أنا مدرس مساعد رياضيات اعدادى
جاتنى فرصة عمل فى الكويت براتب سبعة الاف جنية مصرى بدون أن ادفع شئ ألا الطيران كما ان الأقامة على حسابى .
مع العلم انى اللى معطلنى انى مستنى فرصة التثبيت لأن عقدى ينتهى 1/1/2011
وفى مصر دخلى الشهرى من الدروس والمرتب خلال الدراسة حوالى 2000 جنية شهريا
فهل اضحى بالعقد والتثبيت فى الأيام الاخيرة ؟
وهل المعيشة غالية هناك فى الكويت ، وكم سوف أوفر من الراتب فى الكويت بعد الأقامة والمصاريف ؟
وهل ممكن يكون فى دروس خصوصية فى الكويت أو هلاقى شغل تانى بعد المدرسة أحسن دخلى بية ؟
أرجو المساعدة لو فى حد يعرف الدنيا فى الكويت أية

ياعم سافر هو حد لاقى مش احسن من انك تعوض تستنى فى البلد اللى مينفعش فيها غير الوساطة والنفوذ

سافر واتوكل علي الله
البلد دي مفيش فيها فايده

بتكلم بجد لوفيه فرصه لمدرس انجليزى ابعتلى

العيشة هناك غالية اخى الكريم
اسال وتاكد الاول ممكن تاخد السبعة الاف وتصرفهم هناك

يا عمى رووووووووووووووح
بس افرض هية دى المشكلة ولكن بشروا ولا تنفروا ودى حكومى ولا خاص وجة اعلنها امتى ياريت تولنا على التفاصيل ولا واحد معرفة بعتلك

لو لوحدك طبعا احسن وهتلاقى دروس كتير الدرس الواحد باربعين دينار وفرصتك كويسة لو اثبت نفسك هناكمش هتلاحق بس لو انت متزوج واخذت زوجتك مش هتوفر كتير هناك لان سكن العزاب مع بعض رخيص والاكل كمان رخيص انا اعرف الكويت كويس جدا

انا في الكويت الان وانصحك مفيش مرتب مدارس خاصة بالمبلغ اللي بتقوله اعلى راتب للمدارس هنا 160 دينار يعني حوالي 3000جنيه مصري المصاريف هنا سكن واكل وشرب حوالي 70 دينار يعني هيبقى لك 90 دينار يعني حوالي 1800 جنيه مصري فيه دروس ماشي وممكن تقدم في التربية بعده كده هنا وراتب التربية عالي جدا 600 دينار بس نصيحة اخوية اصبر لما تتعين لان الفرصة اللي انت فيها مش هتلاقيها ولا بعد 20 سنة في مصر الحكومة اتزنقت وهتعينكم هتعينكم اكيد بس اصبر العام الدراسي ده وهتلاقي التعيين معاك وابقى تعالى في اوقت نجحت العملية معاك خير لا قدر اللله وفشلت ترجع لشغلك اللي محدش هيلاقيه ابدا وعلى فكرة انا مدرس اساسي وان شاء الله اليومين دول في تقديمات في التربية رجاء منك دعوات بظهر الغيب لاخيك واقولك تاني اوعى تفرط في الفرصة اللي معاك هتندم اشد الندم اسمع كلامي انا انصحك لوجه الله تعالى

الأخ الفاضل عبدالرحيم رجب كامل
أشكرك جدا على المعلومات القيمةوالمفيدة ونصيحتك هى نفس النصيحة اللى نصحها ليا ابويا بالضبط واتمنى لك التوفيق دائما وربنا يكرمك فى التربية ، لكن ممكن تفاصيل أكتر عن التربية دى ،لأن انا بكالوريوس علوم وتربية شعبة رياضياتتعليم عام ، والفرق بين المدارس الخاصة والحكومية ، وهل ممكن أجد عمل اخر بجوار التدريس ..............
شكرا اخى الحبيب جزال الله خيرا واكرمك واعزك واعادك الله الى أهلك سالما غانما يارب العالمين

انا في الكويت الان وانصحك مفيش مرتب مدارس خاصة بالمبلغ اللي بتقوله اعلى راتب للمدارس هنا 160 دينار يعني حوالي 3000جنيه مصري المصاريف هنا سكن واكل وشرب حوالي 70 دينار يعني هيبقى لك 90 دينار يعني حوالي 1800 جنيه مصري فيه دروس ماشي وممكن تقدم في التربية بعده كده هنا وراتب التربية عالي جدا 600 دينار بس نصيحة اخوية اصبر لما تتعين لان الفرصة اللي انت فيها مش هتلاقيها ولا بعد 20 سنة في مصر الحكومة اتزنقت وهتعينكم هتعينكم اكيد بس اصبر العام الدراسي ده وهتلاقي التعيين معاك وابقى تعالى في اوقت نجحت العملية معاك خير لا قدر اللله وفشلت ترجع لشغلك اللي محدش هيلاقيه ابدا وعلى فكرة انا مدرس اساسي وان شاء الله اليومين دول في تقديمات في التربية رجاء منك دعوات بظهر الغيب لاخيك واقولك تاني اوعى تفرط في الفرصة اللي معاك هتندم اشد الندم اسمع كلامي انا انصحك لوجه الله تعالى

انا مع دا تماما تماما اوعى تفرط في الفرصة اللي معاك لان هناك الحال مش تمام العيشة غالية جدا انا خالتى هناك وبتقولي لو بقيت مدرس تبع الوزارة هتعيش واخر تماما ولو مفيش يبقى مصر أحسن بكتير اللي هتخده هتصرفه في أكل في شرب في سكن غير ان الاوراق الرسمية هناك رسومها غالية جدا يعني من كل ناحية انت بقى في على الأقل لو خبططت معاك ومفيش غير مرتب الحكومة ... ودا مش هيصل هتلاقي تاكل ولو اتظطلمت او اتعاملت وحش اسمك في بلدك وواحد من أهل بلد هتعمل فيه اللي انت عاوزة ولكن هناك على كف عفريت لو كحيت مع واحد كويتي لا مؤاخذة هتتعلق وهيرحلوك بعد ما تعبت وشقيت وضحيت أووووووووووووووووووووعى دي خطوة خطيرة جدا فكر ألف مرة انت اعلم بظروفك وربنا يهديك للي فيه الخير ان شاء الله :friendsxs3:

ربنا يهدينا جميعا

انا في الكويت الان وانصحك مفيش مرتب مدارس خاصة بالمبلغ اللي بتقوله اعلى راتب للمدارس هنا 160 دينار يعني حوالي 3000جنيه مصري المصاريف هنا سكن واكل وشرب حوالي 70 دينار يعني هيبقى لك 90 دينار يعني حوالي 1800 جنيه مصري فيه دروس ماشي وممكن تقدم في التربية بعده كده هنا وراتب التربية عالي جدا 600 دينار بس نصيحة اخوية اصبر لما تتعين لان الفرصة اللي انت فيها مش هتلاقيها ولا بعد 20 سنة في مصر الحكومة اتزنقت وهتعينكم هتعينكم اكيد بس اصبر العام الدراسي ده وهتلاقي التعيين معاك وابقى تعالى في اوقت نجحت العملية معاك خير لا قدر اللله وفشلت ترجع لشغلك اللي محدش هيلاقيه ابدا وعلى فكرة انا مدرس اساسي وان شاء الله اليومين دول في تقديمات في التربية رجاء منك دعوات بظهر الغيب لاخيك واقولك تاني اوعى تفرط في الفرصة اللي معاك هتندم اشد الندم اسمع كلامي انا انصحك لوجه الله تعالى

اعتقد أنه وبعد كلام أخونا الفاضل
لا جدال والصبر أخي الكريم وانظر للأمام وتعلم ممن سبقوك وبخاصة عندما تكبر في السن
فلنا زملاء جروا وراء السفر ثم عادوا للاستغناء عنهم وهم الآن يقضون كل ترم دراسي في مدرسة خاصة شكل
فهل يعقل هذا ؟؟؟؟؟؟؟؟؟؟؟!!!!!!!!!!!!!!

ربنا يهدينا ويوفقنا للخير والصواب ويثبتا بقى عشان كل مشاكلنا تتحل

اخي الحبيب بعد ان شاء الله ما يتم تثبيتك ستكون هناك فرضة للسفر باذن الله لا محالة ولكن تمكن من تثبيتك واشتغل 3 سنوات على اساس ياخد خبرة بيهم وبعد كده كل سنة التربية هنا بتطلب مدرسين رياضيات كتير تربية بس لازم يكون جيد التقدير وبيطلبوا من مصر وتقدم هناك في مصر وبيطلبوا من هنا الوافدين و ربنا سهل وجيت هنا يعني الموضوع هيكون امامك كثيرا من الفرص بعد التثبيت اكرر اوعي تضيع الفرصة من ايديك ربنا يارب يديلك كل اللي تتمناه بس الصبر مرجلة مرحلة اتثبت الاول وبعدين ربنا هيحلها باكثر من حل اما بالنسبة للتربية هنا فلو دخلتها انت مش محتاج لا دروس ولا غيره هتعيش احسن عيشة وربنا المستعان لان اتربية الرواتب هنا 600دينار يعني 12الف جنيه مصري شهريا زائد هناك مكافاة اخر العام 1100دينار شهور الاجازة هنا بيعاملوا المعلمين على اساس انهم بني ادمين مش زي مصر بس اصبر اصبر

اخى الكريم فرصة العمل فى التعليم الخاص الكويتى مهواش مغرى وخصوصا ان تكاليفك عليك السكن غالى والمصاريف غالية هناك المرتب الى تاخده هتصرفه لو التعاقد كان مع الحكومةتبع اللجنة الى الى اخدت مدرسين فىشهر 8 كان ممكن متضحيش نصيحة عارف انتظر متتسرعش وبعدين التعاقد الحكومى بينزل كل فترة خصوصا هم عندهم عجز فى تخصصك اصبر وخصوصا التثبيت هان

ألسلام عليكم
طبعا المعيشة غالية جدا من اكل ومواصلات لسكن انا اعرف ناس تربطنى بهم صلة قريبة جدا بيعانوا من كدا ومع انهم فى سكن خاص بالمدرسين ونفسهم ياخدوا اسرهم ومش لاقين سكن مناسب او معيشه حتى توفر خليك فى بلدك او شوف فرصة احس

بص يا عمدا أكيد العرض للنتا قولته مغرى جدا بس هقولك على حاجه بالنسبه للمعيشه هناك مش مشكله زى ما كتير من الناس بتقولك أنت تقدر تدبر امورك بنفسك هناك وكمان ممكن ربنا يكرمك هناك ببعض الدروس الخصوصيه

بس كمان هقولك حاجه أن فرصه السفر متاحه وممكن تيجى فى أى وقت بس فرصه التعيين هى دى بجد اللى مشكله كبيره
أنت تشوف السنادى مع الحكومه والله ربنا كرمك وأتعينت كان بها وان كانت الأخرى فعليك بالرحيل اخى الكريم .
وساااااااااااااااااااااااااافررررررررررررررررررررر رررررررر

[quote=ABDOURAGAB;2700584]انا في الكويت الان وانصحك مفيش مرتب مدارس خاصة بالمبلغ اللي بتقوله اعلى راتب للمدارس هنا 160 دينار يعني حوالي 3000جنيه مصري المصاريف هنا سكن واكل وشرب حوالي 70 دينار يعني هيبقى لك 90 دينار يعني حوالي 1800 جنيه مصري فيه دروس ماشي وممكن تقدم في التربية بعده كده هنا وراتب التربية عالي جدا 600 دينار بس نصيحة اخوية اصبر لما تتعين لان الفرصة اللي انت فيها مش هتلاقيها ولا بعد 20 سنة في مصر الحكومة اتزنقت وهتعينكم هتعينكم اكيد بس اصبر العام الدراسي ده وهتلاقي التعيين معاك وابقى تعالى في اوقت نجحت العملية معاك خير لا قدر اللله وفشلت ترجع لشغلك اللي محدش هيلاقيه ابدا وعلى فكرة انا مدرس اساسي وان شاء الله اليومين دول في تقديمات في التربية رجاء منك دعوات بظهر الغيب لاخيك واقولك تاني اوعى تفرط في الفرصة اللي معاك هتندم اشد الندم اسمع كلامي انا انصحك لوجه الله تعالى[/
اصبر لما تتثبت الاول

على فكرة 2000 جنية فى مش وحشة واللى ربنا عايزه هيكون

على فكرة 2000 جنية فى مصر مش وحشة واللى ربنا عايزه هيكون والغربة ليها ثمن

فعلا 2000 جنيه فى مصر مش وحشه


وانا راى زى الاعضاء الافاضل ما قالوا انك تنتظر التعيين

سافر وعلى فكره من حقك انك تاخد سنه اجازه طول فتره التعاقد

انا اول مرة اعرف ان في سنة اجازة من العقد مين قال كده

مين قال ان من حق المتعاقد اجازة سنة اول مرة اسمع بالكلام ده

روح يمكن يثبتوك هناك

روح يمكن يثبتوك هناك
ههههههههه الله يجازيك الاستاذ بيستشير الاخوة اصحاب الخبرة مش طالبة تريقة يعنى عندك كلمة كويسة قولها معندكش يبقى بلاش

السلام عليكم
انا فى رأيى انى افضل شئ تعمله هو ان تصلى صلاة الإستخاره وتمشى فى الموضوع لو تيسر فهو خير ولو تعثر فهو خير0

يا جماعة بلاش تاليف مفيش اجازة الا العارضة والمرضى
والله لو فية اجازه اكون اول واحد واخدها

سافر واتوكل علي الله

يا جماعة بلاش تاليف مفيش اجازة الا العارضة والمرضى
والله لو فية اجازه اكون اول واحد واخدها


صح هوا كدا

اصبر لما تتثبت وربنا يسترها بعد كده

اى حد يلاقى فرصة للسفر برة يكون معن عنها يريت يقول بسرررررررررررررررررررررررعة

الأخ الفاضل الكريم
يمكن انت بتحكى بالظبط ظروفى " مدرس رياضيات اعدادى متعاقد " دخلى زيك أو يزيد حاجه بسيطه
نفس السبب اللى الأفاضل اجمعوا عليه هو نفس السبب اللى مخلنيش اسافر
وانا مستنى لآخر العقد 4/ 5/2011
ياريت لو اخذت خطوة تبلغنى يمكن ناخدها مع بعض وتذكر الجزء من حديث الرسول (ص)
والله فى عون العبد ما دام العبد فى عون أخيه
أخوك : احمد - ادارة الفشن - بنى سويف

العيشة هناك غالية اخى الكريم
اسال وتاكد الاول ممكن تاخد السبعة الاف وتصرفهم هناك
لى صديق يعمل مدس بالكويت وبيقول العيشة فى مصر أغلى من الكويت ماعدا السكن يعنى ممكن تسكن بألف جنيه بالكهرباء أما الاكل والشرب أرخص وبعدين بيدى هناك دروس على ودنه يعنى تدخلك كده بتاع 10000 جنيه شهرى دروس لان الساعة تتراوح بين 10 و20 دينار حسب المادة

سافر وعلى فكره من حقك انك تاخد سنه اجازه طول فتره التعاقد


هو حضرتك متعاقد زينا وازاى نقدر ناخد سنه اجازه اول مره اسمع الكلام ده؟

كل عام انت بخير

انا فى رأيى اجلها شويه والارزاق على الله

اصبر لما تتثبت الاول

أوعى تسافر أحذرك فرق الخمسة ألاف جنيه ستدفعه من عمرك وكرامتك وبعدك عن أهلك وتضييعك لفرصة التثبيت ستندم عليها طوال العمر

ربنا يوفقك لما فيه الخير

أوعى تسافر أحذرك فرق الخمسة ألاف جنيه ستدفعه من عمرك وكرامتك وبعدك عن أهلك وتضييعك لفرصة التثبيت ستندم عليها طوال العمر

والله كلامك صح مية مية

روح يمكن يثبتوك هناك
هههههههههههههههههه والله امرك غريب يعني تقصد مصر تثبته في الكويت ههههههههههه:d

اصبر
الفرصة اللي معاك اكيد ههتتعوض لكن التعيين مش ممكن

يا ممالكة الحياة رد الناس بتسأل عرفتي منين ان فيه اجازة سنة للمتعاقد اذا كان هو التعاقد كله سنة

على فكرة انا لى صديق ساب العقد وسافر بس السعودية وانا نصحته اصبر لما تتعين مسمعش الكلام للأسف سافر ورجع يامولايا كما خلقتنى
ودلوقتى عمال يجرى علشان يرجع التعاقد تانى بس ياخسارة للأسف خلاص فينش
وهو دلوقتى بيندم يابنى اوعى تسيب الفرصة دى يمكن ربنا يكرم واحنا عارفين انالحكومة
1- امان وظيفى
2- امك التانية اللى مهما عملت تطبطب عليك وتقولك تعالى ياحبيبى
3- ان فاتك الميرى اتمرمغ فى ترابه
هههههههههههههههههههههههههههههههههههههههههههههه
اوعى تسافر قبل ما يجيلك التعيين نصيحة على رأى والدك
السلام عليكم ورحمة الله وبركاته
:giljotiiniug3::giljotiiniug3::giljotiiniug3::gilj otiiniug3::giljotiiniug3::giljotiiniug3::giljotiin iug3::giljotiiniug3:

اصبر قليلاً انت صبرت كثيراً
أما الأخ عبدالرحيم رجب
الذى أعتبره أخاً كبيراً لنا جميعاً وأرجو التواصل معه شخصياً لأنه شخصيه تحب غيرها مثل ما تحب نفسها وأعتقد أن رأيه فى الكثير من الصواب بل هو الصواب كله
الدهمشاوى

انا مع دا تماما تماما اوعى تفرط في الفرصة اللي معاك لان هناك الحال مش تمام العيشة غالية جدا انا خالتى هناك وبتقولي لو بقيت مدرس تبع الوزارة هتعيش واخر تماما ولو مفيش يبقى مصر أحسن بكتير اللي هتخده هتصرفه في أكل في شرب في سكن غير ان الاوراق الرسمية هناك رسومها غالية جدا يعني من كل ناحية انت بقى في على الأقل لو خبططت معاك ومفيش غير مرتب الحكومة ... ودا مش هيصل هتلاقي تاكل ولو اتظطلمت او اتعاملت وحش اسمك في بلدك وواحد من أهل بلد هتعمل فيه اللي انت عاوزة ولكن هناك على كف عفريت لو كحيت مع واحد كويتي لا مؤاخذة هتتعلق وهيرحلوك بعد ما تعبت وشقيت وضحيت أووووووووووووووووووووعى دي خطوة خطيرة جدا فكر ألف مرة انت اعلم بظروفك وربنا يهديك للي فيه الخير ان شاء الله :friendsxs3:
وانا مع الزميل الفاضل
اصبر لما تتعين مش هتلاقي الفرصة دي تاني والسفر موجود على طول بس متستعجلش
لما تروح في الخارج وانت ليك وظيفة هنا تفرق معاك كتير ممكن في اي وقت ينهولك عقدك او لا قدر الله يحصل اي حاجة وتنزل هتبقى لا طولت سما ولا ارض
اما انت لو متعين هترجع على وظيفتك مطمن عارف ان في مرتب مستنيك
وبعدين اخي الفاضل الدروس هنا مع الوقت بتزيد مجرد متسافر ولا قدر الله حصل اي حاجة بترجع تبدا من الصفر اسالني انا مجرب كنت في السعودية 3 سنوات ورجعن بدات من تحت الصفر
اتمنى لك التوفيق

اعتقد أنه وبعد كلام أخونا الفاضل
لا جدال والصبر أخي الكريم وانظر للأمام وتعلم ممن سبقوك وبخاصة عندما تكبر في السن
فلنا زملاء جروا وراء السفر ثم عادوا للاستغناء عنهم وهم الآن يقضون كل ترم دراسي في مدرسة خاصة شكل
فهل يعقل هذا ؟؟؟؟؟؟؟؟؟؟؟!!!!!!!!!!!!!!






دا كلام سليم طبعاً وربنا يرزقك كل يوم برزق جديد

سافر يا باشا هنا مافيش تثبيت هو هيدونا شهادة صلاحية بس معلم متعاقد
وكل اللي بيحصل دا تهدئه اوضاع
الفرصة بتيجي مرة واحدة

اخي الكريم
طبعاً اوعى تسافر لاي سبب من الاسباب واحنا خلاص على الابواب من التثبيت
يعني لو انت سافرت وحصل اي شيء مثلا الراتب غير اللي انت بتقول عليه هترجع مصر تاني ولو رجعت هترجع على اي ؟؟؟؟ هتكون خلاص الفرصة راحت من العقد والتثبيت .
نصيحة
خليك السنة دي كمان ورزقك عند الله لو ليك رزق في الكويت او اي دولة اخرى ربنا هيسهلهالك على طول
وربنا معاك ويوفقك
اخوك
محمد عبد العال / معلم مساعد حاسب آلي

زميلى الفاضل من الافضل انك تصبر السنه ديه وربنا يسهل علشان تتثبت واحنا معاك وبعدين انت بفضل الله كويس هنا فى مصر وبعدين لما نتثبت ممكن تسافر زى منتا عايز وتروح المكان اللى تحبه

نصيحة اوعى تسافر انا اتبهدلت هناك ورجعت اشتغل بالاجر وراحت عليا فرص كتير

بسم الله اولا اخى الكريم انت فى بلدك اقصد وسط اهلك له تمن والغربه لها تمن احسب تمن الغربه وتمن السكن هتلاقى العمليه متساويه مع فرق بسيط حسب الدروس هناك ودة حسب تساهيل ربنا يا فيه يا مفيش وبكام

وممكن اجازة سنه سمعت من ناس انهم اخذوا سنه اجازه لو انت مصمم على السفر واسال قبل السفر

http://img104.herosh.com/2010/08/10/886031073.jpg

انتا عارف 2000جنيه خير ونعمه كفايه انك عايش فى بلدك هم مش يقدروك بس هتسافر هتشوف هناك مش هتجلس على حرير المعامله هناك مش كويسه وربنا يوفقك بس نصيحه ماتسفرش الى ما تثبت عشان لو ماعجبكش الحال تعالى الى وظفتك

أشكر كل من شارك وساهم وخصوصا اخوانى الأفاضل وأخواتى الفضليات على كل الردود
الجميلة والمهذبة وبارك الله فيهم
وربنا يوفقنا جميعا الى مافية الخير والسداد

صدقونى يا جماعة تراب مصر أفضل من دهب أى دولة صحيح هناك فلوس لكن هنا الوطن والاحباب والرزق مش بس كمية فلوس الرزق فى حاجات كتير رجائى احمد ربنا على نعمته وربنا يبارك والخاص مذلة فى أى مكان عارف لو حكومة كنت قلت سافر لكن ده خاص حافظ على النعمة اللى فى ايدك ذل الأحباب ولا تحكم الأغراب ربنا يوفقك لما فيه الخير وييسر الأمور لشباب مصر كلها
اللهم آآآآآآآآآآآآمين

نصيحة انتظر التعين ،يعني تعبت شوف كام سنه جات علي شهر ولا شهرين وعاوز تمشي ، مسألة وقت بس إن شاء الله فيه تعيين

اخي الحبيب بعد ان شاء الله ما يتم تثبيتك ستكون هناك فرضة للسفر باذن الله لا محالة ولكن تمكن من تثبيتك واشتغل 3 سنوات على اساس ياخد خبرة بيهم وبعد كده كل سنة التربية هنا بتطلب مدرسين رياضيات كتير تربية بس لازم يكون جيد التقدير وبيطلبوا من مصر وتقدم هناك في مصر وبيطلبوا من هنا الوافدين و ربنا سهل وجيت هنا يعني الموضوع هيكون امامك كثيرا من الفرص بعد التثبيت اكرر اوعي تضيع الفرصة من ايديك ربنا يارب يديلك كل اللي تتمناه بس الصبر مرجلة مرحلة اتثبت الاول وبعدين ربنا هيحلها باكثر من حل اما بالنسبة للتربية هنا فلو دخلتها انت مش محتاج لا دروس ولا غيره هتعيش احسن عيشة وربنا المستعان لان اتربية الرواتب هنا 600دينار يعني 12الف جنيه مصري شهريا زائد هناك مكافاة اخر العام 1100دينار شهور الاجازة هنا بيعاملوا المعلمين على اساس انهم بني ادمين مش زي مصر بس اصبر اصبر



دا كلام موزون ولازم كلنا نعمل بيه ياجماعة وشكراً يا استاذنا علي النصيحة ولو كانت واجبة عليك بنص الحديث النبوي :
" الدين النصيحة "

لو فرصة حقيقية توكل على الله حتى لو اخدت 7 الاف وصرفتهم احسن من البقاء فى هذة البد التى ضاقت على ابنائها واورثتهم الذل والفقر.

اصببببببببببببببببببررررررررررررررررررر

السفر موجود فى أي وقت
انما التعيين لو عدى منك المرادي مش هتلاقيه تاني ابدا

الحكاية مش حكاية تثبيت
لو انت هنا دخلك الفين يبقى احسن من هناك بسبعة وابرك كمان والالفين هنا ممكن يزيدو ربنا ما يوريك هم الغربة عاملة ازاى

عصفور التثبيت اللى ممكن ما تسيبه ولما يبان لها نتيجه ابقى قرر

والله يا ابني ما فيه تثبيت الا لما الشباب اللي ايده في المية الباردة يتحرك ويعملوا اعتصامات واضرابات وطلبات والحكومة تعمل نفسها حلت المشكلة الصعبةة وده بيتهيألي مش حيحصل لان الشباب جبان وخايف علي العقد وشوية الدروس اللي بيديهم فالموضوع مطول شوية لغاية ما نتغير وانا وانت اول الانانيين بدليل انك بتفكر تسافر ولا لأ مش ازاي نطلب نتثبت .............. سافر يا صاحبي وشوف مصلحتك

نصيحة لا تسافر
هو 2000 جنيه شويه
اومال يعمل ايه ابو 105 جنيه

بص ياسيدي انا زيك بالضبط مدرس رياضيات اعدادي من سوهاج ونفس الشئ بادي دروس تقريباً بنفس المبلغ ومن حوالي اسبوع كده جاتني فرصة للسفر للكويت بمدارس "النجاة" ولكن فكرت وسالت لقيت اننا ننتظر احسن واحسن وقررت انه بانتهاء العام الدراسي الجاري لو محصلش تثبيت لن اتردد في السفر للكويت

نصيحتى سافر انا مدرسة ومعينة لكن التعاقد فلوسة قليلة ومش بيعنوا خلاص وحتى لو اتعينت حتأخذ كام لكن هناك حتقدر تكون نفسك وتكون معاك فلوس وحتحتاج التعيين فة ايه فى ناس كتير مش متعينة اصلا وكونوا نفسهم فى البلاد العربية واستغنوا عن التعيين والله اسمع كلامى انت حتكون مستقبلك هناك مش ب300 فقط وحتى لو بتعطى دروس بتكون بتعب جسمى وعصبى ولكن هناك تعب بمقابل سافر نصيحتى ( أختك فى الله ) انا متعينة لى عشر سنوات ولم افعل شئ

صباح الخير
أخى العزيز السفر مش هيخلص ولا هينتهى يعنى ممكن تسافر فى اى وقت
اما التعين والوظيفة مرة واحده بس
وانا جربت السفر وشفت فيها العجب وكمان مع رأى مفيش مدارس خاصىة تعطى نفس الراتب
اصبر وان شاء الله خير.

انا مش مع الأخت خلاص انت بتقوللى هنا تعب عصبى وهناك تعب نفسى وعصبى كمان
بلاش تسافر واتعين الاول وكمان الناس اللى سابت الوظيفة وسفرت والله العظيم بتحاول تعمل اى شئ وتدفع اى فلوس علشان ترجع للتعيين
وكمان اعمل حساب انك مش هترجع مصر كأستقرار لا كأزيارة بس وعمرك كله هيضع بره ويوم ما ترجع هتقعد فى البيت
اسف لو كنت اتكلمت بصراحة