في فرصة سفر الي السعودية براتب 1800ريال سعودي والسكن عليم في الرياض بمدرسة الامتياز الاهلية وانا شغال مدرس علوم في المرحلة الاعدادية عقد مميز وامتخنت الكادر وicdl مع العلم اني خلصت كل اوراق السفر ومستني التاشيرة فقط خلال يومين .
ومحتار بيقول في تثبيت وناس تقول مفيش ده يبقي عقد بخمس سنين ويتجدد كل خمس سنين !!
مع ان دخلي هنا هوه المرتب 365جنيةوبيطلع منه 120جنية ركوب يبقي الباقي 245جنية مع العلم ان مفيش دورس !! ارجوكم دلوني علي الصح لاني خلاص تعبت والله مابنام من التفكير اعمل ايه ؟؟؟
مفيش وقت هما يومين ياام ادفع العقد للمكتب وقيمته 7000جنية وخدوا مقدم 2000جنية يعني لو رفضت هيروح من 2000جنية اقل حاجة 1000جنية ده غير مصاريف الكشف وتسجيل النت وشهادة الخبرة يعني حوالي 2500جنية هتبقي اجمالي الخسارة 3500جنية (حسبي الله ونعم الوكيل )والمبلغ ده هوه اللي كان معايا يعني ابقي علي الحديدة !!!!
ساعدوني جزاكم الله خيرا :angry2:

الاخ المحترم لن يعرف احد مصلحتك اكثر منك
ولكن ال 1800ريال دول ذي 180جنيه في مصر بالضبط
وخاصة انك تقول الرياض
اي ليست بالفرصة التي تستحق
واما ما يروجه الزملاء من اشاعات فكلها اجتهادات نتيجة القلق والضيق ومعهم كل الحق
كذلك المدارس الخاصة تلك في الخارج اسوأ من الداخل
وعموما ربنا يدلك علي ما فيه الخير

عاوز رايى .... خليك فى مصر

ربنا معاك انا حسه بك والله يا اخى وكلنا ذقنا طعم الحيره لكن فكر كويس وصلى استخاره وربنا يدلك على الخير

خليك هنا خليك وبلاش تسافر


استني لما نشوف اخرتها

مشكلتك دي مشكلة شباب كتير وكلهم محتارين زيك

يلا الحمد لله اننا بنات وملناش في السفر

لاتسافر التثبيت قادم ان شاء الله

انا بقول 1800 مبلغ صغير جدا جدا جدا

سافر ما فيش تثبيت

أخى الفاضل المكتب هياخد منك 7 آلاف جنيه ؟
ولا فهمت خطأ؟
طبعا استخير الله
احسبها مع نفسك لو أنت مدبرفى حياتك ممكن توفر وتعطى دروس هناك
لو لا
طبعا لا فايدة من السفر
لكن أعتقد إن أنت ما دمت دفعت وأكملت إجراا ت فنيتك السفر
وكان لنا جار ترك العقد وسافر من 4 سنوات تقريبا وأول ما سافر تعب وأراد الرجوع لكن الحمد لله استقر واشترى منزل صغير وتزوج من مدة قصيرة وهيسافر وزوجته إلى البحرين
وعقبالك

السفر من راى افضل وانا في الوقت الحالي بابحث عن فرصة للسفر يارب يوقفك

يا اخى انتظر التثبيت قادم هانت كلها 30 سنة ونطلع معاش

اساسا يعني انت لو اتثبت هيحصل ايه ؟؟؟؟؟؟؟؟؟؟؟؟ المرتب مش هيزيد ولو زاد هيزيد حاجه بسيطة متيهالي تسافر احسن وتبدا طريقك من جديد وربنا يفتحها عليك ..اساسا البلد باظت خلاص ومحتاجة سنين عشان الاحوال تتحسن دا لو في نيتهم

ياخي العزيز خليك احسن في مصر الان المرتب 1800 ضعيف

انا من رائى انك تنستنى ليه بقى
لان انت لو سافرت هضيع عليك فرصه التثبيت وهى قريبه جدا صدقنى بالنسبه للاى امتحن كادر
لكن لو صبرت شويه ربنا هيكرمك وتتثبت بعدها هتعمل حفظ وظيفة وتقدر تسافر وتحقق كل اللى انت عايزه

يا جماعة هو كل واحد هيجيلوا سفر هياخد رأينا صلى صلاة أستخارة واللى فيه الخير ربنا هيعمله
كل واحد أدرى بظروفه

سافر وسيب البلد دىىىىىىىىىىىىىىىى

وامل التثبيت الوهمى

وربنا يوفقك انشاء الله

اوعى تسافر هتغلط غلطة عمرك اتثبت الاول والسفر هيجي بعدين هتندم اشد الندم لو سافرت انا بنصحك لاني في الكويت ومعايا ناس سابت العقد وندمانه اشد الندم وعلى فكرة انا مدرس اساسي ودي نصيحة لوجه الله

بتعجبنى مشاركاتك و تفكيرك يا أستاذ abdouragab

يا جماعه كلامكم صح ميه فى الميه بس ده لو فيه تثبيت يبقى فرصه التثبيت الاضمن طبعابدون تفكير لكن المشكله اننا مش عارفيين فى تثبيت ولا ده مجرد وهم والناس عيشاه بتضيع عمرها فى الفاضى

فلو علم الإنسان ما هو كائن ***** لما نام سمار ولا هب هاجع

اولا اتمني لك الخير فانا مدرس علوم وظروفي نفس ظروفك
ثانيا :صلي صلاة استخارة
ثالثا :وجهة نظري (توكل علي الله وما حدش بيعيش بالمرتب بس كلة بيدي دروس وهتلاقي شغل اضافي)وكفاية انك هتكون في اشرف مكان في العالم كفاية انك هتعمل عمرة وحج ان شاء الله وابقي ادعيلي
رابعا : دة ايميلي ياريت تراسلني وتعرفني عملت اية hegazys8***********علي الياهوو

لو حضرتك حديث التخرج وسنك صغير ولسه لم ترتبط وتقديرك العام اعلي من جيد وقريب من جيد جداااا

توكل ع الله وسافر عده سنوات وعندما تعود مصر سوف تحصل ع فرصه احسن ان شاء الله

ربنا يوفقك إلى مافيه الخير إن شاء الله

والله ربنا يوفقك ويكتب لك مافيه الخير بس انا رايى ان المرتب الذى ذكرته ده فى الرياض يدوب اكل وشرب وبرضو هى هى ومش هتوفر حاجة يبقى بلاش تضحى بشىء باذن الله هو استقرارك فى بلدك لانك باذن الله حتى اذا ارتحت هناك وقدرت تعمل لك قرشين هترجع تانى يبقى تخليك هنا وفيه شغل احسن لو مرتحتش لاقدر الله وملقيتش شغل وممكن تشتغل اى شغلانة شريفة بعد الضهر تحسن بيها دخلك والرزق كتير والله بس عايز سعى لان الوظيفة الحكومية مش بتاكل عيش لوحدها هى بس امان وظيفى ووضع اجتماعى او تنقل مدرسة تكون فى بندر او مكان فيه دروس كويسة وانا اعرف متعاقدين كتير مظبطين نفسهم بالدروس بس اجل فكرة السفر دى شوية وربنا يعوضك بالاحسن بعدما تتثبت وتكون خبرتك اكبر

والله يأخى حدث معى نفس الكلام ده فى اول هذا العام ولكن عقد مدارس امارات حكومى

والجميع نصخنى انتظر حتى نهاية هذا العام طبقا للقانون دى اخر فرصه للتثبيت وان كان فيه عقد جديد يبقى مفيش تبيت وفرص السفر كثير
بالمناسبه اخى مدرس فى اسعوديه وانا مدرس علوم اعداى زيك اكد لى اخى ان فرصة درس العلوم فى السعوديه تكاد تكون معدومه ( بالنسبه لتخصصى احياء ) اما الرياضيات والفزياء والعربى الدروس ما شاء الله ممتازه صلى صلاة الاستخاره وتوكل على الله

أنا مدرس علوم بردو زى حالاتك وكانت قدامى فرصة فى الرياض بردو بـ 3000 ريال و500 بدل سكن فى مدارس الرواد وقلت لأ
تقول 1800 يدوب يأكلوك