بسم الله الرحمن الرحيم


المنازل للثانوية العامة انا عامل الموضوع ده للكلام الفكسان اللى من غير دليل

مثال:049gc0: ( اللى هيحول منازل هياخد نص الدرجة )

( اللى هيغيب هيتمنع م الامتحانات )

( اللى منازل هيدفع 9000 جنيه )


احب اقولكم اسكتوا بئه كفاية ضحك على نفسينا و على الطلبة .

الحمد لله انا واحد من الناس مش بامن للشعب ده من كلامه فبحب اجيب

الكلام من بابه و مصدره روحت وزارة التربية و التعليم للمرة الثانية عشان اثبت

للناس انهم بيتكلموا ع الفاضى . و انا كت واخد كاميرا عشان اسجل للى هيكلمنى

بس للاسف خادوها منى و حجزوها ف امن الوزارة حتى نهاية الزيارة .

المهم الست قالتلى المنازل لسه زى ما هي و غيب براحتك و هتتحول منازل

عادى جدا و هتحضر الامتحانات و مش هتدفع فلوس ولا الكلام التيت ده .



فانا بقول اللى يثبت لنفسه انه غلطان و بيقول كلام غلط انا عندى استعداد

نتقابل كلنا عند الوزارة و نطلع نسئل سوا .


ارجو ان اكون افدت المتوتر و المتلخبط و المستمع لكلام اللى مش فاهمين حاجة

و على فكره انا مروحتش ولا يوم المدرسة

شكررررررررررررررررررررررررررررررررررررررررررا

شكرا ع المرور

طب اللى يتفصل اعادة القيد بتبقى ازاى؟

معرفش انا اللى اعرفه اللى بيغيب المده القانونية بيتحول منازل

جزاك الله بس فعلا اعادة القيد دى بتبقا بكام وكده انا فى البيت عملينلى موال عشان غبت يومين
يريت لو حد يعرف يفدنا بجد

أحنا الادارة بتعاتنا بتقول : (( ان قرار المنازل بيتناقش فى الوزارة ولسه الوزير ما أصدروش .. و هيتم أصدار القرار خلال الشهر ده .. علشان كده بيقولولنا ماتغيبوش لغاية أما ينزل القرار ونعرف فى صالحنا ولا ضدنا .. ))

وكمان بيقولو ان الوزير بيقول ( لازم الطالب يحضر 85% من أيام السنة الدراسية ...// والسنة الدراسية 199 يوم ,, و ال85% دول يعنى 170 يوم .. )) يعنى لو غبت زيادة عن 29 يوم .. مش هتدخل الامتحان ..
لغاية بقى لما ينزل قرار الوزير ونعرف ..

فبنصح أى حد أنه ميغبش دلوقتى ويستنى قرار الوزير أحسن مايضيع أخر السنة ...

الاخوه الافاضل
بالنسبة للغياب لايوجد قرار يدرس ولا كلام من ده قرار النظام الحديث واضح ولكن هناك اشياء لم تكن تفعل مثل حضور 85 % او بعض المدارس بتتغاضى عن فصل الطالب
تم زياده جميع الرسوم من تغير مواد ومستوى رفيع جديد واستخراج رقم جلوس جديد
واى طالب يغيب المده القانونية وتم تسجيل غيابه وتم فصله للغياب لايتم اعاده قيده فى نفس العام ويتقدم للامتحان عن طريق المنازل بنفس رقم الجلوس بتاع ثانيه ده احدث شىء وصل وسوف ارسل لكم مبالغ تغير المواد والمستوى الرفيع

اصل الوزير مينفعش يجيى ف شهر 12 يقول مفيش ثانوية عامة السنادى

بالنسبة للغياب اشمعنى يعنى مش عايز يقوله دلوقتى مهو لو قالوه الشهر

ده يبئه الناس هتغيب بعديه . مينفعش نظام المنازل يتلغى خاصة للمرحلة التانية

هو بس الوزير خايف على النظام اللى ماشى بيه ده الطلبة برضه

متروحش المدرسة زى السنة اللى فاتت فلازم يخوف و مينفعش يقول المنازل

تتاح للطالب كده علنى لأن بالعقل كل الطلبة هيعدوا و هيقولوا لأهاليهم الوزير

قال نحول منازل .

يا جدعان هو الواحد مننا لو ضاع مستقبله عشان
غاب مكنش فى حاجة اسمها تعليم
او يلغى الدروس اللى شغلانا دى

انا متلغبط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ارجوكم ياجماعة محدش يقول اي كلام من دماغة ولا من اي مصدر غير موثوق عشان هيشتت غيره
ياريت اللي يقول حاجة يقول المصدر منين وشكرا

bos 3ashan ana atwatart gedan anta mota2ked mn el kalam da ?????
el madrasa mosh radya te7awelna manazel aslaaaaaan bet2ol lazem nestana karar el wazeer

el wazer mesh rady yenazel el karar 3lshan howa 3aref eno awel maynzel hayla2y 99% mn el nas mabtro7sh el mardasa we 3ayzen manazel 3lshan keda howa 3amel feha mn banha we mabyrodsh

طيب اقلكوا على حاجة انا مش روحت من اول السنة غير حاولى 6 ايام او سبعة
قولت انزل اسال على الغياب اجس نبضهم و اسال على الغياب بتاعى
نزلت عند الادراريين قولت يا ابلة انا فى 3/5 و عاوزة اعرف انا غبت كام يوم
ردت عليا و قلتلى انا مش بشوف غياب
دة معنتة ايييييييييييييية
ان كل الكلام دة كوووووووووووووسة و بتنجان
همة بس عوزنا نيجى و خلاويص

يجدعان انا ثوانى اصلا مش المدرسة اللى بتحول منازل ديه ادارتك

و اى مدرس يقول هو يحول او ميحولش ده كداب . المدارس بتيجيى عند

وقت معين و بتبعت للادراة التابعة ليها كشوفات غياب الطلبة .

و بيبئه ادام اسمك طالب تم فصله و لم يتم اعادة قيده ( منازل )

بس هى دى كل العملية و متنتظروش من الوزير انه يتكلم ف حكايه المنازل


لأنه صعب يتكلم فيها لا يقول يلغيها ولا يتكلم عنها خالص لأن كل الطلبة هتغيب

فهو سايب العملية كده و عارف ان في ناس بتخاف و الحمد لله

انا مروحتش ولا يوم و اللى عايز حاجة يكلمنى ع الميل Mahmoud_Fany

ياهوو

انا ماروحتش المدرسة الا مرتين ولحد دلوقت ماجاش جواب انذار؟؟؟؟؟؟؟؟؟؟؟؟
وعلى فكرة ماينفعش الوزير ينزل قرارات بعد بداية العام الدراسي ولو كان عايز ينزل كان هينزل من الاجازة
ويبعت نشرة للمدارس بالقرارات الجديدة بس مفيش حاجة من دي حصلت (يبقى الوضع كما هو عليه)

اخيرا واحد اتفق معايا ف الكلام

فعلا انا معاك
بس المشكلة لما تروح المدرسة تلاقى فىيها طلبة و تسالهم يقولك احنا خايفين

طيب بخصوص سنه اولى ايه النظام

اللى يخاف يخاف ما كلوا خايف من امتحانات الثانوية ولا ايه ؟

كان قدامي بنت في اولي ثانوي قالت للابلة اا عاوزة احول منازل قامت الابلة قالت جيبي ولي الامر يسحب الملف وبعدين تغيبي مدة قانونية وترجعي تقدمي تاني تتحولي منازل
بس انا خايفة احول ولا لا وهي ايه عيوبها ومميزاتها ؟

المنازل مفيش اسهل منها المهم انك تغيب لحد متتفصل وبس

وبعدين متعملش اعاده قيد و هتتحول منازل علطول و ملهاش اضرار

غير انك بتتمنع م الكليات العسكرية

يا شباب انا عندي سؤال لو سمحتو
انا خلصت ثانوية عامة 2004 وكنت عايز اعيد من 2 ث منازل
ينفع ولا لازم من اولا
ارجو الرد

اخواني واخواتي الاعزاء السلام عليكم ....
لوسمحتم ممكن اعرف هل توجد مدارس خاصة ثانوي منازل (التعليم الخاص) غير التعليم االثانوي لعام منازل (الحكومي).
اذا هناك بعض المدارس الثانوي الخاصة منازل ممكن اسماء هذه المدارسة.
ومتى اخر تسجيل للمنازل في مصر وما هي الاوراق المطلوبة للتسجيل.
ونصيحه ماهي افضل مدرسة خاصة او عامة لتعليم المنازل الثانوي.

ممكن الرد على الخاص

اتفصلت ولا ايه اوعى تكون اتفصلت ومفيش منازل مكسوف تقول لنا ولا ايه هههههههههه
ادينا مشينا وراك وقعدنا فى البيت
ربنا يستر منكونش اتحرمنا من الامتحان :stickjo4:

لأ فعلا انا اتفصلت و مفيش حاجة عادى الى المنازل