قصيدة بعنوان ( زي العسل)

.من باب المجا مله للملل ...

كذا مره بدخل الحمَّام

بفتح التلاجه واشرب أي حاجه

بشوف اعاده لفيلم با يخ كنت شفته ف النهار

علي اعلانات لكتير حاجات ...بترُّم عضم الها لكنين

علي اعلانات لعصير كتير ...للي دايما عطشانين

أنا والمذيع ف المشرحه بنعد بعض الميتين ..

.ع المحروقين ...

ع المحرومين ...

ع الغرقانين

علي كام مصاب فيهم نفس

واقفين بيستلموا الجثث

ساعات بتفرق ف العدد

خمسه فوق أو خمسه تحت

حسب المراسل للقناة

واقف بعيد ولا كان جوه الحدث

أنا والمذيع بنشوف حاجات عدت علينا مشفنهاش

وحاجات كتير ما بنلقهاش

و حاجات كتير بنقول طناش

لكن أكيد الصوره باينه لأي اعمي

ما فيهاش مجال للاحتمال ولا ليه ولمَّا

با حاول اعدل شيء طفيف

بحذف ساعات وساعات بضيف

من كتر حذفي والاضافه ... الفيلم كله بيختلف

بيبقي قرب يعترف

علي الكابوس وعلي القلق

وعلي الوشوش وعلي الِخلَق

من غير ودان لابسين حلق !!!

بعد رابع مره فرجه

للفيلم وف توبه الجديد

بلقي السكات هوَّ المفيد

بلقي السكات هو الأكيد

ومن سكات بروح ف نوم

و أضطر تاني تاني أقوم ..

.كذا مره وادخل الحمَّام .!!!!!!!!!!!!!!!!!!!!!!!!!!


http://www.haridy.com/ib/images/misc/progress.gif

<LI class="postbitlegacy postbitim groans" id=post_groans_box_2449265 style="DISPLAY: none">

بارك الله فيك