

يا أختي / لما ميزان العدل بين الرجل والمرأة يكون موجود
حتلاقي الرجل بيجري عشان يساعد المرأة في أي شيء
لكن طول ما المرأة حاطة الرجل في دماغها , والرجل حاطط
المرأة في دماغه , عمرك ما حتلاقي أي تعاون بينهما حتي لو
كان الرجل هو زوج المرأة والمرأة هي زوجة الرجل , يعني مش حتلاقي
أي تعاون بينمها حتي في البيت الواحد طول ما كل واحد فيهما باصص ان الطرف
الأخر هو خصم أو ند له !!!
المشكلة بقي ان ميزان العدل ده من وجهة نظر مين؟!!!
يعني اللي يشوفه الرجل ولا اللي تشوفه المرأة ؟!!!
وهي دي أساس المشكلة .
مع سهولة الحل ولكنه السهل الممتنع للأسف وهو
ميزان الاسلام , واجبات الرجل يؤديها كما أمره المولي عز وجل بها
وواجبات المرأة تؤديها كما أمرها المولي عز وجل .
لكن حتي في النقطة دي بتختلط الأمور !!!!

حضرتك طبعا مش مطالب انك تقوم
بس لو مثلا بنت زى اللى كانت واقفه فى المواصله
دى اللى الراجل بدل ما يسيبها واقفه فى حالها عمال يضايقها
اظن حضرتك مش هتتردد لحظه انك تقوم وتقعدها
وحضرتك من حقك انك تركب وتقعد
بس اظن مش كل يوم حضرتك هتركب الموصلات
هتلاقى بنت واقفه
وانا عن نفسى شايفه ان مفهاش حاجه
ان لو البنت فى سنك تقوم وتقعدها
لأن فى الاول وفى الاخر هيه بنت
وحضرتك راجل
وانا بصراحه عن نفسى عمرى ما اركب مواصله
واقف فيها لو هقف بنزل حتى لو اضطريت انى اقف لبكره
واستنا مواصله تانى
او بصراحه عشان متتحطتش فى الموقف ده كتير
بس للضروره احكام
شكرا لمرور حضرتك

اكيد طبعا فى حاله انها واقفه وفى زحمه ورجاله كتير
طبيعى جدا اقوم واخليها هى تقعد عشان هى اكيد ذى اختى واللى مش ارضاه لبنات الناس مش ارضاه لاختى

لا المشكلة مش فى كده على فكرة طبيعى لنخوة و الرجولة بينقحو على الواحد لما يلاقى واحدة واقفة .. كفاية بس كلمة شكراً اللى بتبقى طالعة برقة منها او الدعوه الجميلة (( إلهى ينجحك يبنى )) اينعم كثرة الدعاء دى اتقلبت عليا بس بيبقى احساس حلو ..

المشكلة بقى التمادى فى كده البنت بقيت صعبه .. يعنى انا مرة راكب ميكروباص فبعدى فى الطرقة و ادخل اقعد وورايا شابة من سنى فقلت مفيش غير مكانين اخش انا جوا و هى تقعد على الطرف عشان مبقاش لازق فيها .. فلقيت قاعدة الكرسى معووجه فقلت اعدلهالها هى ركبها الفضول و قامت موطية (( هى وراية )) و عايزة تعرف انا بعمل ايه فبعد ما عدلته لسه برجع بوعى لورا (( طبيعى انا انسان عندى كوع !!!)) كوعى خبط فى النضارة الشمس بتاعتها و المشكلة (( انها قصيرة اوى بتاع 160سم !!)) فتخبطت فى وشها يعنى .. بس هى شكلها كان محترم مقلتش الهوى و يا خرابى قالت كما بالنص (( انت عبيييييط .. انت احول ... يا اعمى القلب و الضمير خش اترزى بلا قرف )) بصتلها لورا و بكل برود ابتسمت و قلتلها واضح عليكى لاحترام اوى .. و قعدت وديت وشى نحيت الشباك .. خمس دقايق خبطت على كتفى (( افتكرتها دبانة )) و قالتلى انا اسفة انا مش عارفه انا عملت كده ليه بس انا خفت على النضارة (( ام 25 جنيه !!)) ... فدى واحده هزقتنى عشان احترمتها .. و الواحد(( ذوقياً مينفعش يكلمها اصلً ))

و موقف تانى راكب فلوكس فبنت و تلاتة اصحابها و المفروض ورا اربعه .. فبتقولهم اركبو و انا و ورا فركبو تلاتة وواحدة قعدت على رجلهم .. و بيهزروا مع بعض هزار لذيذ (( بيرمو بعض على بعض !!)) وفا واحده وقعت عليا فبزعق و قولت للسواق نزلنا دول مجانين ياعم المفروض يقولو اسفين (( لا دول قالو .. ايه ال فافى ده .. )) هو اللى بيحترم نفسه يبقى فافى !!

و اسف على الاطالة و نايس توبيك

انا طبعااااااا لو ده حصل معايا هقوم وهخلى البنت هى اللى تقعد او الراجل الكبير او الست الكبيره وده طبعااااا واجب عليا.
وهقول كلمة اخيره :- ربنا يهدى شباب وبنات المسلمين الى طاعته وهدايته .
اللهم امييييييييييييييييييييييييييييييييييين.

لا المشكلة مش فى كده على فكرة طبيعى لنخوة و الرجولة بينقحو على الواحد لما يلاقى واحدة واقفة .. كفاية بس كلمة شكراً اللى بتبقى طالعة برقة منها او الدعوه الجميلة (( إلهى ينجحك يبنى )) اينعم كثرة الدعاء دى اتقلبت عليا بس بيبقى احساس حلو ..

المشكلة بقى التمادى فى كده البنت بقيت صعبه .. يعنى انا مرة راكب ميكروباص فبعدى فى الطرقة و ادخل اقعد وورايا شابة من سنى فقلت مفيش غير مكانين اخش انا جوا و هى تقعد على الطرف عشان مبقاش لازق فيها .. فلقيت قاعدة الكرسى معووجه فقلت اعدلهالها هى ركبها الفضول و قامت موطية (( هى وراية )) و عايزة تعرف انا بعمل ايه فبعد ما عدلته لسه برجع بوعى لورا (( طبيعى انا انسان عندى كوع !!!)) كوعى خبط فى النضارة الشمس بتاعتها و المشكلة (( انها قصيرة اوى بتاع 160سم !!)) فتخبطت فى وشها يعنى .. بس هى شكلها كان محترم مقلتش الهوى و يا خرابى قالت كما بالنص (( انت عبيييييط .. انت احول ... يا اعمى القلب و الضمير خش اترزى بلا قرف )) بصتلها لورا و بكل برود ابتسمت و قلتلها واضح عليكى لاحترام اوى .. و قعدت وديت وشى نحيت الشباك .. خمس دقايق خبطت على كتفى (( افتكرتها دبانة )) و قالتلى انا اسفة انا مش عارفه انا عملت كده ليه بس انا خفت على النضارة (( ام 25 جنيه !!)) ... فدى واحده هزقتنى عشان احترمتها .. و الواحد(( ذوقياً مينفعش يكلمها اصلً ))

و موقف تانى راكب فلوكس فبنت و تلاتة اصحابها و المفروض ورا اربعه .. فبتقولهم اركبو و انا و ورا فركبو تلاتة وواحدة قعدت على رجلهم .. و بيهزروا مع بعض هزار لذيذ (( بيرمو بعض على بعض !!)) وفا واحده وقعت عليا فبزعق و قولت للسواق نزلنا دول مجانين ياعم المفروض يقولو اسفين (( لا دول قالو .. ايه ال فافى ده .. )) هو اللى بيحترم نفسه يبقى فافى !!

و اسف على الاطالة و نايس توبيك
اسمحلى اقتبس رد حضرتك
وارد عليه مواقف جامده اوى بالنسبة للبنت الاولى دى تاخد شهادة الايزو فى قله الزوق وانها مدب وحشرية كمان
بالنسبة للمواقف التانى اقل كلمه تقولها عليهم ناقصين تربية
انا حصلى موقف كنت فى ميكروباص واتعسكت فيه للاسف من اتنين بنات برضه ناقصين تربية
ربنا يهدى شبابنا وبناتنا

في ظل المساواة بين الرجل والمرأة
وفي ظل حقوق المرأة اللى بقت اكتر من حقوق الرجل
انا شايف اللى يقعد عالكرسي الاول حيبقى حقه :d

في ظل المساواة بين الرجل والمرأة
وفي ظل حقوق المرأة اللى بقت اكتر من حقوق الرجل
انا شايف اللى يقعد عالكرسي الاول حيبقى حقه :d
اكيد حضرتك بتهزر صح؟؟؟!!!
ماشى طب لو اختك هاتقوملها ولا هاتخليهاواقفة
هم مش كل المسلمات اخواتك ولا ايه؟
بصراحة انا مش موافقة على كلام حضرتك ده خالص

يا أختي / لما ميزان العدل بين الرجل والمرأة يكون موجود
حتلاقي الرجل بيجري عشان يساعد المرأة في أي شيء
لكن طول ما المرأة حاطة الرجل في دماغها , والرجل حاطط
المرأة في دماغه , عمرك ما حتلاقي أي تعاون بينهما حتي لو
كان الرجل هو زوج المرأة والمرأة هي زوجة الرجل , يعني مش حتلاقي
أي تعاون بينمها حتي في البيت الواحد طول ما كل واحد فيهما باصص ان الطرف
الأخر هو خصم أو ند له !!!
المشكلة بقي ان ميزان العدل ده من وجهة نظر مين؟!!!
يعني اللي يشوفه الرجل ولا اللي تشوفه المرأة ؟!!!
وهي دي أساس المشكلة .
مع سهولة الحل ولكنه السهل الممتنع للأسف وهو
ميزان الاسلام , واجبات الرجل يؤديها كما أمره المولي عز وجل بها
وواجبات المرأة تؤديها كما أمرها المولي عز وجل .
لكن حتي في النقطة دي بتختلط الأمور !!!!
يعنى كده المشكله بين الرجل والمرأه ستظل قائمه:d
لأن كل واحد شايف نفسه الصح:excl:
شكرا لحضرتك
ولكل ردود حضرتك فى الموضوع
سوء اختلافنا او اختلافنا:d
فاختلاف الرأى لا يفسد للود قضيه

اكيد طبعا فى حاله انها واقفه وفى زحمه ورجاله كتير
طبيعى جدا اقوم واخليها هى تقعد عشان هى اكيد ذى اختى واللى مش ارضاه لبنات الناس مش ارضاه لاختى
طبعا :)
ربنا يكرم حضرتك
وشكرا للمرور مره تانيه

لا المشكلة مش فى كده على فكرة طبيعى لنخوة و الرجولة بينقحو على الواحد لما يلاقى واحدة واقفة .. كفاية بس كلمة شكراً اللى بتبقى طالعة برقة منها او الدعوه الجميلة (( إلهى ينجحك يبنى )) اينعم كثرة الدعاء دى اتقلبت عليا بس بيبقى احساس حلو ..

المشكلة بقى التمادى فى كده البنت بقيت صعبه .. يعنى انا مرة راكب ميكروباص فبعدى فى الطرقة و ادخل اقعد وورايا شابة من سنى فقلت مفيش غير مكانين اخش انا جوا و هى تقعد على الطرف عشان مبقاش لازق فيها .. فلقيت قاعدة الكرسى معووجه فقلت اعدلهالها هى ركبها الفضول و قامت موطية (( هى وراية )) و عايزة تعرف انا بعمل ايه فبعد ما عدلته لسه برجع بوعى لورا (( طبيعى انا انسان عندى كوع !!!)) كوعى خبط فى النضارة الشمس بتاعتها و المشكلة (( انها قصيرة اوى بتاع 160سم !!)) فتخبطت فى وشها يعنى .. بس هى شكلها كان محترم مقلتش الهوى و يا خرابى قالت كما بالنص (( انت عبيييييط .. انت احول ... يا اعمى القلب و الضمير خش اترزى بلا قرف )) بصتلها لورا و بكل برود ابتسمت و قلتلها واضح عليكى لاحترام اوى .. و قعدت وديت وشى نحيت الشباك .. خمس دقايق خبطت على كتفى (( افتكرتها دبانة )) و قالتلى انا اسفة انا مش عارفه انا عملت كده ليه بس انا خفت على النضارة (( ام 25 جنيه !!)) ... فدى واحده هزقتنى عشان احترمتها .. و الواحد(( ذوقياً مينفعش يكلمها اصلً ))
مش عارفه اقول لحضرتك ايه
بس فى بنات كتير عايزين الحرق:d
لسانهم اطول منهم:p
ربنا يلطف بينا

و موقف تانى راكب فلوكس فبنت و تلاتة اصحابها و المفروض ورا اربعه .. فبتقولهم اركبو و انا و ورا فركبو تلاتة وواحدة قعدت على رجلهم .. و بيهزروا مع بعض هزار لذيذ (( بيرمو بعض على بعض !!)) وفا واحده وقعت عليا فبزعق و قولت للسواق نزلنا دول مجانين ياعم المفروض يقولو اسفين (( لا دول قالو .. ايه ال فافى ده .. )) هو اللى بيحترم نفسه يبقى فافى !!
للأسف احنا فى زمن اتعدم فيه الحياء:angry2:
ربنا يهدى الجميع يارب

و اسف على الاطالة و نايس توبيك
ولا يهم حضرتك
نورت التوبيك
وشكرا على المرور
واحلى حاجه فى الموصلات ان كل يوم فى جديد:d

انا طبعااااااا لو ده حصل معايا هقوم وهخلى البنت هى اللى تقعد او الراجل الكبير او الست الكبيره وده طبعااااا واجب عليا.
وهقول كلمة اخيره :- ربنا يهدى شباب وبنات المسلمين الى طاعته وهدايته .
اللهم امييييييييييييييييييييييييييييييييييين.

ربنا يكرم حضرتك
وشكرا لمرور حضرتك
الموضوع نور
ويارب يهدينا جميعا

على فكره ياميراج موضوعك مهم جدااااااااا

وبيعرض مأساه فى المجتمع

وكل اللى الاعضاء الكرام ذكروه بيحصل والله قدامى

بس انا مابرضاش اركب فى مواصله اننى اقف فيها خالص حتى لو هاقف لاخر اليوم اهم حاجه اكون مرتاحه وانا قاعده بس معرضش نفسى لموقف زى البنت الللى انتى بتحكى عليها

وربنا بيوقف لنا اولاد الحلال كتير وعلى فكره لسه فيه ناس كويسه بردو

اسمحلى اقتبس رد حضرتك
وارد عليه مواقف جامده اوى بالنسبة للبنت الاولى دى تاخد شهادة الايزو فى قله الزوق وانها مدب وحشرية كمان
شهاده الايزو:d
ربنا يهديها يارب

بالنسبة للمواقف التانى اقل كلمه تقولها عليهم ناقصين تربية
انا حصلى موقف كنت فى ميكروباص واتعسكت فيه للاسف من اتنين بنات برضه ناقصين تربية
ربنا يهدى شبابنا وبناتنا
لا حول ولا قوه الا بالله;)
مش بقول فى بنات عايزه الحرق بجاز:angry2:
للأسف مبقاش فى حياء ولا اى حاجه:confused:
يارب الطف بينا يارب:)

في ظل المساواة بين الرجل والمرأة
وفي ظل حقوق المرأة اللى بقت اكتر من حقوق الرجل
انا شايف اللى يقعد عالكرسي الاول حيبقى حقه :d
احنا هنسابق:p
لأ بجد رأى حضرتك ايه؟؟
هتقوم ولا مش هتقوم؟؟:d
وعلى العموم شكرا على المرور:078111rg3:

اكيد حضرتك بتهزر صح؟؟؟!!!
ماشى طب لو اختك هاتقوملها ولا هاتخليهاواقفة
هم مش كل المسلمات اخواتك ولا ايه؟
بصراحة انا مش موافقة على كلام حضرتك ده خالص
نورتى الموضوع يا قمر:)

على فكره ياميراج موضوعك مهم جدااااااااا

وبيعرض مأساه فى المجتمع

وكل اللى الاعضاء الكرام ذكروه بيحصل والله قدامى

بس انا مابرضاش اركب فى مواصله اننى اقف فيها خالص حتى لو هاقف لاخر اليوم اهم حاجه اكون مرتاحه وانا قاعده بس معرضش نفسى لموقف زى البنت الللى انتى بتحكى عليها

وربنا بيوقف لنا اولاد الحلال كتير وعلى فكره لسه فيه ناس كويسه بردو
والله ياقمر انا عارفه ان لسه
فى ناس كويسه
ويارب دايما يوقفلنا ولاد الحلال:romarioxp6:
انا كمان زيك مركبش مواصله واقف فيها ابدا:mad:
بس ربنا وحده اللى عالم بظروف البنت دى:frown:
وللضروره احكام
نورتى التوبيك يا قمر
شكرا لمرورك:d

طبعا انتى معاكى حق وبارك الله فيكى

موضوع زي العسل

وفعلا بدأنا نفقد بعض القيم والعادات الحسنة في حياتنا

مثل مساعدة المحتاج والعطف علي الكبير

والنخوة والشهامة

تسلم ايديكي ياختي ع الموضوع

طبعا انتى معاكى حق وبارك الله فيكى
متشكره جدا لمتابعه ومرور حضرتك
نورت الموضوع

موضوع زي العسل

وفعلا بدأنا نفقد بعض القيم والعادات الحسنة في حياتنا

مثل مساعدة المحتاج والعطف علي الكبير

والنخوة والشهامة

تسلم ايديكي ياختي ع الموضوع
شكرا لمرورحضرتك
الموضوع نور والله
بس لحد امته هنفضل نفقد فى تقاليدنا وعاداتنا:confused:

قامت واحده ست خدت منها الولد وقعدته جمبها
وانا وصحبتى خدنا منها البنوته تقعد جمبنا
اقصد فوقينا بقا!!!

عجبتنى اووووووى الجملة دى يا ميراج والله الواحد بيحصله اسخن من كده والله
وللاسف تلاقى مثلا راجل عجوز طالع وفى شباب قاعدين وغصب عنك لازم تقومى وتقعديه او مثلا لو شايل حاجه تخديها عنه
او زى ما حصل معاكم كده
طب ده مرة بقا كنت راكبة اتوبيس وواحده حامل واقفه جمب شب قاعد فى كرسى لوحده وشوية شوية هتقوله والنبى قعدنى شوية تعبانه وهو منفض وباصص من الشباك ولا كأنه هنا
ومرة واحد وصاحبه كان واحد وقف والتانى قاعد على كرسى وكنت انا واخواتى البنات وماما جمبهم بالظبط
المهم اللى قاعد جيه محطته وراح قال للتانى قعد بسرعه بسرعه وراح سابله الكرسى وشايف اربع بنات وست كبيره واقفين
هنقول ايه
بس موضوع حلو اووووووى وضحكنى جدا
ميرسى ليكى يا ميراج

قامت واحده ست خدت منها الولد وقعدته جمبها
وانا وصحبتى خدنا منها البنوته تقعد جمبنا
اقصد فوقينا بقا!!!

عجبتنى اووووووى الجملة دى يا ميراج والله الواحد بيحصله اسخن من كده والله
وللاسف تلاقى مثلا راجل عجوز طالع وفى شباب قاعدين وغصب عنك لازم تقومى وتقعديه او مثلا لو شايل حاجه تخديها عنه
او زى ما حصل معاكم كده
طب ده مرة بقا كنت راكبة اتوبيس وواحده حامل واقفه جمب شب قاعد فى كرسى لوحده وشوية شوية هتقوله والنبى قعدنى شوية تعبانه وهو منفض وباصص من الشباك ولا كأنه هنا
ومرة واحد وصاحبه كان واحد وقف والتانى قاعد على كرسى وكنت انا واخواتى البنات وماما جمبهم بالظبط
المهم اللى قاعد جيه محطته وراح قال للتانى قعد بسرعه بسرعه وراح سابله الكرسى وشايف اربع بنات وست كبيره واقفين
هنقول ايه
بس موضوع حلو اووووووى وضحكنى جدا
ميرسى ليكى يا ميراج


شكرا لمرورك ياقمر
الموضوع نور والله
هنقول ايه غير ربنا يهدي الشباب:d
وبينى وبينك البنات بردوا:d

للأسف الشباب بيستهبلوا أخر استهبال فى حكاية المواصلات دى
والواقع لا يطاق
انا كل مرة بركب فيها أتوبيس نقل عام
بفضل أحمد ربنا إنى مليش أخت بنت من قلة الأدب اللى بشوفها
بصراحة الواقع مزرى إلى أقصى درجة
تحرش وخناقات وزحمة وقرف وقلة أدب وسرقة فى كل وسيلة نقل عام فى البلد دى