الاختلاف في الرأي يفسد للود قضية ..!! [الأرشيف] - بوابة الثانوية العامة المصرية

مشاهدة النسخة كاملة : الاختلاف في الرأي يفسد للود قضية ..!!

**تسابيح**

09-10-2010, 12:16 PM

السلام عليكم ورحمة الله وبركاته
بصراحة أنا مش عارفة حصل ايه !!
يعني عشان انا مختلفة مع حد في وجهه نظره يبقي الشخص يهاجمني
كشخصي وليس كفكر ليه دايما كدا
لما نتخلف كأن اللي قصدنا دا بيختلف معانا عشان هو يقصد كدا !!
مش بس كدا
يبقي فيه خلافات شخصية بيننا وممكن كمان توصل للتجريح!!
كأن الناس نسيت ان فيه حاجة اسمها اختلافات في وجهات النظر
بسبب المجتمع والبيئة والتعليم والفكر ..مش شرط كل الناس
توافق ع كلامي مش لازم طبعا بس الشرط
اننا نحترم بعرض ومش نتهم بعض اتهامات جزافية :bosyht9:
او لما نرد ع مواضيع بعض نعمد اننا بخرج عن اطار الموضوع والحوار
ونكلم في مشاكل انتهت وانتهت النقاش فيها ..
فاكرة ايام الجدار الفولاذي كنت كتبت موضوع
عنه واني ضد الفكرة فيه ناس كانت موافقة
وناس كانت ضدي كفكر وليس كشخصية ...
وكان فيه نقاش جامد في الموضوع دا
كل واحد في النهاية بئا ثابت علي رأيه بس في الأول والآخر
محدش بئا قال تسابيح مش انت اللي كنت معترضة ع فكري
ليلتك سوخة :o...ويدخل في في اي موضوع تاني ليه ويتكلم كلام مش ليه علاقة!!
بس عشان يصفي حساب !!لا طبعا محصلش
بالعكس النقاش كان بيسير في إطار محدد فقط خارج اطار الموضوع شياء تاني!
نفس الحكاية في موضوع الجزائر كنت مع الجزائر قلبا وقالبا
وضد كلام كثير من الأعضاء وقتها ومازلت:)
بس محدش وقتها اتهمني اني مش باحب وطني مصر ولا اني خاينة وعميلة ولا حاجة !!!
كل واحد فينا كان بيقدم وجهه نظره وليه هو متأخذ الفكر كداا
رغم ان فيه ناس بجد بحترم وجهه نظرهم بس ف الموضوع دا بالذات كنت مختلفة معاهم ومع ذلك فصلنا أخوات ومحدش كان بيجرح في شخصي
أو اتخذ موقف ضدي عشان كلامي مش عاجبه !! أكيد لا ...:bosyht9:
صحيح أنا مشرفة ع العام وفي ايدي
استخدم الصلاحيات اللي معايا أحسن استغلال
زي الحذف وتحرير المشاركة أو حتي حذف الموضوع دا كله ...
ممكن أعمل كل دا ومحدش هيقول حاجة لأني بعمل اللي مفروض يتعمل
بس انا دلوقتي حررت المشاركة يمكن القيامة مين اللي هيحررها!!
اننا نطن في ناس وبكلام مش فيه ريحة الصحة
أكيد ربنا هيحاسبنا علي كل كلمة بنكتبها في المنتدي
المنتدي جزء من الواقع مش خيال وخلاص
انا عن نفسي استفدت جداا جداا من المنتدي ومن الأعضاء ومن المدرسيين اللي هنا ..يمكن أول ما سجلت عن فكري ينحصر في المذاكرة وكدا
ومش كنت بخرج من الأقسام التعليمية بعد كدا اكتشفت
اجتماعات والعام ..عرفت أفكار ناس كثيرة جداا وقتها مش كنت بقدر اتحاور معاهم فكري مكنش وصل للمرحلة دي بجد يمكن بعضهم مش موجود في المنتدي لكن لسه تأثير فكرهم صاحب فيه وغير حاجات كثيرة فيه ..
دايما لازم تعرفوا ان ممكن من كلمة تغير حياة شخص من حالة وحشة
لحالة متزنة وتغير مفاهيم مش لازم تكتب مواضيع الرد ذات نفسه
ممكن يغير ...والتفكير الراقي ..والحوار الأرقي ...
شئنا أم أبينا لازم نختلف الاختلاف سنة الحياة
بس اللي مرفوض هو الاتهامات والتحيز لفكري ورفض فكر الآخر عشان هو مخالف ... لازم يكون فيه الفكر المخالف واللي مش مخالف عشان نقدر نعرف الصح من الغلط ...!!
دمتم في رعاية الله
تسابيح

THE CodeR

09-10-2010, 12:49 PM

مش هايستمر نقاش فيه توافق لوجهات النظر كلها
لو مكانش في تباين في وجهات النظر مش هايستمر اي نقاش
و جوهرة النقاش هو وجهة النظر
و المناقش العاقل المتميز هو اللي يقدر يوصل للناس وجهة نظره و يقنعهم بيها من دون اي تجريح او شوشرة
عمل شوشرة في النقاش او اي تجريح بيكون دليل علي ضعف موقف المناقش
و كمان بتكون فاتحة علي مخالفات كتيرة أو خلافات قد تصل لكونها عداوة بين اثنين من المناقشين
و دايماً تلاقي اللي بيناقش بعقل و حكمة الناس في صفه
علشان كده الهدوء و الادب هما حدي المناقشة
لو واحد خرج عنهم يحق للتاني انه ينسحب من النقاش
و ده موضوع مهم جداً لان كتير من الاعضاء ميعرفوش اخلاقيات الحوار و النقاش بتكون ازاي

موضوعك جميل كالعادة يا تسابيح النجوم و تقبلي مروري المتواضع

sympathique

09-10-2010, 01:01 PM

fatakat400

09-10-2010, 01:34 PM

توبيك متميز وهادف كعادتك ياتسابيح وانا متفقه معاك فى كل كلمه

مشكوره

**تسابيح**

09-10-2010, 03:11 PM

**تسابيح**

09-10-2010, 03:13 PM

انا معكى ياتسابيح فى كل اللى انتى قلتيه

بس ياريت الكل يسمع كلامك ويكون الاختلاف فى وجهات النظر فقط

ويبعدوا عن السخرية والتهكم فى الردود من الاعضاء والتجريح فيهم

واتهامهم باشياء ........

دمتم فى رعاية الله

يكون فعلا الاختلاف في وجهات النظر
واحنا كمان لازم نكون صدرنا واسع وننسي الإساءة وننكبر
للي فات ونبدأ صفحة جديد مع اي حد فهم وجهه نظرنا غلط
حتي اللي بيتهكم
الكلام المحترم بيجبر اي حد انه يعدل اسلوبه
شكرراا لك أخي

**تسابيح**

09-10-2010, 03:13 PM

توبيك متميز وهادف كعادتك ياتسابيح وانا متفقه معاك فى كل كلمه

مشكوره

شكراا حبيبتي
جزيت خيراا

Mr. Ali 1

09-10-2010, 05:19 PM

لأ يا تسابيح مش الكل حيراعي ان الاختلاف في الرأي
لا يفسد للود قضية !!
سيظل دائماً أنس تحب وتعشق الاختلاف لمجرد الاختلاف !!
وسيظل دائماً أنس تختلف دون مراعاة لأسلوب وطريقة
الاختلاف !!
ده بيكون طبع في الانسان وتركيبة شخصيته كده !!
وكمان بيكون شايف نفسه صح ولا يري في أسلوبه
أي أخطاء أو تجاوزات !!
وعن نفسي جربت معاتبة بعض الأعضاء علي ردودهم
وتعليقاتهم والتي خرجت عن حدود أداب الحوار واحترام
الرأي الأخر في محاولة مني للفت انتباههم , ولكن ظل
الأمر كما هو عليه ولا حياة لمن تنادي !!!
الاختلاف يا تسابيح لابد وأن يكون مبني علي دليل يؤيده
والا كان الاختلاف لمجرد الخلاف وبهذا يكون النقاش بلا جدوي
أو فائدة , هذا بالاضافة إلي الالتزام بحدود أداب النقاش وعدم
القاء التهم علي الأخر بشكل جزافي !!
ومن يلجأ لهذا الأسلوب هو شخص ضعيف وفارغ الفكر والرأي !!
وبما انك مشرفة في هذا القسم , ومن ضمن صلاحياتك حذف
المشاركة المخالفة , فعليك بذلك . أما حذف الموضوع كله , فلم
أفهم كيف يحذف الموضوع كله !! لأنه من المؤكد ألا يحذف موضوع
بسبب وحود مشاركات مخالفة فيه .
وانا قلتها قبل كده , علماء الدين الأجلاء اختلفوا في الرأي ولم ينكر
أحدهم علي الأخر علمه وفقهه !!!
وهذا في الدين , فما بالنا بما هو دونه !!!
ربنا يهدي الجميع ويصلح ما في نفوسنا .

ضياء الدين سعيد

09-10-2010, 05:29 PM

**تسابيح**

09-10-2010, 06:41 PM

**تسابيح**

09-10-2010, 06:56 PM

كلامك كله مظبوط يا تسابيح

فى أعضاء مش بتفهم كدا
لا دا ساعات الموضوع بيكون بيتكلم فى حاجه
وهو يقع يشكك فيك أنت
زى ما أحد الأعضاء المحترمين
قالى فى نقاش
هو انت قضيت الخدمة العسكرية لبلدك ولا هربت منه قبل ما تسيب مصر؟
دا كل دا عشان قلت أرحمينا يا حكومه
ساعات اللى بيقول الحق
ناس كتير بتتهمه بأنه مش وطنى
وإذاى تقول كدا على مصر
على الرغم إننا مش بنقول غير الواقع

كان كل أهتمامى
باللغة الفرنسية
وإبداعات الأعضاء

ولما دخلت العام بالصدفة
لقيت فيه مواضيع تستحق النقاش

بس للأسف
الظاهر إن فى ناس مش عايزا تفهم إن فى أختلاف فى الأراء
ودايماً تشوف نفسها صح
وبقية الناس كلها غلط

فعشان كدا أسلم حل

ما علينا;);)

تسلمى على الموضوع الشيق دا يا تسابيح

شكراا لحضرتك أستاذ ضياء
أنا مش بتكلم عن حد معين
انا بتكلم بوجهه العموم
كل اللي ف المنتدي محترميين طبعا
بس اللي بيحصل وعاش اختلافات طفيفة
نخسر بعض أكيد دا اللي مش مقبول
كل واحد حر في رايه
بس المهم الاحترام لوجهه نظر الآخرين
لاننا بختلف في التربية والنشأة والطبع والبيئة والثقافة
في كل حاجة
فأكيد لازم يكون فيه اختلاف

ضياء الدين سعيد

09-10-2010, 07:13 PM

شكراا لحضرتك أستاذ ضياء
أنا مش بتكلم عن حد معين
انا بتكلم بوجهه العموم
كل اللي ف المنتدي محترميين طبعا
بس اللي بيحصل وعاش اختلافات طفيفة
نخسر بعض أكيد دا اللي مش مقبول
كل واحد حر في رايه
بس المهم الاحترام لوجهه نظر الآخرين
لاننا بختلف في التربية والنشأة والطبع والبيئة والثقافة
في كل حاجة
فأكيد لازم يكون فيه اختلاف

ولا أنا يا تسابيح بتكلم على حد معين
الناس هنا كلها تمااااااااااااااااااااااااااام
بس ساعات فى أعضاء بتحاول تهرب من النقاش العام فى الموضوع
وبتتصلب عشان تخرج من نص الموضوع

الفلاح الفصيح2011

09-10-2010, 07:18 PM

وردة امل

09-10-2010, 07:47 PM

ان النقاش السليم والمبني على اسس

احترام الراي وان لكل منا شخصه

وتعامله مع الامور بمنظوره الخاص يجب

ان لا يفسد العلاقات والتواصل بين

الجميع وفى النهاية احنا في نقاش لا اكثر

فلا يجب علينا الخروج عن الموضوع

فكل منا

يصر على رايه وانه الصح ومش مستعد

ان يناقش او يستوعب الاخر

ومن هنا تبدأ الصراعات والمشاكل

فيفسد كل امر وكل هدف

هدا الله عباده والهمهم للصواب

موضوع جميل كالعادة يا تسابيح
:):):)

الفلاح الفصيح2011

10-10-2010, 06:32 AM

انا معكى ياتسابيح فى كل اللى انتى قلتيه

بس ياريت الكل يسمع كلامك ويكون الاختلاف فى وجهات النظر فقط

ويبعدوا عن السخرية والتهكم فى الردود من الاعضاء والتجريح فيهم

واتهامهم باشياء ........

دمتم فى رعاية الله

ياراجل دا أنت أستاذ ورئيس قسم فى السخريه من كلام الناس
والدليل ردك الجميل على معظم المشاركات الذى لايتغير وهو
(---------------------------------)
هات لى أى عضو فى البوابة كلها بيعمل كدا غيرك
ياريت تغير علشان نعرف حدودك وامكا نياتك العلميه والثقافيه وأراءك
ياحضرة الطالب الجامعى :078111rg3:

**تسابيح**

10-10-2010, 11:58 AM

استنوا استنوا استنوا
اللهم اجعله خير
هو تجرأ كلب الدنمارك على الإساءة لأشرف خلق الله
إلا بزعم احترام الرأى الأخر
هى الفتوى والفتوى المضادة ظهرت إلا فى زمن احترم رأيى يا متحضر
هو تجرأ من ليس له فى الدين بالحديث فى الدين إلا من خلال هذا المنطق
كان باقى شوية وتقولوا علينا احترام رأى حتى من يسىء للمولى سبحانه وتعالى
صلوا على النبى ياجماعة كدا
وياريت يا أخت تسابيح تضيفى فقرة صغيرة وهى ليس فى كل الموضوعات يجب احترام الرأى
وكذلك الاساءه ليل ونهار لبلد الأزهر الشريف كجمله وقطاعى
نفسى أشوف واحد جرىء بيسب الحكومه والنظام
إنما المصرى الغلبان هو ياعينى اللى بيشيل الليله كلها سب وشتيمه ةإساءة لأخلاقه وتاريخه
ياسادة لا تنطبق هذه القاعدة على كل الموضوعات
وإلا سنجد عبدة الشيطان والبهائين بيننا يقولون مايشاءون وماعلينا إلا احترام الرأى حتى لوتطاولوا على الذات الإلهيه
وأتحدى لو واحد جاب لى رد جاف على زميل وجه كلامه للنظام أو الحكومه
دول بيشيلوا ويحطوا على دماغ الشعب المطحون وكأنه ناقص
صلوا على النبى فى قلبكم
حلو الموضوع يا أخت تسابيح
جزاكى الله خيرا
لكن ياريت تضيفى فقرة إلا فى بعض الموضوعات حتى لاتتحملى ذنب جراء ماسيفعله من يقفون بجوار البوابة ومنتظرين هذا التصريح
شكرا لكم
أستاذي الفاضل
هناك شيء يسمي أنت حر ما لم تضر
طالما لا تضر الآخريين يصبح لديك الحرية الكاملة في كل شيء
أم التعدي ع عقائد الآخريين وديانتهم فهذا مرفوض تمام
كما ان حديثي خارج نطاق هذه النطقة...
أكيد أتحدث عن وجهات النظر في الامور العادية
كما قال الأستاذ علي حتي العلماء يختلفون في وجهات النظر
في الأمور الشريعة
يعني الاختلاف هذا واحترام الآراء هذا موجود وفي ديننا
لا احد فيهم تجرأ علي الآخر وتهمه بالكفر والعياذ بالله
لمخالفة رأيه
هذا ما اقصده الاختلاف في أي موضوع حياتي وكل واحد يتحدث
ويقول حسب تجاربه وخبراته
ولا أحد يتجاوز حدوده مع الآخر بدعوة لازم توافق علي رأي
عشان أنا صح دائما
لا أحد معصوم من الخطأ وكلنا هنا لنتعلم من الآخر
هذا ما أردت قوله
والله أعلم ما في قلبي..

**تسابيح**

10-10-2010, 11:59 AM

الفلاح الفصيح2011

10-10-2010, 01:09 PM

أستاذي الفاضل

هناك شيء يسمي أنت حر ما لم تضر
طالما لا تضر الآخريين يصبح لديك الحرية الكاملة في كل شيء
أم التعدي ع عقائد الآخريين وديانتهم فهذا مرفوض تمام
كما ان حديثي خارج نطاق هذه النطقة...
أكيد أتحدث عن وجهات النظر في الامور العادية
كما قال الأستاذ علي حتي العلماء يختلفون في وجهات النظر
في الأمور الشريعة
يعني الاختلاف هذا واحترام الآراء هذا موجود وفي ديننا
لا احد فيهم تجرأ علي الآخر وتهمه بالكفر والعياذ بالله
لمخالفة رأيه
هذا ما اقصده الاختلاف في أي موضوع حياتي وكل واحد يتحدث
ويقول حسب تجاربه وخبراته
ولا أحد يتجاوز حدوده مع الآخر بدعوة لازم توافق علي رأي
عشان أنا صح دائما
لا أحد معصوم من الخطأ وكلنا هنا لنتعلم من الآخر
هذا ما أردت قوله
والله أعلم ما في قلبي..

سبحان الله ولاحول ولاقوة إلا بالله

**تسابيح**

10-10-2010, 01:23 PM

سبحان الله ولاحول ولاقوة إلا بالله
أيوة طبعا خارج نطاق نطقة التهجم ع الرسول (صلي الله عليه وسلم )!!
أو اللي حرق بدعو الحرية لانها مش تعتبر حرية أصلا!!
لأنك بتؤذي الآخرين !!

شهر زاد عبدالله عيسى

10-10-2010, 01:29 PM

تسلمي أختي والله انا بجد موش عارفة اقول ايه موضوعك رائع لاتعليق سوى انه رائع وهادف وياريت يكون عندنا تقبل وجهات النظر كل واحد بيشوف المشكلة او اي شئ من زاويه تانية ياريت نستفيد من بعض وبلاش التشدد لازم نحترم رأي بعض حتى لو مخالف معانا وتقبلي مروري اختي وجزاكي الله كل خير

الفلاح الفصيح2011

10-10-2010, 01:35 PM

أيوة طبعا خارج نطاق نطقة التهجم ع الرسول (صلي الله عليه وسلم )!!
أو اللي حرق بدعو الحرية لانها مش تعتبر حرية أصلا!!
لأنك بتؤذي الآخرين !!

الحمــــــــــــد لله

(( أريــ الفـردوس الأعلى ــد ))

10-10-2010, 01:43 PM

كالعادة يا تسابيح النجوم مواضيعك دايما متميزة وهادفة ومفيش موضوع من مواضيعك قرأتة الا واستفدت منة ولازم فعلنا كلنا نحترم وجهات النظر ومش لازم عشان في اختلاف لوجهات النظر يبقى في هجوم وتعصب لازم نحترم وجهة نظر الشخص اللي قدامنا عشان نقدر نقنعة بوجهة نظرنا ويكون دة بأسلوب راقي وهادي ومحترم..
مشكورة يا تسابيح على موضوعك الجميل..
تقبلي مروري

**تسابيح**

10-10-2010, 02:22 PM

**تسابيح**

10-10-2010, 03:52 PM

نقاء الروح

10-10-2010, 04:09 PM

الاختلاف سنة الحياة
ولولا اختلاف وجهات النظر
ما كنا فعلنا شيئا ،
لكن ليس معنى ان شخص يختلف
فكره عن فكري
ان هو عدوي !!
فدائما ماتختلط لدينا المفاهيم

انها ثقافة نفتقدها في حياتنا ،
ثقافة تقبل الرأي والرأي الاخر ،

شكرا عالموضوع الرائع والمهم ياقمر
كعادتك دائما :)

**تسابيح**

10-10-2010, 04:11 PM

الاختلاف سنة الحياة

ولولا اختلاف وجهات النظر
ما كنا فعلنا شيئا ،
لكن ليس معنى ان شخص يختلف
فكره عن فكري
ان هو عدوي !!
فدائما ماتختلط لدينا المفاهيم

انها ثقافة نفتقدها في حياتنا ،
ثقافة تقبل الرأي والرأي الاخر ،

شكرا عالموضوع الرائع والمهم ياقمر

كعادتك دائما :)

شكراا حبيبتي
عندك حق
هي ممكن ثقافة بس ناس كثيرة فاقدة للثقافة دي !!
جزيت خيراا روحي:d

كرومبو2011

10-10-2010, 08:45 PM

شكرا على الموضوع الجميل

**تسابيح**

10-10-2010, 09:15 PM

الشكر لله
جزيت خيراا

روميو العيسوى

11-10-2010, 07:36 AM

شكرا
على هذا الموضوع

الأستاذة أم شاهندة

12-10-2010, 01:32 PM

أى ردود خارجة عن الموضوع الأساسى
سيتم وقف العضو صاحب المشاركة الشخصية فوراً
وهذا بمثابة تحذير
وبعده يتم وقف العضو المتجاوز

وفقكم الله جميعاً إلى ما يحب ويرضى

هانى الشرقاوى

12-10-2010, 04:10 PM

الله يا تسابيح
روعة

تعليقى هو
التباين والإختلاف أساس الحياة
والتعددية أساس الإبداع

**تسابيح**

14-10-2010, 07:15 PM

الله يا تسابيح
روعة

تعليقى هو
التباين والإختلاف أساس الحياة
والتعددية أساس الإبداع

فعلا عندك حق
جزيت خيراا

hopa_amer

14-10-2010, 09:00 PM

السلام عليكم ورحمة الله وبركاته
موضوع جميل ويستحق النقاش فعلا
نعيش الان فى عصر الأنا
الكثير من البشر لا ينظر إلا لذاته وفقط
وللأسف يعتقد واهما ان ذاته هى الافضل من الجميع
وهذا نابع من عدم الثقة بالنفس
ووجود نقص حاد فى المعرفة والعلم والخبرات الحياتيه
تحولنا من الإختلاف الى الخلاف
الاختلاف تعدد وتنوع قد يكون محموداً
"يخرج من بطونها شراب مختلف ألوانه"
"والدواب والأنعام مختلف ألوانه"
اما الخلاف
عدم الاتفاق (عادة نتيجة لاختلاف لم يصل فيه المختلفون لنتيجة واحدة), وقد يحتد ليصل إلى نزاع
"وما اختلفتم فيه من شيء فحكمه إلى الله"
"فإن تنازعتم في شيء فردوه إلى الله"
واعتقد ان النقاش اذا تحول من نقاش عقلى وفكرى الى نقاش العاطفه
يكون هذا بعينه التحول من الاختلاف المحمود الى الخلاف الممقوت
تقبلوا جميعا خالص تحياتى

**تسابيح**

14-10-2010, 09:08 PM

السلام عليكم ورحمة الله وبركاته

موضوع جميل ويستحق النقاش فعلا
نعيش الان فى عصر الأنا
الكثير من البشر لا ينظر إلا لذاته وفقط
وللأسف يعتقد واهما ان ذاته هى الافضل من الجميع
وهذا نابع من عدم الثقة بالنفس
ووجود نقص حاد فى المعرفة والعلم والخبرات الحياتيه
تحولنا من الإختلاف الى الخلاف
الاختلاف تعدد وتنوع قد يكون محموداً
"يخرج من بطونها شراب مختلف ألوانه"
"والدواب والأنعام مختلف ألوانه"
اما الخلاف
عدم الاتفاق (عادة نتيجة لاختلاف لم يصل فيه المختلفون لنتيجة واحدة), وقد يحتد ليصل إلى نزاع
"وما اختلفتم فيه من شيء فحكمه إلى الله"
"فإن تنازعتم في شيء فردوه إلى الله"
واعتقد ان النقاش اذا تحول من نقاش عقلى وفكرى الى نقاش العاطفه
يكون هذا بعينه التحول من الاختلاف المحمود الى الخلاف الممقوت
تقبلوا جميعا خالص تحياتى

وعليكم السلام ورحمة الله وبركاته
كلام حضرتك مضبوط فعلا
جزيت خيراا
شكراا لحضرتك