كان نفسى اكتب الموضوع ده بعد اول يوم دراسه بس قلت استنى اسبوع عشان مبقاش ظلمت حد ويكون كله قالها:039uw8:
والحمد لله كل اللى مبنخدش عنده درس قالها
انا ازهر تالته ثانوى فيه ميزه:022yb4: ان لازم تخدى حصصك
:frown:بغض النظرعن المدرسين اللى والله مش مبالغه احنا سعات اللى بنفهمهم :frown:بغض النظر عن الكوسه والسلطه والمحسوبيه :frown:وبغض النظر عن الحصص المفاجأه والجدول اللى يتغير كل 5 دقايق عشان فيه مدرسه قريبه المديره نفسها تروح السوق بعد بكره
المهم بدون تطويل انا راضيه عن الكلام ده مدام بيدخلنا مدرسين وصراحه عندنا ناس بيعرفوا يشرحوا
(اللى بنرحلهم دروس بره طبعا) ودول خارجين من الحسبه شوفتوا التواضع بتاعى عشان متقلوش انا طماعه
وصلت حاله الطلبه فمصر ان بقت من رابع المستحيلات انك تاخد حقك فمدرسه:o

بس عندى سؤال بجد مفيش مدرس او مدرسه يخشوا علينا الايقولوا وطبعا انتم اخدين الكلام ده قبل كده طبعا انتم مخلصين المناهج دلوقتى
ولما حاولت اتكلم واقول لا وان المدرسه ملهاش دخل بالدروس
عينك متشوف الا النور:giljotiiniug3: على الاستقصاد اول كل حصه قومى اقفى:excl: سؤال مفاجىء من حاجه مخدتهاش من حاجه هتتشرح لسه ولازم بنص الكتاب ولو غلط عينك متشوف الا النور تتصوروا ممكن ينادوا المدرس اللى باخد عنده درس لو موجود فالمعهد يشتكولوا وكلام بقى انت داخله علمى ليه وماخدتيهوش فالدرس ولا ايه انت شاطره تتلامضى علينا


الغريب ان كل متتقال( وطبعا انتم اخدتم الكلام ده قبل كده)
تحس بجو الحصه اتقلب 180درجه المدرس يبصلنا كاننا قتلناه مرتين قبل كده واللى يسال سؤال على حاجه مش فاهمها يبقى ياويله وسواد ليله:giljotiiniug3:

هوه اللى جابه لنفسه

وهما مالهم ومال الدرس؟؟؟؟؟؟؟؟؟؟؟؟؟؟؟؟؟؟؟؟؟؟؟

ياريت اجابه مقنعه لو سمحتم
لان الموضوع ده خانقنى اوى

والله انا مش عارفه اقول ايه ..
ايه اللخبطه دى كلها ..وايه عدم النظام الفظيع ده ..
سؤال يطرح نفسه فعلا ..نفسي فى اجابة تطرح نفسها ..بقى ..
يارب انت العالم بحالنا ..
شكرا ع الموضوع..

في مدرسين بيغيروا من غيرهم لمجرد ان جالهم طلاب اكتر في الدروس
و دي اعرفها كتير دي
و بتبقي مراجيح لما بتتواجه
و عدم النظام طبيبي تعودي عليه
تقبلي مروري

بصراحة مش كل المدرسين بالطريقة اللى انتى فاهماها دى .مش هبالغ وأقول ان كل المدرسين بيشتغلو ا.

بس برضوا فى اللى عندهم ضمير .

وعلى فكرة أنا من يومين سألت مدرسة الاحياء سؤال فجاوبته لية من غير أى مضايقة منها مع ان مابرحش عندها درس ولا هى عرفانى نهائى وعلى فكرة هى كمان بتهتم بالحصة كويس جدا وعلى فكرة عندما سألتها السؤال قالتلى لو عوزت أى سؤال تانى أبقى أروحلها

الناس دي ميربهاش الا زكي بدر :d

احنا جات عندنا مديرة جديدة والله ربت المدرسين كلهم احسن تربية


والكلام ده بيحصل فى كل المدارس

احنا جات عندنا مديرة جديدة والله ربت المدرسين كلهم احسن تربية


والكلام ده بيحصل فى كل المدارس

أردت التعليق على كلماتك المهينه للمدرسين

فالمدرس لا ينتظر مدير أو مديره تربيه حتى يؤدى عمله

فهل هذه الكلمات تليق أن تخرج من طالبه تجاه مدرسيها ؟؟؟؟؟؟؟؟؟؟؟؟

بالنسبه لكاتبه الموضوع حضرتك افترضت جدلا أن كل المدرسيين لا يشرحون اعتمادا على أن الطلبه قد تلقوا

هذه الدروس بالفعل . وأود أن أوضح لك أن من تحدثت عنهم هم قله قليله تصادف أن قابلتيهم بمدرستك

ولكن الأغلبيه يشرحون دروسهم حتى مع علمهم أن الطلبه قد سبق لهم الالمام بهذ المعلومات ..

ولكن مع ذك نقوم بشرح الدرس وكأنه يعطى لأول مره .. وكثيرا مانكتشف أن ماتلقوه من دروس من قبل قد يكون فى طى النسيان . وهكذا بشرح الدرس من جديد تتجدد المعلومه ويسترجع الطالب المعلومات المنسيه ..والتى قد يكون الطالب أخذ فيها درسا ولكنه أهملها من الأساس وأهمل فى استذكارها ...

بالنسبه لكاتبه الموضوع حضرتك افترضت جدلا أن كل المدرسيين لا يشرحون اعتمادا على أن الطلبه قد تلقوا

هذه الدروس بالفعل . وأود أن أوضح لك أن من تحدثت عنهم هم قله قليله تصادف أن قابلتيهم بمدرستك

ولكن الأغلبيه يشرحون دروسهم حتى مع علمهم أن الطلبه قد سبق لهم الالمام بهذ المعلومات ..

ولكن مع ذك نقوم بشرح الدرس وكأنه يعطى لأول مره .. وكثيرا مانكتشف أن ماتلقوه من دروس من قبل قد يكون فى طى النسيان . وهكذا بشرح الدرس من جديد تتجدد المعلومه ويسترجع الطالب المعلومات المنسيه ..والتى قد يكون الطالب أخذ فيها درسا ولكنه أهملها من الأساس وأهمل فى استذكارها ...




حضرتك طبعا اكبر منى مقاما وسنا ورايك له احترامه
لكن انا طول فتره دراستى لم اقابل المدرس النموذجى اللذى تتحدثين عنه
ولكنى اتكلم عن واقع اعانى منه
فمثلا مدرس الرياضه هو نفسه اللى باخد عنده درس خصوصى ولسه السنه دى
فرق شاسع بين الدرس والمعهد
حتى انا بلاحظ انه بيفضلنى عن زمايلى اللى مش بياخدوا
صور كتير للمدرسين
مش كله عنده مبدأ ده نادر كمان
تقبلى رايى

احنا جات عندنا مديرة جديدة والله ربت المدرسين كلهم احسن تربية


والكلام ده بيحصل فى كل المدارس


ياريت أعرف عنوا ن المديرة الفاضلة على أمل يتم انتدابها عندنا يوم واحد
تربى المدرسين زمايلى وأنا معاهم بالمرة!!!!!!!!!!!!!!!!!!!!!!!!!!!!!


لوسألتى كاتبة الموضوع أو الفتاة العنيدة ليه كدا توجهى الاهانات للمدرسين
هيكون ردهما حرية الرأى


هى دى حدود حرية الرأى عندنا !!!!!!!!!!!!!!!!!!!!!!!!!!!!!!!!!!!!!!


أول حصة وأول كلمة ومجرد كتابة عنوان الدرس
لاحظ المعلم أن الفصل كله بيضحك وبصوت عالى
سألهم ليه ؟
قالوا الدرس والتدريبات والاختبارات على الدرس كله تمام
طيب يعمل إيه المعلم -- يرمى نفسه من الشباك
مفيش طالب فى مصر إلا وبيبدأ دروس فى بداية أغسطس على الأقل

على فكرة مش قصدى كل المدرسين


بس هقول موقف حصل معى

دخلت مدرسة العلوم وبدأت الحصة


ازاى بقى الحصة

عبارة عن اسئلة

اقعد تسأل وتسأل واحنا مش بنكلم احتراما للشرحها

طبعا هى زعقت وقالت يا خايبن ما بتجوبش ليه انتوا مش خدوا فى الدرس يا فاااااااشلة


اكيد انتوا مش بتذكروا

يا سلام هو معنى احترامنا لشرحك اننا خايبن

انا مقلتش حرية الرأى

انا بقول مدرسين مدرستى فقط

الى بيحضروا حصتهم ويهربوا على الدروس

لكن المديرة قفلت البوابة ومنعت خروج اى مدرس الى فى وقت خروج المدرسة

وطبعا المدرسين الافاضل بيشتموا فى المديرة ليل ونهار من وراها طبعا

لوسألتى كاتبة الموضوع أو الفتاة العنيدة ليه كدا توجهى الاهانات للمدرسين
هيكون ردهما حرية الرأى


هى دى حدود حرية الرأى عندنا !!!!!!!!!!!!!!!!!!!!!!!!!!!!!!!!!!!!!!
أحياناً بيكون في بعض التجاوزات في الفاظ بعض الطلبة تجاه مدرسينهم
بس تفتكر هما جابو قلة الادب من بره؟
مش بتكلم على ولاد اللواءات ولا ولاد الذوات اللى بيعملو اللى عايزينه في البلد
بتكلم عالطلبة العادية
بس عايز أقولك انه المدرس هو اللى بيفرض احترامه بنفسه
لكن مدرس من الاول محترمش نفسه (ودي موجودة في كل الوظايف)
طبيعي حيسيء لفكرة الطلبة عن المدرسين عموماً



أول حصة وأول كلمة ومجرد كتابة عنوان الدرس
لاحظ المعلم أن الفصل كله بيضحك وبصوت عالى
سألهم ليه ؟
قالوا الدرس والتدريبات والاختبارات على الدرس كله تمام
طيب يعمل إيه المعلم -- يرمى نفسه من الشباك
مفيش طالب فى مصر إلا وبيبدأ دروس فى بداية أغسطس على الأقل
تفتكر الطالب بياخد ملبس وشوكالاته في الحصص الخارجية عشان كدا بيحب اوي ياخد الدروس دي ؟
الطالب مخدهاش الا لما اجبر على كدا
لما كل مدرس اتخلى عن الذمة والضمير وميشرحش في المدرسة عشان تجيله البيت
هو احنا كطلبة ملهوفين اوي عالدروس الخصوصية ؟
ناخد النهار في المدرسة والليل في الدروس وندفع فلوس في الاتنين تفتكر احنا مبسوطين من كدا مثلاً ؟
ايوه في قلة مازالت لسه بتشرح بضمير
بس السبب الاول في الدروس الخصوصية هو المدرس اللى بيشرح مش الطالب

افتكر في اولى ثانوي قررت ماخدش ولا درس في ولا مادة
لحد ما عدى اول امتحان شهر ومعدتش في الالماني !
لأنه المدرس معتمد على انه الناس خدو كل ده في الدرس وبيحل تمارين بس
وده اسلوب معظم المدرسين !

تفتكر الطالب بياخد ملبس وشوكالاته في الحصص الخارجية عشان كدا بيحب اوي ياخد الدروس دي ؟
الطالب مخدهاش الا لما اجبر على كدا
لما كل مدرس اتخلى عن الذمة والضمير وميشرحش في المدرسة عشان تجيله البيت
هو احنا كطلبة ملهوفين اوي عالدروس الخصوصية ؟
ناخد النهار في المدرسة والليل في الدروس وندفع فلوس في الاتنين تفتكر احنا مبسوطين من كدا مثلاً ؟
ايوه في قلة مازالت لسه بتشرح بضمير
بس السبب الاول في الدروس الخصوصية هو المدرس اللى بيشرح مش الطالب

افتكر في اولى ثانوي قررت ماخدش ولا درس في ولا مادة
لحد ما عدى اول امتحان شهر ومعدتش في الالماني !
لأنه المدرس معتمد على انه الناس خدو كل ده في الدرس وبيحل تمارين بس
وده اسلوب معظم المدرسين !


شكرا لحضرتك على حرية الرأى والتوضيح
بس حضرتك بجد لسه طالب فى الجامعة؟!!!!!!!!!!!!!!!!!!

ياريت أعرف عنوا ن المديرة الفاضلة على أمل يتم انتدابها عندنا يوم واحد
تربى المدرسين زمايلى وأنا معاهم بالمرة!!!!!!!!!!!!!!!!!!!!!!!!!!!!!


لوسألتى كاتبة الموضوع أو الفتاة العنيدة ليه كدا توجهى الاهانات للمدرسين
هيكون ردهما حرية الرأى


هى دى حدود حرية الرأى عندنا !!!!!!!!!!!!!!!!!!!!!!!!!!!!!!!!!!!!!!


أول حصة وأول كلمة ومجرد كتابة عنوان الدرس
لاحظ المعلم أن الفصل كله بيضحك وبصوت عالى
سألهم ليه ؟
قالوا الدرس والتدريبات والاختبارات على الدرس كله تمام
طيب يعمل إيه المعلم -- يرمى نفسه من الشباك
مفيش طالب فى مصر إلا وبيبدأ دروس فى بداية أغسطس على الأقل




حضرتك اهانتى لمدرس عمرها مكانت حريه شخصيه دى ضعف شخصيه
وانا حكيت واقع بيحصل وفكل حته لو انت مجتهد غير حضرتك الف مش مجتهدين
واذاكنت معتبر كلامى اهانه يبقى المدرسين اللى بتكلم عنهم هما اللى هانوا نفسهم لان انا بحكى الواقع بتاعهم

تقبل رايى

ادعوا معايا الوزير احمد زكى بدر يلغى الدروس الخصوصية اللى ورتنا الويل بجد
يااااااااااااارب بجد يلغوها انا شوفت الويل منها ده غير الشحطاته والاضهاد اللى بتتكلمى عنه

وال 99.9هاتيجى منين ياسمر
دا عميد كلية طب عين شمس
دخل الطب بـ 85%
ياريت --- بس إزاى
92%والبيت كله قضى شهرين مايعلم بيهم إلا ربنا
لأنهم فى الزمان زى 50%

شكرا لحضرتك على حرية الرأى والتوضيح
بس حضرتك بجد لسه طالب فى الجامعة؟!!!!!!!!!!!!!!!!!!
الجملة دي تعجب ولا تهكم ؟؟

ادعوا معايا الوزير احمد زكى بدر يلغى الدروس الخصوصية اللى ورتنا الويل بجد
يااااااااااااارب بجد يلغوها انا شوفت الويل منها ده غير الشحطاته والاضهاد اللى بتتكلمى عنه



الدروس الخصوصيه ياسمر لطلاب الثانوى زى الماء والهواء
ميقدروش يعيشوا من غيرها
ده حتى فالدروس الخصوصيه بقى فيه كمان اضطهاد من ساعه ما ظهر درسين وتلاته فماده وحده
بس برضه ارحم من المدارس بكتييييييييييييييييييييييييير

صحيح ياجماعه اعاده القيد اتلغت ولا ايه انا سمعت كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شوفي اقولك بجد فيه ناس مش محترمة من الطلبة
بتقعد تقول المعلومات اللي أخذتها في الدرس
وطبعا المدرس بيحس انه مش ليه لازمة
عشان كدا بيقول الكلمة دي تهكم !!!
والله ااانا كنت اعرف مدرس بيقول الكلمة دي (الله يرحمه يارب)
وكان بيشرح ولا بيهمه
كان بيقولوا عشان فيه واحدة تفتح بقها وتتكلم اثناء الشرح
ان فيه بنات في مدرستي كانوا بيستعبطوا اخر استعباط

مش كل المدرسين كويسين و مش كلهم وحشين , و نفس الشئ بالنسبة للطلبة ... فى كده و فى كده ... عشان كده لازم نراعى عدم التعميم فى كلامنا عن المدرسين او الطلبة . أولا و اخيرا نكن كل الاحترام و التقدير للاساتذة الـ بيقوموا بواجبهم على اكمل وجه ... و ندعو للباقين بالهداية , اما الطلبة فاقول لهم تذكروا : " يابن آدم ... كما تدين تدان "

والله الدروس الخصوصيه دي هي الي بتخلينا نتفوق ,,,,,,,

متخلوناش نضحك على نفسنا,,,,,,,,,,,,,,,,,,


والمدرسه ولا ليها اي لزمه

مجرد كلمتين على السبوره,,,,,

في المدرسه لا

ملخصات ولا مراجعه

ولا متابعه ولا اي حاجه

من دي

بس انا الي مضيقني بقا

ان اول يوم في المدرسه جوبت سؤال محدش كان عرفه في الفصل كله,,,

المس قومتني وقلتلي اسمك ايه

قلتلها اسمي كذا

قالتلي والله
قلتلها والله

قلتلي اسم باباكي ايه

قلتلها كذا قالتلي والله

قلتها والله

قلتلي دا انا بنتي اسمها ذى اسمك بالظبط

كذا كذا كذا

وهي دلوقتي فى كليه طب

من سعتها بقا

ههههههههههههههههههههههههههههههههههههه

وهي مصدقت عوزاني احضر المدرسه بقا

واحضر الدروس فى الفصل

وانا نفسي اقلها انا باجي المدرسه مضطره اساسا


بس ادينا بنشوف اصحبنا وخلاص

بس والله عندك حق في كل كلمه قلتيها

وبتحصل عندنا كتير اوي

المدرسين يدخلو كأنهم ليهم حاجه عندنا