يا جماعة انا انهردة اتصلت بمكتب التنسيق و سألت عن النتيجة قالولي ان ملفي راح كلية العلوم !!!! و انتو عارفين كلية العلوم دي كانت واخدة الحد الادنى من كام ؟؟؟93 و انا مجموعي بعد المعادلة و بعد ما شالو درجة التربيه الاسلامية 91 !!!!!!!!!!!!!!! طب ازاااااااااااااي معناه انا لو كنت كتبت في الرغبات الجديدة بدال العلوم صيدلة و لا اسنان كانت جاتلي عشان المقاعد اصلا اصلا فاضية بس الناس في مكتب التنسيق قالولي لازم تكتبي كلية واخدة من مجموعك عشان ما يحصلش مشاكل انا كتبت علوم اي كلام و خلاص و كنت حاطة في بالي انها مش هتيجي عشان انا كنت ساعتها مقدمة في جامعة خاصة و خلاص بس يا جماعة انا اللي عاوزة اقولو ان احنا بجد الحكومة نصبت علينا و باعتنا للجامعات الخاصة و انا و اهلي وقعنا في الخطة الدنيئة دي و الله ده ظلم و حررام و احنا مفيش في ادينا حاجة الا اننا نقول حسبنا الله و نعم الوكيل

فعلا حسبي الله و نعم الوكيل ..
انا بجد مش عارف هما بيعملو معانا كدا ليه .. مش كفايا ان اهلنا متغربين و طالع عينهم عشان يوفروا لينا عيشه كويسة .. لا وكمان جايين هنا يسرقونا عيني عينك ..
المشكلة ان مفيش في ايدينا حاجه نعملها ولو اعترضنا مش هنطول سما ولا ارض .. لا وكمان لسة لما تروحي الجامعة و تسألي على المصاريف هتشوفي الصدمة الكبرى ..
انا في الاول كان جايلي اسنان المنيا و روحت دفعت ال2000 جنيه و مقولتش حاجه عشان اروح عين شمس .. وفعلا التحويل تم و روحت الكلية و سألت على المصاريف وسمعت رقم غريب جدا .. المصاريف طلعت 3264 جنيه !!!! مع ان معايا ناس في نفس الدفعة بس شهادات مصرية مصاريفهم موصلتش 200 جنيه .. ده طبعا ميتقلش عليه غير نصب في نصب
حسبي الله ونعم الوكييييل ...

ياشباب اكيد فى غلط فى الموضوع حاولوا تستفسروا كويس من شئون الطلبة
ممكن فعلا فى اماكن فاضية واتقبلت للناس المعادله حتى لو مكنش جايب الحد الادنى للكليه دى

هههههههههههههههههههههههههههههههههههههههههههههههههه هههه
اه والله اتنصب علينا.........امال بقي لو كنتي زي حالاتي وجايبه الحد الادني بتاع الكليات ومتجيش غير كليه واخدة اقل من مجموعك ب 28 في الميه هتعملي ايه..........بس الحكومه نجحب انها تحولنا كلنا جامعات خاصه.......ملعوووووووووووبه

فعلا ولادنا مظلومين
ذنبهم ايه انهم عاشوا واتربوا فى الغربة علشان رب الاسرة بيعمل ويطلع عينه علشان يلاقى لقمة العيش
وللاسف الناس فى مصر فاكرين ان المغتربين كلهم قادرين على مصاريف الجامعات الخاصة
والله ظلم
هما مش مصرين زيهم زى اللى عايشين فى مصر
احنا زى اللى رقصوا على السلم ...وسورى فى اللفظ
لا طايلين جامعات فى السعودية
ولا طايلين جامعات فى مصر
حسبى الله ونعم الوكيل
مش كفاية كمان اختبارات القدرات والتحصيلى
وننسبة المدرسة بقت 40% بس
يعنى ولادنا تطلع عنيهم طول السنة رايحين جايين فى عز نار جهنم دى واختبارات طول السنة والاخر
ياخدوا 40% بس من المدرسة والباقى قدرات وتحصيلى مناصفة ال 60%
ارفعوا الظلم ده بقى وحرااااااااام

يا ريت فى ايدينا شئ يقدر يساعدكم
وأعتقد أن ما حدث هذا يجب يكون درس لكل المغتربين
خلوا ولادكم يمتحنوا تبع السفارات وياخدوا الثانوية العامة من مصر
ده أسلم وأفضل


ربنا يكون فى عونكم

لله الأمر من قبل ومن بعد

يا ريت فى ايدينا شئ يقدر يساعدكم
وأعتقد أن ما حدث هذا يجب يكون درس لكل المغتربين
خلوا ولادكم يمتحنوا تبع السفارات وياخدوا الثانوية العامة من مصر
ده أسلم وأفضل


ربنا يكون فى عونكم

لله الأمر من قبل ومن بعد


تحياتى استاذة ام شاهندة
طبعا كلامك سليم جدا بس للاسف لو تعرفى معاناة اولياء الامور والطلاب اللى بيدرسوا هنا ويختبروا تبع السفارة
تقولى الدراسة فى المدارس السعودية ارحم
اولا : مافى مدارس معتمدة لدراسة المنهج المصرى
وكل الدروس قائمة على مجموعات خاصة والمدرسين غير تربويين
ولا هما مدرسين من الاساس والعملية تجارية بحته
مجموعات تسودها الفوضى اكتر من العلم
ثانيا: اختبارات السفارة لغاية الصف الاول الثانوى فقط
ثالثا: اختبارات السفارة كلها معتمدة على الغش ونجاح جميع الطلاب من الصف الثالث الابتدائى لغاية اولى ثانوى معتمدين كليتا على فتح الكتب والغش
وده بيؤدى لكارثة طبعا فى الثانوية العامة لان الاختبارت بتكون فى مصر واكثر التزاما
وكده بيكون الطالب لا تأسس فى مدرسة ولا اتعود على الاعتماد على نفسه ولا حتى درس المواد الدراسية كما يرضى ربنا
ومن هنا بتحصل الكارثة

والله العظيم انا كنت اتمنى ان يكون لينا مدارس مصرية معتمدة ندرس ولادنا فيها على الاقل يدرسوا المنهج المصرى
بصى بينى وبينك
التعليم كله فاشل فى الدول العربية
والله المستعان
كلامى كله من واقع اللى بشوفه... وليا اصدقاء كثيرين اولادهم بيدرسوا منهج مصرى ويختبروا فى السفارة
وليس افتراء على احد

ياعينى عليكم وعليهم وعلينا
ان شاء الله السنة اللى جايه هابقى اكتب طب
مع انى علمى رياضه هههههههههههههه

ياعينى عليكم وعليهم وعلينا
ان شاء الله السنة اللى جايه هابقى اكتب طب
مع انى علمى رياضه هههههههههههههه
اعتقد ان بتوع مكتب التنسيق مش عندهم عمى الوان لدرجه انهم يخلوك طب:stickjo4:ولا ايه!!!!!!!!!!!!!!!!! بدل هندسه:078111rg3:

هى دى بلدنا ياجماعة

يا سلام يعنى انا نفسى اخش صحافة واعلام ( اخش علمى رياض ) واكتب صحافة واعلام

لا بس خلاص مصر مش بقيت زى قبل 25 يناير والله مصر هتظبط فى التعليم قولو ان شاء الله