مشاهدة النسخة كاملة : يا شعب بلدى
COoL HEaRT 18-08-2007, 05:57 PM يا شعب كتير فى عدد الأنفار
زبالته مرميه فى البحار
وحكومته بتحكم بسياسه الحديد والنار
وشوارعه ضالمه مفيهاش انوار
واكتر حاجه منتشره غير الزباله هى كتره الاشاعات والاخبار
مش فرحانين الا بشويه اثار
معندتش شايفه غير الخراب والدمار
معدش الواحد عارف يفرق بين ليل ونهار
شويه هدنه وشويه حصار
واللى مصدق ان فى ديموقراطيه يبقى حمار
واللى هيطلع يعبر عن نفسه فى مظاهره مش هيشوف غير من الدم انهار
حتى فى الانتخبات مش هتعرف تختار
كأننا عايشين فى شويه موج وبحار
محنا مش بيتحكم فينا غير الكبار
ومتسألش الكلام ده بجد ولا هزار
لأنى مش عارف ومحتار
مجرد انك تتكلم يبقى فتحت ع نفسك ابواب النار
فأنا افضل انى اخرس واسكت واطبق سياسه موت يا حمار
لان مفيش فايده من عيشه فيها استعمار
يبقى انا نفزت المطلوب من غير مناقشه ولا افكار
دى حياتى وانا راضى ومش هكون رغاى او ثرثار
وبكده يرضي عنك التتار!!!!!
وتكون وصلت لنهايه المشوار
وانت مش واحد من الكفار او الاشرار
وادينى اهو لابس توب الوقار
محترم!!!!!!!!
مجرد واحد ماشي جنب الجدار
وبعيد عن الأخطار
عشان مش عاوز اطلع فى خلف الاثوار
مالناس اعمار
واحنا فى الاول والاخر احرار
والجو جميل وعمار يا بلدى عمار
وانا بقول كفايه اشعار
واللى هيحاول يطلع بره الإطار
هيداس بالجزمه زى الصرصار
لانك مش من الثوار ولا من الظباط الاحرار
dreams اختكم
MohammeD el_SadaT 18-08-2007, 10:40 PM <div align="center"> <div class='quotetop'>إقتباس(dreams @ Aug 18 2007, 06:57 PM) 349887</div>واكتر حاجه منتشره غير الزباله هى كتره الاشاعات والاخبار[/b]
ميرسيه على الموضوع الجميل ده
بجد اكتر من ممتاز
</div>
احمد رضا 18-08-2007, 11:57 PM ميرسي علي الكلمات الجميله اللي تعتبر شملت جزء من الحقيقه البشعه في بلدنا ميرسي لحضرتك
COoL HEaRT 19-08-2007, 08:06 PM جو اواى :شكرا ع ردك ومرورك الكريم
احمد رضا:مشكوووووور ع مرورك وهى فعلا جزء بسيط من حقيقه مفيش كلمات ممكن توصفها
_the_sad_smile_ 19-08-2007, 09:22 PM ونار يا حبيبى نااااار
مش عارفه اقولك اية
محاوله حلوة اوى منك
عيزاكى تقرى كتير
لان ماشاء الله عليكى
جيبتى كل حاجة فيها
اااااااااااااار
ليكى مستقبل حلو
عايزين اللى جاى احسن ويبئا فية وزن وشغل اجمد من كدة
ماشى يا قمر
مستنية الجديد منك:)
COoL HEaRT 21-08-2007, 09:51 PM ساد سميل مشكوره يا حبيبتى ودى كانت مجرد محاوله
ممكن تكون فاشله بس ادينى حاولت
وهو الغلطه اللى هنا انى التزمت بالوزن بطريقه غبيه وطويله
بس انا كان غرضى من كل ده تفريغ الطاقه اللى جوايه لأنى اتفرست من اللى الواحد عايش فيه
FRANKENSTEIN 24-08-2007, 09:00 AM <div class='quotetop'>إقتباس(dreams @ Aug 18 2007, 06:57 PM) 349887</div>وحكومته بتحكم بسياسه الحديد والنار
واكتر حاجه منتشره غير الزباله هى كتره الاشاعات والاخبار
معندتش شايفه غير الخراب والدمار البيتين دول تقال اوي :D
شويه هدنه وشويه حصار ملهوش معني الا اذا كنتي بتتكلمي عن شعب الصومال :P
واللى مصدق ان فى ديموقراطيه يبقى حمار برضه تقيل جدا
واللى هيطلع يعبر عن نفسه فى مظاهره مش هيشوف غير من الدم انهار تقيل اوي اوي
كأننا عايشين فى شويه موج وبحار برضه معناه غامض او بعيد عن المعني العام :D
فأنا افضل انى اخرس واسكت واطبق سياسه موت يا حمار موت بقي يا حمار :lol:
dreams اختكم[/b]
يعني كويسه
بس انتي طولتي عشان كدا جبتي كلمات ياما ملهاش معني وتاهت منك ف السكه
بس لو كانت صغيره وجميله كانت حتكون اجمل:D
يالا ثانكس ان شاء الله اللي جاي بعد كدا حيكون اجمل
COoL HEaRT 24-08-2007, 03:27 PM مشكور يا DARED ع ردك
وبجد افدتنى بس انا كنت بحاول استخدم التوريه انا هخدها السنه دى فبجرب فيكو
وتانى حاجه بالنسبه لشعب الصومال احنا ع فكره يا بسام مش احرار يعنى لو اعتبرنا ان احنا امه واحده يعنى اللى بيحصل فى فلسطين
والعراق لو هيهمنا امرهم هيبقى احنا بردوا عايشين فى هدنه وحصار ده كان قصدى
وموضوع الموج والبحار اقصد بيه ان احنا عايشين بين الامواج دى فى التلاطم بتاعها بترمينا فى المكان اللى هى عيزاه
وهى فعلا لو ضغيره هيكون افضل بكتير
مشكور جدا ع ردك وبجد اللى بعد كده يكون احسن
mR . mOstafa Fathi 29-08-2007, 01:23 PM وانت مش واحد من الكفار او الاشرار
وادينى اهو لابس توب الوقار
محترم!!!!!!!!
مجرد واحد ماشي جنب الجدار
وبعيد عن الأخطار
عشان مش عاوز اطلع فى خلف الاثوار
مالناس اعمار
هههه
ماشى يا شعب بلدى
شكرا يا احلام
بدايه موفقه
هههه
الرقيقة 06-10-2007, 09:36 PM بداية موفقة انشاء الله تكونى شاعرة عظيمة
..Just Stop 06-10-2007, 10:10 PM اللى عاشو جابولنا العار
واللى ماتو سابولنا حصار
كل اللى هقدر اقوله
نار ياحبيبى نار
وشكرا على القصيدة
مع انى بعد ما قراتها محتار
COoL HEaRT 23-10-2007, 05:23 AM الرقيقه :شكرا ع كلماتك الرقيقه رياريت تنوري مواضيعى دايما
ميدو:مشكور ع المداخله السكر دى
M I D O 23-10-2007, 08:55 AM موضوع جميل لحضرتك يا فندم
استمرى فى تقديم المواضيع الرائعة
ونراك باذن الله احسن الاعضاء عندنا
وشكراا لك
COoL HEaRT 23-10-2007, 01:14 PM اولا شرف كبير لياانك ترد فى احد مواضيعى
وانا اتمنى فعلا انى اكون من افضل الاعضاء بس الواحد هيروح فين بينكم
Sharp 10-12-2008, 06:46 AM ميرسي علي الموضوع
nahoous 10-12-2008, 06:54 AM موضوع جميل جدا
hend ere 10-12-2008, 08:03 AM بجد موضوعك جميل جدااااااااااا
واكثر من الممتاز
وفى انتظار المزيد من اعمالك المميزه
فى رعاية الله وامنه وسلامه
أحمـدنجـم 10-12-2008, 09:30 PM العضو Thanks شكراً جزيلا على مجهودك الرائع في إحياء الموضوعات من ذاكرة المنتدى ..
بندق__2007 11-12-2008, 01:18 AM واللى هيحاول يطلع بره الإطار
هيداس بالجزمه زى الصرصار
لانك مش من الثوار ولا من الظباط الاحرار
صح أوى و ابصملك بالعشرة
قولتى اللى كلنا عاوزين نقوله
و حسبنا الله و نعم الوكيل
اللهم أرنا فيهم عجائب قدرتك و عظائم قوتك
olanor 14-12-2008, 07:48 AM بجد حلوه اوى اوى والله ينور عليكى
انا بعد ماقرتها حسيت انى ارتحت
لانك بطلعى اللى جوانا كلنا بالظبط
بس تفتكرى ان الكلام بقا بينفع فى
الزمن ده ولا لاء؟انا معرفش
مفيش حاجه بقت تقصر
وشكرا ليكى ياقمر على
الموضوع الهايل ده
وعلى فكره انا من رائي انها
مفيهاش حاجه انك تمشى على وزن واحد
طول القصيده لاننا بندرس قصائد فى اللغه
العربيه لاكبر الشعراء وبتكون كلها على
وزن واحد . معلش طولت عليكى تقبلى
مرورى اختك علا
MBM-MaDo 13-08-2009, 11:45 PM يييييييييييييييييييييه....
ملكش فيها خالص...:)
يييييييييه....
بس جبتى تقريبا كل حاجة على بعض...
مش سبتى حاجة...
معدش الواحد عارف يفرق بين ليل ونهار
شويه هدنه وشويه حصار
مش هاقول حاجة اكتر من دى...
جميلة و الله بس عشان انا رخم....
هاقولك هى كانت عايزة وزن اكتر من كدة...
وشوية مرادفات و تبقى بيرفكت....:049gc0:
تابعى على الله تنفعى...:slap1qk6:
فى امان الله...
COoL HEaRT 14-08-2009, 01:17 AM هههههههههه
دى ايام الفشل بطلنا كتابه خلاص مفيش ورق والكيبورد مخرف شكرا يا حاج احمد
د. رغد 14-08-2009, 05:09 PM مشكورة اختي
في انتظار المزيد من الابداعات
I promise you 15-08-2009, 02:19 AM شـكراً لك ِ يا أحلام
عرض ممتاز للفوضى اللى بتحصل
وبداية كويسة وبإذن الله فى تقدم أكتر
وإبداع أكتر
ربنا يوفقك
فى رعاية الله وحفظة ..
:)
Mr. Medhat Salah 15-08-2009, 02:31 AM جميييييييييييييييل بارك الله فيك
COoL HEaRT 16-08-2009, 06:49 PM الله يباركلكم شكرا :d
|