<span style="font-family:Arial Black"><div align="center">بسم الله الرحمن الرحيم </div>



فى البداية هذا الموضوع هو موضوع للنقاش الجاد , نعرف جميعا ان هناك العديد من الاعضاء المتميزين هجروا المنتدى او بصدد ترك المنتدى
والاسباب كالاتى
1- تدنى مستوى الادارة وسوء الاشراف
2- تدنى الموضوعات والفكر العام للاعضاء
3- كثرة المشاكل والاخلافات بين الاعضاء داخل الموضوعات وخارجها
4- الوقوع المتكرر للمنتدى مما جعل الاعضاء يحذفون عن المشاركة او الدخول فيه
اعتقد دى هى الاسباب ........ واحب اناقش معاكم الاسباب دى نقطة نقطة يمكن نوصل لحل فيها

السبب الاول ...تدنى مستوى الادارة وسوء الاشراف :
انا معاكم ان مستوى الادارة نزل جدااا فى الفترة اللى فاتت من حيث تواجد مشرفين أقسام او مشرفين ادارين
بس سوال المشرفين دول اتعينوه ام انتخبوا ؟
مش هتكلم عن الفترة دى او عملية التعين دى انا بتكلم عن الفترة اللى فاتت
مش حصل انتخابات يبئا الادارة والناس اللى جت دى ومسكت مشرفين مش كان ده با اردة الاعضاء ؟
يبئا مدير الموقع والادارين مش مسئولين عن اختياركم وياريت محدش يقولى ان حصل كوسة فى الانتخابات
ولو فعلا حصلت يبئا انتوا الغلطنين لانكم انتوا كا اعضاء سكتم والاصوات كانت قدمك يبئا متجيش حالا تقولى ان المشرفين مش شايفين شغلهم انتاا اللى اختر
وانتا اللى تتحمل نتيجة اختيارك للنهاية شايف نفسك عضو كفاء ومتميز رشح نفسك .... هتقولى بقيت بالتعين هقولك لو صدر غلط من المشرف الجديد او المشرف ده
جاى غصبن عنك يبئا احتجوهعليه قولوا مش عايزينه ....... وعمر الادارة ما هتكون ضدد رغبة كل الاعضاء

النقطة التانية

تدنى الموضوعات والفكر العام للاعضاء
سوال الاول
عرف كلمة منتدى ؟ وياريت كل واحد يفكر فى معنى الكلمة دى
هى الموضوعات دى مين اللى بيكتبها المنتدى
يعنى المنتدى ده دخلته لقيت الموضوعات فيه جاهزة .. مش انا وانتا وهو وهى اللى بيكتبوه الموضوعات دى
يبئا لما تيجى تتكلم متقولش مستوى المنتدى تدنه تقول مستوي عقلى هو اللى تدنه لانى سمحت لنفسى انى اكتب موضوع زى ده
غلطنا وبنغلط وهنغلط وبرضه فى الاخر العيب فى المنتدى ... يبئا حسن مستوى كتابتك ومناقشاتك مع الاعضاء واكيد هتلقى الاستفادة
ثم انتا بتكتب علشان تسنته الرد مينفعش تكتب علشان الناس تستفيد لوجه الله لانريد منكم جزء ولا شكورا .... نقطة وخلصنا منها

النقطة التالته :
هنتلكم عن موضوع الخلافات طبعا دى بترجع لسلوك كل عضو وانه بيحب يكون هو الصح والغلط ولو حتى بالباطل
بتاخذنا ساعات العزة بالاثم وانا منكرش انى ليا غلطات كتير وبحاول اثبت وجهة نظرى بالعافية فى الاول والاخر انظر للمجموعة كلنا اعضاء قبل ما تكون مشرف او ادارى او مدير انتا عضو
المنتدى من غير اعضاء مش هينفع فيه لا مدير ولا غفير لان المنتدى ده احنا نحاول نصلح من نفسنا صح ونكون رجالة ونتكلم كلام راجالة ونتناقش صح
ووجهة النظر الصح هى اللى هتفوز .... ثم احنا نسينا حاجة مهمة ان الناقش داخل موضوع هو اللى بيدى للموضوع طعم بس طبعا مش معنى كده
اننا نتجاوز حدودنا ونجرح ونغلط ونفشى اسرار كل عضو ونقوله انا هقلبلك القديم والجديد
متنسوش اننا فينا بكرة ( دكاترة - ومهندسين - واستاذة - ومحامين ......) يبئا نتصرف على الاساس ده من حالا انا وانتا وهو قدوة نحاول ومش هنخسر حاجة
النقطة الرابعة : الوقوع المتكرر للمنتدى

الاول سوال هو المنتدى ده منتدى ايه ؟
اعتقد انه منتدى تعليمى يعنى مش ترفيهى وحكاية انه بيقع دى انا عارف ان السيرفر اللى كان موجود عليه مكنش اللى هو والبانر والكلام ده كله
بس هسال سوال عملية نقل المنتدى من سيرفر والكلام ده كله ببلاش ؟
انتا تعرف ظروفى تعرف تقدر محدش فينا ليه بيلتمس لا اخيه عذر الموقع مش بيجيب فلوس واظن كلنا عارفين ده كويس
يبئا علشان انقلك على سيرفر جديد محتاج فلوس
انا لما قبلت صلاح واتكلمت معاه فى موضوع المنتدى وقاعدنا مع نفسنا صح عذرا الاستاذ اشرف هقولكم ازاى
انا راجل متجوز وعندى زوجة وبيت وشغل عمرى ما هتفرغ للمنتدى 24 ساعة ولو حتى ساعة انتا متعرفش ظروف شغلى ايه متعرفش انا محكوم با ايه
اعتقد ان الموضوع كده انا ذكرت فيه كل البنود ولو كنت نسيت حاجة اى عضو يحب يضفها يتفضل ... واللى يحب يتناقش فى الكلام ده يتفضل
واللى يحب يهرب برضه يتفضل

وشكراااااا </span>

اول حاجة كونك انك بدأت كلامك بصراحة بجد دى حاجة مشرفة جدا لكل عضو هنا

وانا فعلا مبسوط جدا من صراحتك العالية وطريقة وضوع المشاكل


بخصوص المواضيع


انا اعترف اانى فى الفترة الى فاتت اول ماكتبت دهولت الدنيا شوية

بمواضيع مكررة ومش فى مكانها وانا فعلا غلطان فى دى

بس فى حاجة تانية انا كتبت 3 مواضيع محترمين فعلا

بس لاسف ملقيتش ترحيب من المشرفين والاعضاء

كثير من الاعضاء دخل يتكلم ويقول مكرر وهوا مش عارف حاجة

والموضوع الثانى جة مشرف ودمجة مع موضوع وهوا لمهوش علاقة بية

والثالث انا كتبتة فى قسم الرأى العام لانة فعلا محتاج رأى

جة مشرف تانى حطة فى فلاسفة تحت التمرين والموضوع اجتماعى بيتكلم عن مشكلة

وبصراحة انا لقيت احراج جامد جدا ومفيش حبت اهتمام من بعض المشرفين بجد

انا ماكنتش موجود فى الانتخابات كان عندى ظروف دى نقطة

بخصوص وقوع المنتدى وكده فأنا افهم كويس اوى فى موضوع السيرفرات

وتركيب المنتديات وغيرها الحمد لله فلو الادارة محتاجة اى مساعدة بجد انا موجود

وتقبل فائق احترامى

ياااااه

انت كتبت الكلام ده كله لوحدك يا بري ؟

أنا متفق معاك

<span style="font-family:Arial Black"><div align="center">اولا شكراا على ردك وعلى رايك بصراحة
بس ياريت الكلام ده لو كان حصل فى ساعاتها كان ممكن تبعت للمشرف وتفهم منه هو عمل كده ليه
هقولك كلمة وحده ليك حق متسبشوش ولا يضيع حق وراءه صاحب
انما انك تطنش وغيرك يطنش مينفعش قول للمشرف انتا غلطت فى كذا ويمكن المشرف يكون صح حاول تقنعه برايك او هو يقنعك برايه
وبالنسبة لموضوع احراجك ده ملوش لزم كلنا فى الاول كنا مشعارفين نحط المواضيع فين او مفكرناش ولغاية دلوقتى انا بحتار فى بعض المواضيع سوء اللى بتكبها او اللى بنقلها بحطها فين
وبالنسبة لعملية النقل هو خلاص اتنقل والحمد لله وشكرااا ليك مرة تانية على رايك وعلى ردك
فائق احترامى</div></span>

<div class='quotetop'>إقتباس(*_^ Crazy Bero0o0o0o *_^ @ Aug 18 2007, 07:07 PM) 349892</div><span style="color:#FF0000"><div align="center">

كل مواضيع الركن العام اغلبها تافهه لتفاهه أعضاء الموقع بالأجمع منهم تافهون حقيقيون ومنهم من يُساير ركب التفاهه

</span>[/b][/quote]

سورى ..انا لما جيت اكتب موضوع كلنا هنعمله مع بعض فى المنتدى العام وكانت الفكره كدراسه مع بعض على الحيوانات المائيه والشعب ....المشرف نقله لجرس الفسحه

لامه مش مناسب للمنتدى العام ...وساعتها انا مسحت الموضوع والموضوع شالوه

<div align="center">بص يا اسلام انا بيتهيالي انك ذكرت كل البنود

بس انا علي قد ما انا شايف ان الاعضاء الي سابو المنتدي مع احترامي الشديد ليهم كلهم يعتبر نوع من انواع الهروب بس انا بلتمس لهم العذر لسبب تدني حالة الاشراف

وزي ما انت قولت انا مش عارف اذاي كانت كوسه مع انها كانت بالعربي كدا علي عينك يا تاجر كان منتدي مخصوص عشان الانتخابات وكل عضو بيدخل ويقول هو عايز مين

يبقي لو كوسه يبقوا الاعضاء هما الي مظبطين مع بعض يبقي يستحملوا بقي لما يكون الاشراف مش كويس مش انت الي اخترته اشرب وفكرة التعيين الي ناس كتيير

معترضه عليها طب يعني ايه الحل انتوا عايزين الانتخابات ولا التعيين طب الانتخابات كوسه والاشراف يبقي ايه شربه؟

والنقطه الي بعد كدا موضوع تدني المواضيع والمناقشات فعلا يا اسلام المفروض ان احنا الي بنكتب واحنا الي بناقش ولو علي المواضيع التافهه كل عضو ادري بالي

بيكتبه ومحدش بيضرب حد علي ايده عشان يرد وبعدين الاعضاء الي بيكتبوا المواضيع دي لو ملقيوش الاقبال بتاع الناس علي مواضعهم مش هيكتبوا وانا عندي انهم

ميكتبوش احسن من انهم يكتبوا مواضيع تافهه وبعدين انا شايف ان الحمد لله المنتدي كان في فترة انحدار وفعلا بدأ يتحسن انا فاكر الفتره الي فاتت دي مكنش فيه غير

المواضيع العبيطه انما دلوقتي بداء والحمد لله المواضيع الكويسه ترجع تاني وبعدين في اعضاء كتير جدا بيكتبوا كويس جدا جدا واغلب المواضيع العبيطه انا بشوفها علي

طول بتتنقل علي القسم المكرر لانها كلها مواضيع قديمه وعبيطه وبعدين المشكله في الاعضاء ان في اعضاء كتيييييييييييييييييير بيكونوا فاكرين انهم مش بيعرفوا

يناقشوا وللاسف هما مش بيدوا لنفسهم فرصه عشان يجربوا يناقشوا يا عم خش وجرب قول انت عايز تقول ايه في الموضوع يمكن تكون وجهة نظرك غلط نصلحها

مع بعض وهي دي الطريقه الي نقدر نفيد بعض بيها كل عضو لازم يقول رايه والعضو الي مش عاجبه وجهة نظرك يدخل يقول انت وجهة نظرك غلط عشان كذا وكذا

اقتنعت كان بها مقتنعتش حاول انت تقنعه يمكن تكون وجهة نظرك انت الي صح وطبعا انا بقول كدا علي اساس اننا مش صغيرين احنا المفروض ان اصغر واحد او واحده

فينا فأولي ثانوي او تالته اعداي يعني مش صغير ولو حاول يشغل المكنه الي في الجمجمه دي هيقول وهيطلع الي في دماغه يمكن يكون بعض الاعضاء شايفين

ان الموضوع صعب انك تكتب موضوع هادف او مواضيع من الي ينفع تناقش فيها بالعكس احنا كل حاجه حوالينا لو جربت تناقشها هيبقي موضوع هادف ومحدش يقدر

يقولك ايه الموضوع دا طالما انت شايف ان الموضوع دا بيتكلم عن مشكله احنا فيها وان احنا محتاجين لموضوعك عشان نطلع الي جوانا ونقول رأينا في المشكله دي

يبقي انشر وقول رايك وهتلاقي ناس تناقشك ومتخافش من النقاش انت ممكن في الاول متعرفش تناقش بس مره علي مره هتلاقي ان الموضوع سهل لانك مش

بتتفلسف انت بتطلع الي جواك هتكتبه بالعربيه الفصحه او بالعميه او بالانجليزي او بالعبري حتي مش مشكله المهم تقول الي بتفكر فيه احنا كدا هنقدر نرفع المستوي

الي بيتقال عليه متدني ( الي هو مستوي تفكيرنا )

اما بالنسبه لكثرة المشاكل بين الاعضاء ودا بيرجع للمخ الصغير ولعدم تقبل وجهات النظر بين الطرفين دا داخل الموقع اما خارج الموقع فانا شايف ان خلافاتك خارج

الموقع ملهاش اي علاقه بالموقع ومينفعش تربطهم ببعض وبعدين في مقوله بتقول الاعتراف بالحق فضيله انت شايف انك غلط قول انا غلط وانت كدا مش بتقلل من

نفسك بالعكس والله انت كدا بترفع من نفسك قدام المنتدي كله

ونيجي لموضوع الوقوع المتكرر للموقع فعلا الموقع المفروض بفولس يعني مش مجاني هيجي ناس يقولوا طب الي مش قد حاجه بيدخلها ليه هقولك يا سيدي افرض

ان في ظروف حصلت المفروض فعلا تلتمس لاخيك العذر احنا ليه اول ما بنلاقي غلطه نسيب كل حاجه ونمسك فيها ليه دايما بنبص للنص الفاضي من الكبايه طيب

مهو في نص مليان اكيد طبعا لازم نشوف الوحش انا مش بقول اننا نتغاضي عنه بس نصلحه مش نمسك فيه ونقول اهو عيب اهو لا ( من ستر مسلما ستره الله يوم القيامه )

ودا كل الي اقدر اقوله وفي الاخر انا بعتذر لكل عضو غلط فيه في الموقع انا اسف

وكلنا بنحب المنتدي ونفسنا يبقي احسن ودا مش هيحصل بالكلام لازم يبقي فيه فعل

يارب اكون قولت حاجه

سلام</div>

</span></span></span>

مع احترامى لرأئيك الكمة ازاى اذا كان هوا ماحترمنيش وبعتلى رسالة يقولى ان موضوعك مش موضوع ده مجرد رد


ياريت تدخل موضوع السادات بتاع المعاكسة وهتلاقى شوية بتنجان عشان المشرف دمج الاثنين مع بعض


ياريت تشوفة وتقولى رأيك دور فى الموضوع عن اول رد ليا وهترف لوحدك


موضوع مين فينا الى غلطان هتلاقية فى فلاسفة تحت التمرين

والله مالوة دعوة بالفلسفة

ياريت يكون فى شوية اهتمام

وبعدين مع احترامى لكم انا مش صغير ولا اول مرة اكتب مواضيع


انا مسكت اشراف كثير فى اكبر منتديات

1- العاصفة

2- النخبة

3- ترياق العرب

وغيرة وغيرة

والحمد لله دول مش منتديات صغيرة

واانا سايبك تحكم

تقبل احترامى

بالنسبة لموضيوع حضرتك اللى نقلهم كان خالد مش انا
وبالنسبة لموضوع بسلمة برضه خالد
وانا طلبت منك تكتبيه تانى وانتى رفضتى ولو تفتكرى يعنى

<div align="center">
بعيدا عن كل الكلام اللى فات وانا برضه مش هبعد عن الموضوع وهنتكلم فى مسائل شخصية وبلاش موضوع الباص بتاع العضوات ده ;)
انا هعقل على موضوع واحد وجملة وحده اللى هى دى

<div class=\'quotetop\'>إقتباس</div><div class=\'quotemain\'>ويا مرشد انتا اكتر واحد عارف انا بحب الموقع قد ايه بس خلاص مبقاش يفرق[/quote]

أثبت انك بتحب الموقع انتا عضو قديم فيه صلحه هو انا بقول ايه من الصبح مش بقول صلحه المنتدى خلوهاحسن من الاول
مش كل عضو يقول انا هسيب المنتدى تقوله وانا معاك وتقعد تهدى النفوس وعلى فكرة يابرى انا واثق ودى حقيقة وبجد انك بتحب المنتدى
حاول تثبت الجملة دى بجد بدل ما تقول لعضو سيبه وانا وراك لا قوله خليك نصلحه ونظبطه ونخليه احسن من الاول احنا اكبر اعضاء فيه ونقدر نصلحه ونخليه كويس ولا ايه رايك ؟</div>[/b]

طيب اسمعوا بس هقولكم حاجة مهمة والله</span></span>


قال رسول الله صلى الله عليه وسلم ::"" من قال سبحان الله العظيم وبحمده غرست له نخلة فى الجنة ""


مش هتأخد من وقتك ثانية

يلا مستنين اية ؟؟!!</div></span></span>

<div class='quotetop'>إقتباس</div>انا مش هاممني بص يا إسلام انا مش هنافق

انا على قد ما غلطت اعتذرت ودا باين

بس هقولك حاجا انا قدامي على دراستي بالضبط 20 يوم اسبوعين بالكتير

طول الفترة دي لو هتشتغلوا بجد انا موجود غير كدا اول الدراسة مصطلح النت هيتلغي من عندي وكفايا اللي حصلي السنادي

بجد كفايا لاني استحملت كتير قوي السنادي من البيت ومن الناس ومن صحابي ومن الموقع كمان

انا عن نفسي قولت اني مش همشي قولت مش هشارك الا لما يكون الموقع فيه تقدم في فكر الأعضاء

بس أظن يا بني اني مقولتش حكاية العبقري الوحيد دي

متخلنيش اشك في نفسي ربنا يخليك

لو قصدك ع المدونة عرين العباقرة فانا اقصد زوارها مش احنا

اما اللي تحت صورتي دا حلمي وان شاء الله هيتحقق عن قريب

بس انا كدا وضحت اما خلافاتي الشخصية مع حد متهمنيش

الإيميل حاجا والموقع حاجا تانية

سلام عليكم

يابرى من اول كلامى وانا بقول عايزين نصلح انما مش كل عضو يدخل يقول انا هدخل اتفرج ولو المنتدى اتصلح
انا هشارك هو المنتدى ده هيصلح نفسه يعنى ولا ايه ؟ مش لزم حضرتك وغيرك وغيرك وغيرك يشارك
علشان المنتدى يتصلح بجد طيب ياربى انا هقولك على حاجة قدام المنتدى ده
خليك فى المنتدى معايا وحاول ترجع الناس اللى مشيت وبتسيب المنتدى وانا فعلا اللى هشهدلك بالعبقرية دى
قدام المنتدى وقدام اى حد يعرفك ... وانا عارف ان الشهادة دى مش هتفيدك ولا هتضرك بس صدقنى بجد وساعتها
هتكون عبقرى بجد [/b]

رغى كتير اوى .. فكل حتة رغى ..

رغى فى القسم العام والخاص و حتى الجرافيكس بقى فيه رغى..

الخلاصة فكلمتين .. المنتدى = اعضاء ..

لو عرفتو تجيبوا اعضاء كويسين من القدامى يبقى عملتوا معجزة .. والمعجزة الاكبر انك تحاسب اى مخلوق يغلط من اول دلوقتى..

كلامى لكل الناس .. حتى الاعضاء العاديين ممكن يحاسبوا اى حد .. حتى الاشرف نفسه ..

كفاية مثلا مقاطعة مواضيع عضو معين ..

انا ميفرقش معايا استايل او بانر او اى حاجة من دى اكتر ما يفرق الناس اللى قاعد معاهم والجو اللى حواليا ..

يا ريت ناس معينة فدماغى ترجع .. ساعتها اى كلام تانى مش هيبقى له لازمة

صعب يا مها <_<

ربنا يستر

موضوعك جميل يا مرشد كالعادة بصراحة
عندك صراحة متناهية وبتقدمها ب اسلوب جميل وشيك اهنيك علية

وكلامك بجد صحيح 100% مفيش كلام بصراحة

بس احب احتفظ ب رئي لنفسي
شكرا لموضوعك مرة ثانية

شكراا على ردك يافاروق
بس برضه احب اسمع رايك ؟

بصوا من غير سلاموا عليكوا


انا طبعا قرائت الموضوع وكويس انك فتحت الموضوع دا بس انا مقرائتش ولا رد

لاني عارفه هو مكتوب فيها ايه ومستعده انقلك كل حرف فيها من غير ما ابص بامانه

واللي بيتكتب دلوقتي انكتب قبل كدا وهينكتب تاني وهنفضل علي كدا وهكذا

مادام انتا قولت كلمه حق انا هكلم بصراحه بس محدش يزعل مني


اول نقطه دلوقتي وضع في تحسن جامد وانا هنا من اكتر من سنه وعارفه كويس ومش عبيطه ولا هبله ولا مش فاهمه حاجه لا انا بقول الكلام علي مسئوليتي المنتدي في تحسن جامد

المشرفين فيه مشرفين ماشا الله عليهم بصراحه وشايفين شغلهم فوق العاده لكن فيه ناس ماكانتش موجوده من اساسوا يعني مكنتش بتدخل طبيعي
ان الفسم بتاعها هيكون نايم

المواضيع انا بصراحه بعتبر ان المواضيع بتاعتنا هنا كلها تافهه وقلما تلاقي عضو كاتب موضوع عدل والحكايه دي مبتطلعش غير من عضو كويس انما الباقي كله عن البنات ومعرفش ايه والشباب والنت والعلاقات والكلام دا نا مش شايفه قضايا واقعيه بنتكلم فيها ولما فتحتوا موضوع اولاد الشوارع قلبتوها لمسلسل حنان ترك ودخلتوا في مواضيع تانيه ودا بينم عن ان اصلا فيه ناس بتدخل وتكتب كلام اصلا هي مش فاهمها يعني من الاخر جهل كبير اوي


الاعضااااااااااااء دول بئا هما المشكله مش هقول اتعلموا اسلوب الحوار وعيب يا جماعه واصلك انتا اللي بدات وانتا اللي سويت ودا هزئني وكانت الموضوع شخصي ورسايل خاصه علي ودنه وادينا شغالين

والله انا لا هصلح الكون ولا هتكلم عن حد معين بس كل واحد عارف نفسه كويس اوي واللي بيتكلم عن موضع اسلوب اللحوار دا فهو مش فاهم حاجه لانه لو فاهم مكنش زمانه اتكلم بالاسلوب دا وصراحه كدا الانسان الوحيد اللي حسيت انه عنده دماغ بيفكر بيها وفاهم يعني ايه تعامل كان هو صلاح الدين مستقبلا وسابقا وكلامي علي مسئوليتي

انتا عارف مشكلتك فين صلحها وعدل من نفسك وخلي بالك كمال شخصيتك موجود في ثنايا نقصك تقبل عيوب وصلحها

ودا هيرجع علي اسلوب وسلوكك الشخصي في المنتدي والحياه العامه

ومظنش ان اصلا سلوكك هنا في المنتدي هيكون مختلف برا لا بالعكس هيكون افظع يعني اسلوب همجي خالي من المنهجيه تماما

دا الكلام لكل الناس واولهم انا وانا بحاول اصلح من نفسي ومتقبله عيوبي وبحاول اصلحها ومبخجلش منها طول ما نا في طريقي للتغيير

ومحدش يضحك علي نفسه ويقول انا اتغيرت لا انتا متغيرتش لانك لو تغيرت سلوكك هيبان عليه وهنلاحظ احنا من غير ما تتكلم

يبقي المشكله وضحت يعني اللي نفسه ان المنتدي يتقدم يبص لنفسه ولما تلاقي نفسك كويس وبترد علي الناس كويس هتحرج اللي قدامك

وحكايه بئا اللي مش عاجبهم المشرفين من الاخر بيكون عاوز مكانه بصراحه وعالمكشوف او فعلا شايف انه ميستحقش ودا نص في الميه

هو في نفسه شايف انه الاجدر وانا بقتنع باراء الاداره عندنا وماخترتش حد الا وكان ماشا الله عليه مثال يحتذي به واولهم المرشد

واخر نقطه موضوع خالد انا معرفش حاجه عن الموضوع صراحه ولا حتي اعرفه شخصيا ولا اتعاملت معاه قبل كدا ومش هعمل زي الناس ويا اما اقولك لا متمشيش او اقولك غور يبقي احسن لا مؤاخذ يعني


لا انا هقولك بصراحه من غير تزويق في الكلام دي خيابه وخيابه جامده اوي مهما كن حجم المشكله او الخلاف اوي اي شي مهما كان فا دا اسمه هروب من المواجهه

وهي دي الخيابه بعينها

والله انا كدا خلصت كلامي من وجهه نظري

يعني من الاخر كل واحد يصلح نفسه بنفسه واكيد هتشوفوا الفرق

وبس


سلاموا عليكوا

<span style="font-family:Arial">السلام عليكم ورحمة وبركاته
معرفش كنت اكتب فين
بس لقيت موضوعك يا مرشد هو الللى ممكن اكتب فيه

بغض النظر عن الموضوع اللى عملته واللى اطلعت على الردود اللى فيه الحمد لله يعنى
والردود اللى فى الموضوع ده

واللى غالبا وسبحان الله
مضافتش اى جديد عن قبل كده....

حبيت اقول حاجة بس
ان فى بعض الاعضاء ربنا يكرمها....
اتكلمت بشكل كويس وقالت فيما قالت ان انا عشان مشيت ابقى هربت
و جبان...والمواجهة والحرب والسلام وادهم صبرى.....الخ الخ ..

انا بس هقعد قدامكم لمدة ساعة
واسمحلوى اخش الملفات الشخصية بتاعت حضرتكم بدون خجل او حياء
وااطلع كل الموضوعات اللى اتعملت على مشكلات المنتدى ....وبلاويه....وافتكر انى عملت اكتر من خمس مواضيع
ان لم يكونوا خمسة بس....لكن والحمد لله برضو من الردود عليهم كان ليهم مغزى
الواحد بجد طريقة تفكيره بتبان من كلامه بجد
وغلبا كانت الثناء على الموضوعات .....وكأنها موضوع انا كاتبه عشان يصقفولى عليه
ما نابناش غير وجع الايدين بس
وطبعا انطمرت الموضوعات فى اعماق الصفح .

دى نقطة حبيت اوضحها...عشان اللى بيقول هروب... انى مش فى ايدى اى منصب ادارى بمعنى .... ان مفيش حاجة اهرب منها......خاصة ان الكلام او الموضوعات اللى اتكلمت عليها فوق دى ..ده عملته قبل ما ابقى مشرف اصلا بالصدفة البحتة.

اضافة الا انى كمشرف للعام سابقا..والحمد لله لقيت ان المشكلة مش مشكلة القسم العام ولا المشرف
الاعضاء اولا وثانيا وثالثا لاسباب وجيهة يعنى بس هنشوفها بعدين.
سؤال هييجى :::::يعنى بتقول انك انت اللى صح واحنا اللى غلط...
انا بقول بتواضع كله كبر زى ما هتعتقدوا : نعم .......نعمين......تلا تة

اول نقطة .....ناس ما شاء الله
ربنا يحميها
بتقول ان الموضوعات تافهة.....وايه ده ....احنا مش عارف ايه
محسسنى ان الموضوعات ده جايبنها بالجملة...
ولا بجيب البواب اللى جمب بيتنا يحطها
حاجة غريبة!!!!

نقطة كمان....اللى بيقول لمنتدى فى تحسن...ياريت الله يخليه يتعب روحه و يخش يشوف احنا الكام
فى الاسكا و رتب....


نقطة كمان... اول مرة اسمع وجهة نظر منطقية تقول ان المشرف هو للى بيشغل القسم
هيحط موضوعات ويرد على نفسه مثلا..؟؟؟؟؟؟.
وظيفة المشرف الاساسية هى التنظيم والادارة
طب اذا كانت لموضوعات معدومة....وكذلك الاعضاء ....هيشرف على ايه....
بل ايه الداعى لوجود مشرف اصلا على القسم ده!!!!


نقطة كمان...العضو صلاح الدين سابقا ومستقبلا ربنا يديله الصحة :D
انا مش هتكلم عليه بس انا فى اوائل الايام اللى مسك فيها
منصبه كادارى .... لقينا ...
ان الناس مش عاجبها العجب و مش عاجبها بعض القرارات ......ويضطر انه يتكلم ويقنع فى الشخص على انه نقل ليه و حذف ليه
وده انا شوفته بعينى طبعا... ولقيته وانا ماسك العام طبعا.


نقطة كمان... الاقتراحات والشكاوى بقى ملهاش معنى كقسم او كمعنى
الدليل ....كله بيهرف بما لا يعرف ويفتى ويفتكس
اعتقد ان محدش عنده ثقافة التعامل مع المشرف الا بالبجاحة وبس او الاعتراض على حاجة بخصوصه
عمرى ما حد بعتلى رسالة يسألنى اعمل ايه لو كذا او يستفسر عن حاجة
او الموضوع الفلانى ماله او العلانى ماله
لو سأل ما كنتش المشكلة ليها وجود

لكن والله اعلم ان اللى بيحط موضوع مثلا بيبقى كأنه بيمن بيه علينا
انا حاطط موضوع يعنى تعبان فيه......؟؟؟؟!!!

انا مخلتص كلامى لسه
بس انا بوضح حاجات مكتبتهاش فى الموضوع واتاخدت على محمل غبى

وانا عاوز...ناس قدامى - يعنى امامى - لو فيه اصلا
وياريت اعضاء مش مشرفين
حاجة من الاتنين
يا اما يقنعونى بالعكس او اللى قولته انا غلط
يا اما ميتكلموش تانى....... لانهم مش بيفهموا
بيتكلموا وخلاص .....




</span>