السلام عليكم ورحمه الله وبركاته

ازيكو ؟عاملين ايه؟

يارب تكونو جميعا بخير

ندخل فى الموضوع على طووول

انا المره اللى فاتت كتبت فى موضوع ليا عن ولد اسلوبه يفتقد للاحترام فى تعامله مع امه

والموضوع هنا لليحب ياخد فكره عنه
http://www.thanwya.com/vb/showthread.php?t=252348

المهم النهاررده هاكلمك عن حاجه جديده

امبارح وانا كنت بتفرج على التلفزيون وبقلب فى القنوات كده

لقيت برنامج اسمه واحد من الناس على قناه دريم قولت لما اقعد اسمعه

اشوف احوال المجتمع كده ومشاكله

بس ساعتها لقيت مشكله بس كنت مبسوطه منها اوى

زمانكو تقولو فى حد بيتبسط من المشاكل :006et4:

ايوه انا اتبسط اوى

بطلى رغى وادخلى فى الموضوع على طوول :049gc0:

ماشى ماشى خلاص هاقول اهه


امبارح شوفت مثال لاطفال مكافحين بيشتغلو فى ورشه بيع قطع غيار للسيارات

الاطفال دول فرحت لكلامهم اوى وهما بيعبرو عن مدى تحملهم المسؤليه

الاذاعى عمرو الليثى بيقول لواحد منهم نفسك تطلع ايه لما تكبر

قاله نفسى اطلع اسطى كبير
يعنى فيه اطفال اسمى امانيها انها يبقى ليها ورشه

ودى صوره لهؤلاء الاطفال


http://www.angelstown.net/cms/files/مشرد2.gif





































المهم انا اعتبرت الموضوع ده مشكله ان ازاى اطفال فى السن ده تخرج للعمل وهما مش مؤهلين للعمل الشاق ده ؟

ممكن علشان مانفعوش فى التعليم ؟

بس ظروف المعيشه هى السبب فى خروجهم من التعليم

والسبب اننى فرحت بيه انى لقيتهم متحملين مسؤليه اسره كامله وبينفقو عليهم ؟

دلوقتى نقول العيب مننا ولا العيب من مجتمعنا ؟

مستنيه ردودكم

واللى هيخرج من غير رد:stickjo4:

شكلك أول مرة تتابعي البرنامج الجميل بتاع عمرو الليثي ...
لأنه فعلا بيتعرض لقضايا تخلي الواحد يعيط من حالنا في البلد دي
يمكن دي ابسط قضية من اللي هو عرضها في برنامجه مقارنة
بالباقي
انا سمعت الحلقة دي
بس بجد كلام الأطفال كان مأثر لدرجة كبيرة جدااا
العيب يابنتي أكيد في حالنا
دول أصلا ناس فقرا
فأكيد مش عايزيين يمدوا ايديهم لحد
فبيشتغلوا عشان يقدروا يعيشوا في البلد دي..
من التعليقات تشعري بالبراءة
وفيه أهل بردو العيب فيهم
بس عمرو الليثي قال حالة جميلة
قبل ما يعملوا قانون الطفل يشوفوااا
حالنا الأسر والفقر
احنا عندنا نسب فقر كبيرة جدااا ف المجتمع المصري
ناس تحت خط الفقر!1
شكراا شوشو

شكلك أول مرة تتابعي البرنامج الجميل بتاع عمرو الليثي ...

هو الصراحه مش متبعاه ياتسابيح بس لما بلاقيه شغال اكيد بسمعه

لأنه فعلا بيتعرض لقضايا تخلي الواحد يعيط من حالنا في البلد دي
ايوه هو الصراحه القضايا بتاعته صعبه اوى بس اهم حاجه فيه جرئ جدااا وده الميزه بتاعته
يمكن دي ابسط قضية من اللي هو عرضها في برنامجه مقارنة
بالباقي
انا سمعت الحلقة دي
بس بجد كلام الأطفال كان مأثر لدرجة كبيرة جدااا

هى الحلقه كان فيها نماذج كتير بس اكيد هتكلم عليها بس ده اللى قدرت اكتبه:)
العيب يابنتي أكيد في حالنا
دول أصلا ناس فقرا
فأكيد مش عايزيين يمدوا ايديهم لحد
فبيشتغلوا عشان يقدروا يعيشوا في البلد دي..
من التعليقات تشعري بالبراءة
وفيه أهل بردو العيب فيهم
بس عمرو الليثي قال حالة جميلة
قبل ما يعملوا قانون الطفل يشوفوااا
حالنا الأسر والفقر
احنا عندنا نسب فقر كبيرة جدااا ف المجتمع المصري
ناس تحت خط الفقر!1

والله الواحد بيتمنى ان حال مجتمعنا يتصلح بس مين يبدأ

الشعب ولا المجتمع

كل واحد بيعلق مشكلته على التانى

شكراا شوشو

منوره التوبيك ياجميل


تسلميلى يارب على المرور ياقمر

اسلام عليكم
جزاكى اه خيرا
وشكرا لطرحك هذه اقضيه
الاطفال دول ممكن اصلا يكونوا مادخلوش مدارس
والعيب فينا كلنا
ايه اللى عمله الطفل ده علشان بدل ما يتمتع بطفولته يعم ويتعب
حسبنا الله ونعم الوكيل
وبعدين احنا بنصعب علينا دول مع انهم بيروحوا يناموا وبياكلوا
اطفال فلسطين نقولهم ايه

زى ما فى دكاترة فى المجتمع لازم يكون فية ميكانيا وزبالين وغيرهم من المهن لان الدكتور زى ما بيخدم الناس بردة الزبال بيخدم الناس دى دورة الحياة وفعلا صدق من قال الدنيا ارزاق ... وشكرا

ممكن يكون عيب وممكن يكون أمر عادي .
يعني لو الأطفال بتعمل في أعمال شاقة لا تتناسب
وطبيعة الجسم والسن , يبقي عنا خطأ كبير , لأننا بنضر
الطفل وبنحمله أكثر مما يستطيع , وأكيد العيب أو الخطأ مش
في الطفل , وانما في أبويه , حينما اختارا له عمل لا يناسبه .
ظروف الحياة في مصر صعبة والحصول علي المال لفئات كثيرة
من المصريين أمر شاق للغاية , فيضطر بعض الناس إلي اشراك
أطفالهم في تحمل المسئولية , كي يعين أباه علي تربية اخوته .
وممكن الطفل لم يوفق في التعليم , وبالتالي فتعليمه صنعة من
صغره أفضل له من فشل متواصل في التعليم .
والمدارس مليئة بطلاب تنجح من عام لأخر وهي تجهل القراءة
والكتابة !!
نتوع الأعمال والوظائف في المجتمع أمر ضروري وحيوي ومفيد .
المشكلة ان فيه بعض الأباء بتخرج أبنائها من التعليم وتجبرهم
علي العمل مع قدرة الطفل علي اكمال تعليمه , ويكون ذلك بأغراض
أخري , مثل أن يكون الأب متزوج بأخري ولا يستطيع تحمل نفقات البيتين
أو الأب فلوسه رايحه علي كيفه " مخدرات يعني " .
عشان كده مش حنقدر نحدد الخطأ خطأ مين , إلا لما نقدر نعالج مشاكل
العمل والسكن و ......... . يعني مشاكل الفقر .
طبعاً مفيش مجتمع بلا فقر , لكني أتحدث عن الحد من الشريحة الكبيرة
جداً ممن يعيشون علي خط الفقر , والشريحة الكبيرة ممن تعيشون تحت خط الفقر .
والمشكلة اللي أخطر من هذه المشكلة , هي أطفال الشوارع , فهم بلا عمل
وبلا مأوي وبلا رعاية من أي نوع وبلا أي طموح وبلا أهل !!!!!!!!!!!

أه علي فكره ده برنامج حلو أوي , وفي ناس كده كتير أوي وعلي فكره أغلبهم متفوقين .

بس المشكله إن بعض من في المجتمع بينظر لهم نظره إحتكر أحيانا .

اسلام عليكم

وعليكم السلام ورحمه الله وبركاته
جزاكى اه خيرا
وجزاكم مثله
وشكرا لطرحك هذه اقضيه
الاطفال دول ممكن اصلا يكونوا مادخلوش مدارس
والعيب فينا كلنا
ايه اللى عمله الطفل ده علشان بدل ما يتمتع بطفولته يعم ويتعب
حسبنا الله ونعم الوكيل
وبعدين احنا بنصعب علينا دول مع انهم بيروحوا يناموا وبياكلوا
اطفال فلسطين نقولهم ايه
عندك حق بس فيه منهم مابيلقيش ياكل والله


جزاكى الله خيرا على المرور العطر ياقمر

نورتى التوبيك

زى ما فى دكاترة فى المجتمع لازم يكون فية ميكانيا وزبالين وغيرهم من المهن لان الدكتور زى ما بيخدم الناس بردة الزبال بيخدم الناس دى دورة الحياة وفعلا صدق من قال الدنيا ارزاق ... وشكرا
تعرف حضرتك عندك حق بس المشكله لازم يكون فيه حياه كريمه لجميع المهن حتى لو زبال وده مش موجود هنا فى العالم العربى
انا السنه اللى فاتت كنت متابعه برنامج اسمه خواطر سمعت فيه حلقه عن المهن دى
هناك الزبال بيطلق عليه مهندس نظافه وعنده عربيه وفيلا وحساب فى البنك ومرتبه عالى جدا الصراحه مش فاكره كام
تعرف لو ده حصل فى مصر هنا اكيد ماهيبقاش فى مشاكل فى العمل كل انسان هيعمل فى المجال اللى بيحبه

مش شرط بقا يدخل مجال تانى علشان يقدر ياخد مرتب كويس يقدر يعيشه


جزاك الله خيرا على المرور العطر

احترامى وتقديرى

ممكن يكون عيب وممكن يكون أمر عادي .
يعني لو الأطفال بتعمل في أعمال شاقة لا تتناسب
وطبيعة الجسم والسن , يبقي عنا خطأ كبير , لأننا بنضر
الطفل وبنحمله أكثر مما يستطيع , وأكيد العيب أو الخطأ مش
في الطفل , وانما في أبويه , حينما اختارا له عمل لا يناسبه .
ظروف الحياة في مصر صعبة والحصول علي المال لفئات كثيرة
من المصريين أمر شاق للغاية , فيضطر بعض الناس إلي اشراك
أطفالهم في تحمل المسئولية , كي يعين أباه علي تربية اخوته .
وممكن الطفل لم يوفق في التعليم , وبالتالي فتعليمه صنعة من
صغره أفضل له من فشل متواصل في التعليم .
والمدارس مليئة بطلاب تنجح من عام لأخر وهي تجهل القراءة
والكتابة !!
نتوع الأعمال والوظائف في المجتمع أمر ضروري وحيوي ومفيد .
المشكلة ان فيه بعض الأباء بتخرج أبنائها من التعليم وتجبرهم
علي العمل مع قدرة الطفل علي اكمال تعليمه , ويكون ذلك بأغراض
أخري , مثل أن يكون الأب متزوج بأخري ولا يستطيع تحمل نفقات البيتين
أو الأب فلوسه رايحه علي كيفه " مخدرات يعني " .
عشان كده مش حنقدر نحدد الخطأ خطأ مين , إلا لما نقدر نعالج مشاكل
العمل والسكن و ......... . يعني مشاكل الفقر .
طبعاً مفيش مجتمع بلا فقر , لكني أتحدث عن الحد من الشريحة الكبيرة
جداً ممن يعيشون علي خط الفقر , والشريحة الكبيرة ممن تعيشون تحت خط الفقر .
والمشكلة اللي أخطر من هذه المشكلة , هي أطفال الشوارع , فهم بلا عمل
وبلا مأوي وبلا رعاية من أي نوع وبلا أي طموح وبلا أهل !!!!!!!!!!!

جزاك الله خيرا على المرور العطر

وبجد حضرتك تناولت المشكله من جميع جوانبها

شكرا للرأى السديد والواضح

احترامى وتقديرى وتحياتى

بس المشكله إن بعض من في المجتمع بينظر لهم نظره إحتكر أحيانا
ماهى دى مشكله بردو نظره المجتمع للطبقه دى بس بدل هما بيجيبو فلوسهم بالحلال مايهمهمش كلام الناس

فيه ناس كتير تحس انهم من طبقه راقيه وهما نصابين

يبقى انهى الاحسن ؟
.
جزاك الله خيرا على المرور العطر

احترامى وتقديرى لحضرتك

جزاك الله خيرا

جزاك الله خيرا

وجزاكم مثله

شكرا لمرورك العطر

ابنتى الحبيبة/ شيماء:friendsxs3:
فعلاً مشكلة الفقر موجودة بنسبة كبيرة فى مجتمعنا .:bosyht9:
ولكن اين التكافل الاجتماعى و تعاليم الاسلام.
فلقد اوصى النبى عليه الصلاة والسلام على كفالة اليتيم وهى تمنع اليتيم من السؤال
كما اين صلة الرحم فذلك الطفل أليس له عم او خال يكفله!!!.
فانا احترم المهن اليدويه واحترم الطفل الذى يرغب فى إعالة اسرته ولكن.....
أليس التعليم ايضا مهم!!! .
فعلا موضوع صعب ومش عارفة اقول غير لو ألتزمنا بتعاليم الاسلام لن تجدوا واحد نائم شبعان وجارة يتلوى من الجوع .
او ناس بتصرف ببزخ على الكماليات وآخرون لا يملكون قوت يومهم.............وعجبى.
تقبلوا مرورى.

يا جماعة احنا لنا دور ومسؤلين اما م الله عن الاطفال دي احنا لاننا في مجتمع واحد لا زم نكمل بعض ونخلي بلنا من بعض عشان ترتاح ضمايرنا لازم لما نشوف مشكلة زي المشكلة دي يكون لنا دور موش نواسي بعض بالكلام وخلاص وربنا خير معين تسلمي يا غالية على طرحك للموضوع ده

ابنتى الحبيبة/ شيماء:friendsxs3:

فعلاً مشكلة الفقر موجودة بنسبة كبيرة فى مجتمعنا .:bosyht9:
ولكن اين التكافل الاجتماعى و تعاليم الاسلام.
فلقد اوصى النبى عليه الصلاة والسلام على كفالة اليتيم وهى تمنع اليتيم من السؤال
كما اين صلة الرحم فذلك الطفل أليس له عم او خال يكفله!!!.
فانا احترم المهن اليدويه واحترم الطفل الذى يرغب فى إعالة اسرته ولكن.....
أليس التعليم ايضا مهم!!! .
اكيد التعليم مهم بس هما ملقوش الفرصه للتعليم بسبب صعوبه المعيشه
فعلا موضوع صعب ومش عارفة اقول غير لو ألتزمنا بتعاليم الاسلام لن تجدوا واحد نائم شبعان وجارة يتلوى من الجوع
بجد حضرتك عندك حق .
او ناس بتصرف ببزخ على الكماليات وآخرون لا يملكون قوت يومهم.............وعجبى.

تقبلوا مرورى.


جزاكى الله خيرا يا استاذه على المرور العطر
احترامى وتقديرى

يا جماعة احنا لنا دور ومسؤلين اما م الله عن الاطفال دي احنا لاننا في مجتمع واحد لا زم نكمل بعض ونخلي بلنا من بعض عشان ترتاح ضمايرنا لازم لما نشوف مشكلة زي المشكلة دي يكون لنا دور موش نواسي بعض بالكلام وخلاص وربنا خير معين تسلمي يا غالية على طرحك للموضوع ده

تسلمى ياقمر على رايك الجميل

ومنوره المنتدى ونتمنى انك تستفيدى معنا وتفيدى

منوره الموضوع

ههههههههههههههههههههههه انتي علي طول كدة يا بنتي هتضربينا لو ما رديناش ههههه لا بس بجد مواضيعك تحفة زيك و الله بس علي فكرة البرنامج دة فعلا جميل و مؤثر اوي ابقي تابعية و انا سمعت الحلقة دي فعلا كانلت جميله فعلا و ميرسي يا قمر عالموضوع الجميل

سؤال بقي رخم جدا انتي في سنة كام؟
؟و الله حاولت ابعتلك رسالة شخصية بس معرفتش و اسفة لتطفلي

ههههههههههههههههههههههه انتي علي طول كدة يا بنتي هتضربينا لو ما رديناش ههههه
والله انتى عسل ياحوور الجنه
اصلا انتى ماتعرفيش دى تانى مره اكتب فيها موضوع بمجهودى الشخصى فببقى فرحانه وعاوزه كل الناس ترد عليه :022yb4:
لا بس بجد مواضيعك تحفة زيك و الله
الله يخليكى ياقمر ده بس من زوقك
بس علي فكرة البرنامج دة فعلا جميل و مؤثر اوي ابقي تابعية و انا سمعت الحلقة دي فعلا كانلت جميله فعلا و ميرسي يا قمر عالموضوع الجميل

سؤال بقي رخم جدا انتي في سنة كام؟
انا بقا فى سنه تانيه كليه تربيه انجليزى هااااا زى ماتوقعتى ولا لاء
والتليفون ......;)
؟و الله حاولت ابعتلك رسالة شخصية بس معرفتش و اسفة لتطفلي لا عادى ياجميل تسالى فى اى وقت وانا هاجوبك
جزاكى الله خيرا ليكى على مرورك العطر

نورتى التوبيك

ميرسى على الموضوع الجميل ده & وبجد البرنامج ده جميل جدا وأنا بسمعه على طول .

ميرسى على الموضوع الجميل ده & وبجد البرنامج ده جميل جدا وأنا بسمعه على طول .

جزاك الله خيرا على المرور العطر وفعلا هو برنامج حلو اوى بس اللى يعرف ميعاده بالظبط يقولنا

احترامى وتقديرى

العيب فينا كلنا
ايه اللى عمله الطفل ده علشان بدل ما يتمتع بطفولته يعم ويتعب
حسبنا الله ونعم الوكيل

العيب فينا كلنا
ايه اللى عمله الطفل ده علشان بدل ما يتمتع بطفولته يعم ويتعب
حسبنا الله ونعم الوكيل

جزاكى الله خيرا ياقمر على المرور العطر

وعندك حق لازم نبدأ بانفسنا

نورتى التوبيك

جزاكى الله خيرا ليكى على مرورك العطر



نورتى التوبيك


لا بصراحة توقعت انك اكبر من كدة طب علي كدة انا اكبر منك بقي لابس ما شاء الله عليكي و علي مواضيك ربنا يوفقك ويكرمك

لا بصراحة توقعت انك اكبر من كدة طب علي كدة انا اكبر منك بقي لابس ما شاء الله عليكي و علي مواضيك ربنا يوفقك ويكرمك








ربنا يكرمك يارب

بس انا توقعتك اصغر منى فى الثانوى او الاعدادى
هههههههه

للاسف وصل بينا الحال
بعد الطفل ما كان يقول انا نفسى اطلع ظابط
والبنت تقول انا نفسى اكون دكتورة
دلوقتى بيقولوا انا نفسى اطلع اسطى

للاسف وصل بينا الحال
بعد الطفل ما كان يقول انا نفسى اطلع ظابط
والبنت تقول انا نفسى اكون دكتورة
دلوقتى بيقولوا انا نفسى اطلع اسطى

تسلمى ياجميل على المرور الاجمل

نورتى التوبيك ومنوره المنتدى كله

نتمنى ان تقضى معنا وقتا سعيدا