الصعايدة حلو ازمة الزواج والعنوسة والبطالة في وقت واحد ...بشرة ساره [الأرشيف]

shimaa2009

06-10-2010, 07:40 PM

الصعايدة حلو ازمة الزواج والعنوسة والبطالة في وقت واحد ...بشرة ساره
============

هذه المرة .. اثبت الصعايدة أنهم أكثر تحضراً وتقدماً من سكان المدن ، فغلاء الذهب دفع قرية بصعيد مصر لإلغاء الشبكة في محاولة للقضاء على العنوسة التي تفشت في قريتهم .

http://shabab.ahram.org.eg/MediaFiles//Untitled-1_20_9_2010_40_23.jpg

أهالي قرية "كوم الضبع" بمركز نقادة بمحافظة قنا أعلنوا مقاطعتهم التامة لشراء المشغولات الذهبية بعد الزيادة غير المسبوقة في سعر جرام الذهب ، وقد دعم الأهالي مقاطعتهم بإذاعة القرار في المساجد بأنهم ألغوا شبكة العروس نهائيا وذلك بعد توقف الزواج..
والآن السؤال لك ..
هل يمكن أن تتغاضى كل الأسر المصرية عن الشبكة مع غلاء الذهب ، وهل يصبح الذهب الصيني – مثلاً - بديلا في ظل غلاء الذهب الاصلي؟ وهل يؤدي تمسك الاهالي بالمظاهر الى انتشار ظاهرة تأجير الشبكة ؟

http://shabab.ahram.org.eg/MediaFiles//Untitled-2_20_9_2010_40_29.jpg

http://shabab.ahram.org.eg/MediaFiles//3_20_9_2010_40_36.jpg

وبالنسبة لك أنت شخصياً .. لو كنت شاباً هل يمكن خطوة كهذه أن تشجعك علي الزواج أم التكاليف أكبر بكثير من مجرد الشبكة .. وإذا كنت فتاة هل لديك استعداد للتنازل عن شبكتك .. أم ممكن اللجوء لحل وسط مثلما يفعل بعض الأهالي بأن يكتبوا قيمتها في " القايمة " مثلاً ؟!
شاركونا بتعليقاتكم وأرائكم علي ظاهرة إلغاء الشبكة ..

http://shabab.ahram.org.eg/MediaFiles//44_20_9_2010_41_10.jpg

------

عمار يا صعيد والله ...:022yb4:

منقول

امل اليكس

06-10-2010, 07:46 PM

ماشي بلاش شبكة بلاش شقة كمان ولا ايه؟

الصعايدة حلوا المشكلة دي الزاي

soosoo_kotp2000

06-10-2010, 07:47 PM

هى دى الخطوة الصح بجد والمفروض البنات الصح يكون مهرهم تقوى الله

Mohamed.Helmy

06-10-2010, 07:48 PM

ههههه الصعايدة حلو ازمة الزواج والعنوسة والبطالة في وقت واحد ...بشرة ساره
============

شكرا يا شيماء على الموضوع بس ليه (( ههههه )) فى أول الكلام ؟؟

علشان صعايدة ؟؟

shimaa2009

06-10-2010, 07:51 PM

ماشي بلاش شبكة بلاش شقة كمان ولا ايه؟

لا يا امل هما لغوا الشبكه لانها بجد ملهاش لازمه ولغوها
كده
وقد دعم الأهالي مقاطعتهم بإذاعة القرار في المساجد بأنهم ألغوا شبكة العروس نهائيا وذلك بعد توقف الزواج

الصعايدة حلوا المشكلة دي الزاي

تسلمى ياجميل على المرور

منوره التوبيك

shimaa2009

06-10-2010, 07:52 PM

هى دى الخطوة الصح بجد والمفروض البنات الصح يكون مهرهم تقوى الله

عندك حق ياجميل اهم حاجه الايمان وتقوى الله

تسلمى للمرور

نورتى التوبيك

shimaa2009

06-10-2010, 07:54 PM

شكرا يا شيماء على الموضوع بس ليه (( ههههه )) فى أول الكلام ؟؟

علشان صعايدة ؟؟

لا علشان فرحانين بالخبر بس

الصعايده احسن ناس وبحترمهم جداااااا ومعظم الدكاتره اللى عندى فى الكليه من الصعيد وما شاء الله عليهم

وعلشان خاطر محدش يفهمها غلط انا همسحها:)

شكرا يامحمد على المرور

**تسابيح**

06-10-2010, 08:01 PM

يابنتي الشبكة دي هدية من العريس للعروسة
يعني حسب هو مقدرته ايه
بس هو فين عرسان اصلا الايام دي
عشان الناس تدور ع الشبكة
هههههههههههه

Mohamed.Helmy

06-10-2010, 08:01 PM

لا علشان فرحانين بالخبر بس

الصعايده احسن ناس وبحترمهم جداااااا ومعظم الدكاتره اللى عندى فى الكليه من العيد وما شاء الله عليهم

شكرا يامحمد على المرور

الشكر لله

... يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم .."

بس علشان محدش يتريق على أهل القرية دى ولا حاجة ...

وكمان هى خطوة فعلا صح .. وكمان حكاية ان الشبكة تبقى بالاسعار الغالية دى يبقى حرام والله وعلى ايه ...

وربنا يهدى كمان وكمان ويوفق شباب وبنات المسلمين اللهم آمين ...

و شكرا يا شيماء مرة تانية على التوبيك ..

shimaa2009

06-10-2010, 08:07 PM

يابنتي الشبكة دي هدية من العريس للعروسة

اكيد بتبقى هديه والناس المفروض ماتتكلمش فيها
يعني حسب هو مقدرته ايه
بس هو فين عرسان اصلا الايام دي
عشان الناس تدور ع الشبكة
ههههههههههه على رايك ياتسابيح بس الناس اهه بتحاول تخفف كتر خيرهم وياريت كل الناس تعمل كده

انا هانشر الخبر علشان الناس تروح تخطب من البلد دى:022yb4:

بجد والله بيفهموا
هههههههههههه

تسلمى ياجميل على المرور

نورتى التوبيك

Mr. Ali 1

06-10-2010, 08:08 PM

لأ ازاي ؟؟ دا احنا لازم نأمن مستقبل البنت كويس !!
مش يمكن ناويلها علي نية كده ولا كده ؟!!
وبعدين الشبكة دي بتبقي تقييم منه لبنتي !!
واللي مش هيقيم بنتي كويس , يتفضل من غير مطرود !!
والغريب انك تسمع ان الشبكة هدية , طيب أنا حر في قيمة
الهيدية ..... لأ مش حر " الهدية لا تقل عن ....... " !!!!!
احنا بنتنا متربية كويس ومتعلمة ومعاها مؤهل عالي !!!
ما هو أنا جاي أتقدم ليها عشان كده .
خلاص يبقي تدفع وتجيب اللي نقولك عليه , ولا انت بخيل ؟!!!!!!!!!!!!!!!!!!!!!!!!!!!!!
الصعايدة فقط يعملوها لأنهم بيفهموا وزي ما المثل بيقول
" إذا أردت أن تطاع فأمر بما يستطاع "
لكن القاهرة وبحري والدلتا ..... لالالالالالالالالالالالالالالالالالالالا
خليكوا يا بنات لحد ما تتجوزوا علي نفسكم !!!!!!!!
علي فكرة ... البنت دلوقتي المفروض تحلم بسواق أحلام
جاي ياخدها في توك توك !!!!!!!!

shimaa2009

06-10-2010, 08:09 PM

الشكر لله

... يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم .."

بس علشان محدش يتريق على أهل القرية دى ولا حاجة ...

وكمان هى خطوة فعلا صح .. وكمان حكاية ان الشبكة تبقى بالاسعار الغالية دى يبقى حرام والله وعلى ايه ...

وربنا يهدى كمان وكمان ويوفق شباب وبنات المسلمين اللهم آمين ...

و شكرا يا شيماء مرة تانية على التوبيك ..

لا يامحمد على فكره الموضوع الهدف منه التقليد بس مش تريقه خالص

والله دى خطوه كويسه جداااا

وياريت كل الناس تعمل زيهم

shimaa2009

06-10-2010, 08:14 PM

ميراج

06-10-2010, 08:23 PM

هى دى الخطوة الصح بجد والمفروض البنات الصح يكون مهرهم تقوى الله

اهم حاجه فعلا تقوى الله
عندك حق والله
والصعايده والله عندهم حق
شبكه ايه؟!؟!;)
كفايه اوى الدبله!!!
والله انا اعرف ناس مبتكملش خطوبتهم
عشان الشبكه!!!
ولازم شبكتى تكون مش عارف زى بنت طنط مين؟!؟!:d
هوه انا اقل منها؟!؟!؟:p
ناس بتهتم بالمظاهر للأسف!!!
والله ده استغلال!!
هوه الشباب ناقص ياعينى!!!:d
كفايه اللى هوه فيه!!!:d
بس ده عمره ما هيحصل فى القاهره مثلا!!
لأن معظم الناس بتحب المظاهر اوى
وطلباتهم بتبقا غريبه والله:romarioxp6:
ربنا يرحمنا
شكر ياقمر على الموضوع
تقبلى مرورى

روووووز

06-10-2010, 08:24 PM

هو الدهب الصينى ورانا كمان كل حاجة صينى ههههه

والله كل بلد وتفكرها هما فكروا بالطريقة
بس فى ناس مستحيل تعمل ده
يعنى مفيش شبكة ومفيش شقة ومفيش مهر ومفيش ادوات منزليه ومفيش ومفيش
يبقى خلاص مفيش جواز :p:p

والله كل عائلة تختلف تفكيرها عن التانية ممكن فى ناس تقبل بالموضوع ده وناس ترفض

والله الشبكة مش مهمة ممكن واحد يجيب شبكة وبعدين المشاكل والضرب يبدأ ومش يبكونوا مستحميلن بعض وتسمع صوتهم من اول الشارع :040vk0:
وفى ناس تكون الشبكة دبلة وخاتم وبيعيشوا مع بعض فى سعادة :friendsxs3:

shimaa2009

06-10-2010, 08:28 PM

اهم حاجه فعلا تقوى الله
عندك حق والله
والصعايده والله عندهم حق
شبكه ايه؟!؟!;)
كفايه اوى الدبله!!!
والله انا اعرف ناس مبتكملش خطوبتهم
عشان الشبكه!!!
ولازم شبكتى تكون مش عارف زى بنت طنط مين؟!؟!:d
هوه انا اقل منها؟!؟!؟:p
ناس بتهتم بالمظاهر للأسف!!!
والله ده استغلال!!
هوه الشباب ناقص ياعينى!!!:d
كفايه اللى هوه فيه!!!:d
بس ده عمره ما هيحصل فى القاهره مثلا!!
لأن معظم الناس بتحب المظاهر اوى
وطلباتهم بتبقا غريبه والله:romarioxp6:
ربنا يرحمنا
شكر ياقمر على الموضوع
تقبلى مرورى

ههههههه

كلامك جميل ياميراج

بس بتهيألى هيحصل بعد فتره ان الشبكه هتتلغى تماما فى مصر كلها

لان نسبه العنوسه زادت
وكفايه على الشباب الشقه ده لو قدرو يشتروها :)

الحاجه بقت غاليه جاامد

تسلمى ياقمر على المرور

نورتى التوبيك

Mr. Ali 1

06-10-2010, 08:29 PM

لا والله ياستاذ على فيه ناس ياما بتدفع اغلى الشبكات وومابيعشوش مرتحين

اهم حاجه الرضا والقناع

ومعظم الناس بتبيع الدهب بعد ما بتتجوز

احنا عندنا فيه بنات بتكتب حقها فى القيمه وبتشترى خاتم ودبله وخلاص

يعنى اهى بدايه

شكرا لمرورك استاذ على

صح أهم حاجة الرضا والقناعة , بس مين بيعمل بالكلام ده ؟؟
قلة قليلة جدا !!
وإلا لما كانت العنوسة بهذا القدر المخيف !!
أما بالنسبة لكتابة قيمة الشبكة في القايمة , هل هذا الأمر
شرعي ؟؟ هل الشبكة فرض علي الرجل حتي تكتب عليه
في القايمة والتي هي عبارة عن وصل أمانة !!!
الشبكة هدية والهدية لا تكتب !!! وإلا أصبحت مهراً لها , وإذا كانت
مهر , يبقي ليه نكتب العزال اللي يجيبه الرجل ؟!!
الشبكة مهر مقدم والمؤخر مهر مؤجل .
فيه مفاهيم كتير عندنا في أمور الزواج تحتاج لإعادة نظر !!
المفروض نشجع الشباب علي الزواج ونيسره له , مش نخنقه
بدعوي تأمين مستقبل البنت , وكل الناس بتجوز بناتها كده !!!

shimaa2009

06-10-2010, 08:32 PM

shimaa2009

06-10-2010, 08:35 PM

صح أهم حاجة الرضا والقناعة , بس مين بيعمل بالكلام ده ؟؟
قلة قليلة جدا !!
وإلا لما كانت العنوسة بهذا القدر المخيف !!
أما بالنسبة لكتابة قيمة الشبكة في القايمة , هل هذا الأمر
شرعي ؟؟ هل الشبكة فرض علي الرجل حتي تكتب عليه
في القايمة والتي هي عبارة عن وصل أمانة !!!
الشبكة هدية والهدية لا تكتب !!! وإلا أصبحت مهراً لها , وإذا كانت
مهر , يبقي ليه نكتب العزال اللي يجيبه الرجل ؟!!
الشبكة مهر مقدم والمؤخر مهر مؤجل .
فيه مفاهيم كتير عندنا في أمور الزواج تحتاج لإعادة نظر !!
المفروض نشجع الشباب علي الزواج ونيسره له , مش نخنقه
بدعوي تأمين مستقبل البنت , وكل الناس بتجوز بناتها كده !!!

ايوه انا عارفه ان الشبكه مش فرض عليه

بس الناس بيعملو كده علشان لو حدسأل يعنى;)

وربنا ييسر الامور لجميع الناس

شكرا لمرورك مره تانيه

BaNZeR

06-10-2010, 08:38 PM

الميزة في الصعايدة انه بناتهم قنوعين
والراجل هناك راجل عن ثقة وموثوق فيه (في القرى خاصة)

لكن اكيد الكلام ده مش حينفع في بحري :d

ميراج

06-10-2010, 08:42 PM

بس بتهيألى هيحصل بعد فتره ان الشبكه هتتلغى تماما فى مصر كلها

لان نسبه العنوسه زادت
وكفايه على الشباب الشقه ده لو قدرو يشتروها

دى تبقا معجزه والله لو الشبكه اتلغت فى مصر كلها:d
بس فعلا مع زياده نسبه العنوسه:bosyht9:
وبعد ما شوفنا علا فى مسللسل عايزه اتجوز
واد ايه هيه عانت وجربت كل الطرق:d
المفروض كل الاسر المصريه تفكر فى كده:bosyht9:
وربنا يكرم بنات المسلمين كلهم بالازواج الصالحين:)
ورفقا يا بنات بشباب مصر:slap1qk6::slap1qk6:
الشباب تعبان:d

shimaa2009

06-10-2010, 08:46 PM

الميزة في الصعايدة انه بناتهم قنوعين
والراجل هناك راجل عن ثقة وموثوق فيه (في القرى خاصة)

لكن اكيد الكلام ده مش حينفع في بحري :d

والله مع زياده نسبه العنوسه

معظم اهل بحرى بيتنزلو عادى جداااااا

متقلوش كده هتوقفوا حال البنات:)

شكرا لمرورك يابشمهندس

نقاء الروح

06-10-2010, 08:48 PM

shimaa2009

06-10-2010, 08:53 PM

فكرة والله ،

بس قلة قليلة جدا جدا ال بترضى بكدة ،
دي الشبكة ديه كل واحدة بتتباهى
وانا جالي و ودالي ،
وعن قريب والله ، واحد لسة خاطب
وما شاء الله العروسة شرت على ال جابوا كمان !!
حاجة عجيبة اوي ،
ومش تعتقدوا انه جاب قليل ، ده جاب شبكة شبكة يعني

ولو حاجة بسيطة كدة خاتم او الدبلة يبقى كويس
بس تعرفي المشكلة ان كل الاهالي بتخاف على بناتها
يعني تقولك نأمن مستقبلها ،

ومش عارفة مين يأمن مستقبل المسكين ؟!:d

بصى يانقاء دايما الناس اللى بتفكر فى الفلوس من اولها مابتنفعش

وبعدين فى حديث عن الرسول صلى اللله عليه وسلهم بيقول(اقلهن مهورا اكثرهن بركه)

يعنى العبره مش بالشبكه العبره فى البركه والرضا وانهم يعيشو مرتاحين

شكرا لمرورك ياجميل

نورتى التوبيك

fuoozz

07-10-2010, 11:44 PM

موضوع مهم فعلا بس للاسف دى قرية واحد بتطبق الكلام ضمن مئات القرى وانا شايف ان الشبكة فى وقتنا الحالى بقت جزء لايتجزا من مهر العروسة ومبقتش هدية بقت فرض او واجب مطالب ان الرجل ينفذه لان للاسف نادرا لما تلاقى اهالى عندهم ثقه فى اخلاق عريس بنتهم وهى بتبقى وجهة نظرهم يحافظوا على مستقبل بنتهم ووجهة نظر تحترم انا بس كنت عايز اقول كلمة اخيرة يابخت اهالينا اتجوزوا زمان بسهولة ويسر عكس الفترة العصيبه اللى بيعشيها العالم فى وقتنا ده

وردة امل

07-10-2010, 11:49 PM

طول عمر الصعايده رجاله وولاد اصول وفى المواقف الصعبه كمان تلاقيهم متكاتفين:d
بالعربى كدا الصعايده اجدع ناس طبعا ما انا اصل جدودى صعايده وسع يا ولد العم :d

ضياء الدين سعيد

07-10-2010, 11:53 PM

الشبكة تعتبر هدية من العريس
وكمان أهل العروسه أكيد يعرفوا ان بنتهم وكل شىء والشبكة
رايحين للعريس

المشكله مش فى الشبكة

فى حاجات كتير اوى هى الأزمه

والله الإختيار أصعب من أى شىء
لأننا لما نختار الناس الصح
مش هيبقى فى مشكله فى أى شىء

هانى الشرقاوى

08-10-2010, 06:54 PM

خلاص نروح نتجوز من هناك
واحنا وحظنا بقا
هههههههه
والله أنا مش شايف للشبكة دى لزوم خالص
وما أعتقدشى انه فيه راجل مش عايز يجيب للست بتاعته الدنيا وما فيها
بس الرحمة حلوة

أنا شفت كذا حالة كده
كانت الشبكة دبله ومحبس
بس نفسى أعرف يعنى ايه محبس
هى العروسة من غيره هتنقط
والله ما أعرف شكله ايه حتى

اللى عايز أقوله
طول ما الشبكة دى شرط مهم للجواز
البنات هيتوقف حالها :022yb4: