انا معلم مساعد منذ سنتين ونصف
يوم أمس وصلت المدرسة التى اعمل بها نشرة فى المرفقات مفادها ان الممتعاقد الذى لن يححق الانجاز المطلوب فى محو الامية سيتم فسخ عقده بتعليمات السي المحافظ
والسيد مدير المدرسة قال لى انه وصل امر ادارى بمنع المتعاقدين من التوقيع فى الحضور والانصراف اذا لم يحضر ما يثبت انه فتح فصل محو الامية طلبت من الامر فقال لى انه وقع عليه بالعلم وقام بنقله بخط يده دون توقيع او ختم .
المهم ان موضوع محو الامية تم نقله الى الوحدات المحلية للاشراف علية وستتم التامين والمتابعة من قبل الشرطة للانضباط والدارسين فى هذه الفصول اذا لم يحضروا سوف يتم احضارهم عن طريق الشرطة.
يعنى الانسان اللى عايز يخدمنى انا سببت له الضرر والاحراج .
ارجو الافاده من المختصين فى هذا الامر . وشكرا

انا نفسى اعرف الاساسيين دول تبع ايه واحنا تبع ايه هو احنا مش فى وزار واحدة ولااحنا بنحلم
منهم للـــــــــــه

مع احترامى لكل البشر
المدرس اللى يقدم فى محو الأمية ضعيف

احنا هنعلم الكبار ولا الصغار انا قرفت

:078111rg3::078111rg3::078111rg3::078111rg3:الاستا ذ صاحب المشاركة ياريت تقولنا حضرتك تبع محافظة ايه وادارة اية والنشرة جاية منين ولك جزيل الشكر:078111rg3::078111rg3:

الزميل من محافظة المنيا وشكل الكلام ده عندنا احنا وبس مش فى باقى المحافظات
يا ريت الافادة لو الكلام ده موجود فى أى محافظة تانية ولا احنا اللى مكتوب علينا كده بس

النشرة وصلت محافظة قنا
ولكن مطلوب من المعلمين بنظام الأجر او الحصة وليس المعلم المساعد وذلك حتي يتثني لهم الحصول علي عقد مميز

ياجماعة ياريت لو حد يعرف حاجة عن موضوع محو الامية المديريين في 6 اكتوبر عملوا اجتماعات وقالوا ان تجديد العقد مش هيتم الا بمحو امية عشرة انا مش عارف هما عايزين ايه دبلومة وخدنا icdl وخدنا هما مورهمش الا احنا ولا اية

حسبى الله ونعم الوكيل على كل اللى قاعد على مكتبه و عمال يصدر فى فرمانات يظلم بيها من هم يقال عنهم ورثة الانبياء و معلموا الاجيال

احنا فى الفيوم وقالولنا برضه على محو امية عشرة والا سيلغى العقد

والله عندنا نفس النشرة
وما الحل الرفض ام القبول
أنا من محافظة 6 أكتوبر

احنا فى الاقصر وصلتنا النشرة دى من زمان
و وقعنا عليها بالعلم
و قدمنا الاوراق لعمل فصول محو الامية
و لما قدمنا الورق قالولنا هنتصل بكم عشان نعطيكم الكتب و نحدد المكان
و الى الان لم يتصل احد و لا خس و لا جذر هههههههه قصدى و لا حس و لا خبر
بس
و لو حتى هددوا بعدم تجديد العقد
احنا كده كده ملناش تجديد تانى
لأننا بكل بساطة بإذن الله هنبقى على درجة معلم
يعنى كبر دماغك
و اعمل نفسك متعرفش
و سيبها على الله

حسبى اللهونعم الوكيل

مشكلة محو الامية مشكلة اجتماعية تخص بلدنا كلها ومعندناش اى مانع من المشاركة فى حل اى مشكلة اجتماعية لكن الموضوع مش وخلاص لازم الاول نحدد اسباب المشكلة أولا سن الاميين وظروفهم المهنية ووقت فراغهم ثانيا مواعيد ووقت العمل واماكن الشرح لهم ثالثا القائمين على حل المشكلة وهم هيئة محو الامية ويراودنى سؤال بسيط لو تم محو الامية ما فائدة هيئة محو الامية اذن بالتالى ستغلق الهيئة وقد يتم تسريح موظفيها بلا شك والنتيجة لذلك السبب انك حتى لو علمت 10 افراد وامتحنوا لو نجح فرد واحد منهم يبقى كويس قوى مش علشان مش عارفين يحلوا بس عشان هتقفل بيوت ناس ومصادر دخل والمشكلة دى لو نظرنالها بعين قياس للأهمية لن تجد لمشكلة الامية أهمية كبيرة فى الوقت الحاضر لكبر سن الاميين اى انها مشكلة بالنسبة لكبار السن منتهية مع الوقت وصغار السن نادرة جدا فى الوقت الحاضر تواجد اميين الا اعداد يسيرة جدا ومن يرغب منهم فى حل مشكلته التى قد يكون صنعها بنفسه او لظروف خارجة عن ارادته يمكنه التوجه لمكتب محو الامية ومتابعة الحصص فى فصول الهيئة الموجودة بالفعل ولو تم اعداد حصر فعلى لمن يستحقون عناء محو الامية وراغبين بجدية فى ذلك لن يتم تجميع كشف واحد على مستوى المحافظة ولكن لا مانع لدى جميع المعلمين سواء معلم بالحصة او متعاقد او اساسى من المساعدة فى حل المشاكل الاجتماعية والمدارس بأكملها من العامل الى المدير على اتم استعداد للمشاركة فى حل اى مشكلة اجتماعية فنحن هيئة خدمية تخدم ابناء مصر كلها ولكن دعوا التخطيط لحل هذه المشكلة للسيد وزير التربية والتعليم فنحن أفضل من يقوم بالتخطيط والمتابعة ايضا وتحقيق النتائج ولو أن الامر فى نظرى لا يستحق العناء وشكرا

المشكلة ان وزارة التربية والتعليم مهمتها كبيرة ومحتاجة لتعاون الهيئات الاخرى لكى تستطيع اتمام مهمتها على الوجه الاكمل ومشكلة محو الامية فعلا سببها الاميين وهروبهم من التربية والتعليم وشهادة محو الامية ملهاش اى قيمة علمية والناس مش بتحتاجها الاعشان الشغل لكن هما مش مهتمين بالتعليم اصلا والا هربوا ليه منه اصلا والوزارة مش هتجرى وراهم بالشرطة عشان تجيبهم المفروض هو يحس بالمشكلة لما نوضحله اهمية العلم والتعليم وده دور وزارة الاعلام ساعتها هو اصلا مش هيكتفى بشهادة محو أمية لا ممكن يرجع التعليم بارادته والله اعلم ممكن يكون ايه او يبتكر ايه والنماذج المشرفة كتير للكبار الذين اكملوا تعليمهم بعد كبر سنهم لكن وزارة التربية والتعليم مش هتجبر حد على التعليم ومينفعشى اصلا يبقى موضوع كذب من البداية ولو انى معتقدشى ان الوزارة عندها اى مانع من الاشراف ومتابعة حل اى مشكلة اجتماعية ولو انها فعلا محتاجة مشاركة المجتمع فى حل مشكلاتها الكبيرة لاخراج جيل واعى متعلم على خلق كريم ومتحضر وخصوصا من وزارة الاعلام التى تؤثر على كل افراد المجتمع ولها دورها الفعال فى تربية النشء فابطالها فى الافلام والمسلسلات هم المعلمين الحقيقيين فى هذا العصر ونتمنى منهم متابعة معلميهم وتنقيتهم لخطورة الامر على الاجيال ومتابعة الجديد والتحضر والحث على العلم والثقافة وتقدير المعلمين

كبروا دماغكم يا حضرات

عشان ترحموا نفسكم

الخبرده كان منشور فى اليوم السابع يوم 7 نوفمبر2010
سلم الدكتور أحمد ضياء الدين، محافظ المنيا، 41 عقدا مميزا جديدا لتعيين مدرسين جدد بوظيفة معلم مساعد بمدارس مدن ومراكز المحافظة الذين نجحوا فى استيفاء الضوابط المحددة والمقررة، للحصول على تلك العقود وعلى وجه الخصوص شرط محو أمية عشرة أميين على الأقل، وتعليمهم القراءة والكتابة ليرتفع عدد الحاصلين على عقود مميزة حتى الآن إلى 68 معلما.

وأوضح المحافظ خلال اجتماع اللجنة العليا للتعليم أنه سيتم استكمال منح العقود المميزة الواردة من وزارة التربية والتعليم والبالغ عددها 600 عقد مميز لأبناء المحافظة من المدرسين العاملين بالحصة فورا بعد الالتزام بالضوابط المقررة والواردة من الوزارة والشرط الخاص بمحو أمية 10 أميين على الأقل القراءة والكتابة.

وأكد المحافظ للمعلمين الجدد أنه سيتم منح حوافز مالية لكل من يقوم منهم فى المساهمة والاستمرار فى تنفيذ برنامج محو الأمية، وسيتم مكافأتهم على كل أمى ينجحون فى تعليمه القراءة والكتابة.

أشار المحافظ إلى أنه سيتم اختيار 100 مدرسة بمركز وقرى المحافظة كمرحلة أولى للبدء فى تنفيذ مشروع النهوض بالمدارس والذى يهدف إلى الارتقاء بالأثاث والفصول والمعامل والوسائل الإيضاحية والملاعب وقاعات الأنشطة وكافة الخدمات التعليمية المقدمة للتلاميذ.

وأعلن المحافظ عن الانتهاء من تجهيز 50 مدرسة صديقة للفتيات بمراكز وقرى المحافظة ضمن 100 مدرسة صديقة للفتيات يتم إنشاؤها بتمويل ذاتى من المحافظة، لمواجهة ظاهرة تسرب الفتيات من التعليم خاصة فى القرى والعمل على إعادتهم مرة أخرى إلى المدارس فورا.

وده تعليقى على الخبر:-
على فكرة عدد العقود ال600 ده من العام الماضى ومعرفشى ليه شرط محو الامية مع ان المعلمين يعملون بوزارة التربية والتعليم مش هيئة محو الامية وياريت بس يقدروا يعلموا الاطفال اللى قدامهم القراءة والكتابة لان دلوقتى طلبة التعليم الثانوى الفنى مبيعرفوش يقروا أصلا وبعض طلاب الثانوية العامة للاسف الشديد بيقرءوا بصعوبة والوضع مأساوى لابد من حل مشكلات المعلمين المادية والنفسة لكى يتفرغوا لآداء واجبهم التربوى الكبير لتحسين المخرجات التعليمية وألا هنبقى بنساعد فى انهيار التعليم ( أساس حضارة ورقى أى أمة ) إذا أردت أن تصلح شأن أمة فأصلح شأن معلميها

يا جماعة الكلام ده كلاك فاضي ومفيش محو امية ولا حاجة في العقد والنهاردة اتاكدت من الكلام ده من المديرية وقالولنا بالحرف الواحد محدش يقدر يفسخ العقد علشان موضوع محو الامية ده من الاداره وده اصلا مش قانوني لان العقد مش موجود فيه الشرط ده
وحبيت اطمنكم بس

عندنا فى كفرالشيخ
مفيش حاجة عن الموضوع دة

اية الموضوع

لست ضد قرار محو الامية ، ولكن يجب أن يطبق القرار على الكل الأساسى قبل المتعاقد ، فلماذا

هذه التفرقة و العنصرية ؟

طبقوا القرار على الأساسييين أولا .

لا اعتقد ان احدج يقبل بذلك
هل هى بلطجة؟

علي فكرة انا زيك من محافظة المنيا والكلام ده انا نوهت عليه من زمالن ومش بيتطبق الافي محافظة المنيا لان المحافظ بتاعها ربنا يخليه لينا ويطول في عمرة مورهش حاجه غير محو الامية والعقود واكبر هدف في حياته اعتقد هو قطع عيشنا وهذا هو السر الذي لا احد يعرفه وكانه بينه وبيننا عداوة مبيته مع اننا بنعملش حاجه وحشة ومسالمين