مشاهدة النسخة كاملة : مشكله جامده في العربي ارجو الحل
Hafez Gera 13-10-2010, 06:25 AM السلام عليكم ورحمه الله
باختصار شديد اوي يا جماعه انا في ثانيه ثانوى اللغه العربيه معقدانى على الاخر ومش عارف اذاكهرا
يعنى اقدر اقول ان كل المواد سهله ماعدا ده اللي معقدانى
مشكلتى فيها هي القرائه والقصه والادب
يا ريت حد يقولى على طريقه تسهل الموضوع بالنسبه لي شويه
بالمناسبه...انا علمى
EMINEM - the teen version 13-10-2010, 12:32 PM نفس المشكله عندى...........+النحو أنا أبيض تماما فيه طول عمرى بكره النحو لدرجه أنى 80% من الأعراب بيبقى غلط
SwOrD OF JusTice 13-10-2010, 05:50 PM ياعم بوس ايدك وش وضهر انا فى النحو كل الاعراب بيبقى غلط ومبعرفش اطلع ولا استخراج
red-code 13-10-2010, 09:45 PM ههههههههههههههههههههههه
وانا زيكوا بالظبط النحو ده حاجه كده لوحدها ببقى داخل الامتحان وعارف ان انا مش هحل حاجه فيه خاااااالص :)
ياريت لو فى حل على النحو بالذات
ThèGôldènBôy 13-10-2010, 11:06 PM ههههههههههههههههههههههههههههههه
وانا كمان بس انا مبعرفش الفعل من الفاعل من المفعول ولا الخبر ولا المبتدء يا جدعان احنا شكلنا هنضيع
ربنا يستر
SwOrD OF JusTice 14-10-2010, 12:19 AM ماشاء الله ماشاء الله باين اننا جيل ملوش فى النحو ههههههههههه
emyemo 14-10-2010, 12:24 AM انا فى 3 ثانوى
و كنت زيكو و كنت بكرة حاجة اسمها نحو
بس لما حليت كتير و اخدت علية والله العظيم بقى اسهل حاجة و بقيت كل حصة عاوزة اخد نحو
نحو سنة 2 ثانوية سهل جدا و الاستخراج كلة من المنهج مافيش حاجة برة المنهج يعنى محدد
mostafa_gamal2 14-10-2010, 05:20 PM لية بجد انا لما كنت فى اولى وثانية كنت بقول نفس الكلام وان النحو صعب والكلام دة بس هوا عايز تركيز وهتلاقى بتحبو انا جبت فى العربى ثانية ثانوى 28 من 30 يعنى كويس وبجد العربى مفهوش ادنى مشكلة فقط تركيز
محمود سماحة 14-10-2010, 07:47 PM يا رجالة انتوا داخلين ثانوية عامة لية؟؟؟؟؟؟؟؟؟؟ علشان تتمرقعوا ((((ماينفعش)))
Hafez Gera 15-10-2010, 01:03 AM ههههه
النحو ده سهل جدا
بس محدش قالي حل بردو في مشكلتى؟؟؟؟!!!
Mostafa Walid 16-10-2010, 09:29 PM ههههه
النحو ده سهل جدا
بس محدش قالي حل بردو في مشكلتى؟؟؟؟!!!
اتصدق بردوا انا بحب النحو جدا واستاذ الرياضة قلى اللى بيحب الرياضة بيحب النحو وانا عاشق للرياضة لكن بقيت فروع العربى كلها خنيقة ومقرفة وبتتنسى بسرعة جدا جدا والواحد مش بيعرف يذاكر اكتر من درس منها فى يوم واحد يعنى ماده بصراحة اتخنقت منها اوى بس الواحد بيعمل اقصى ما فى جهده بس انا لو عليا نفسى يلغوا العربى :blush:
Doctor S.E 16-10-2010, 11:36 PM عى فكره انا كمان مكنتش بكره في حياتي غير النحو
دلوقتي فعلا و الله بقيت اتمنى كل حصه تبقى نحو احسن من القراءه و القصه و الادب
فعلا بقى سهل جدا عارفين ليه لان المستر بتاعنا بيخلينا نعرب قطع كامله يعني مثلا مقاله و نعربها من الالف الى الياء فسهله كتييييير
و انا برضو جدتي موجهه لغه عربيه كانت بتقول الشاطر في النحو شاطر في الرياضه ...لانها قاعده و بيتطبق عليها
ربنا يوفقنا جميعا و على راي الي قال ....احفظ زي الجموسه تعدي زي الناموسه
يعني مشوا السنه دي بالطول و لا بالعرض خلونا نخلص
Dr.Abeer 19-10-2010, 09:46 AM يا جماعة عندى ليكو حل على قناة الرحمة كل سبت الساعة 3و15 دقيقة الاستاذ احمد منصور شرحة رائع و ممكن تحمل الحلقات الفائتة من موقع القناة وادعوا لى
coody 19-10-2010, 01:46 PM النحو الحاجة الوحيدة اللي بتشغل الدماغ في العربي فلازم تهتم بيه جداً
اما باقي الفروع فكلها حفظ ماعدا البلاغة اللي بتحتاج فهم شوية
محدش بيحب يذاكر عربي لكن مضطر انك تذاكر عربي
الفكرة اني بحاول احفظ و خلاص
اما النحو فباخده علي انه مادة تفكير و هي بتعتمد علي مدي فهمي و استيعابي للكلام اللي قدامي مهماً كان معقد
علشان كده بستمتع بيه
اما باقي الفروع حفظ
و ربنا يقوينا علي الحفظ
و تقبل مروري
#sooma# 20-10-2010, 11:01 PM انا احلي حاجه بحبها النحو
انما باقي الفروع مش طايقاها وكارهه حاجه اسمها عربي السنه دي
وخصوصا القصه والادب ربنا يسترررررررررررر
loka hema 26-10-2010, 08:45 AM والله مناهج تانية بالنسبة لتالتةكلها
هزاااااااااااااااااااااااااااااااااااااار
ولعب عيال
شدوا حيلكوا شوية يا رجالة تالته اصعب والمناهج فيها اطول
|