السلام عليكم ورحمة الله

لو سمحتم انا كنت عايزه من حضراتكم طلب
انا طالبه فى الصف الثانى الثانوى وطبعا زى ناس كتير مجبتش مجموع السنه دى:(:(
ففكرت انى اسافر ادرس سنه ثالثه فى السودان علشان المرحله الثانويه هناك سنه ثالثه بس وكمان الامتحانات هناك سهله مش معقده زى هنا بس فى مشكله

انا عايزه اعرف هو انا لو اخدتها من هناك هيكون فى مشكله انى ادخل التنسيق هنا فى مصر لو حد يعرف يا ريت يرد عليا بس بسرعه ويا ريت يقولى كمان لو ينفع ايه هى الاجراءات اللى لازم تتعمل

انا اسفه لو طولت عليكم بس ياريت محتاجه الرد بسرعه
جزاكم الله خير

كلمة متفردة فى معناها تناسب الموقف ده

(((ما كنش حد غلب))
تحياتى
فانوس

يعنى ايه مكنش حد غلب

على حد علمى ان اللى بياخد الشهادات من دولة عربية اخرى بتبقى شاهدته فى مصر ملهاش لازمة

يعنى الشهادة بتاعت اى دولة عربية غير مصر بيبقى كأنها من معهد او شيئ من هذا القبيل حتى لو جايبة 100%

ياريت انتى تشدى على نفسك السنة دى فى المذاكرة و اللى فيه الخير هيحصل و ارضى بنصيبك لانك متعرفيش الخير ليكى فين

و السلام عليكم و رحمة الله و بركاته

شكرا على ردك young coder
بس انا سمعت ان فى ناس بتاخدها من هناك وبتدخل الجامعات هنا بس فى ناس قالولى ان اللى معاهم الجنسيه بيدخلو الجامعه بالمجموع بتاعهم لكن اللى مش معاهم الجنسيه بيبقى ليهم نظام تانى
وسألت فى الموضوع ده بس كل شخص بيقولى رأى اللى يقول ان انا هدخل امتحانات الدور الثانى هنا بس هيدونى الدرجه كامله وادخل على اساس المجموع اللى هجيبو ورأى تانى ان انا لو سافرت هناك الفتره بتاعت الدراسه هدخل هنا التنسيق على طول من غير امتحانات
انا لحد دلوقتى معرفتش رد نهائى فقلت استشير المدرسين والاعضاء هنا يمكن حد يعرف حاجه يفدنى بيها

يا ستى شدى حيلك بس ومتشغليش دماغك بالحوارات دى
وبعدين الحكاية دى للاسف خلاص مبقيتش تنفع
..انتى بس ذاكرى كويس.....
هو ده كلام اى حد للاسف برضو

سلام

هانى هلال اتكلم عن الناس اللى بتعمل كده بس وتضرب ورق مش مظبوط ودول منعهم من دخول الجامعات المصرية

بس زى مقلك خالد شدى حيلك وربنا معاكى

مش مستاهلة إطلاقا

بدام السفر في دماغك

خلصي السنة دي وروحي ليبيا هناك الطب من 90%

وهترجعي بقضية وغالبا مش هتتقبلي غير في الزقازيق

تحياتي

طب وليه الشحططه دى وعشان ايه
ما إنتى حتى بنت يعنى آسف فى اللفظ مسيرك للجواز
وبعدين ليه بهدله ما هنا أحسن
واللى فيه الخير يقدمه ربنا
ولو هتسافرى فعلا يبقى تسألى فى مكان موثوق منه
عشان تقدرى تحولى لأن أكيد التحويل له فتره

صح
كدا السنه
دى تفوت
وجرى على
اللى انتى عايزه

شكرا على ردكم كلكم
انا مسافره ان شاء الله
انا سألت على الموضوع ده وقالولى ان انا لو قعدت هناك مده 6شهور ووالدى كان بيشتغل هناك هيكون مفيش مشكله انى ادخل التنسيق هنا فى مصر وانا والدى بيشتغل هناك والامتحانات هناك فى شهر 3 يعنى فاضل حوالى 6 شهور يعنى ان شاء الله مفيش مشكله
انا اسفه لو تعبتكم معايا
وشكرا على اهتمامكم و بطلب منكم تدعولى

بالتوفيق

ولا تعبت ولا حاجة
وان شاء الله موفقه

براحتك بس انتى متضمنيش برضو الموضوع ده
والناس اللى بتتكلم مفتية وبتلت كتير وتعجن وهى مش عارف ومتأكدة اوى
كمان الوزير مش حلو يعنى ممكن قرار زى التوزيع الجغرافى كده يقرف البنى ادمين

خصوصا ان محدش كان يعرف عنه حاجة
وطلع فجاة


مش مشكلة توكلى على الله
ربنا معاكى

كمان الوزير مش حلو يعنى ممكن قرار زى التوزيع الجغرافى كده يقرف البنى ادمين

خصوصا ان محدش كان يعرف عنه حاجة
وطلع فجاة


اااااااااااااه منه التوزييييييع الجغرافي:(

يا جن فكرتني بيه ليييييييييييييييييه؟؟!!! :wacko:

اصل انا الموضوع ده كان مأثر فيا اوي

بس طبعا الحمد لله و قدر الله و ما شاء فعل.... الخيرة فيما اختار الله:)





و ربنا يوفقك يا انفيزيبل

و اهم حاجة تستخيري ربنا و الي ربنا يهديكي لييه ان شاء الله يكون الخير

و بإذن الله من المتفوقات:rolleyes::)

بصراحه يا جماعه هو ده الموضوع اللى قالقنى
انه يطلع قرار كده
اصل القرارات دى بتطلع فى دماغه كده وهو بياكل يروح عاملها قارف بيها الناس ربنا يستر
عموما شكرا على اهتمامكم