مشاهدة النسخة كاملة : استفتاء لعمل ركن الخيمة الرمضانية
fares elnet 05-09-2007, 01:53 PM بسم الله الرحمن الرحيم
احبائى فى منتدى الثانوية العامة
السلام عليكم ورحمة الله وبركاتة
تحية طيبة وبعد
ايه رايكم لو نعمل موضوع خاص بشهر رمضان
ونسمية الخيمة الرمضانية
القسم ده هيكون خاص بالشهر الكريم
اللى موافق على الفكرة يدخل يصوت للموضوع
وقد جائتنى الفكرة من موضوع بنت العقيدة جزاها الله كل خير
وكل عام وانتم بخير ورمضان كريم
بنت العقيدة 05-09-2007, 01:56 PM موضوع جميل مش محتاج استفتاء جزاكم الله كل خير
mR . mOstafa Fathi 05-09-2007, 02:09 PM يسلمو
ايدك حسااام على الاستفتاء
وتم التصويت
نونا المصرية 05-09-2007, 02:18 PM موضوع اكثر من رائع يا حسام
وفكرة ممتازة جدا
بس بليز يعنى ممكن توضح اكتر موضوع الخيمة الرمضانية ده هنعمل فيه ايه بالضبط
fares elnet 05-09-2007, 02:38 PM شكرا لمرورك على الاستفتاء
يا نور
وان شاء الله سوف يكون خاص بالشهر الكريم
وهيكون فيه برنامج ختم القران الكريم وادعية
والاحاديث النبوية وشرحها وتفسير القران الكريم
وفتاوى ولقاءات الاعضاء وغيره ان شاء الله
ارجو انى اكون وضحت الفكرة وشكرا
_GUIDE_ 05-09-2007, 02:40 PM موافق جدا
شكرا على الفكرة
نونا المصرية 05-09-2007, 03:09 PM شكرا لمرورك على الاستفتاء
يا نور
وان شاء الله سوف يكون خاص بالشهر الكريم
وهيكون فيه برنامج ختم القران الكريم وادعية
والاحاديث النبوية وشرحها وتفسير القران الكريم
وفتاوى ولقاءات الاعضاء وغيره ان شاء الله
ارجو انى اكون وضحت الفكرة وشكرا
ما شاء الله برنامج اكثر من رائع جزاك الله خيرا
اللهم بلغنا رمضان
mR . mOstafa Fathi 05-09-2007, 03:11 PM يلا يا عم مرشد
افتح القسم
الاعضاء موافقة وان شاء الله الاستاذ اشرف موافق طبعا
بالتوفيق
fares elnet 05-09-2007, 03:53 PM شكرا يا جماعة علىالاهتمام
بالموضوع وهمتكم معانا وشكرا
MohammeD el_SadaT 05-09-2007, 04:00 PM طبعا موافق مش محتاجه كلام
MohammeD el_SadaT 05-09-2007, 05:50 PM يا جماعه فيه أقسام هتندمج فى بعضها
وبعدين دا شهر يستحق إننا نعمله منتدى مش قسم
وبعدين فيه فوق حاجه اسمه استفتاء قول لاء وإخرج
مش لازم يعنى تقول الكلمتين بتوعك دول يا خالد
انت وبسام
تم حذف الردود المخالفه
FRANKENSTEIN 05-09-2007, 05:58 PM الا اللي يقول رايه وميعجبكوش يتحذف
الموضوع تقريبا للاراء وانا قلت رايي
الخرابه مش ناقصه عفاريت ;)
لما الاقسام التانية تتعدل وتظبط وتنشط يبقي نفكر ف اقسام مش مهمة
الا هي فين اقتراحات الاعضاء ف الاقسام اتفذت
ولا الاقسام اللي ملهاش لزمه بس اللي بتتعمل
سلام
The_Relativistic200 05-09-2007, 06:07 PM الله يخليك بلاش تعيش الدور
الشهر ده هنعملله منتدى نقول فيه ايه يعنى ؟؟؟
هو مش هيحتاج اكتر من قسم
ان كان فيه ناس بتشارك
وانا مش موافق على الفكرة
كفاية قسم العام الهجرى ولا معرفش اسمه ايه
fares elnet 05-09-2007, 06:25 PM الله يخليك بلاش تعيش الدور
الشهر ده هنعملله منتدى نقول فيه ايه يعنى ؟؟؟
هو مش هيحتاج اكتر من قسم
ان كان فيه ناس بتشارك
وانا مش موافق على الفكرة
كفاية قسم العام الهجرى ولا معرفش اسمه ايه
بردو تانى ياعم الله يهديك
احنا مش عايزين اى موضوع يتعمل يتحول اى خناقه
ليه يعنى ما ندخلش ونقول راينا ونطلع بدون اى تعليق
وشكرا لردك الجميل والمحترم
The_Relativistic200 05-09-2007, 09:31 PM يا استاذى
ربنا يهديكم معايا
رأينا كتبنا واتحذف
ثم الاول نفذوا الاقتراحات بتاعتنا وبعدين اعملوا اللى يعجبكم
انشالله تقلبوه مقلة لب
وشكرا على اطرائك الجميل
mR . mOstafa Fathi 05-09-2007, 10:08 PM اهدو يا جماعه
القسم هيفتتح
وان شاء الله كلنا هنا اخوات
ايه يا خالد مالك
اهدى يا معلم
wanda 05-09-2007, 10:54 PM يتعمل من غير موافق ولا مش موافق داا شهر كريم
وبعدين محدش هيفضى لاى حاجه كل هيكون ف طريق ربنا
بس اللى نفسى اعرفه ناس تلقيهم فى رمضان يصلوا ويصوموا وفى غير رمضان يتركوا الصلاة
انا بس بصحى النفوس وشكرا على الموضوع ومش محتاج استفتاء
FRANKENSTEIN 06-09-2007, 01:50 AM الموضوع مش محتاج استفتاء دا ع اي اساس حضرتك
الموقع حاليا فيه اقسام مهمله جدا وفيه اقسام ملهاش لزمه
ولازم قبل ما نعمل اقسام جديده نصلح القديم الاو
واظن ان الاعضاء اقترحوا اقتراحات قبل كدا ومتنفذتش
وبعدين فيه ركن ديني كامل وفيه اقسام مش نشطه لما يتظبط يبقي نحط اقسام تانية
مش نزود ع الاقسام ع اساس منهار اصلا
QueeNo 06-09-2007, 02:06 AM الفكرة تبقى حلوة اوووي بس اذا اتنفذت زي ما حسام بيقول كده
و اهو ع الاقل الواحد اما يخش المنتدى يلاقي حاجة يعملها
◄IVAN► 06-09-2007, 02:39 AM على حسب ذاكرتى ما بتقول ..
متهيألى قسم (( عبقرينو )) :d .. هيبقى له نفس الغرض .. بس عبقرينو بس هيكتب فيه ..
باختصار هو عامل خيمة لنفسه..
=====
فانته اقتراحكم ده اننا نعمل خيمة لعامة الاعضاء ...
انا باقترح ان كل عضو يعملله خيمة .. عشان نعمل مخيّم كبير ... او مستوطنة !!
وكل خيبة وانت بخير
basmala 06-09-2007, 08:22 AM انا شايفه ان هو مش كتر اقسام ...يعهنى عندنا مثلا قسم كامل للشهر الهجرى مش بيتكتب فى مواضيع ..وعندنا القسم الاسلامى
..والقران الكريم وقسم اسمه محمد رسول الله وقسم تانى اسمه الصحابه الكرام..وقسم اسمه العام الهجرى..وفسم تانى اسمه صوتيات
ومرئيات ..اظن ان الست اقسام دول كافين اوى مفيش داعى للكتره وخلاص
The_Relativistic200 06-09-2007, 09:17 AM هو لو اتعمل
هيبقى الميزة اللى فيه
انه ممكن نحط عليه مكسرات
وبلح وكده يعنى.......
Miss_CaR!zma 06-09-2007, 10:03 AM قسم مش ليه لزمه ...
حى على الفلاح موجود وممكن يقوم بالواجب كويس
واساسا انت هتجيب وقت للنت منين ..انت يادوب بعد الفطار بتفصل شحن وعلى التراويح وهتنام وهكذا لحد 30 يوم
لو مش 29
بس ما علينا ..........خلى المركب يمشى
The_Relativistic200 06-09-2007, 10:05 AM قول لا اله الا الله طيب
بلاش والنبى دى
وانا مجيبتش سيرة الزبيب
واقعد ساكت بقى:d
FRANKENSTEIN 06-09-2007, 04:59 PM ولا ولا يا فيها يا اخفيها
بس انا مبحبش الزبيب :(
شوفلكم حل
fares elnet 06-09-2007, 05:10 PM شكرا على الردود المحترمة جدا جدا يا محترمين
|