|
مشاهدة النسخة كاملة : عشان انت مصري وده للاسف؟ استاذ مصطفى 05-10-2010, 03:59 PM معلش يا جماعه انا عارف ان دة مش من هذة الصورة بس اظن ان دة الكلام فعلا http://www9.0zz0.com/2010/10/05/13/596786147.jpg منار على 05-10-2010, 05:08 PM اللى بيحصلنا دا مش لاننا مصريين او لاننا فى مصر اللى بيحصلنا بسببنا احنا احنا اللى اتسببنا فيه بادينا احنا اللى بقينا انانيين وسلبيين وبنحب نكبر دماغنا عن حاجات كتير شايفنها غلط مع ان كتير منها قلب بكوارث احنا اللى كل واحد فينا بقى بيقول انا وبس ومش واخد باله اننا فى بلد واحده واللى يضرنا يضرنا كلنا احنا اللى سمحنا لناس معدومى الضمير انها تبقى بينا لما عدونا وبقينا زيهم مع الوقت فضلنا نتنازل ونتنازل ومع كل تنازل فيه حاجات كتير كانت بتتغير ومع الوقت بقينا كدا سلبين وضعفا وانانين ومتفرقين مش واخدين بالنا ان فيه اذكى مننا بيستخدموا نظام فرق تسد وطبيعى مع الوقت اننا نوصل للحال اللى بقينا عليه يعنى اللى بقينا عليه احنا السبب فيه لكن لو كنا واقفين من زمان ايد واحده كانت حاجات كتير اتغيرت لو كل واحد فينا كان بيشوف حاجه غلط يقف ويواجه وميقولش وانا مالى وماليش دعوه كان حاجات كتير اتغيرت لو اى حد فينا شاف فساد واتكلم ومسكتش ووقف وواجه كان حاجات كتير اتغيرت من زمان لكن للاسف فات الوفت لان اللى كان ممكن نواجهه فى بدايته بقى صعب وممكن مستحيل نواجهه بعد ماكبر وانتشر فى مجتمعنا ومبقيناش عارفين نواجه ايه ولا ايه ولا نصلح ايه ولا ايه يعنى غلطتنا سكوتنا وانانيتنا وطبيعى اننا ندفع التمن ومش احنا وبس احنا وواولادنا واحفادنا طبعا مش كل الناس كدا لكن للاسف الاغلبيه العظمى اصبحوا بالمواصفات دى والقليل جدا بيحلم ببلد وحال افضل لكن السؤال ازاااااااااااااااااااااااااااااااااااااااااااااااا اااااااااى ازاى فى مجتمع بقى فيه الكدب والنفاق وانعدام الضمير هو الطبيعى وبقى العكس مستغرب ومستبعد ومنبوذ واى شعب غيرنا كان بنفس مواصفاتنا فمن الطبيعى ان يحصله زى مابيحصل فى مصر ABDOURAGAB 05-10-2010, 05:27 PM عشان انت مصري تروح تنضرب في ماتش في تونس وكل العرب يبصولك على انك حتة جرب عشان انت مصري تاكل رغيف فيه مسمار وممكن زلط ولو مش عاجبك يبقى انت غلط تحب تهدم بلادك يا خاين النور واضح والنصر باين بس انت اللي يائس وعملي صاين لكرامة الأمة وكلام العرب عشان انت مصري لازم تبيع غاز وحديد واسمنت للجدار وإلا تكون متخلف ومش فاهم ان ده تقدم وحضارة وسلام يا حمار رائحه الورد 05-10-2010, 06:25 PM . انا معاكم كلنا فاض بينا وتعبنا اوى اوى ومش قادرين نتحمل لكن المشكله فى البشر فى الاوضاع والظروف الخطا. مصر ام الدنيا وهتفضل ام الدنيا ياريت الظروف والاوضاع اللى بنعيشها متخليناش نفقد انتماءنا لمصر التى ذكرت فى القران الكريم ومهما حضل هنفض نحبها بارضها سماها شمسها باهالينا اللى بنحبهم ولو لفينا الدنيا كلها هنتمنى نرجع لها . مستر / طاهر أبو خزيم 05-10-2010, 09:40 PM علشان كل ده يبقى انت اكيد اكيد فى مصر |