حياة متناقصة .... [الأرشيف] - بوابة الثانوية العامة المصرية

**تسابيح**

28-09-2010, 04:01 PM

السلام عليكم ورحمة الله وبركاته
في مرة أنا وأصحابي كنا راجعيين من الكلية
في الطريق قبلتنا واحدة كدااا
وبعدين وقفتني وسألتني فين عيادة الدكتور الفلاني....
قلت معرفش ...لأني فعلا معرفش
صاحبتي وانا بتكلم ضغطت علي معصم أيدي
كعلامة تحذير حاجة زي كداا
بعد لما الست مشية عاتبتني وقلت ليه وقفتني لما حد يسألك تاني
مش تقفي ...
استغربت الصراحة وايه المشكلة يابنتي بئا في كدا
قالت : أنها ممكن يكون معاها منديل وتشممك يافالحةوتخطفك
وسرقة ومش عارفة ايه ...
طبعا انا اجبن خلق الله :d..
قعدت تحكي عن الناس اللي اتسرقت وأن بردو قربيتها
كانت هيحصل لها كداا ...
المشكلة اننا في طريق عام والناس كلها شايفانا...
قالت:ما هي ممكن تقول بعد لما تشمي المنديل وتغيبي عن الوعي
تقول انك تعبانه وتجيب تاكسي وتخطفك ...
..........
طبعا ياجماعة عارفين الدرس اللي احنا كنا بنأخذه
في ابتدائي مساعدة الكبير والحاجات دي
كنت صغيرة ساعتها ففي واحدة كبيرة
رحت مساعدها كتطبيق عملي اللي احنا كنا بنأخذه:d
بعدها ع طول وطبعا حكيت ع الموقف دا
وأول كلمة اتقالت : انت اتجننتي ولا ايه...؟ولو كانت حرامية وخطفتك
بئا
كنا هنفرح بيكي
صراحة كثير بتحصل لي مواقف زي
دي
واحد ة مرة قابلتني وقال ممكن تقري الورقة دي
وقفت وقرأتها كان ست كبيرة
وكمان مش كنت لوحدي ...
في معظم الأوقات مش ببقي في الشارع لوحدي ...
ومع ذلك حتي لو مش لوحدي
مطالبة اني مش اساعد لا حد ولا أكلم حد
لأن موضوع السرقة والخطف علي ودنه ...
........
واحدة صاحبتي قالت لي تعرفي أن الشحاتييين دول
من الناس الأغنية في البلد ...
وكملت كلامها وقالت..دول بيقعدواا بشحتوا ويجمعوا
فلوس ويبنوا بيوت ومع ذلك تلاقي
العادة الشحاته فيهم ...
وحكت عن مواقف
لما واحدة شحاته جات عشان تأخذ حاجة
والمهم ست البيت أدتها عيش من الفرن
فقالت : لا أنا عايزة عيش بيتي !!!
وواحدة تانية زوج بنتها بيجبها في الشارع
تشحت وآخر النهار يجي يأخذها ...
وتعلمنا مساعدة الفقر والمحتاج
دلوقتي اعرف ازاي ...؟!

:bosyht9:بس أنا نفسي أعرف حاجة :bosyht9:
أن الدنيا مبقاش فيها آمان
وياعالم لما تخرجي
هترجعي تاني سليمة ولا هتتخطفي ولا ايه
ولا اللي تتعاملي معاه فعلا محتاج
ولا بيستعبط ...
والبنات طبعا عرضه للحاجات دي ...
وفي نفس الوقت أنت بتتعلمي وبتعلمي أخواتك وأطفالك
بعد كدا ..مساعدة الكبير والصغير والحاجات دي
والله أنا حاسة ان فيه تناقض
يعني أقول للأطفال بالله عليكم ياحبايبي
بلاش لما حد يطلب منكم تعلموا حاجة أوووعي اتعلموا ..؟
وطبعا لأن الدنيا فعلا مبقاش فيها آمان
وبالذات علي الأطفال
موقف حصل ادام عيني ...!! (http://www.thanwya.com/vb/showthread.php?t=206740) ‏
وفي نفس الوقت أنا مطالبة أعلمهم
مساعدة الكبير ....!!
ومساعدة المحتاج ...!!
ايه التناقض دا ....:bosyht9:*

تــــــــــــــــــــــســـــــــــــــابـــــــــ ــــــــيــــــــــــــــــح

مهند مقلد2

28-09-2010, 04:13 PM

ربنا يستر ...
انا بجمد قلبي شوية في المواقف اللي زي دي
بس في ناس كتييير جدا بيخافو من الناس دول وانا بصراحة بستغرب منهم جدااااا وضحك عليهم هههههه

**تسابيح**

28-09-2010, 04:17 PM

ربنا يستر ...
انا بجمد قلبي شوية في المواقف اللي زي دي
بس في ناس كتييير جدا بيخافو من الناس دول وانا بصراحة بستغرب منهم جدااااا وضحك عليهم هههههه
فعلا ربنا ييسر علينا كلنا في حياة غريبة جدااا
ولا عارفيين التصرف الصح ايه ...
يمكن عشان حضرتك ولد فأكيد بتفرق
طيب النساء والأطفال...!!
هل هنعلم الأطفال انهم يخافوا ونفس الوقت
بيتعلموا في المدرسة مساعدة الكبير !!
مش تناقض بردو ..!
شكراا لحضرتك

مهند مقلد2

28-09-2010, 04:21 PM

BaNZeR

28-09-2010, 04:25 PM

انا مرة واقف لقيت عيل صغير
والله ما يكمل رابعة ابتدائي
كنا واقفين اربعة
فضل يقولنا عايز جنيه ... جنيه واحد للتاكسي واروح بيه
وبيكلمك باسلوب المتمرس
ومش شكل واحد بيروح بيت اصلاً :d
(التاكسي عندنا في اسيوط بجنيه ونص عشان محدش يستغرب ... ووصل لاتنين دلوقتي :d)

وانا كان مرة رايح الكليةومستني واحد
وجالي واحد غريب
عايز مكالمة واحدة من الموبايل
ولو طلبت فلوس حديلك
وادي البطاقة كمان لو عايزها
كان الموبايل في ايدي اول ما جه حطيته في جيبي
بصراحة مش موبايل ممكن افرط فيه عشان مكالماية يعني :d
وبيقولي انه مش من هنا

قلتله مش معايا رصيد وروح المكتبة هنا شوف كلم من عندهم
هو اصر معايا اكتر من مرة وانا اقنعه مش معايا رصيد :d
وكنت حاطه على ودني قبل ما ييجي اصلاً :d

بس الحمد لله مكنش بالليل كان اخدني بالموبايل :d

**تسابيح**

28-09-2010, 04:27 PM

مش لما الأطفال يتعلموا مساعدة الكبير الأول انا بصراحة اللي بشوفهم أطفال أول حاجة بيتعلموها السب بالدين
والاستهزاء بالكبير وقليل لما الاقي واحد محترم مع اني كمان من المنوفية بس يمكن الترعة الشرقية الشمالية عندهم الأطفال دول ههههه
ياأخي الفاضل
هذا راجع للتربية :(.:(.:(.:(:(
أنا أكيد مش بتكلم عن الأطفال اللي مش محترميين
وإن كانوا قلة وشواذ ..ولا يُقاس عليهم ...
حتي دول ساعات بيجي عليهم وقت ويساعدوا
وبالذات لو في محيط محدش عارفهم فيه ...
وكمان ممكن لما يكبرواا شوية هيساعدوا
المهم ان الفئة اللي بتساعد دي
أكيد أكثر عرضه للتناقض
شكراا لحضرتك

shimaa2009

28-09-2010, 04:46 PM

ازيك ياجميل عامله ايه يارب تكونى بخير

بصى بقا بالتسبه لموضوعك ده مهم جدااااا والاحسن انك متقفيش علشان المصايب اللى احنا بنسمع عنها كل يوم ومش لاقين لها حل

واكيد يعنى مش هيتعب ما فيه ميت راجل ممكن يسأله يعنى جت علينا احنا

تعرفى الناس دول بقو معروفين عندنا والله بشوفهم كل يوم خلاص حفظتهم :d

هقولك على حاجه حصلت مع صحبتى

وهى ماشيه مره واحده بتسالها اطلع اسالى على عياده الدكتور ده بيفتح امتا

فصحبتى قالت لها معلشى انا اتاخرت

فتانى يوم بتسأل على الدكتور ده الناس اللى سكنين فى العماره دى قالت لها مفيش دكاتره اسمهم كده هنا خالص يعنى شوفتى الله اعلم كانت ممكن تعمل فيها ايه؟

يعنى خلى بالك لان مفيش امان اليومين دول

وربنا يسترها معانا ياقمر

دمتى بود

فى امان الله

sympathique

28-09-2010, 04:46 PM

ايوة كده ياتسابيح وحشتنا مواضيعك :d

انا بقى النهاردة حصل معايا موقف هحكيه لكم وبعدين

ارد على كلامك

انا كان عندى كورس النهاردة وباخده فى اسماعلية يعنى مشوار من بيتنا لهناك ساعتين مش مشكله المهم نشتغل بعد مانخلص :excl:

وانا ع المحطة دخل عليا 3 اولاد صغيرين والكلام ده كان الصبح وبيقولولى انهم عاوزين فلوس علشان يروحوا بنها

واحنا كنا فى منيا القمح .

انا قلت ان الاولاد دى هربانة من المدرسة كالعادة لانهم كانوا شايلين شنط المدرسة وعاوزين فلوس علشان يشربوا بيها سجاير
وبالفعل ده اللى حصل بعدها بربع ساعة كده بتنقل من رصيف لرصيف علشان اركب القطر لقيت الاولاد مولعين سجاير وبيشربوا
مش انا اللى ادتهم الفلوس على فكرة :slap1qk6:
وحاجة كمان العيال ركبت معايا نفس القطر خط اسماعيلية يعنى موش رايحين بنها
والحقيقة هما مش هربانين من المدرسة هى مدرستهم كانت فى الزقازيق.:d

يعنى ممكن دلوقتى ياتسابيح تكون الاطفال بالبلدى كده مخلصة :stickjo4:
وفيه اولاد ميعرفوش حاجة

اانا ليا عودة تانى
موضوعك فكرته حميلة ولازم يتناقش

**تسابيح**

28-09-2010, 05:15 PM

انا مرة واقف لقيت عيل صغير
والله ما يكمل رابعة ابتدائي
كنا واقفين اربعة
فضل يقولنا عايز جنيه ... جنيه واحد للتاكسي واروح بيه
وبيكلمك باسلوب المتمرس
ومش شكل واحد بيروح بيت اصلاً :d
(التاكسي عندنا في اسيوط بجنيه ونص عشان محدش يستغرب ... ووصل لاتنين دلوقتي :d)
الله ع العز بتاع أهل أسيوط
التاكسي عندنا 2 جنية
بس اديتله الجنية ولا ايه..!:p

وانا كان مرة رايح الكليةومستني واحد
وجالي واحد غريب
عايز مكالمة واحدة من الموبايل
ولو طلبت فلوس حديلك
وادي البطاقة كمان لو عايزها
كان الموبايل في ايدي اول ما جه حطيته في جيبي
بصراحة مش موبايل ممكن افرط فيه عشان مكالماية يعني :d
وبيقولي انه مش من هنا

قلتله مش معايا رصيد وروح المكتبة هنا شوف كلم من عندهم
هو اصر معايا اكتر من مرة وانا اقنعه مش معايا رصيد :d
وكنت حاطه على ودني قبل ما ييجي اصلاً :d

بس الحمد لله مكنش بالليل كان اخدني بالموبايل :d

أنا أعرف أنك مش بتثق في حد بسهولة
أنا بئا عكسك تماما بثق في الناس وبسرعة كمان ...
أنا عارفة اني غلط يمكن في الثقة دي...
بس لو كنت في نفس الموقف أكيد كنت هديله الموبايل:d
بس فعلا لو هو معاه فلوس كدا
ليه مرحش لأقرب سنترال..
بس دا مش يمنع ان فيه ناس فعلا بتبقي محتاجة لمساعدة
دلوقتي فيه تناقض
ان ازاي بنتعلم طول عمرنا اننا نساعد الناس
وفي نفس الوقت اللي احنا بنشوفه في الشارع والأخبار حاجات بلاوي ونصايب
وبعدين نقول لا لما تلاقي حد بيكلمك أوعي تقف تتكلم معاه
النهاردة واحد قريبي قالي اياكي تمسكي
الموبايل في ايدك وانت في الشارع خليه في الشنطة دايما ..!!
عشان الناس بتسرقة دلوقتي عيني عينك ..!
حاسة ان الأمان بئا مفقود وانا لو بنصح حد
النصيحة هتكون متناقصة
بين النظري والتطبيق في الواقع..!!
شكراالك يابشمهندس

روووووز

28-09-2010, 05:33 PM

موضوع مهم

حصل معايا مواقف كتير مشابه :o:o

وانا واصحابى خارجين من الدرس قبلتنا عيلة صغيرة حوالى 7 او8 :006et4::006et4:سنين ومدت ايديها لينا اصحابى كل واحدة اعطتها فلوس وانا فلوسى كانت مع صاحبتى فقولت لصاحبتى خدى جنية من فلوسى واديهولها وخلاص اخدت الجنية واخدت من كل اصحابى كنا حوالى 7 فصاحبتى بتقولى خديى فلوسك اللى معايا عشان هنصور ورق ونرجع البيت البنت شافت الفلوس وصاحبتى بتدهملى مسكت ايدى واخدت الفلوس وقالت انا ماخدش منك فى الاول مع ان صاحبتى دفعت من الفلوس بتاعتى واخدت الفلوس من ايدى بطريقة انا ايدى كانت هتتكسر ف ايدها ومشيت انا واصحابى استغربنا بنبص لقينا البنت راحت لامها وبتديها الفلوس

يعنى اهلها اللى بيعلموها الشحاتة :o:o
يعنى دى بدل ما تروح المدرسة تلف ف الشوارع تشحت :o:o

اما فى شحاتين من اغنياء البلد وبيكون عندهم عمارات وغيره
الشحاتة بتكسب اوى :d:d

اما بالنسبة للناس اللى بتقبلنا ف الشارع ماما قالت مترديش ع حد قولى بس معرفش لان حكاية الخطف دى منتشرة اوى الايام دى :o:o

وخاصة لما حد يقولك ممكن توصلينى البيت بالحاجات دى مستحيل ان اعملها س عملتها مرة انا وصاحبتى قالتلى متروحيش قولتلها حرااام دى ست عجوزة والحاجات كتير معاها قالت خلاص ووصلنها واول ما وصلنا بيتهاقالت تشربوا حاجة قولنا لا مش عطشانين جرينا طيارة :d:d

وماما لما عرفت زعقت وقالت متعملهاش بعد كده ومن بعدها متكررتش :d:d

Mr. Ali 1

28-09-2010, 06:37 PM

البنت تختلف عن الولد خارج البيت , فالبنت يجب أن تكون أكثر
حذراً منه ومش مطلوب منها مسألة المساعدة دي خارج بيتها
حفاظاً عليها , وطالما الشوارع مملوءة بالرجال , يبقي الرجال
أولي بمد يد المساعدة ان تطلب الأمر ذلك .
أما مسألة اللامبالاة وان مفيش حد بقي يحب يساعد حد تاني , فهذا الأمر بقي سمة من سمات المصريين علي عكس زمان !!
وفيه مواقف أشد خطورة مما ذكرتيه في الموضوع مثل أن تري لص يقوم بسرقة شخص ما سواء رجل أو امرأة وحينما ينظر لك بنظرة كلها شر ووعيد , تؤثر الصمت وتعمل نفسك مش واخد بالك !!!
مثال أخر : تبقي ماشي بالسيارة ليلاً ويقابلك واحد أو واحدة في مكان أو وقت صعب انه يركب فيه مواصلة , ويشاور لك عشان تركبه معاك !! طبعاً الغالبية لا تقف , ووجهة نظرهم تحترم " وأنا أضمن منين ان ده شخص محترم ومش مجرم أو
لص محترف؟ " !!
الأمر الأشد خطورة من وجهة نظري هو أن تري شخص ما وقعت له حادثة وهو بين الحياة والموت , وتلاقي كل واحد يمر بجواره ولا يقف بدعوي انه ممكن يُتهم بتلك الحادثة !!
وهذا مفهوم مغلوط تماماً . كل ما في الأمر انه لو وقف وأخده علي المستشفي , حيتم معاه بعض الاجراءات , ولكنه لن يوضع في السجن أو تلفق له الحادثة , الحكاية مش فوضي للدرجة دي !! وتلاقي الواحد يرد عليك ويقولك : طيب ما أنا في غني عن س و ج و تعال و روح , هو أنا عشان أساعده ,
يقعدوا يقرفوني !!!
أرد وأقول هو حياة الانسان لا تساوي ان يتحمل الواحد منا
شوية اجراءات حتي وان كانت سخيفة ؟!!
طيب لو الانسان ده كان انت , و لم تجد من يساعدك وأنت مازلت علي قيد الحياة , وتركك الناس لتموت , كان ده برده حيكون رأيك ؟!!!
تلاقي واحد تاني يقولك , أطلب الاسعاف , وكده أبقي عملت اللي عليا !!
طيب ما هو علي ما تيجي الاسعاف " ده إذا جاءت !! " ممكن الشخص المصاب يكون مات !!!
يرد ويقولك أجله كده !!!
وهي دي بقي من وجهة نظري قمة اللامبالاة في مساعدة الأخرين !!!

نقاء الروح

28-09-2010, 06:40 PM

فعلا والله
الواحد بئا بيخاف انه يعمل حاجة للناس
من القصص ال بيسمعها ،
والموضوع فكرني بحالي قبل سنتين
كنت طيبة وبثق ثقة عمياء فالناس
فاكرة اني في المدينة الفاضلة مثلا ،:d
لكني اتعلمت و مريت بمواقف الحمدلله اني عديت منها بسلام ،
وربنا يحفظنا ،

وزي ماقلتي تناقض
جوايا مؤمنة بضرورة المساعدة
بس عالواقع مش بنفذها بل لا انصح بها
بس نعمل ايه ؟!

ومرسي عالموضوع المهم ياقمر،

الرجل الغامض بسلامته

28-09-2010, 07:45 PM

ربنا يسترها على بنات المسلمين

ويهدى البشر

ميراج

28-09-2010, 08:54 PM

الدنيا خلاص مبقاش ليها امان:(
طبعا انا اجبن خلق الله :d..

انا كمان زيك كده بالظبط:blush:
بخاف من اى حد وبالذات لما يكون عيل صغير
اصلهم جبارين:006et4:
ده حتى عندنا جوه الجامعه فى عيال صغيره كتير
يجى بقا يقولك عايزه كنيه اقصد جنيه:o
فى مره كنت قعده انا واصحابى
وجالى ولد صغير عايز كنيه
بصراحه اول ما دخل عليا انا كشيت;)
كنت اول مره اشوف حد كده فى الجامعه
المهم روحت اديتلوه الكنيه
تخيلى فى الاخر قالى ايه
يارب تسقطى:mad:
وتشيلى الماده الاولى والتانيه:d
معلش مهو لازم يحدد بردوا:d
طبعا مقدرتش اتكلم
سيبت الباشا يقول اللى عايزه:d
انا قعده خايفه كمان هرد على الللى بيقوله:blush:
صحبتى راحت قالتلى تستهلى
اديتيه الكنيه ليه
وبعدين كان شكلك خايفه منه
قولتلها بصراحه اه
انتى مخوفتيش قالتلى خوفت:d
بس كنت مطمنه عشان كان نحيتك انتى:d
شوفتى الصحاب:friendsxs3:
وغيره كتير وبردوا فى الجامعه
اديله الكنيه
يقوم مدينى دعوه :mad:
مره والله قالى ربنا يخدك:o
ربنا يستر علينا
والله الواحد بيبقا ماشى فى الشارع مرعوب من اللى بنسمعه
معلش طولت عليكى يا قمر
تقبلى مرورى

ميراج

28-09-2010, 09:04 PM

هل هنعلم الأطفال انهم يخافوا ونفس الوقت
بيتعلموا في المدرسة مساعدة الكبير !!

والله حاجه محيره:bosyht9:
وفعلا زى ما قولتى تناقص
حتى لوربيتى الطفل انه يساعد الكبير
وفى نفس الوقت زرعتى فيه الخوف
من الناس وانك لازم تاخد بالك وفى ناس بتعمل كذا
يبقا نتيجه اللى عملتيه صفر
للأسف حياه متناقصه :mad::mad::mad:

fuoozz

28-09-2010, 09:16 PM

موضوع فعلا فى منتهى الاهمية بس ده ميمنعش ان الواحد يحاول يساعد غيره
انا حصلت معاى مواقف كتيرة وفى منهم مرة اتسرق تليفونى وكنت فى اسكندرية
ومرة تانية واحد بيقولى ممكن تليفونك اعمل منه مكالمه قلتله اسف مش معاى رصيد ومشيت
ومرة تالتة راجل عجوز كبير فى السن قالى ياابنى معلش عايز 2 جنيه عشان فلوسى اتسرقت وعايز اسافر بلدنا
روحت مديله الفلوس بس مش ببقى خايف انا ببقى بص مستغرب للمشهد اللى قدامى
ولازم نساعد غيرنا لان هيجى وقت اى حد فينا فلوسه تضيع ويكون فى بلد تانية مثلا وهيحتاج مساعده من اى حد

**تسابيح**

29-09-2010, 05:00 PM

ازيك ياجميل عامله ايه يارب تكونى بخير
الله يسلمك ياشوشو:d

بصى بقا بالتسبه لموضوعك ده مهم جدااااا والاحسن انك متقفيش علشان المصايب اللى احنا بنسمع عنها كل يوم ومش لاقين لها حل

واكيد يعنى مش هيتعب ما فيه ميت راجل ممكن يسأله يعنى جت علينا احنا

تعرفى الناس دول بقو معروفين عندنا والله بشوفهم كل يوم خلاص حفظتهم

هقولك على حاجه حصلت مع صحبتى

وهى ماشيه مره واحده بتسالها اطلع اسالى على عياده الدكتور ده بيفتح امتا

فصحبتى قالت لها معلشى انا اتاخرت

فتانى يوم بتسأل على الدكتور ده الناس اللى سكنين فى العماره دى قالت لها مفيش دكاتره اسمهم كده هنا خالص يعنى شوفتى الله اعلم كانت ممكن تعمل فيها ايه؟

يعنى خلى بالك لان مفيش امان اليومين دول

وربنا يسترها معانا ياقمر

دمتى بود

فى امان الله

طيب الحمدلله انها مش عملت كدا
فعلا ربنا يسترها ...
بس فعلا فيه مواقف انت بتتعرض لها
بتبقي لازم عليك التصرف السريع
وانا بتكلم عن التناقض بين الخوف من الجهول والابتعاد
عن الشر ونغنيله وبين المساعدة اللي بيتعلمها الأطفال أو احنا حتي
شكراا حبيبتي

**تسابيح**

29-09-2010, 05:18 PM

**تسابيح**

29-09-2010, 05:25 PM

موضوع مهم

حصل معايا مواقف كتير مشابه :o:o

وانا واصحابى خارجين من الدرس قبلتنا عيلة صغيرة حوالى 7 او8 :006et4::006et4:سنين ومدت ايديها لينا اصحابى كل واحدة اعطتها فلوس وانا فلوسى كانت مع صاحبتى فقولت لصاحبتى خدى جنية من فلوسى واديهولها وخلاص اخدت الجنية واخدت من كل اصحابى كنا حوالى 7 فصاحبتى بتقولى خديى فلوسك اللى معايا عشان هنصور ورق ونرجع البيت البنت شافت الفلوس وصاحبتى بتدهملى مسكت ايدى واخدت الفلوس وقالت انا ماخدش منك فى الاول مع ان صاحبتى دفعت من الفلوس بتاعتى واخدت الفلوس من ايدى بطريقة انا ايدى كانت هتتكسر ف ايدها ومشيت انا واصحابى استغربنا بنبص لقينا البنت راحت لامها وبتديها الفلوس

يعنى اهلها اللى بيعلموها الشحاتة :o:o
يعنى دى بدل ما تروح المدرسة تلف ف الشوارع تشحت :o:o

لا دي عملية بلطجة عيالي وضحة!!!
معقولة فيه اهل كدا
ربنا يهديهم
اما فى شحاتين من اغنياء البلد وبيكون عندهم عمارات وغيره
الشحاتة بتكسب اوى :d:d

اما بالنسبة للناس اللى بتقبلنا ف الشارع ماما قالت مترديش ع حد قولى بس معرفش لان حكاية الخطف دى منتشرة اوى الايام دى :o:o

وخاصة لما حد يقولك ممكن توصلينى البيت بالحاجات دى مستحيل ان اعملها س عملتها مرة انا وصاحبتى قالتلى متروحيش قولتلها حرااام دى ست عجوزة والحاجات كتير معاها قالت خلاص ووصلنها واول ما وصلنا بيتهاقالت تشربوا حاجة قولنا لا مش عطشانين جرينا طيارة :d:d

وماما لما عرفت زعقت وقالت متعملهاش بعد كده ومن بعدها متكررتش :d:d
مامتك عندها حق ....
لان الدنيا أكيد مش فيها أمان
وغير انك بنت أكيد الخوف عليها أكثر من الولد ..
ونفس ذات الوقت :bosyht9:
موضوع المساعدة وكدا فبنوصل لنفس التناقض:(
شكراا لكي ياروحي
ربنا يحميكي يارب ...

**تسابيح**

29-09-2010, 05:33 PM

البنت تختلف عن الولد خارج البيت , فالبنت يجب أن تكون أكثر
حذراً منه ومش مطلوب منها مسألة المساعدة دي خارج بيتها
لكن مطلوب منها بعد كداا انها تكون أم
وتعلم أطفال
ياما يساعدوا ويكون كدا اتفقت مع المدرسة
ياما مش يساعدوا ومشيت مع الواقع وخلفت النظري وحصل تناقض!!
حفاظاً عليها , وطالما الشوارع مملوءة بالرجال , يبقي الرجال
أولي بمد يد المساعدة ان تطلب الأمر ذلك .
طبعا عند حضرتك حق
بس المساعدة
اللي اقصدها مساعدة لسيدة
مش راجل يعني
قراية شيء أو التكلم مع حد
حتي اللي انا بقول عليه
اصبح مرفوض!!
أما مسألة اللامبالاة وان مفيش حد بقي يحب يساعد حد تاني , فهذا الأمر بقي سمة من سمات المصريين علي عكس زمان !!
مش كلهم
لكن فعلا لسه فيه ناس عندها طابع الجدعنة
وفيه مواقف أشد خطورة مما ذكرتيه في الموضوع مثل أن تري لص يقوم بسرقة شخص ما سواء رجل أو امرأة وحينما ينظر لك بنظرة كلها شر ووعيد , تؤثر الصمت وتعمل نفسك مش واخد بالك !!!
عارفة الحكايات دي
حكيت عنها في موضوع قبل كداا
ومازال بردو فيه ناس بتعمل كدا
وتقول احسن لما يقتلني ولا حاجة ..!!
مثال أخر : تبقي ماشي بالسيارة ليلاً ويقابلك واحد أو واحدة في مكان أو وقت صعب انه يركب فيه مواصلة , ويشاور لك عشان تركبه معاك !! طبعاً الغالبية لا تقف , ووجهة نظرهم تحترم " وأنا أضمن منين ان ده شخص محترم ومش مجرم أو
لص محترف؟ " !!
فعلا وجهه نظرهم تحترم
بس لو فعلا فيه ناس محتاجة مساعدة ...
نكبر ونسبهم ...!!
الأمر الأشد خطورة من وجهة نظري هو أن تري شخص ما وقعت له حادثة وهو بين الحياة والموت , وتلاقي كل واحد يمر بجواره ولا يقف بدعوي انه ممكن يُتهم بتلك الحادثة !!
وهذا مفهوم مغلوط تماماً . كل ما في الأمر انه لو وقف وأخده علي المستشفي , حيتم معاه بعض الاجراءات , ولكنه لن يوضع في السجن أو تلفق له الحادثة , الحكاية مش فوضي للدرجة دي !! وتلاقي الواحد يرد عليك ويقولك : طيب ما أنا في غني عن س و ج و تعال و روح , هو أنا عشان أساعده ,
يقعدوا يقرفوني !!!
أرد وأقول هو حياة الانسان لا تساوي ان يتحمل الواحد منا
شوية اجراءات حتي وان كانت سخيفة ؟!!
طيب لو الانسان ده كان انت , و لم تجد من يساعدك وأنت مازلت علي قيد الحياة , وتركك الناس لتموت , كان ده برده حيكون رأيك ؟!!!
تلاقي واحد تاني يقولك , أطلب الاسعاف , وكده أبقي عملت اللي عليا !!
طيب ما هو علي ما تيجي الاسعاف " ده إذا جاءت !! " ممكن الشخص المصاب يكون مات !!!
يرد ويقولك أجله كده !!!
وهي دي بقي من وجهة نظري قمة اللامبالاة في مساعدة الأخرين !!!
القسم والشرطة أصبح رعب لكل مواطن مصري!!
لو دخلت الشرطة يبقي الم كدا والم كداا
وس وجيم حاجات غريبة ...
ربنا يهديهم
شكراا لحضرتك

**تسابيح**

30-09-2010, 11:32 AM

فعلا والله

الواحد بئا بيخاف انه يعمل حاجة للناس
من القصص ال بيسمعها ،
والموضوع فكرني بحالي قبل سنتين
كنت طيبة وبثق ثقة عمياء فالناس
فاكرة اني في المدينة الفاضلة مثلا ،:d
لكني اتعلمت و مريت بمواقف الحمدلله اني عديت منها بسلام ،
وربنا يحفظنا ،

وزي ماقلتي تناقض
جوايا مؤمنة بضرورة المساعدة
بس عالواقع مش بنفذها بل لا انصح بها
بس نعمل ايه ؟!

ومرسي عالموضوع المهم ياقمر،

كلامك مضبوط يانقاء
لخصتي اللي انا كنت عايزة اقوله
جزيت خيراا حبيبتي
هنور احنا الاثنيين ع حد يفهمنا نعمل ايه:d

سمية11

30-09-2010, 11:46 AM

!!!!!!!!!!!!!!!!!!!!!!!!!

**تسابيح**

30-09-2010, 11:52 AM

ربنا يسترها على بنات المسلمين

ويهدى البشر
آميين يارب
شكراا لحضرتك

موضوع فعلا فى منتهى الاهمية بس ده ميمنعش ان الواحد يحاول يساعد غيره
انا حصلت معاى مواقف كتيرة وفى منهم مرة اتسرق تليفونى وكنت فى اسكندرية
ومرة تانية واحد بيقولى ممكن تليفونك اعمل منه مكالمه قلتله اسف مش معاى رصيد ومشيت
ومرة تالتة راجل عجوز كبير فى السن قالى ياابنى معلش عايز 2 جنيه عشان فلوسى اتسرقت وعايز اسافر بلدنا
روحت مديله الفلوس بس مش ببقى خايف انا ببقى بص مستغرب للمشهد اللى قدامى
ولازم نساعد غيرنا لان هيجى وقت اى حد فينا فلوسه تضيع ويكون فى بلد تانية مثلا وهيحتاج مساعده من اى حد

فعلا لازم نساعد مع شوية حرص في بعض المواقف
شكراا لحضرتك

**تسابيح**

30-09-2010, 11:57 AM

الدنيا خلاص مبقاش ليها امان:(

انا كمان زيك كده بالظبط:blush:
بخاف من اى حد وبالذات لما يكون عيل صغير
اصلهم جبارين:006et4:
ده حتى عندنا جوه الجامعه فى عيال صغيره كتير
يجى بقا يقولك عايزه كنيه اقصد جنيه:o
فى مره كنت قعده انا واصحابى
وجالى ولد صغير عايز كنيه
بصراحه اول ما دخل عليا انا كشيت;)
كنت اول مره اشوف حد كده فى الجامعه
المهم روحت اديتلوه الكنيه
تخيلى فى الاخر قالى ايه
يارب تسقطى:mad:
وتشيلى الماده الاولى والتانيه:d
معلش مهو لازم يحدد بردوا:d
طبعا مقدرتش اتكلم
سيبت الباشا يقول اللى عايزه:d
انا قعده خايفه كمان هرد على الللى بيقوله:blush:
صحبتى راحت قالتلى تستهلى
اديتيه الكنيه ليه
وبعدين كان شكلك خايفه منه
قولتلها بصراحه اه
انتى مخوفتيش قالتلى خوفت:d
بس كنت مطمنه عشان كان نحيتك انتى:d
شوفتى الصحاب:friendsxs3:
وغيره كتير وبردوا فى الجامعه
اديله الكنيه
يقوم مدينى دعوه :mad:
مره والله قالى ربنا يخدك:o
ربنا يستر علينا
والله الواحد بيبقا ماشى فى الشارع مرعوب من اللى بنسمعه
معلش طولت عليكى يا قمر

تقبلى مرورى

هههههههههه
قتلتيني من الضحك
ههههههه
بجد موقف مضحك أوووي
عمال دول الأصحاب واللي بلاش
أكيد انت عصبتي الولد عشان كداا
قال لك كدا
ههههه

والله حاجه محيره:bosyht9:
وفعلا زى ما قولتى تناقص
حتى لوربيتى الطفل انه يساعد الكبير
وفى نفس الوقت زرعتى فيه الخوف
من الناس وانك لازم تاخد بالك وفى ناس بتعمل كذا
يبقا نتيجه اللى عملتيه صفر
للأسف حياه متناقصه :angry::angry::angry:
اه والله
انا حاسه انه تناقض رهيب!!
وليه بردو مش وصلت لجواب للتناقض دا
شكراا يامرمر

**تسابيح**

30-09-2010, 12:00 PM

!!!!!!!!!!!!!!!!!!!!!!!!!
!!!!!!!!!!!!!!!

ميراج

02-10-2010, 09:46 PM

أكيد انت عصبتي الولد عشان كداا
قال لك كدا
ههههه

ابدا ولا عصبته ولا حاجه:d
هوه باين كان فى حاجه مضيقاه:d
يمكن المدام منكده عليه عيشته ولا حاجه:blush::d