مشاهدة النسخة كاملة : احنا زعلانين ليه ؟؟؟!!!
rymond 29-09-2010, 11:37 AM احنا زعلانين ليه ؟؟؟
ـــــــــــــــــــــــــــــــــــــــــــــ
مش لسه الحزب الوطني بيفوز في الانتخابات ؟؟!!
مش لسه الشرطه في خدمه الشعب ...والشعب يقلع عينه عشان الشرطه ؟؟!!
مش لسه الاهلي بياخد الدوري والزمالك بيتغلب والحكام تمام ؟؟!!
مش لسه موصلناش كاس عالم ..و لسه حسن شحاته محلقش شعره ؟؟!!
مش لسه عمرو دياب الهضبه حتي لو نزل البوم فاضي ؟؟!!
مش لسه الناس بتكره تامر حسني حتي لو عمل قرد ..وحتي لو جه علي نفسه وشال شعر صدره ؟؟!!
مش لسه الشرطه المصريه اسرع شرطه في العالم في الحصول علي الاعترافات ؟؟!! وده طبعا بعد اول كف من اي مخبر
مش لسه المخبرين بيلعبوا جيم في ايديهم بس ؟؟!! وعلي رأي احمد السقا ..ده مش كف دول 7 كفوف في بعض
مش لسه الشباب بيتسلي بالبنات ؟؟
مش لسه البنات بتصدق الشباب ؟؟!!
مش لسه مصر ام الدنيا ..وكل العالم بيحبها ؟؟!!
مش لسه بنضرب في الجزاير ونيجي هنا نعملهم رحلات ترفيهيه للاهرامات ؟؟
مش لسه بتاخد رخصتك من عسكري المرور ب 10 جنيه ؟؟
مش لسه عماد متعب مخطبش ومقضيها ؟؟!!
(مقيضها دلوقتي مع يارا نعوم ..يا بخته )
مش لسه الدنيا زحمه والجو حر ؟؟
مش لسه الحراميه شغالين وكلو تمام ؟؟
مش لسه فيه ناس عامله سبع رجاله في بعض ويقلبوا قطه مع اول قلم ؟؟
مش لسه عمرو دياب بيحب وحسن يوسف بيتجوز ؟؟!!
مش لسه العميد بيقول ان الابيض قادم ؟؟
مش لسه بيبسي المشروب الرسمي لمنتخب مصر ؟؟
مش لسه بريل الراعي الرسمي للراجل المصري ؟؟!!
مش لسه الكوسه في الجامعات ...و ولاد الدكاتره بيتعينوا ؟؟
مش لسه الناس بتشرب شاي بالياسمين ؟؟
مش لسه عادل امام بيهدي افلامه للسيد الرئيس راعي الفنون في مصر ؟؟!!
يبقي ايه المشكله ؟؟ زعلانين ليه ؟؟!!
وانا كمان احب اهدي المقال ده للسيد الرئيس
راعي المقالات في مصر
:d:d:d:d
maths city 29-09-2010, 12:46 PM مش انتى لسه بتتكلم ومحدش بيكلمك
Mr. Ali 1 29-09-2010, 01:39 PM ايه ده ؟؟
بصراحة الموضوع فيه تساؤلات كويسة , بس فيه
حاجات تانية مش مفهومة , يعني مثلاً مالنا احنا
وشعر حسن شحاته , ولا الأهلي يكسب الدوري
والزمالك يتغلب ؟!!
عماد متعب يخطب , يتزوج , يقضيها زي ميقضيها , هو بقي قدوة ؟!!
بصراحة الموضوع زي ما يكون " سمك لبن تمر هندي !! "
وبعدين انت بتتسائل " احنا زعلانين ليه ؟ "
وانت شكلك مش زعلان بس ... لا ... انت حطق من الزعل !!
براحة علينا شوية , وواحدة واحدة عشان نقدر نفهم .
الرجل الغامض بسلامته 29-09-2010, 02:11 PM مش لسه مصر ام الدنيا ..وكل العالم بيحبها ؟؟!!
من غير مش
مصر ام الدنيا وكل العالم بيحبها
الرجل الغامض بسلامته 29-09-2010, 02:20 PM أيّهذا الشّاكي وما بك داءكيف تغدو اذا غدوت عليلا؟
انّ شرّ الجناة في الأرض نفس تتوقّى، قبل الرّحيل ، الرّحيلا
وترى الشّوك في الورود ، وتعمى أن ترى فوقها النّدى إكليلا
الرجل الغامض بسلامته 29-09-2010, 02:22 PM مش لسه عمرو دياب الهضبه حتي لو نزل البوم فاضي
مين عمرو الدياب ده
ماهو الا سفيه
و بالمثل تامر حسنى
rymond 29-09-2010, 02:48 PM ايه ده ؟؟
بصراحة الموضوع فيه تساؤلات كويسة , بس فيه
حاجات تانية مش مفهومة , يعني مثلاً مالنا احنا
وشعر حسن شحاته , ولا الأهلي يكسب الدوري
والزمالك يتغلب ؟!!
عماد متعب يخطب , يتزوج , يقضيها زي ميقضيها , هو بقي قدوة ؟!!
بصراحة الموضوع زي ما يكون " سمك لبن تمر هندي !! "
وبعدين انت بتتسائل " احنا زعلانين ليه ؟ "
وانت شكلك مش زعلان بس ... لا ... انت حطق من الزعل !!
براحة علينا شوية , وواحدة واحدة عشان نقدر نفهم .
بالنسبه لتعليق حضرتك ان الموضوع سمك لبن تمر هندي
حضرتك ان في اول الموضوع طرحت تساؤل معين (احنا زعلانين ليه ؟؟!!)
وبعد كده ناقشت الحاجات السيئه في مصر في كل المجالات بطريقه ساخره
وفي الاخر بردو ..قلت بطريقه ساخره ان مفيش سبب للزعل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
بالنسبه للاهلي وحسن شحاته
انا بحب اكتب حاجات كوميديه في المقالات عشان امنع الملل للي بيقرا !!!
ميراج 29-09-2010, 05:23 PM مش لسه الاهلي بياخد الدوري والزمالك بيتغلب والحكام تمام ؟؟!!
لأ الزمالك خلاص مبقاش بيتغلب:mad:
واحنا مش زعلانين خالص
لأن خلاص خدنا على كده
يعنى مش جديد علينا
ان الحزب الوطني يفوز في الانتخابات:d
ولا كل اللى حضرتك قولته:o
هيه دى مصر
ام الدنيا بصحيح:d
اصل مفيش فايده:p
تقبل مرورى
Mr. Ali 1 30-09-2010, 12:27 AM بالنسبه لتعليق حضرتك ان الموضوع سمك لبن تمر هندي
حضرتك ان في اول الموضوع طرحت تساؤل معين (احنا زعلانين ليه ؟؟!!)
وبعد كده ناقشت الحاجات السيئه في مصر في كل المجالات بطريقه ساخره
وفي الاخر بردو ..قلت بطريقه ساخره ان مفيش سبب للزعل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
بالنسبه للاهلي وحسن شحاته
انا بحب اكتب حاجات كوميديه في المقالات عشان امنع الملل للي بيقرا !!!
اوعي تاخد كلامي علي زعل , انت اللي خلطت الجد بالهزل
فبان الأمر لي غير مفهوم ان كان جاداً أو هزلياً , والموضوع عنوانه احنا زعلانين ليه؟ يبقي مفيناش من زعل .
بس والله زي ما قلت لك فيه حاجات كويسة ممكن النقاش فيها .
كرومبو2011 30-09-2010, 12:47 AM مش لسه فيه شباب يناموا ويصحو على اخبار النجوم
يبقى لازم مانزعلش
مش لسه فيه شباب بيمشوا فى المظاهرات وفى إيديهم أيس كريم وصورتهم الجزيرة
يبقى لازم مانزعلش
واللى يزعل مايحلمش هيتعب وان تعب هيمرض ويحتاج زيارة والفاكهه غالية جدا
ومفيش أرخص دلوقتى من البصل ودمتم بخير
rymond 30-09-2010, 09:04 AM اوعي تاخد كلامي علي زعل , انت اللي خلطت الجد بالهزل
فبان الأمر لي غير مفهوم ان كان جاداً أو هزلياً , والموضوع عنوانه احنا زعلانين ليه؟ يبقي مفيناش من زعل .
بس والله زي ما قلت لك فيه حاجات كويسة ممكن النقاش فيها .
لأ والله انا مش زعلاااان خالص ... انا بحب اي حاجه اكتبها ..ناس تنقدها وتقولي كتبت كده ليه وعملت الكلمه دي هنا ليه
بحب النقد البناء ولو تلاحظ حضرتك الوحيد اللي رديت عليه :022yb4:
rymond 30-09-2010, 09:05 AM لأ الزمالك خلاص مبقاش بيتغلب:mad:
واحنا مش زعلانين خالص
لأن خلاص خدنا على كده
يعنى مش جديد علينا
ان الحزب الوطني يفوز في الانتخابات:d
ولا كل اللى حضرتك قولته:o
هيه دى مصر
ام الدنيا بصحيح:d
اصل مفيش فايده:p
تقبل مرورى
شكراااااااااا علي المرور
no cry 30-09-2010, 04:08 PM احنا زعلانين ليه ؟؟؟
لييييييييييييييييييييييييييييييييييييييييييييييييي ييييييييييييييييييييييييييييييييييييييييييييه
dora_h 30-09-2010, 08:34 PM جميل جد المقال وبيناقش حاجات بطريقه اجمل
واضح اخى انك موهوب ماشاء الله
عندك حق فى كتير بتقوله تمسك المعظم بالمطربين وبالاشياء التافهه
والفوضى والهمجيه فى المجتمع اللى بقت موجوده اوى
بس هنقول ايه ؟؟؟
هو ده حالنا فى زمن راحت فيه المبادىء مشوار للمريخ ومش راجعه تانى
وعلى الجانب الاخر نعترف ان فى حاجات جيدة بردو فى مصر
ونتمنى ان مصر تتقدم والناس تتغير للافضل باذن الله
لاتحرمنا من مواضيعك الممتعه
التائبة الى ربها 30-09-2010, 09:15 PM انا عن نفسى مش زعلانة طالما مفيش حاجة تزعل
اصلا كل الحاجات دى مش بتفرق معايا
انا اللى بيفرق معايا ان ربنا راضى عنى ولا زعلان منى
rymond 30-09-2010, 10:19 PM جميل جد المقال وبيناقش حاجات بطريقه اجمل
واضح اخى انك موهوب ماشاء الله
عندك حق فى كتير بتقوله تمسك المعظم بالمطربين وبالاشياء التافهه
والفوضى والهمجيه فى المجتمع اللى بقت موجوده اوى
بس هنقول ايه ؟؟؟
هو ده حالنا فى زمن راحت فيه المبادىء مشوار للمريخ ومش راجعه تانى
وعلى الجانب الاخر نعترف ان فى حاجات جيدة بردو فى مصر
ونتمنى ان مصر تتقدم والناس تتغير للافضل باذن الله
لاتحرمنا من مواضيعك الممتعه
شكراااااا علي المرور والتشجيع
انا عن نفسى مش زعلانة طالما مفيش حاجة تزعل
اصلا كل الحاجات دى مش بتفرق معايا
انا اللى بيفرق معايا ان ربنا راضى عنى ولا زعلان منى
طبعا موافق حضرتك بس اكيد بردو البيئه اللي حولينا والاحداث بتأثر فينا ولا ايه ؟؟
Free Love 01-10-2010, 05:54 PM احنا زعلانين ليه ...............
مش عارف الناس زعلانه ليه
soul333 01-10-2010, 06:14 PM احنا زعلانين ليه؟
احنا مش زعلانين وهنزعل ليه؟!
الشعب المصرى لوزعل من الحاجات دى هيموت مقهور
عشان كدة بناخد كل حاجة بستهزاء وضحكة سخرية
زى عرضك للموضوع
______________
مش لسه لما بتسمع كلمة ثانوية عامة بتقول اه يا بطنى :d
اسفة لو بستفزك
مجنونة الكيمياء 01-10-2010, 06:14 PM أنا على فكرة مش زعلانة خالص
الا من حاجة واحدة
ان مدير مدرستى راجل متعصب جدا وبينفذ اللى فى دماغه حتى لو كان على حساب الطلبة ومش بيسمع أرائنا خالص
أنا بحب المدرسة جدا عشان عارفة انها مكان الطالب الصح بس كرهتها السنة دى بسبب المدير
ده الشئ الوحيد اللى مزعلنى
وشكرا على الموضوع
وتقبل مرورى
rymond 01-10-2010, 06:47 PM احنا زعلانين ليه؟
احنا مش زعلانين وهنزعل ليه؟!
الشعب المصرى لوزعل من الحاجات دى هيموت مقهور
عشان كدة بناخد كل حاجة بستهزاء وضحكة سخرية
زى عرضك للموضوع
______________
مش لسه لما بتسمع كلمة ثانوية عامة بتقول اه يا بطنى :d
اسفة لو بستفزك
لأ وهتستفزيني ليه ؟؟!! دي الثانويه دي احسن مرحله في حياتي:d
خلصت الحمد لله وانا ناو في تانيه طب بشري :d:d
rymond 01-10-2010, 06:48 PM احنا زعلانين ليه ...............
مش عارف الناس زعلانه ليه
أنا على فكرة مش زعلانة خالص
الا من حاجة واحدة
ان مدير مدرستى راجل متعصب جدا وبينفذ اللى فى دماغه حتى لو كان على حساب الطلبة ومش بيسمع أرائنا خالص
أنا بحب المدرسة جدا عشان عارفة انها مكان الطالب الصح بس كرهتها السنة دى بسبب المدير
ده الشئ الوحيد اللى مزعلنى
وشكرا على الموضوع
وتقبل مرورى
شكرااااااااااااااااااااا علي المرور
صوت الامة 02-10-2010, 05:54 AM يا جماعة دى الحياة حلوة بس نفهما:d
وانا كمان احب اهدي المقال ده للسيد الرئيس
راعي المقالات في مصر
ههههههههه
اجمد حتة فى الموضوع الصراحة
هى دى الخلاصة
ربنا يبارك فيك
fatakat400 02-10-2010, 08:50 AM مش كيلو الطماطم بقى ب8 جنيه
عشان الموظف يشتغل طول اليوم ب2 كيلو طماطم
كل اللى اقدر اقوله عمار يا مصر
وبهدى الكلمه دى للسيد المحترم الاستاذ الدكتور راعى الطماطم فى مصر
rymond 02-10-2010, 09:44 AM يا جماعة دى الحياة حلوة بس نفهما:d
ههههههههه
اجمد حتة فى الموضوع الصراحة
هى دى الخلاصة
ربنا يبارك فيك
فكرتني بحاجه كده لعادل امام في فيلم مرجان :d:d بس بلااااش اقولها
و شكرا لحضرتك علي المرور
مش كيلو الطماطم بقى ب8 جنيه
عشان الموظف يشتغل طول اليوم ب2 كيلو طماطم
كل اللى اقدر اقوله عمار يا مصر
وبهدى الكلمه دى للسيد المحترم الاستاذ الدكتور راعى الطماطم فى مصر
بلااااش كلام في السياسه عشان فيه رقابه
وبالنسبه لاهداء المقال قصدك مين بالظبط ؟؟!!:d
قطــز 02-10-2010, 02:30 PM اه صح احنا نزعل ليه
دا كده نبقى وحشين لو زعلانا
ما كل حاجه ماشيه تمام اهى
اضحكوا .. اضحكوا محدش واخد منها حاجه
coody 02-10-2010, 06:49 PM موضوع جميل
بس لو كل واحد عمل اللي عليه هاتشيل كل التساؤلات دي تاني يوم
تقبل مروري
سهر 2000 03-10-2010, 02:05 AM هههههههههههههه
والله no comment
فعلا
عماااااااااااااااااااار يا مصر
Mąlκђ 03-10-2010, 08:11 PM ايوة احنا زعلانين ليه كل حاجة زى الفل اه
ههههههههه
ربنا معانا.........
مرسى عالموضوع..
fatakat400 03-10-2010, 08:28 PM بلااااش كلام في السياسه عشان فيه رقابه
وبالنسبه لاهداء المقال قصدك مين بالظبط ؟؟!!:d
مش انت لسه قايل بلاش كوسه اقصد بلاش سياسه
|