حبيت أكتب هذا الموضوع لكثرة تساؤلات الأخوة الأعضاء عن فكرة السفر للخارج أولا وقبل كل شئ ما سأقوله لكم ما هو إلا إرضاء لوجه الله تعالى ونصيحة لكم :
1- أنا مدرس أساسي وأعمل الآن بالكويت في مجال حجز تذاكر الطيران + مدرس بمدرسة خاصة ( لغة عربية )
2- النصيحة : لا تضع فكرة السفر في رأسك إلا بعد الثبيت
3- التثبيت قادم قادم لا محالة من خلال متابعتي لجميع المواقع والجرائد
4- المرتبات هنا في المدارس الخاصة تتراوح مابين 130و140و150دينار + دروس 150دينار بالكتير ودول هيكفوك تمام سكن واكل وشرب ومواصلات واتصالات وغيره وهيفيض 200دينار
5- يعني هتوفر في الشهر حوالي 3500جنيه مصري الكلام ده بعدما تستقر وتدي دروس وتتعرف
6- فرصة التثبيت هتضيع منك ومش هتلاقيه ولا بعد خمسين سنة
7- هتتثبت الأول وبعدين السفر مش هيطير فيه كل يوم مئات فرص السفر
8- هذه النصيحة لوجه الله تعالى
9- لو سافرت هتندم في يوم لا ينفع فيه الندم
10- انا مقدم في التربية وهي دي صح اللي تضحى علشانها لان مرتباتها هنا من 600 دينار وطالع فارجو ممن يقرأ هذا الموضوع أن يدعو لي بظهر الغيب إني أقبل في التربية وشكرا لكم

ربنا يكرمك ويوفقك

يارب المهم الناس تاخد بالنصيحة

http://www.mediafire.com/imgbnc.php/7675231b3a72fd2d94b54a25deac6edb4g.jpg

الي الاخ العزيز عبد الرحيم رجب
السلام عليكم ورحمة الله وبركاته
من خلال متابعتي لكل مشاركاتكم و تعليقاتكم اقول لك انت رجل محترم وتسـأهل كل خير
ربنا يوفقك ويكن لك مكان في وزارة التربية والتعليم بدولة الكويت

الف شكر يا استاذ رمضان على تقديرك واكيد انت انسان محترم وتستاهل كل خير ويارب تتحقق كل امانيك واحلامك

انا تقديرى مقبول وزوجى يعمل بالخليج وعايزه اسافرله هل ممكن الاقى فرصة عمل وانا مدرسة رياضيات تعاقد بالازهر الشريف من اربع سنين

كان الله في عون العبد مادام العبد في عون أخيه بإذن الله بالقبول في التربية ياأستاذ عبد الرحيم أنت أنسان محترم .

بارك الله فيك

مشكوووووووووووور جدا على النصيحة

للاخت سما صبري الشغل بالنسبة لك هنا متوفر في المدارس الخاصة لكن التربية لازم جيد على الاقل

شكرا لك يا استاذ عبد الرحيم على اهتمامك بالمتعاقدين وعلىى نصايحك الجميله وربنا يكرمك بالعمل فى الوزاره فعلا كلامك منطقى وعقلانى مئه فى المئه لكن المشكله اننا مش حسين بالامان وكل يوم بنسمع كلام يوم فيه تثبيت ويوم مفيش تثبيت ويقولوا عقد بخمس سنين وفعلا التعاقد مسبب لنا حيره ومشاكل كتيره سواء ماديه او اجتماعيه حتى المشاكل الزوجيه لم تسلم . فالشباب يشعر ان عمره بيضيع فى الفاضى والزوجه لا تستطيع ان تاخذ اجازه مرافقه زوج وبالتالى فى مشاكل مع زوجها وهناك ايضا الام التى تريد ان تاخذ اجازه ترعى طفلها ولكن لا تستطيع للاسف مفيش حد حاسس بينا وبالتالى الابناء ضايعين والازواج ضايعيين والشباب ضايعيين وتايهين

ربنا يوفقك بس ايه هيه التربية دى

التربية هي وزارة التربية هنا اسمها كده وزارة التربية وليست وزارة التربية والتعليم كما في مصر وبالنسبة للأخت الكريمة رائحة الورد والله كلامك صح مفيش استقرار بالنسبة للمتعاقدين لكن الموضوع قرب وفيه تثبيت اكيد باذنه تعالى

كلام فى السليم يااستاذى الفاضل ونصايح مهمة جدا لان شباب مصر كلهم وليس المتعاقدين فقط عايزين يسافرو وحاسين ان الخليج هياخدهم بالاحضان وياهلا بالخليج ودنانير الخليج هههههههههه اللهم لاحسد يااستاذ عبده ماشاء الله لاقوة الابالله ماحدش عامل حسابه انه هيرجع بلده فى يوم قريب او بعيد لان هنا استقراره واهله وربما ولاده وزوجته وربما الاحوال متمشيش اوى معاه وربما ميقدرش عالغربة والبعد عن الاهل والاحباب واللى هيرجع مهما طالت غربته وكترت دنانيره لازم له شغل يحس فيه بكيانه وذاته ويقضى فيه وقته خصوصا لو مكانش بيعرف يعمل حاجة تانية غير التدريس يبقى لازم نتروى فى قرارتنا المصيرية ونسمع للخبرات اللى سبقتنا فى الموضوع ده والسفر بالذات مغامرة كبيرة لازم تحسبها الاول قبل ماتقوم بيها ومش هيطير ياجماعة فيه تخصصات دايما نادرة وفيها عجز فى الخليج زى الرياضيات وفرصها دايما موجودة وكويسة وباذن الله يوفقنا جميعا لما يحب ويرضى وفى النهاية علمت ان رزقى لن ياخذه غيرى فاطمئن قلبى يعنى كدة او كدة رزقك هيجى لك حتى لو هنا فى مصر

الف شكر يا جارة الوداي على مرورك الكريم وكلامك السليم ووحشتني تعليقاتك الجميلة

والله كلامك مظبوط ومنطقى 100% يا استاذ ابو رجب
وانا متفق معاك فيه 1000% فعلا لو اى حد سافر قبل ميتثبت هيندم
يا جماعة نتثبت وبعدين نعمل حفظ وظيفة ونعمل اللى عايزينه بعد كده

أشكرك اخي الفاضل علي هذه النصائح الجميلة ولكن لى سؤال أرجو من حضرتك افادتني به هل هناك فرص لمدرسي اللغة الفرنسية فى الكويت وهل الفرص دي متوافرة فى المدارس الخاصة فقط أم فى التربية أيضاً وجزاكم الله خيرا

طيب لو حد لقى وظيفه فى مدرسه حكوميه مش خاص والسكن عليهم وهنا بياخد 350 جنيه بيصرف نصهم مواصلات والباقى يادوب بيكفوا مصاريفه الشخصيه بالعافيه ومش بيدى دروس ولا حاجه يبقى يسيب البلد دى ويشوف مصلحته ولا لا
خاصه ان من الواضح اننا هنستنى كتير جدا على مانتثبت

كمان يوم مانتثبت هناخد كام يعنى ؟؟؟؟؟؟؟؟؟؟؟؟؟؟

اولا بالنسبة لموضوع اللغة الفرنسية هنا للأسف الشديد مطلوبة باعداد تكاد تكون معدومة مشكلة كبيرة هذا التخصص
أما بالنسبة للاخت منار على اللي بتقول فيه فرصة في التربية هنا لمدرس متعاقد طبعا الافضل هنا ولكن تاكدي من المعلومة لان هنا لابد من شرط الخبرة للتربويين 3 سنوات وغير التربويين 5 سنوات ويعفى من الخبرة مدرسي الموسيقي والتربية الفنية على حد معلوماتي وجزاكم الله خيرا على مرروركم

الف شكر يا جارة الوداي على مرورك الكريم وكلامك السليم ووحشتني تعليقاتك الجميلة
الله يخليك يااستاذ عبدة كلك زوق وبينى وبينك كدة لو لقيت لى عقد بس انا عايزة عقد جواز عندك ابقى قولى وتشكر مقدما ههههههههه

اوك شكرا ليك ردك رفعلى معنوياتى لان كل لما كنت اقول لحد يقولى لما تتثبتى وبقالى 4 سنين ومش باينلها حاجه وبصراحه كنت اتمنى يبقالى شغل ثابت هنا لكن للاسف من الواضح ان مفيش نصيب

الله يخليك يااستاذ عبدة كلك زوق وبينى وبينك كدة لو لقيت لى عقد بس انا عايزة عقد جواز عندك ابقى قولى وتشكر مقدما ههههههههه


واضح بجد ان دمك خفيف وزى العسل يا جاره الوادى ربنا يكرمك بانسان محترم وعلى خلق يتق الله فيك وتفرحينا قريب بخطوبتك

ربنا يوفقك يارب وتقبل في التربية ومتشكرين علي النصيحة الغالية دي

الله يخليك يااستاذ عبدة كلك زوق وبينى وبينك كدة لو لقيت لى عقد بس انا عايزة عقد جواز عندك ابقى قولى وتشكر مقدما ههههههههه

هو حد يطول انسانة مثقفة زيك بس باذن الله بعدما تتثبتوا والله لو فيه فرصة تعاقد هنا ان شاء الله انا موجود بس نصيحة التثبيت اولا وانا كفاية بتعرف لى ناس محترمة زي حضراتكم ومثقفين اكيد وربنا يارب يكرمكم والفرجقريب والتثبيت قادم

على فكره انا لسه مقدمتش فعليا بس انا بجهز ورقى عشان ابعته لواحد قريبى فى الكويت وطلعت شهاده خبره ب3 سنين

فياريت تقولى ايه الاوراق المطلوبه للتقديم عشان ابعتهاله

وايه الشروط اللى بيطلبوها فى المسابقات اللى بتنزل فى التربيه

لانى سمعت من اتنين اصحابى ان المسابقات فى الكويت بتنزل على شهر 2 او 3

الاوارق لو هتقدمي من مصر
الشهادة الدراسية
شهادة الخبرة
شهادة الليسانس او البكالوريوس اللي موجود فيها التقدير والدرجات
الاي سي دي ال
سيرة ذاتية
لو تربوي 3 سنين خبرة غير تربوي 5 سنين

ولو هقدم من الكويت

يبقى نفس الورق

وهقدم الاصول ولا صور

وياريت حضرتك تقولى السيره الذاتيه تبقى ازاى

الاخت منار عشان تقدمي من هنا (الكويت) لازم تكوني موجودة داخل الكويت اسمه تعيين الوافدين يعني لازم تكوني داحل البلاد اما من مصر اسمه تعيين التعاقد الخارجي وده المفروض انه الماح ليكي في الوقت الراهن شكرا لمرورك

يعنى مينفعش حد قريبى يقدملى عايش فى الكويت
وان كان فيه مقابله اسافر اعملها

اختي منار مينفعش عشان تقدمي من هنا لازم تكوني داخل البلاد ولازم صورة من الطاقة المدنية هنا

اوك شكرا ليك

ربنا يوفقك

ربنا يوفقك


http://www.mediafire.com/imgbnc.php/7675231b3a72fd2d94b54a25deac6edb4g.jpg

شكرا يااستاذ عبدو على أهتمامك بمصلحتنا وخيرنا وأهتمامك

جزاك الله خيرا يأستاذ عبده رجب

اللهم يسر امورك و امورنا جميعا

واضح بجد ان دمك خفيف وزى العسل يا جاره الوادى ربنا يكرمك بانسان محترم وعلى خلق يتق الله فيك وتفرحينا قريب بخطوبتك
ميرسى جدا الله يكرمك وبعدين هقولك ايه يعنى اللهم امين ههههه

كلامك عين العقل والله

كلام جميييييييييييييل كلام معقووووووووول مقدرش أقول حاجة عنو





ياريت تقولي فرصة عمل مدرسي الكمبيوتر عاملة ايه

وعايز أعرف إزاي أقدم للتربية في الكويت وانا في مصر ؟؟؟؟؟؟؟

فرصة مدرسي الحاسب فرصة كبيرة هنا وعاوز تقدم من مصر تابع في شهر 2أو 3 بتنزل المسابقة في الجرائد الرسمية وبعدين بتروح تعمل مقابلة في مصر وبعد كده الاجراءات العادية للتعيين

يا أستاذ ابو رجب الوضع بقى صعب فى مصر صعب جدا الواحد لازم يشتغل كذا شغلانة علشان يصرف على البيت

من فضلك يا استاذ عبد الرحيم اللى بيقدم فى مصر فين بالظبط فى السفاره ؟؟

جزاك الله كل خير على نصائحك

وربنا يوفقك فى التربيه

جزاك الله خيرا على النصح
وان شاء الله يكون لك نصيب فى التربيه بالكويت

بالنسية للتقديم من مصر بتنزل مسابقة في الجرائد الرسمية وترسل الأوراق عبر البريد المسجل الى الكويت هنا على مبني وزارة التربية - قسم الموارد البشرية - مراقبة الجودة والاختيار ثم يقومون بالاتصال بك وتحديد موعد للمقابلة في مصر عن طريق السفارة الكويتية وربنا يجعلكم نصيب يا رب لان الوضع هنا اكثر من ممتاز رواتب فوق الخيال والله 600 دينار + 1000دينار نهاية العام الدراسي + تذاكر الطيران اول مرة على حساب الوزارة يعني عيشة تمام تابعوا بين شهر2 , 3

بالنسبة للمدرسات المتعاقدات في الازهر خصوصا دون اي وظيفة اخرى في مصر سواء بالتثبيت او التعاقد لازم مانسكتش عن موضوع اجازة رعاية الطفل اولا لان ده قانون مش كلامي او كلام اي حد واللي مش مصدق يراجع قانون الطفل والله مشكلتنا ان احنا مش متحدين الموضوع ده بالذات لو نقبنا فيه هتكون النتيجة لصالحنا جميعا

الف شكر على مرورركم الكريم

بارك الله فيك

انا حاسس ان موضوع التثبيت قرب قوي شد حيلكم وادعوا لي ان ربنا يساعدني في حل شوبة مشاكل تعرضت لها

ربنا يوفقك


http://www.mediafire.com/imgbnc.php/7675231b3a72fd2d94b54a25deac6edb4g.jpg

انا حاسس ان موضوع التثبيت قرب قوي شد حيلكم وادعوا لي ان ربنا يساعدني في حل شوبة مشاكل تعرضت لها

ربنا يوفقك يااستاذ عبدة ويجازيك خير على مشاعرك الطيبة وتقديم النصح والمساعدة والدعم للمتعاقدين وربنا يفرج كربك ويقويك ويعينك على حل مشاكلك اللهم امين وعليك بالاستغفار الكثير والصدقات و المساعدة فى تفريج كروب المسلمين وربنا يتقبل منك وباذن الله هتلاقى مفعول اكيد للحاجات دى ونسيت اقول لك بقى على ركعتى قضاء الحاجة دى بقى لوحدها حكااااااااااااااااااية

بارك الله فيك وجزاك كل خير ووسع رزقك وجمعنا وإياكم فى مستهل رحمته إنه ولى ذلك وهو القادر عليه

ربنا يكرمك ويفرج كربك ويسر لك الخير

أسال الله العظيم أن يفرج همك ويجعل لك من كل ضيق مخرجا

الف شكر ليكم على مشاعركم النبيلة

جزاك الله خيرا على النصايح الغالية

خبر جديد سيتم الغاء الكفالة في شهر فبراير في الكويت

http://www.samysoft.net/forumim/shokr/1/6cf0559601zs4.gif

الله يعطيكم الف عافية

السلام عليكم ورحمة الله
كلامك مظبوط جداً أسال مجرب وان ضحيت بالعقد هنا فى مصر علشان السفر
وفعلاً سفرت لمدة عام السعودية بس والله ما حسيت بأهمية الوظيفة اللى اما سفرت
والحمد لله ربنا يسرلى ورجعت تانى بس بفضل من ربا
انا مش هسيب مصر مهم كان المقابل والعرض الأ اما اتثبت واحسن براحة
وشكرا

تمام يا ابو عمار والحمد لله انك لقيت فرصة تانية وإلا كانت هتبقى مشكلة عويصة ربنا يسهلكم وتتثبتوا ان شاء الله

أسألكم بالله الدعاء لي بظهر الغيب ان ربنا يحل لي مشكلة صعبة تعرضت لها

خبر جديد سيتم الغاء الكفالة في شهر فبراير في الكويت


يعنى ايه??????????????????????????????

اختي منار سيتم الغاء نظام الكفيل هنا تماما وتكون هيئة للقوى العاملة تختص بالعاملين الوافدين

ان شاء الله التعيين هيبان كمان اسبوعين يارب

شكرا استاذ عبدو علي النصايح الجميله دي وربنا يكرمك في غربتك

انا علي حسن مدرس رياضيات اشتغلنا سوا قبل كدا في عبد الحافظ

فاكرررررررني ولااااااااااااااااااااااااااااااااااااااا :040vk0:


ههههههههههه

ربنا يكرمك

اللهم فرج كرب المسلمين جميعا ونصرك الله يا أخ عبده وشكرا لك على نصائحك الغالية

نتوجه بخالص الشكر للأستاذ الفاضل عبده رجب على نصائحه الغاليه والتى تستحق ان تكتب بماء من دهب لما لها من وقع شديد فى نفوسنا وندعوا الله له ان يوفقه لما يحبه ويرضاه ويحقق له اسمى امانيه ونحب نقوله اننا تمنالك كل خير فانا من ألأشخاص المتابعين لمشاركاتك واتمنى من الله ان يوفقنا جميعا بس ما تنساناش لو ربنا كرمك واتقبلت فى وزارة التربية

اي اخي وحبيبي علي حسن عبدالشكور طبعا فاكرك هو انا اقدر اساك حتى ما يجي على متشات الطايرة اللي كنت دايما بهزمك فيها
والى مستر طاهر طبعا انا مقدرش اساكم وخليكم معايا ع المنتدى لوفيه اي مسابقة هنا تخصكم سأتااصل معكم باذن الله وشكرا على دعائك الجميل ويا رب يتقبل منا ومنكم

امتي بس هزمتني دا انا كنت قربت اخليك تعتزل اساسا هههههههههههههههه :d

شكرا اخي الكريم

شكلها كدة مفيش تثبيت وعقد 5 سنوات على درجة معلم السفر احسن

لا تعييين يا اخي ابشر باذن الله

لا تعييين يا اخي ابشر باذن الله

السلام عليكم ورحمة الله وبركاته
اولا : جزاك الله خير اخى الغالى أستاذ / عبده رجب
ثانيا : اخيكى / محمد ليسانس لغة عربية _ جيد ( مدرس حاسب آلى _ لخامس عام على التوالى ) بالحصة طبعا
واعتقد اننى لستُ متفائلا تماما ولستُ متشائما ايضاً
والحمد لله على كل حال وحسبنا الله ونعم الوكيل فى هذة الحكومة عامة .
وإسمح لى اخى الكريم أستاذ / عبده رجب
بقولى : لا لا لا تعييين يا اخي حفظك الله ورعاك اخى العزيز أستاذ / عبده

شكرا جزيلا على النصيحة الغالية التى اتمنى ان يعمل بها كل الزملاء بل ازيدهم نصيحة التفكير مليون مرة قبل السفر ودراسة العواقب قبل المميزات وفقكم الله جميعا للخير وبارك الله فيكم .

ان شاء الله تعيين قريب جدا بالكتير في شهر نوفمير

ربنا يوفقك يا أخ عبدالرحيم ويكرم الجميع إلى الخير

يا رب اكرم الجميع وهاقولها لكم عاشر مرة التعيين ع الأبواب

وبالنسبة لرياض الاطفال يا أستاذ عبدة اخبارة اية فى الخاص والتربية فى فرص يعنى ارجو الرد

بالنسبة لرياض الأطفال هنا في الكويت لو تقصدي مطلوب بكثرة سواء في الخاص او التربية فرصتهن عظيمة هنا

شكرا على نصايحك الغاليه استاذ عبده

كنت بسالك عن مراكز الدروس الموجوه فى الكويت واحد مره اتصل بيا وقالى بتحصل علىر اتب لا يقل عن 450 دينار لكن انا منتظر التعيين اهه اما اشوف اخرتها ايه معاهم ربنا المنتقم

انا عارف اننا بفضل الله هنعين والحكومه عارفه لكن التعيين كان المفروض من سنه ممكن يخلوه بعد سنه عادى ما بتفرق معهم وحججهم كتير

لا خلي بالك مراكز الدروس هنا اخرها 150 / 160/170 دينار دي بتكون عمل اضافي بعد شغلك مش عمل اساسي

والله هو واحد كلمنى من الشركات بتوع العماله وقالى عاوزين مدرسين يشتغلوا فى مركز دروس خصوصيه واحنا بنوفر لك الطلاب وقعد يحسبلى ويقولى الطالب بكذا فى الشهر فى عدد كذا واحنا بناخد كذا يبقى يتبقى لك ما لا يقل عن 450 دينار

لا متصدقش تبعني انا مرضتش اشتغل في المراكز دي وعلى فكرة الطلاب اللي فيها بيكونوا لا مؤاخذة لمامة لان الكوايته بيجيبوا مدرسين لاولادهم في البيت اما العيال الصيع والناس اللي هيا مش قوي يتودي مراكز الدروس لانها ارخص

مشكور أستاذنا الفاضل على النصيحة: وجزاك الله خيرا و نفع بك و يسر لك أمرك وشرح الله صدرك و وفقك دائما لكل ما يحب و يرضى0أنا لسه خريج السنة اللى فاتت آداب علم نفس بتقدير جيد وأخدت تربوى بتقدير ممتاز0وكنت هسافر سلطنة عمان لكن للأسف لازم خبرة0بس أكيد خير إن شاء الله0أنا بقى هعمل معاك عقد متبادل :الدعاء لى بظهر الغيب وأنا كذلك سأدعوا لك بظهر الغيب إنى أحبك فى الله: وإن لم أراك فالأرواح جنود مجنده وأحسبك من الصالحين ولا أزكيك على الله غفر الله لى ولك
أخيك الأصغر:حسام

شكرا اخي حسام على كلامك الجميل ووفقك الله لما يحيه ويرضاه وحقق لك كل امانيك وشرح صدرك وازال همك وجعلك من الصالحين
بس حلو جدا العقد المتبادل ده بس اوعى تخل بشروطه

ربنا يخليك على النصيحة الجميلة دى بس هو فين التثبيت اللى وعدونا بيه من شهر 8

التثبيت جاي يا مستر هاني 101 وقريب يعني اول نوفمبر هتكون مرتاحين وفرحانين

يا استاذ عبدالرحيم انا مدرس رياضيات اعدادي ثانوي بالتعاقد (تربية جيد) جاتلي فرصة في مدرسة خاصة بالكويت ما رأي حضرتكم

يا رب اكرم الجميع وهاقولها لكم عاشر مرة التعيين ع الأبواب


هو حضرتك ابن وزير التربيه والتعليم ؟


ما تزعلش انا طبعا بهزر

يا استاذ عبدالرحيم انا مدرس رياضيات اعدادي ثانوي بالتعاقد (تربية جيد) جاتلي فرصة في مدرسة خاصة بالكويت ما رأي حضرتكم

فرصتك حلوة هنا خالص بس اتعين الأول وده قريب وان شاء الله السفر موجود في كل وقت وبالذات للرياضيات

هو حضرتك ابن وزير التربيه والتعليم ؟


ما تزعلش انا طبعا بهزر

هو انا لو ابن وزير التربية والتعليم كنتي هتلاقيني هنا معاكم
انا لسة حتة مدرس اساسي وبره البلد اصلا لكن متابع اخباركم ومهتم بيها مش اكتر
عامة شكرا على الهزار اللي مش لطيف

هو انا لو ابن وزير التربية والتعليم كنتي هتلاقيني هنا معاكم
انا لسة حتة مدرس اساسي وبره البلد اصلا لكن متابع اخباركم ومهتم بيها مش اكتر
عامة شكرا على الهزار اللي مش لطيف


معلش يا داليا انا بهزر معاكي اوعي انتي اللي تزعلي

خلاص خلاص خلاص خلاص
1000 مبروك للجميع
خلاص خلاص خلاص خلاص
1000 مبروك للجميع
خلاص خلاص خلاص خلاص
1000 مبروك للجميع
خلاص خلاص خلاص خلاص
1000 مبروك للجميع
خلاص خلاص خلاص خلاص
1000 مبروك للجميع

مفيش سفر غير بعد الثبيت

الف مبروك على الاخبار اللي بقراها الحلوة

معلش يا داليا انا بهزر معاكي اوعي انتي اللي تزعلي

ولا يمهك

انا اللى ابتديت والبادئ اظلم

اكيد مش زعلانه بس انا اضيقت لما حست انى زعلتك

ربنا يجزيك عننا خير يا استاذ رجب ويارب يكرمك ويحققلك اللى تتمناه

ربنا يجزيك عننا خير يا استاذ رجب ويارب يكرمك ويحققلك اللى تتمناه


يارب وربنا يكرمك ويثبتكم المهم من امبارح بالليل وانا أقرأ اخبار حلوة يعني الموضوع خلاص بس مستني الحلاوة اوعو تنسوني

الدنيا لسه فيها خير يا ولاد
الموضوع ده عاجبنى قوى
ربنا يطرح فيكم البركة ونشوفكم فى احسن حال

ازيك يا عبد الرحيم انا عماد فتحى عبد النظير من تانوف اخبارك ايه :av4056bb7jp3: اوعى تفكر تنزل مصر تانى علشان مصر من سئ الى اسؤأ

ازيك يا عماد باشا ايه حكاية علي شاكر شلقامي دي انت اسمك ايه بالظبط خليك معايا ع الصفحة دي وقلي ايميلك يا ابني حرام عليك

يعني عين في الجنه وعين في النار وليه تشغل مكان واحد عاوز يشتغل في بلده ووسط اهله وناسه ؟اللي عاوز يسافر يسافر بدل مايحجز وظيفه هنا والله يعلم امتي يرجع او ميرجعش ربنا يعلم اللي يلاقي فرصه يمشي بدون حجز وظيفه
عمار يامصر

يعني عين في الجنه وعين في النار وليه تشغل مكان واحد عاوز يشتغل في بلده ووسط اهله وناسه ؟اللي عاوز يسافر يسافر بدل مايحجز وظيفه هنا والله يعلم امتي يرجع او ميرجعش ربنا يعلم اللي يلاقي فرصه يمشي بدون حجز وظيفه


عمار يامصر



معلش كلامك غلط طبعا انت اول واحد لو متعين ولقيت فرصة سفر هتسافر حرام عليك خلينا نتكلم كلنا عن همومنا مش كل واحد يتكلم عن نفسه بس

موقع الاكادمية قفل يبقى بيجهزوا شهادة الصلاحية بتاعتكم مبروك

على فكرة اريد ان اتحدث بكل الشكر الى الاخ الكريم وجزاك الله خيرا عنا
المهم ان لو كان هناك تعين مش حيكون زى ما انتا فاكر
يعنى تعمل اجازة بدون مرتب وتحفظ وظيفة وتسافر ولما تيجى تيجى
الكلام دة مش متاح فى قانون الوظيفة العامة الجديد
لانه من اهم المشكلات اللى قابلتهم فى القانون القديم بدل المعار ياخذ 3 سنين ويتعين ويرجع التانى لوظيفتة يبقا الوظيفة جابت معاها شخص اخر
المهم الحكومة لها نظرة جديدة فى موضوع التعين الله اعلم بها
دى وجهة نظر
وانا واحد من الناس متعاقد منذ حوالى 5 سنوات فى وظيفة معلم مساعد رياضيات
والحياة اشبة بان تكون فى جهنم اسمة مصر لتردى الرواتب والمعاملة واى فرصة حسافر واضحى بكل شى
وربنا يكرم الجميع

ردا للاخ مدرس الرياضيات كل كلامك معقول وله وجاهته الخاصة بس انا كل اللي طالبهمنكم الصبر لغاية التعيين وده قريب والحكومة بتاعتنا ماتتوصاش في القرارات كان فيه مسابقة قبل ما اتعين انك تمضي على ورقة ممنوع النقل لمدة خمس سنوات والناس مضت وبرضه اتنقلت
ولو اتعينتوا هيكون فيه شروط ملزمة وكلام فاضي هيتغير مع تغير الزمن في مصر وتغير الزمن بالنسبة للقوانين في مصر هيا سنة وقانون يغير قانون يعني لو واحد من ولد الاكابر متعين معاكم بنفس الطريقة مثلا وجت له فرصة للسفر هيتغير القانون عشانه وانا اقصد اولاد الاكابر هنا اللي هما مش اكابر قوي عشان التانيين متعيينين في اماكن تغنيهم عن السفر
الصبر الصبر شباب مصر وقريبا الفرج باذن الله

شكرا على الرد
ولا الاكابر مش مدرسين فى مدارس حكومية بياخدوا 400 جنية دا كلام مش معقول
اللى انا عاوز اقولة ان احنا عقدنا ينتهى فى شهر 2 القادم لو مضينا عقد اخر كل سنة وانتا طيب ومفيش تعين وكل واحد يشوف طريقة
اللى عاوز يستمر يستمر واللى مش عاوز براحتة والسفر للجميع
المهم لحين تلك الفرصة الواحد يعيد تاهيل نفسة مرة ثانية
ليكون ملائم للسفر
وشكرا

ربنا يوفقكم ويسعدكم جميعا

اولا ربنا ييسر لك الحال استاذ عبده ويفرج همك
كان نفسى اسل عن حظوظ مدرسى الفيزياء والعلوم هم مطلوبين وللا لا

اولا ربنا ييسر لك الحال استاذ عبده ويفرج همك
كان نفسى اسل عن حظوظ مدرسى الفيزياء والعلوم هم مطلوبين وللا لا


طبعا بالتأكيد مطلوبين ونص

الخير فى أمتنا الى يوم القيامة إن شاء الله بارك الله فيك وحقق لك أمانيك

السلام عليكم ورحمة الله وبركاته
شكراً لك أخي الغالي على النصائح الغاليه والغربه كربه
وربك يبارك في القليل وصدق رسول الله
(( إن ماقل وكفى خير مما كثر وألهى )
أنا بالسعوديه والله بتمنى ارجع وأعيش في بلدي واستقر هانت ياعبد وربنا يكرم الجميع
والتثبيت قادم لامحاله بمشيئة الله تعالى
ربنا يكرم الجميع آمين

شكرا ابن الأكرمين ويارب اكرم الجميع ووفقهم لما فيه الخير والسداد

السلام عليكم ورحمة الله وبركاته
شكراً لك أخي الغالي على النصائح الغاليه والغربه كربه
وربك يبارك في القليل وصدق رسول الله
(( إن ماقل وكفى خير مما كثر وألهى )
أنا بالسعوديه والله بتمنى ارجع وأعيش في بلدي واستقر هانت ياعبد وربنا يكرم الجميع
والتثبيت قادم لامحاله بمشيئة الله تعالى
ربنا يكرم الجميع آمين



ربنا يرجعك بالسلامة وتستقر في بلدك برضه الوطن وطن مهما ان كان وان كانت الغمة طالت والكرب قد زاد فلا بد من طلوع للفجر
اذا الشعب يوما اراد الحياة فلابد للقيد ان ينكسر
واعلم ان دولة الظلم لا تقوم حتى ولو كانت مسلمة وان دولة العدل ترقى ولو كانت كافرة
هي الدنيا اخذنا باسبابها رفعنا ورفعت هامتنا وان تواكلنا ما تقدمنا ولا علا شأننا

بجد موضوعك حلو اوى واول مرة اقرى جميع المشاركات وربنا يوفقك بس معلش كنت عايزة اسال عن حظ مدرسين علم النفس والاجتماع من السفر

بجد موضوعك حلو اوى واول مرة اقرى جميع المشاركات وربنا يوفقك بس معلش كنت عايزة اسال عن حظ مدرسين علم النفس والاجتماع من السفر


بيطلبوا كل سنة هنا في الكويت مدرسين في شهر نوفمبر ادعي لي اني اقبل الاول
وبعدين بالنسبة لمصر بينزله مسابقة في السفارة الكويتية كل سنة في شهر 2 او 3

علي شاكر شلقامي

بنى حرام صح ؟

بنى حرام صح ؟


لا مش بني حرام ممكن اعرفك عشان افهم

انا مدرس تعليم صناعى تخصص كهرباء معايا تربيه جيد جدا مع مرتبه الشرف هل من الممكن ان اجد عملا بالكويت + انى حاصل على الرخصه الدوليه للكمبيوتر

ممكن اعرف فى فرص ولا لا
بمعنى فيه مدارس صناعيه او مدار سفنيه هناك او معاهد او تدريب مهنى ممك اعرف وكمان المرتبات كم

والله معنديش فكرة مممكن اسألك

ربنا يجعل في وجهك القبول يامحترم ويرزقك رزقا حلال طيب مبارك " لكن يعني ايهالتقدم للتربية":d

يارب يوفقك وتحصل علي ما تريد

ياابو رجب هل يوجد فى الكويت مدرسين حاسب الى ولا لا

ياابو رجب هل يوجد فى الكويت مدرسين حاسب الى ولا لا


طبعا دول مطلوبين بكثرة ولكن الاهم شهادات الخبرة

يارلاب يقبلوك ان شاء الله
يارب يقبلوك ان شاء الله ف التربييه
ادع كتير
بس ياريت تقولنا ايه الشروط الي بياخدوها بيها المعلمين بالخارج ؟
يعني بيشترطوا التقدير مثلا ولا اايه وبالنسبه للسن وكده

ربنا يكرمك واكيد الغربة لها تمن؟

يارب يقبلوك ان شاء الله ف التربييه
ادع كتير
بس ياريت تقولنا ايه الشروط الي بياخدوها بيها المعلمين بالخارج ؟
يعني بيشترطوا التقدير مثلا ولا اايه وبالنسبه للسن وكده

الشروط :
1- مؤهل تربوي وخبرة 3 سنوات
2- مؤهل غير تربوي وخرة 5 سنوات
3- التقدير اقل شئ جيد
4- السن لا يزيد عن 40 سنة
5- داخل الكويت لا بد وان تكون اقامة قابلة للتحويل
6- خارج الكويت يقدم في السفارة الموجودة في بلده

انت رجل محترم وتسـأهل كل خير
ربنا يوفقك ويكن لك مكان في وزارة التربية والتعليم بدوله الكويت

موضوع جميل جدا وكان نفسى اكون معاكم فى الموضوع ده بس للاسف قرأته متأخر قوى

ألف ألف ألف مبروك يااستاذ عبدالرحيم على نجاحك وقبولك فى التربية بالكويت انت تستاهل كل خير

جزاك الله خيرا

دا كلام الناس العاقلين ربنا يكرمك وتتعين ف التربية بس ماتنساش الحلاوة ياكبير

الى الاستاذ الكريم شكرا على النصيحة وربنا يكتب لك التوفيق ويوسع لك فى رزقك ويغنيك بحلاله عن الحرام وبفضله عن من سواه

كلام مضبوووووووط

ارب ربنا يوفقك وتتقبل وتشرفنا هناك علشن جيبو المصريين غيرك وتفتح فرص عمل للمصريين بره علشن العمله الصعبه تاجي مصر ويعم الخير

انت لسه ماجتش يااستاذ عبده

:

جزاك الله كل الخير استاذ على النصيحة

لو سمحت استاذ:

هل لمن تم تثبيته بتاريخ 1/7/2011 ولم ينزل اسمه حتى الآن ..!! هل له ان يأخذ اجازة للسفر ؟؟ولا بيتظر فترة يشتغل؟

هل له ان يقوم بحفظ وظيفة ولا؟؟؟؟

ربنا يوفقك انت فعلا تستاهل كل خير و ربنا يوفقكك و يعينك على الغربة

إلي الاستاذ عبدالرحيم أبو رجب شكرا علي اهتمامك بالمتعاقدين : وربنا يوفقك في وزارة التربية
أنا أخصائي نفسي ممكن الاقي فرصة عمل عندك في الكويت . أرجو الرد بسرعة

إلي الاستاذ : عبدالرحيم أبو رجب شكرا جدا علي اهتمامك بالمتعاقدين وربنا يوفقك وتشتغل في وزارة التربية
أنا اخصائي نفسي ومؤهل التقدير بتاعي جيد ومعايا دبلومة في التربية الخاصة بتقدير جيد جدا . ممكن ألاقي فرصة عمل عنك في الكويت ... الرجاء الرد بسرعة

الاستاذ / عبد الرحيم رجب
كلام سيادتك مظبوط تماما أنا إتخرجت وقعدت لمده سنتين فمصر ومشتغلتش وسافرت أبو ظبي وعملت بمهنه تدريس اللغه الفرنسيه في مدرسه الإمارات الخاصه وأنهيت تعاقدي ودياُ ، وعدت الي مصر فور علمي بالثورة وعملت بإداره المنتزة التعليميه وأنتظر الان التعيين وسوف أسافر مججدا إن شاء الله ، لأن حقوقنا هنا مهدوره مهدورة ، هناك بأبو ظبي العيش والكرامه والإنسانيه

إلي الاستاذ : عبدالرحيم أبو رجب شكرا جدا علي اهتمامك بالمتعاقدين وربنا يوفقك وتشتغل في وزارة التربية
أنا اخصائي نفسي ومؤهل التقدير بتاعي جيد ومعايا دبلومة في التربية الخاصة بتقدير جيد جدا . ممكن ألاقي فرصة عمل عنك في الكويت ... الرجاء الرد بسرعة

ربنا يكرمك ويوفقك

انا سافرت قبل ما اثبت ورجعت من 6 سنين ولسه لم يتم التثبيت ومع ذلك لاغى فكرة السفر دى لاننا ان شاء الله حيت التثبيت وساعتها نبقى نفكر

يعنى ممكن التعاقد عندك انا مدرس لغه عربيه واتعينت بالقرار 244 لمن انا هستنى 6شهور زى مانت عارف لكن هل فعلا فى فرص عمل هناك انا دار علوم جيد وتربوى والرخصه الدوليه وتمهيدى ياريت ترض عليا استاذ عبده ولك جزيل الشكر ابور روميساء

كل الشكر والتقدير للأستاذ عبده
فى حاجة غريبة فى وزير التربية الكويتى
مصمم إن التربية تعليم أساسى أو إبتدائى للإناث الكويتية فقط
وده مقلص فرصة سفر حملة هذه الكلية للكويت

شكرا جدا لحضرتك وربنا يوفقك

حبيت أكتب هذا الموضوع لكثرة تساؤلات الأخوة الأعضاء عن فكرة السفر للخارج أولا وقبل كل شئ ما سأقوله لكم ما هو إلا إرضاء لوجه الله تعالى ونصيحة لكم :
1- أنا مدرس أساسي وأعمل الآن بالكويت في مجال حجز تذاكر الطيران + مدرس بمدرسة خاصة ( لغة عربية )
2- النصيحة : لا تضع فكرة السفر في رأسك إلا بعد الثبيت
3- التثبيت قادم قادم لا محالة من خلال متابعتي لجميع المواقع والجرائد
4- المرتبات هنا في المدارس الخاصة تتراوح مابين 130و140و150دينار + دروس 150دينار بالكتير ودول هيكفوك تمام سكن واكل وشرب ومواصلات واتصالات وغيره وهيفيض 200دينار
5- يعني هتوفر في الشهر حوالي 3500جنيه مصري الكلام ده بعدما تستقر وتدي دروس وتتعرف
6- فرصة التثبيت هتضيع منك ومش هتلاقيه ولا بعد خمسين سنة
7- هتتثبت الأول وبعدين السفر مش هيطير فيه كل يوم مئات فرص السفر
8- هذه النصيحة لوجه الله تعالى
9- لو سافرت هتندم في يوم لا ينفع فيه الندم
10- انا مقدم في التربية وهي دي صح اللي تضحى علشانها لان مرتباتها هنا من 600 دينار وطالع فارجو ممن يقرأ هذا الموضوع أن يدعو لي بظهر الغيب إني أقبل في التربية وشكرا لكم

بارك الله فيك يا استاذ والله كلامك سليم
المفروض الاول يضمن التعيين وبعدين يفكر فى اى حاجة غيرها
جزاك الله خير:078111rg3::078111rg3::078111rg3::078111rg3::07 8111rg3::078111rg3:

مشكور يا اخي وربنا يتم عليك بخير ويبارك له في ما رزقك

انت اختفيت فين يااستاذ عبدالرحيم

يااهل الخير ارجوكم لو حد معاه ايميل الاستاذ عبدالرحيم رجب ياريت يبعتهولى على الخاص ضرورى

أقول من قلبي الي المعلمين الطامحين في السفر الى الخارج

انا كنت متعاقد 5 سنوات في التربية والتعليم من 2003 الى 2008 وسافرت الى السعودية اقول لهم من كل قلبي

لالالالا تسافر حتى تاخذ حقك ويتم تثبيتك ....... المدرسون هنا لايتراوح مرتباتهم من 1500 الي 2000 ريال حتصرف نصهم والباقي حتشتري بيه هدايا وحتروح ( ايد ورا وايد قدام ))

فنصيحتي ياخي لاتسافر لا تسافر

الأستاذ عبده رجب مشكووووووووووووووووووووووووووووووووووووووووووووووو ووووووووووور
عايزين نعرف السن المطلوب في الكويت لحد كام سنة فأنا عندي 33 ولسه معلم مساعد

ربنا يقدر لك الخير حيث يشاء

كلامك سليم
انا كنت في الخليج وكنت في مدرسة اهلية ومكنتش متعين ولكن جيت اتعاقدت معلم مساعد وبعدين الحمد لله دخلت الكادر وقرار التعيين طلع وانشضاء الله كلها 6 شهور واسافر
والله اللي يمشي من مصر لازم يرجعلها تاني لازم اوعوا تسيبوا الفرصه الشغل هنا دايم لكن بره مش دايم


قليل دائم خير من كثير منقطع

لو حد اتصلو بيه وكان ميعاده يوم السبت اللى فات ومراحشى المقابلة يومها وباذن الله حيروح بكرة هل ده ينفع ولا لا ؟؟؟؟؟؟؟ اللى عارف انهم ممكن يقابلو حد فى غير ميعاده يرد عليا وجزاكم الله كل خير