مبارك لطلعت زكريا : افطارى بقسماط وجبن وشاي


http://moheet.com/image/71/225-300/710905.jpg
الرئيس مبارك خلال لقاؤه بطلعت زكريا
القاهرة : على مدار ساعتين وربع كان لقاء الرئيس المصرى حسني مبارك بالفنان الكوميدي طلعت زكريا أمس الأول الأحد في مقر رئاسة الجمهورية بالقاهرة .

وحكى طلعت زكريا فى حواره مع صحيفة "الشرق الأوسط" اللندنية أنه بمجرد دخوله على الرئيس مبارك نهض الرئيس من خلف مكتبه وفتح ذراعيه لاستقباله مما جعله يرتمي عليه بالعناق والقبلات.

وأوضح زكريا أن الرئيس مبارك أخبره بأن إفطاره يتكون من البقسماط والجبن والشاي، والغداء قطعة صغيرة من السمك والأرز، مشيرا إلى أن الرئيس قال مازحا: "مش 4 كيلو جمبري" وهي عبارة وردت في فيلم "طباخ الرئيس".

واضاف انه لمدة ساعتين تناقش مع الرئيس في أمور عدة، منها الغلاء وارتفاع الأسعار وتزايد عدد السكان ،، وقال زكريا: "تحدثت مع الرئيس مبارك عن مشكلات المواصلات والزحام ورغيف الخبز والقمح، وكان له ردوده المقنعة وكان صريحا للغاية في التحدث مع مواطن مصري.. وما أسعدني أنني قمت بتحقيق رسالة الفيلم على أرض الواقع خلال هذا اللقاء".

كما سأل مبارك ضيفه عن أحوال الفن والفنانين، خصوصا المرضى منهم وما يحتاجون إليه، مقترحا عودة "عيد الفن" مرة أخرى، وكلفه بالتنسيق مع نقيب الفنانين د.أشرف زكي ووزير الثقافة فاروق حسني للاحتفاء بكبار الفنانين في عيد الفن خلال أكتوبر المقبل.

من ناحية أخرى أبدى مبارك إعجابه الشديد بفيلم طباخ الريس وأثنى على فريق العمل، وكشف زكريا أنه قام بحكي فكرة الجزء الثاني من الفيلم للرئيس مبارك، حيث أعجبته أيضا وأمر بتنفيذه على الفور، وهو يتناول قصة مواطن بسيط يستطيع الوصول إلى رئيس الجمهورية ويقنعه بالنزول إلى أحد الأحياء الفقيرة، مشيرا إلى أن مبارك سيقوم بتكريم الفيلم خلال أول عيد للفن.

ووصف طلعت لقاءه بالرئيس مبارك بأنه كمن حصل على جائزة الأوسكار العالمية عن فيلم قدمه، وقال: "أعتقد أن رئيس الجمهورية عندما يزكى فيلما مثل طباخ الرئيس فهذا شىء عظيم وعندما يسألنى عن الجزء الثانى للفيلم ويطلب منى أن أحكى له أحداثه ويثنى عليه، فإنها جائزة أعظم من كل الجوائز.

وتابع: "بصراحة كنت أنتظر منه أن يعترض على أى شىء فى أحداث الجزء الثانى، لكنه لم يعترض رغم أن الفيلم جرئ جدا ، وقال لى: اتوكلوا على الله واعملوا الفيلم.

وقال زكريا: "أنا كده معايا كارت بلانش بالفيلم، والرقابة ما تقدرش تتكلم معانا، لأننى قبل مقابلة الرئيس كنت متخوفاً جدا من الرقابة ولكن بعد مقابلته اطمأننت على الفيلم، ووجود فيلمين يتحدثان عن الرئيس فى حياته يعنى أننا بلد ديمقراطى، على الأقل بالنسبة للفن".

المصدر .::محيط::. (http://moheet.com/show_files.aspx?fid=415629)

يرجى الاهتمام برابط الخبر

يرجى الاهتمام برابط الخبر
حصل .

محاولة لتلميع صورة مجرم على وشك الموت

بعد 30 عام من الفساد والافساد ماذا بقى لنا او ماذا ابقى هو لنا الاوضاع كل يوم فى سوء . والفساد فى كل مناحى الدولة حتى اصبح سلوك طبيعى لدى الكثيرين . ثم بعد ذلك يريد ان يورث هذه الاوضاع لابنه ليستمر الفساد ل30 سنه اخرى و30 اخرى

ايها العجوز المخرف اذهب الى الحجيم فهذا هو مكانك الذى يتجمع فيه امثالك . لقد قالها عرابى لقد خلقنا الله أحرارًا ولن نورث أو نستعبد بعد اليوم

حسني مبارك رجل غير متكلف
بنحكم عليه من اللى حواليه
صحيح هو مسؤول عن اللى حواليه
بس هو مش زي ما الناس مصوراه

حسني مبارك رجل غير متكلف
بنحكم عليه من اللى حواليه
صحيح هو مسؤول عن اللى حواليه
بس هو مش زي ما الناس مصوراه
كلامك صح
مشكلة المصريين انهم يحبوا يعيشو اللحظة
يعني اول ما مسك الحكم لقوا ناس بتهلل وبتمدح فيه وفرحانة راحو مهللين معاهم
ودلوقتي لقو ناس بتشتم فيه وبتطلب التغير راحو شاتمين وطالبين معاهم
بصراحه انا لو من حكومة امريكا ولا اسرائيل مش هلاقي شعب اسذج مننا
هخسر ايه لو بعتلهم واحد شارب صنعتي يقعد يبيعلهم كلام ويشتم النظام وساعتها لو مسك والله ما هيطلع
بكره يجيلهم التغيير ويشوفو التخبط والجهل السياسي على حق ويرجعو يقولو فين ايام مبارك
زي مدلوقتي بيمجدوا فالسادات وبقدرة قادر نسيو جوازه العرفي
سبحان الله

كان لازم يقول كده ماهو عمره ما هيقول ان البلد بقت خراب.

طلعت زكريا ..!
..
بدل الاهتمام بالعلم والعلماء .. ؟؟!
حاجة تشل

ابسط حاجة تقال ان فيه ناس كتير غير طلعت المفروض الريس يقابلهم ويقنعهم بتهيالى لم ارى الريس قاعد مع معارض مصرى اى كان انتمائه مش كدة ولا انا غلطان
وتفتكر يا طلعت تقدر بعد كلام الريس معاك تقدر تقول انا مش مقتنع بكلامه
انت بتضحكو على مين ؟؟؟؟؟؟؟؟؟

لكل مين بيشتمه قى مصر او اى حتة او المنتدى بس لو انتو مكانه كان البلد خربت اقل حاجة اقدر اقولها نصكم بيفهم كويس اوى فى السياسة بس النص التانى لا قيريت يكون اولا عندهم شخصية
ثانيا فكرو بغقلكم الاول قبل ماتحكمو
ياريت كل المصريين الى معارضين يعملو كده

بجد رغم اختلافى السياسى معاة الا ان الرئيس مبارك يبقى رجل محترم جدا جدا يحب شعبة وبجد الراجل دة طيب جدا جدا ايوة البلد والحياة صعبة بس بجد الراجل دة حما مصر من اخطار كتير اوى وهو مسك مصر فى فترة بعد مقتل السادات وكان الاخوان فى مصر كانو هيعملو انقلاب + ترقب اسارئيل + مباركة امريكية معتادة واستطاع انة يخرجنا من الازمات دى اة دلوقتى الموضوع يختلف لكننا لسنا ناكرى الجميل فهذا الراجل الذى تستهزئون بة كان من ضمن كتيبة الابطال فى حرب اكتوبر المجيدة فيرجى التحدث عنة بادب على الاقل احتراما لتاريخة ... وشكرا

ابسط حاجة تقال ان فيه ناس كتير غير طلعت المفروض الريس يقابلهم ويقنعهم بتهيالى لم ارى الريس قاعد مع معارض مصرى اى كان انتمائه مش كدة ولا انا غلطان


خد الموضوع من زاوية تانية
مش على انه قاعد مع مجرد فنان
هو بيتواصل مع كفة اعلامية
اوعى تقلل من شأن الأفلام او الاعلام
الدول الغربية مغلبتناش الا بالاعلام
مش حناخد الجانب اللى ملوش لازمة

يعني فيلم زي "عايز حقي" بتاع هاني رمزي لما كان عايز يبيع البلد ويخصخصها
ده بيوصل فكرة للشعب بغض النظر عن تفاهة البطل

الفيلم اللى عايز يقدمه طلعت زكريا بيتكلم عن البلد ومش بيمجد في الحكومة
وبيوضح للناس حقوقها (تقريباً مشفتش الفيلم يعني :d)

خدو الامور دايماً من زاوية تاني وبلاش نحط كل المواضيع في اطار للمعارضة فقط
اكيد في اعمال كويسة برده

كله بيضحك على كله
محدش فاهم حاجة

يا سلام يعنى مشاكل التعليم بفساده والتأمين الصحى بغلاء اسعار الادويه والزراعة بمبيداتها الفاسدة والتجارة بالسرقة اللى فيها والبطاله ومشاكل خط الفقر اللى فى ملايين تحته مش عارفه توصله كل ده وغيره وغيره اتحل ما بقاش فاضل الا الجلوس مع الممثلين وسماع قصص افلامهم ارحمنا يارب ايه اللى احنا فيه ده لاحول ولاقوة الابالله الصبر من عندك يا كريم:angry2::stickjo4::slap1qk6: