مشاهدة النسخة كاملة : باشا وبيه ونجم ودكتور وباشمهندس .. فوضى الألقاب ( موضوع للنقاش )
abosalah_crazyboy 08-10-2010, 04:59 PM السلام عليكم
إزيكو عاملين إيه ... النهاردة معايا موضوع جديد وحابب نتناقش فيه مع بعض .. طبعاً بقواعد النقاش المحترم اللي إحنا مش عارفينها :p .... بس لازم هنلتزم بيها أنا وإنت ...
ثورة يوليو ألغت الألقاب، ولم يعد هناك باشا أو بيك، وظل فقط لقب أستاذ ليطلقه عامة الناس على المتعلمين والأفندية تمييزاً لهم عن التجار.
كان أنور السادات يكره هؤلاء الأفنديات والمثقفين ويسميهم أصحاب الياقات البيضاء، كناية عن القميص الأبيض الذي يرتديه الأفندي عادة تحت جاكيت البدلة، ولأن السادات هو أيضاً بطل الحرب والسلام والانفتاح السداح مداح ، فقد عادت الألقاب مرة أخرى إلى أفواه المصريين في عهده مع تبديل بسيط فيمن تطلق عليهم هذه الألقاب.
وبدأ إطلاق اسم الباشا من جديد ولكن على ضباط الشرطة، وامتد الآن ليشمل الأمناء وكل من يرتدي البدلة الكاكي، وأصبح لقب الباشمهندس يطلق على أصحاب الورش وبعض الحرفيين المتحذلقين، وخاصة "الصنايعية" و"الميكانيكية "، والوحيد الذي لايطلق عليه هذا اللقب من بين أصحاب المهن الحرة هو الحلاق!.
أما لقب "بيه " فهو حكرالآن على رجال الأعمال وأعضاء المجالس النيابية وكل صاحب حظوة أو سطوة أو مال .
وبات شيئا عادياً الآن أن تجد مذيعاً في التليفزيون يخاطب رجل أعمال أو وزير أو عضو مجلس شعب فيقول له يا فلان بيه، بل و يحرص هؤلاء حين يستضافون معاً على شاشات التليفزيون على أن يخاطبوا بعضهم البعض بهذا اللقب، شوف يا محمود بيه.. وأنا رأيي يامحمد بيه، و كأن الأمر قد أصبح حقاً مكتسباً أو صفة رسمية حصلوا عليها من دون التقرب إلى حاشية الملك أو خسارة مبلغ معلوم على ترابيزة القمار مع الحاكم، كما سمعنا كثيراً عن الطريقة التي كانت تمنح بها الباشوية والبكوية في عصر ملوك أسرة محمد علي، و آخرهم بالطبع الملك الراحل فاروق!
ولأن المصريين يحبون الألقاب جداً ولا يستطيعون أبداً الاستغناء عن تداولها ومناداة بعضهم البعض بأسمائهم المجردة مثل بقية شعوب الأرض، فقد اخترعوا ألقاباً جديدة تسمعها منهم في كل مكان، في الشارع وأماكن العمل ووسائل المواصلات، وأحدثها انتشاراً لقب يانجم، ويا مدير ويادكتور ويا مولانا .
وبالطبع فلا أحد ممن يطلق عليهم هذه الألقاب يستحق اللقب أو ينطبق عليه، فلا النجم في الحقيقة نجم أومشهور، ولا الدكتور دكتور، ولا مولانا شيخ أزهري أو غير أزهري، أو الحاج قد حج من الأساس، فقد اصطلح الناس من زمان على إطلاق لقب حاج على كل طاعن في السن، وعلى كل من يرتدي جلابية يا عمدة، وعلى أي بائع يا معلم، وعلى أي حد في الدنيا يا ريس ، رغم أن كلمة "ريس"هذه كانت تطلق زمان على"المركبي" أو صاحب المركب .. لكنه الهوس بالألقاب.
ويبدو أن فوضى الألقاب التي عمت الشارع المصري منذ سنوات ليست سوى جزء من الفوضى العارمة التي أصبحت تحكم حياتنا والعشوائية في كل شئ حتى في مظاهر التقدير والتبجيل والاحترام!
أعتقد إن الفكرة وصلت .... ولو موصلتش إستناها إنتا وكلها شوية وقت وهتوصل .. .. .. إنتا عارف بقا المواصلات :p
حد ناوي يتناقش ويقول رأيه ؟ ... ولا ألم أنا حاجاتي وأروح :p
Hopeful Girl 08-10-2010, 05:11 PM أنا عايزة أشارك فى الموضوع ده لو حضرتك سمحت طبعا.
انت بنفسك قولتها ان المصريين بيحبوا دائما يتعاملوا مع بعضهم بالألقاب وده طبعا لأنهم بيحبوا دائما يحترموا اللى بيتعاملوا معاه فده مش يمنع وجود كل الالقاب دى ولا انت رأيك ايه:039uw8:
**تسابيح** 08-10-2010, 05:51 PM وفيه بردو يامعلم
أخي هي عادة أكثر من أي شيء آخر
لقد اعتدنا علي ذلك
عن نفسي بنكسف أقول كدا
الرجال أكثر من يستعملوا هذه الكلمة
يمكن لو مش عارفة اسم اللي بيكلمك تقوله اي شيء
من الحاجات دي ياباشا ياهندسة ...:d
او لو بين الأصحاب وبعضهم أيوة ياريس
يامعلم ..يامان
حاجات غريبة الصراحة !!
وفيه ناس بستخدمها للاحترام
او للتمجيد ..
بس خلاص بقت تجري في دمنا كمصريين
متميزيين في كل شيء
شكراا لك أخي
وردة امل 08-10-2010, 06:14 PM الالقاااب اختلفت
من وقت للاخر ... لكن الملفت انها مش بتتقال في محلهاا
يعني اي حد ايا كان دلوقتي
بقى بيه وباشمهندس وباشا وعمده
وكل حااجه ما شاء الله
ومفيش منها دااعي اصلا
وللاسف فى بعض ناس لازم تناديه بهذا اللقب ولو ناديته باسمه فقط كانك عملت جريمة او شتمته:angry2:
وهو ده ال فالحين فيه المصريين
لانه تقريبا الشعب الوحيد ال لازم يكون له القاب:d
abosalah_crazyboy 09-10-2010, 01:07 PM أنا عايزة أشارك فى الموضوع ده لو حضرتك سمحت طبعا.
انت بنفسك قولتها ان المصريين بيحبوا دائما يتعاملوا مع بعضهم بالألقاب وده طبعا لأنهم بيحبوا دائما يحترموا اللى بيتعاملوا معاه فده مش يمنع وجود كل الالقاب دى ولا انت رأيك ايه:039uw8:
'طبعاً أسمح ومن غير إذني كمان .... ده إنتي تنوري الموضوع والله
أنا شايف إن لو الألقاب دي القصد منها التعبير عن الحب والإحترام يبقى تمام مفيهاش مشكلة .... إنما أنا بتكلم عن الفوضى .. ألقاب من غير صاحب ...كله بقا بشمهندس و كابتن ( بالرغم إن محدش فيهم درس هندسة ولا لهم ف الكوورة ) ... وبعدين فين الإحترام لما أقول لحد يا نجم ويا معلم .. بيتهيأ لي بقت إستسهال ونفاق زايد من عندنا لو مكنتش غلطان
abosalah_crazyboy 09-10-2010, 01:11 PM وفيه بردو يامعلم
أخي هي عادة أكثر من أي شيء آخر
لقد اعتدنا علي ذلك
عن نفسي بنكسف أقول كدا
الرجال أكثر من يستعملوا هذه الكلمة
يمكن لو مش عارفة اسم اللي بيكلمك تقوله اي شيء
من الحاجات دي ياباشا ياهندسة ...:d
او لو بين الأصحاب وبعضهم أيوة ياريس
يامعلم ..يامان
حاجات غريبة الصراحة !!
وفيه ناس بستخدمها للاحترام
او للتمجيد ..
بس خلاص بقت تجري في دمنا كمصريين
متميزيين في كل شيء
شكراا لك أخي
الموضوع نور بوجودك والله يا / نسابيح
أنا متفق معاكي إنها عادة .. ومش عادة وحشة أوي يعني ... وطبعاً منتشرة بين الرجالة أكتر بكتير من الستات ( لأن الستات بتكره بعضها .. مفيش واحدة منهم تنادي واحدة بلقب وتكبر من مقامها :p ... لازم تقولها إنتي يا بت :039uw8: ... )
أما بالنسبة لموضوع اللي مش عارف إسمه ... ممكن أقوله يا أخ ( زي ما سيادتك تفضلتي وقولتي ) ... ويا أستاذ .. وغيرها كتير ....... بصراحة أكتر حاجة بتغيظني يا مان دي ... بتفجر لي المرارة .. اللي هيا أصلا إتفجرت من زمان :p
عموماً .. شكراً على إهتمامك وعلى الرد ... وأتمنى إن الموضوع يكون عجبك
abosalah_crazyboy 09-10-2010, 01:15 PM الالقاااب اختلفت
من وقت للاخر ... لكن الملفت انها مش بتتقال في محلهاا
يعني اي حد ايا كان دلوقتي
بقى بيه وباشمهندس وباشا وعمده
وكل حااجه ما شاء الله
ومفيش منها دااعي اصلا
وللاسف فى بعض ناس لازم تناديه بهذا اللقب ولو ناديته باسمه فقط كانك عملت جريمة او شتمته:angry2:
وهو ده ال فالحين فيه المصريين
لانه تقريبا الشعب الوحيد ال لازم يكون له القاب:d
على فكرة مش إحنا بس اللي بنستعمل ألقاب .. كل الشعوب كمان بتستعمل ... تلاقي في إتجلترا مثلاً مستر / عباس :).. ومس / نحمده :) ... هيا الحكاية بس زايدة عندنا شوية ... وخير يعني ... حاجةكويسة مش وحشة
اللي عاوز أقوله علشان متفهمش غلط :::: أنا مش ضد الموضوع ده .. إنه يبقى فيه إحترام بين الناس وكل واحد أناديه بلقبه ... حتى العيل الصغير مش لازم نقوله يالا ... ممكن نقوله يا دكتور ويا بش مهندس ... مش تريقة ... بس حاجة تشجعه إن يبقا كده .. واللي متعرفوش ممكن نقوله أستاذ أو مستر :) ... زي إنجلترا :blush: ... بس بلاش يا مان ويا ريس ويا معلم
coody 09-10-2010, 08:17 PM انتا قلت تقريباً مقدمة بس
انا و انا داخل محل كشري
عن تسليم الكشري بسمع القاب غريبة جداً
هي دلوقت بقت زي عادة كده
صاحب بيكلم صاحبه يقولك ياسطي
مع ان دي بتاعت السواقين
بحس انها في بعض الاحيان تريقة
الله اعلم اصلها جه منين
بس انا مش شايف انها هاتكون مؤثرة اوي في مجتمعنا
لان احنا بلد مش بتعترف الا بالورق
و لما يبقي معاك ورقة خلاص
تبقي حر
بس
و تقبل مروري السريع علي موضوعك
**تسابيح** 10-10-2010, 12:27 PM الموضوع نور بوجودك والله يا / نسابيح
أنا متفق معاكي إنها عادة .. ومش عادة وحشة أوي يعني ... وطبعاً منتشرة بين الرجالة أكتر بكتير من الستات ( لأن الستات بتكره بعضها .. مفيش واحدة منهم تنادي واحدة بلقب وتكبر من مقامها :p ... لازم تقولها إنتي يا بت :039uw8: ... )
أما بالنسبة لموضوع اللي مش عارف إسمه ... ممكن أقوله يا أخ ( زي ما سيادتك تفضلتي وقولتي ) ... ويا أستاذ .. وغيرها كتير ....... بصراحة أكتر حاجة بتغيظني يا مان دي ... بتفجر لي المرارة .. اللي هيا أصلا إتفجرت من زمان :p
عموماً .. شكراً على إهتمامك وعلى الرد ... وأتمنى إن الموضوع يكون عجبك
لديك حق أخي الفاضل
وبالذات في كلمة مان دي
مصطلح أجنبي ليه نقوله أصل ....
معظم اللي بيستخدم الألقاب دي
هم عادة زي ما قلت
بس فيه ناس بستخدمها لما تكون مش عارفة اسم اللي ادامها
يقابل واحد في الشارع وعايز ينادي عليه يقول (لو سمحت ياكابتن ...ياأستاذ..يافندم ....)
أو واحد لما يكلم واحدة عشان مش يتجاوز حدوده
واحترام بردو يقولها أيوم يافندم مع حضرتك ...يعني كداا
... حتى العيل الصغير مش لازم نقوله يالا ... ممكن نقوله يا دكتور ويا بش مهندس ... مش تريقة ... بس حاجة تشجعه إن يبقا كده .. واللي متعرفوش ممكن نقوله أستاذ أو مستر :) ... زي إنجلترا :blush: ... بس بلاش يا مان ويا ريس ويا معلم طيب ما احنا بردو ممكن نشجع الكبار
ونقول ياريس يمكن يبقي ريس في المستقبل ولا حاجة:d
ويامعلم يفتح محل لحمة ويرحمنا من الأسعار دي:d
اظن يامعلم دا بتتقال للجزار
عندنا في بلدنا كل واحد له لقب الجزار له لقب
وكل حرفي ليه لقب
عشان مش نزعل حد
موضوع متميز جداا
شكراا أخي
كرومبو2011 11-10-2010, 11:43 PM كلام جميل
وشكرا على الموضوع ياباشا
fatakat400 13-10-2010, 01:19 PM هههههههههههههههههههههههههههههههههههه
فكرتنى انا اخواتى حاليا بيقلولى انا ياسطى
ده تفسيرها ايه تشجيع لترك التعليم واتجاه للعجل والموتسيكلات
الله اعلم
وبعدين بس معدتش تخاف على المراره
مان بقت قديمه واتغيرت الجديده ماو
يلا تغيير تغيير
abosalah_crazyboy 13-10-2010, 08:36 PM لديك حق أخي الفاضل
وبالذات في كلمة مان دي
مصطلح أجنبي ليه نقوله أصل ....
معظم اللي بيستخدم الألقاب دي
هم عادة زي ما قلت
بس فيه ناس بستخدمها لما تكون مش عارفة اسم اللي ادامها
يقابل واحد في الشارع وعايز ينادي عليه يقول (لو سمحت ياكابتن ...ياأستاذ..يافندم ....)
أو واحد لما يكلم واحدة عشان مش يتجاوز حدوده
واحترام بردو يقولها أيوم يافندم مع حضرتك ...يعني كداا
طيب ما احنا بردو ممكن نشجع الكبار
ونقول ياريس يمكن يبقي ريس في المستقبل ولا حاجة:d
ويامعلم يفتح محل لحمة ويرحمنا من الأسعار دي:d
اظن يامعلم دا بتتقال للجزار
عندنا في بلدنا كل واحد له لقب الجزار له لقب
وكل حرفي ليه لقب
عشان مش نزعل حد
موضوع متميز جداا
شكراا أخي
لا لا أنا مش أد الكلام ده ... مشاركتين للمبدعة تسابيح النجوم في موضوع متواضع ليا ...
على فكرة يا تسابيح ... أجمل حاجة بتقوليها كلمة أخي ... تقريباً مفيش حد بيقولها دلوقتي وكأننا نسينا أو تناسينا " إنما المؤمنون أخوة " وبعز عزيز أو بذل ذليل خلينا المسلمين كباتن وبشمهندسين من غير داعي ومن غير لازمة
ممكن برضه جمب المعلم الجزار و الريس ... نشوف لنا واحد بتاع طماطم يحل الأزمة ... بس يا ترى هناديه بإيه ؟؟؟
ملحوظة رفيعة ::: في المنوفية بس تقولوا عندكو يا ريس ... لأن قصر الرئاسة مبيدخلوش إلا من المنوفية من عندكو ... إنما المحافظات التانية زي الشرقية ....غلابة يا عيني .. أقولك على حاجة أفضل ... بلاش موضوع الرئاسة كله وخلينا ساكتين أحسن ليا وليكي ... أصل السجون مش ناقصة ...... ولازم تفتكري الثلاثية الشهيرة
1- إمشي جمب الحيط يحتار ..........
- الحيطان ليها ودان ..... و ربنا يكفينا شر ولاد الحرام
والثالث بصراحة مش فاكرة ... أعتقد إنه : إن كبر إبنك خاويه
abosalah_crazyboy 13-10-2010, 08:42 PM كلام جميل
وشكرا على الموضوع ياباشا
ردك أجمل ومروك أروع .. شكراً على مرورك يا ريس وإن شاء الله تنورنا في مواضيع تانية يا زعيم :d
هههههههههههههههههههههههههههههههههههه
فكرتنى انا اخواتى حاليا بيقلولى انا ياسطى
ده تفسيرها ايه تشجيع لترك التعليم واتجاه للعجل والموتسيكلات
الله اعلم
وبعدين بس معدتش تخاف على المراره
مان بقت قديمه واتغيرت الجديده ماو
يلا تغيير تغيير
بص يا أسطى ..... أقصد يا فتكات 400 ... أسطى دي ملهاش غير معني واحد بس .... إنك تتجه للميكروباصات وبيكسبوا جامد والله ( ربنا يبارك لهم )
بالنسبة للمرارة ... هيا خلاص رااااااااااااااااااااااااااحت
*** ماو .. إيه اللقب ده يا عم ... مان أرحم والله ... وبعدين ماو دي مش مدية على صيني شوية
شوف يا أخي ... سبحان الله كل حاجة بقت صيني حتى اللقب ....... لكي الله يا مصر
AbdElRaHMaN Vip 14-10-2010, 05:50 AM شكرا يا نجم
d:
abosalah_crazyboy 18-10-2010, 03:27 PM شكرا يا نجم
d:
العفو يا ريس :d >>>> أتمنى إن الموضوع يكون عجبك ... وشكراً على الرد يا عبدالرحمن
مستر ايمن محمد راشد 20-10-2010, 04:34 PM هو الموضوع شامل جدا للالقاب ولكن انا عندى سؤال لو حضرتك قابلت واحد وانته عاوز تسألو عن حاجة ومتعرفش اسمه هتقولو ايه ؟؟؟
على فكرة المدرس مازال محافظ على لقبه ألا وهو الأستاذ ....
شكرا على الموضوع
|