خلي بالك !! انت بتدوس على حرام !! [الأرشيف] - بوابة الثانوية العامة المصرية

مشاهدة النسخة كاملة : خلي بالك !! انت بتدوس على حرام !!

BaNZeR

17-10-2010, 02:20 AM

صحيح الدين بيقول اتقو الشبهات

لكن ربنا بيقول بردو الدين يسر

الواحد يفتح التلفزيون يقولك التلفزيون حرام

يشغل الكاسيت ... او الام بي بلغة العصر :d
يقولك الاغاني حرام !

لو البنطلون بتاعك زاد شبر ... يقولك ده اسبال والاسبال حرام
لو نقص شبر .. يقولك اصلك مقصر و(ربنا يكون في عونك ساعتها)

ويا سلام لو كنت كمان ملتحي
هو صحيح اللحية فرض ؟
قالك اه عشان ميبقاش تشبه بالكفار !!
مهو كل رجال الدين دلوقتي في اي ديانة ملتحين اصلاً
لونخالف يبقى شيوخنا تخالف شيوخهم وتحف اللحى
واحنا نربيها !!

في كلتا الحالتين لا حتعرف تمشي بيها ولا حينفع ممشيش من غيرها
ايه اللى يخليني افكر اصلاً !!

تيجي البنت تلبس البنطلون ... وفضفاض وكل حاجة
يقولك البنطلون حرام وكدا المرأة سابت لبسها الشرعي !
على الرغم من انه بيبقى احياناً اكثر حشمة لها !

تيجي تلبس الطرحة بدلاً من الخمار
يقولك الكتف باين ... ومادام الكتف باين فده تشبه بالرجال
والمتشبهات ملعونات !! (ده كان كلام بعض ناس في السعودية)
على اساس إنها شارية الكتف ده رجالي ومركباه !!

يعني الكلام هنا قد يكون ملوش لازمة بما إنه في ناس اوجبت فرض النقاب اصلاً !!

تخش عالكمبيوتر وتفتح النت
يعني ... متحاولش تفتح اي حاجة غير المواقع الاسلامية !!

لو فتحت منتدى .. حيقولك فيه اختلاط والاختلاط حرام
على الرغم من انه اهون بمراحل من مناظرنا في الجامعة مثلا !!

تدخل على بعض مجالات الكسب عالنت
على الرغم من خلوها من اي تعاملات ربوية
بس بردو عن الشيوخ هي ربا وميسر متعرفش ازاي !!

اوعى تدخل الفيس
بتقول ليه ؟
لا لا مش عشان الاختلاط
الفيس اتحرم من قبل الازهر
اه اتحرم !!
متسألنيش انا اسألهم هما

الكدب ،، النفاق ،، الرشوة احم ... قصدي الاكرامية

كان زمان بيضحكو علينا وبيقولو إنها حرام
بس اوعى تصدق ... دول اساس الحياة اصلاً انت اتجننت !

هو ايه معنى كلمة حرام اصلاً ؟
الحرام بقى بيتوزع ببلاش في الشارع
بل وبقيت بتنتجه منزلياً كمان !

شوية تاني حتمشي في الشارع حيقولك
خلي بالك !! حتدوس على حتة حرام تحتيك !!!

بصراحة مش عارف

بس هو الحرام ده مكوناته ايه ؟
ليه بقى عندنا منه فايض كبير اوي ؟
هو صحيح في حرام
لكن مش للدرجة دي
الحرام بقت كلمة سهلة اوي
بقى اسهل ما عند الشيوخ يقولك
حرااااام ولا يجوز

عمتي مثلا كانت في حجة مرة - ربنا يرزقنا جميعاً - ... في الحرم ... بتسأل أحد الشيوخ هناك
هو ينفع أحج عن حد ؟
طبعاً كلنا عارفين إنه اه
بشرط متكنش الحجة الاولى
طبعاً هي قبل ما تكمل الكلمة قالها
لالالالالالا يجوووووز

وطبعاً لا يجوز بتساوي حرام او تقاربها في المعنى

هو ليه بقى اي حد ملوش فيها بيتكلم ؟

هل احنا فعلاً وصلنا للمرحلة اللى قال عليها النبي
عليه الصلاة والسلام
في الحديث الشريف
إذا وكل الأمر لغير أهله فانتظر الساعة

تلاقي السجادة اللى بتصلي عليها صناعة بوذية صينية !
تلاقي وزير التربية والتعليم مهندس
تلاقي وزير الصحة مدرس
تلاقي عاملة في مصنع بقت وزيرة القوى العاملة

كل ده ممكن يعدي

لكن لما تكتشف انه تلات تربع الشيوخ اللى قدامك ملهمش فيها !!!
والديانة عندهم مهنة
وكثرة التصريحات والتحريمات والافتاءات هي للشهرة فقط
ولا سيما عندما تكون الفتوى مثيرة للجدل !

لما اصبح كل من حولي حراماً
ليه محرموش النت كله من البداية كانو ريحوني من التفكير اصلاً

النبي عليه الصلاة والسلام قبل ما يمشي قالنا
تركت فيكم ما ان تمسكتم به لن تضلو بعدي ابداً .... كتاب الله وسنتي

ماذا لو وجدت ان العلماء انفسهم اختلفو في امر تحريم شيء من تحليله ؟

إذا فهنا نطبق مبدأ ... اختلاف العلماء رحمة

ولا سيما إن اتخذنا قراراً وسطاً
فديننا دين الاعتدال والوسطية

ديننا يسر وليس عسر

ونحن اصبحنا في عصر العسر
فليس لنا ان نتحمل تعسير الامور اكثر مما هي عليه

كما كان يقول البعض

استفت قلبك
الحلال بين والحرام بين

ياترى اللى انت بتعمله صح ولا غلط ؟
حاسس انك راضي عن نفسك وعنه ؟
بس تكون ساعتها صادق مع نفسك
وتقرب اكتر من ربنا وهو مرشدك دايماً

(لم احرم ولم احلل شيئاً حتى لا يؤخذ بعض كلامي على انه فرضاً)
(ولكن ما أنا مقتنع به ان الامر قد فاض كثيراً بالفعل!)

بقلمي ... BaNZeR

الأستاذة / أم أمل

17-10-2010, 02:47 AM

جزاك الله خيرا كثيرا

yaso_yoyo

17-10-2010, 09:23 AM

الحرام بين والحلال بين
احنا عايزين نحلل كل حاجة
ياجماعة حدود الدين مافيهاش نقاش (ماتقوليش استفتي قلبك)
لو كل الدين استفتي قلبك ماكانش ربنا نزل القران ولا كان الرسول قالنا ايه الحلال والحرام
وصحيح الاسلام دين يسر بس مش معنى كده اننا نحلل اي حاجة
وشكرا على الموضوع رغم عدم اتفاقي مع رايك

ياسمينايا

17-10-2010, 10:07 AM

فعلا كلمه حرام بقت منتشره قووى..ولو اتبطلت كلمه حلال هتبقى منتشره جدا وطبعا الوضع هيبقى اصعب بكتير ..
العايزة اقوله ان لسه في شيوخ موثوق فيهم هما دول النعرف منهم ..يعنى مش كل حاجه نصدقها وخلاص لا نتأكد ,,وللراى الصح هتكون الاغلبية ان شاء الله ..وفى حاجات من الحضرتك قلتها حرام فعلا ..بس احنا مش عارفين نتفاعل لان الجو مش مساعدنا ..بس هى حرام فعلا ..وبنبقى عارفين انها حرام وبنعملها بردوا ..
شكرا ع الموضووع ..

**تسابيح**

17-10-2010, 02:02 PM

coody

17-10-2010, 02:18 PM

مدرسة الانجلش

17-10-2010, 02:26 PM

الحلال معروف والحرام معروف

star alex

17-10-2010, 02:35 PM

فعلا والهي كل واحد دلوقتي لما بيتسال في الدين بقي بيرد باي رد وهو مش عارف اي حاجة في اي حاجة في دينه ولكنه خجل عندما يساله احد في شئ فيقول لم اعرف فيضطر ان يجاوب وهو يعلم ان مايقوله خطا

شكرا علي الموضوع

Mr. Ali 1

17-10-2010, 03:17 PM

صحيح الدين بيقول اتقو الشبهات

لكن ربنا بيقول بردو الدين يسر

الواحد يفتح التلفزيون يقولك التلفزيون حرام

يشغل الكاسيت ... او الام بي بلغة العصر :d
يقولك الاغاني حرام !

مفيش حاجة اسمها تليفزيون حلال وتليفزيون حرام !!
البرامج هي ما ينطبق عليها حلال وحرام . الجهاز في حد ذاته مثله مثل أي جهاز أخر أو آلة أخري , استعمال الجهاز أو الآلة في فعل ما هو ما يدخل في دائرة الحلال والحرام .

لو البنطلون بتاعك زاد شبر ... يقولك ده اسبال والاسبال حرام
لو نقص شبر .. يقولك اصلك مقصر و(ربنا يكون في عونك ساعتها)

بنطلون مين بالظبط ؟؟ لو كان للرجل وزاد في قدره حتي لامس الأرض فهذا يجعل القاذورات تتعلق به فيكون الرجل غير مهيأ للصلاة أما ان كان قصيراً ولكنه ساتر للعورة فلا شيء فيه .

ويا سلام لو كنت كمان ملتحي
هو صحيح اللحية فرض ؟
قالك اه عشان ميبقاش تشبه بالكفار !!

اللحية ليست بفرض ولا يوجد دليل علي أنها فرض , انما هي سنة مستحبة , من فعلها يثاب عليها ومن تركها فلا يأثم عليها .
مهو كل رجال الدين دلوقتي في اي ديانة ملتحين اصلاً
لونخالف يبقى شيوخنا تخالف شيوخهم وتحف اللحى
واحنا نربيها !!

في كلتا الحالتين لا حتعرف تمشي بيها ولا حينفع ممشيش من غيرها
ايه اللى يخليني افكر اصلاً !!

تيجي البنت تلبس البنطلون ... وفضفاض وكل حاجة
يقولك البنطلون حرام وكدا المرأة سابت لبسها الشرعي !
على الرغم من انه بيبقى احياناً اكثر حشمة لها !

أختلف معك في هذه النقطة . ليس مطلوباً للمرأة أن تبدو خارج بيتها بمظهر يظهر أو يحدد جسمها " هو الشباب ناقص " !!
وبعدين لو هي عايزة تلبس بنطلون حتي لو كان استرتش تلبسه تحت جيبة طويلة مثلاً , لكن ساعتها حيتقال " ايه الفلح ده ؟"
مفيش بنطلون لا يجسد جسم المرأة مهما كان واسع !!

تيجي تلبس الطرحة بدلاً من الخمار
يقولك الكتف باين ... ومادام الكتف باين فده تشبه بالرجال
والمتشبهات ملعونات !! (ده كان كلام بعض ناس في السعودية)
على اساس إنها شارية الكتف ده رجالي ومركباه !!

ما هي الطرحة اما تكون ملفتة للنظر بما تحتويه من ألوان أو تلاقيها عاملة الطرحة علي جنب بشكل يلفت لها النظر , وكمان معظما لا تغطي منطقة الصدر للمرأة !!

يعني الكلام هنا قد يكون ملوش لازمة بما إنه في ناس اوجبت فرض النقاب اصلاً !!

وفيه علماء لم يقولوا بوجوبه مثل الشعراوي رحمة الله تعالي عليه
قال " النقاب لا مفروض ولا مرفوض "
ومن يقول بفرضه فهو متشدد , والدين الاسلامي ليس بدين التشدد .

تخش عالكمبيوتر وتفتح النت
يعني ... متحاولش تفتح اي حاجة غير المواقع الاسلامية !!

النت زيه زي أي جهاز , اللي بتعمله علي النت هو ما يمكن أن يكون حلال أو حرام .

لو فتحت منتدى .. حيقولك فيه اختلاط والاختلاط حرام
على الرغم من انه اهون بمراحل من مناظرنا في الجامعة مثلا !!

تدخل على بعض مجالات الكسب عالنت
على الرغم من خلوها من اي تعاملات ربوية
بس بردو عن الشيوخ هي ربا وميسر متعرفش ازاي !!

طالما لم يأتي بدليل , لا تاخذ بفتواه .

اوعى تدخل الفيس
بتقول ليه ؟
لا لا مش عشان الاختلاط
الفيس اتحرم من قبل الازهر
اه اتحرم !!
متسألنيش انا اسألهم هما

الكدب ،، النفاق ،، الرشوة احم ... قصدي الاكرامية

كان زمان بيضحكو علينا وبيقولو إنها حرام
بس اوعى تصدق ... دول اساس الحياة اصلاً انت اتجننت !

هو ايه معنى كلمة حرام اصلاً ؟
الحرام بقى بيتوزع ببلاش في الشارع
بل وبقيت بتنتجه منزلياً كمان !

شوية تاني حتمشي في الشارع حيقولك
خلي بالك !! حتدوس على حتة حرام تحتيك !!!

بصراحة مش عارف

بس هو الحرام ده مكوناته ايه ؟
ليه بقى عندنا منه فايض كبير اوي ؟
هو صحيح في حرام
لكن مش للدرجة دي
الحرام بقت كلمة سهلة اوي
بقى اسهل ما عند الشيوخ يقولك
حرااااام ولا يجوز

الحرام هو ما حرمه الله عز وجل بنص في القرآن الكريم وما حرمه الرسول صلي الله عليه وسلم , ومن يحرم شيء ولم يأتي بدليل علي حرمته أو جاء بدليل لا يتوافق مع الكتاب والسنة , فلا يؤخذ بفتواه . فالأصل في الأشياء هو الاباحة ما لم يرد نصاً بتحريمه .

عمتي مثلا كانت في حجة مرة - ربنا يرزقنا جميعاً - ... في الحرم ... بتسأل أحد الشيوخ هناك
هو ينفع أحج عن حد ؟
طبعاً كلنا عارفين إنه اه
بشرط متكنش الحجة الاولى
طبعاً هي قبل ما تكمل الكلمة قالها
لالالالالالا يجوووووز

وطبعاً لا يجوز بتساوي حرام او تقاربها في المعنى

هو ليه بقى اي حد ملوش فيها بيتكلم ؟

هل احنا فعلاً وصلنا للمرحلة اللى قال عليها النبي
عليه الصلاة والسلام
في الحديث الشريف
إذا وكل الأمر لغير أهله فانتظر الساعة

تلاقي السجادة اللى بتصلي عليها صناعة بوذية صينية !
تلاقي وزير التربية والتعليم مهندس
تلاقي وزير الصحة مدرس
تلاقي عاملة في مصنع بقت وزيرة القوى العاملة

بيقولوا ان منصب الوزير في مصر هو منصب سياسي , وبالتالي لا يهم ان كان الوزير لديه نفس التخصص في الوزارة التي يتولاها !!

كل ده ممكن يعدي

لكن لما تكتشف انه تلات تربع الشيوخ اللى قدامك ملهمش فيها !!!
والديانة عندهم مهنة
وكثرة التصريحات والتحريمات والافتاءات هي للشهرة فقط
ولا سيما عندما تكون الفتوى مثيرة للجدل !

لما اصبح كل من حولي حراماً
ليه محرموش النت كله من البداية كانو ريحوني من التفكير اصلاً

النبي عليه الصلاة والسلام قبل ما يمشي قالنا
تركت فيكم ما ان تمسكتم به لن تضلو بعدي ابداً .... كتاب الله وسنتي

ماذا لو وجدت ان العلماء انفسهم اختلفو في امر تحريم شيء من تحليله ؟

إذا فهنا نطبق مبدأ ... اختلاف العلماء رحمة

ومع اختلاف الأئمة لم يكفر أحدهم الأخر أو ينكر عليه علمه وفقهه , بل كانوا يقولون " رأينا هذا أفضل ما قدرنا عليه , فمن جاءنا بأفضل منه تركناه وأخذنا برأيه "

ولا سيما إن اتخذنا قراراً وسطاً
فديننا دين الاعتدال والوسطية

ديننا يسر وليس عسر

لا افراط ولا تفريط , تلك هي الوسطية .
ونحن اصبحنا في عصر العسر
فليس لنا ان نتحمل تعسير الامور اكثر مما هي عليه

كما كان يقول البعض

استفت قلبك
الحلال بين والحرام بين

ياترى اللى انت بتعمله صح ولا غلط ؟
حاسس انك راضي عن نفسك وعنه ؟
بس تكون ساعتها صادق مع نفسك
وتقرب اكتر من ربنا وهو مرشدك دايماً

(لم احرم ولم احلل شيئاً حتى لا يؤخذ بعض كلامي على انه فرضاً)
(ولكن ما أنا مقتنع به ان الامر قد فاض كثيراً بالفعل!)

بقلمي ... Banzer

فعلاً كلمة حرام أصبحت منتشرة بشكل ونطاق كبير جداً في حياتنا , وأصبح كل واحد يحرم كيفما شاء والغريب أن معظم المشايخ لا تأتي بالدليل علي هذا التحريم أو يأتي بدليل بعيد كل البعد عما يحرمه !!
وقد شاهدت فتاوي في القنوات الفضائية سواء الدينية أو غيرها يتعجب لها الانسان وكان منهم مفتي الديار المصرية الحالي , ولكني لا أرغب في ذكر فتواه حتي لا تفتن بها الفتيات !!!!
هل رأي أو شاهد أحد منكم في أي برنامج ديني أن الشيخ أو العالم يقول في مرة واحدة فقط بأنه لا يعلم ؟!!!
الكل يجيب عن الأسئلة ويفتي دون أن تواجهه مسألة واحدة يقف عندها ليتفكر فيها أو ليبحث عنها ويتأكد منها !!!
عندما ذهب وفد من المغرب للقاء الامام مالك وكانوا يلقبونه بأعلم أهل الأرض , وقدموا له العيدي من المسائل ليجيب عليها , وحينما أعطي الاجابات لهم , وجدوا 70 سؤالاً لم يقم بالرد عليهم , فسألوه أنت أعلم أهل الأرض ولا تعلم !! ماذا نقول لهم إذا عدنا إليهم ؟؟
قال : قولوا لهم " سألنا مالك عنهم وهو لا يعلم فقال لا أعلم , ومن قال لا أعلم فقد أفتي " .
أما اليوم فنحن نري الكل يعلم !!!
من أغرب الفتاوي التي شاهدتها وسمعتها في قناة الحكمة ولشيخ جليل ولا داعي لذكر اسمه , قال " كثرة بلع الريق تفطر الانسان الصائم " !!!!!! ولم يأتي عليها بدليل !!! طبعاً كلام فاضي يخرج من نفس الأذن دون أن يمر علي الأذن الأخري .
من يفتي لابد له من الدليل الصحيح علي فتواه , والا فلا عمل بتلك الفتوي .
نحن نستقي ديننا من كتاب الله عز وجل ومن سنة رسولنا الكريم صلي الله عليه وسلم , والعلماء والمشايخ هم وسيلتنا في معرفة ديننا , ولكنهم ليسوا مشرعين ومحرمين ومحللين من تلقاء أنفسهم
فمن جاءنا بادليل الصحيح من الكتاب والسنة , وجب علينا العمل بفتواه , ومن جاءنا بغير ذلك , فلا فتوي له .
شكراً لك يا بانزر علي هذا الموضوع الهام جدا .

sympathique

17-10-2010, 03:19 PM

الحلال بين والحرام بين
تركت فيكم ما ان تمسكتم به لن تضلو بعدي ابداً .... كتاب الله وسنتيهنا الحديث واضح وصريح ولا يحتاج لتفسير
وان كانوا الخلفاء من قبل والعلماء اجتهدوا قى بعض الامور واخذنا برايهم وكان ذلك الصواب

ولكن زى مانت بتقول يامحمد ان الدين اصبح مهنة يتاجر بها فى كل شئ فى المجتمع
من الابرة للصاروخ زى مابيقولوا
وان كانت هناك بعض الاوار سيادية كما نعلم تاتى من اعلى مناصب فى الدولة لتحلل الشئ وتحرمه حتى يتوافق مع سياساتها والسياسات الاخرى

وبعدين تعالى مثلا على طلبة الجامعات لو بصيت لحالهم هيقولك كل حاجة هشتغلها حرام
اشتغلت مهندس او دكتور او مدرس او محاسب او فى السياحة او محامى او ..او .. او..
كل حال الشباب بيقولك ده حرام
طلعا المهنه بها نقيضها ففيها الحلال والحرام
علشان بس محدش يقول انى بحرم شغل المهلمين والهندسين والمحامين .... ولكن هى فيها الحلال والحرام كما نعلم

بس نرجع ونقول
العيب عيب مين !!

بقولك ايه انت غيرت لون الخط ليه:d

هانى الشرقاوى

17-10-2010, 05:26 PM

أواه من عقدة الدين فى مجمعنا !!
رائع
بأمانة لقد أبدعت يا محمد
شكرا

BaNZeR

17-10-2010, 06:52 PM

جزاك الله خيرا كثيرا
العفو ربنا يكتر خيرك :d

الحرام بين والحلال بين

احنا عايزين نحلل كل حاجة
ياجماعة حدود الدين مافيهاش نقاش (ماتقوليش استفتي قلبك)
لو كل الدين استفتي قلبك ماكانش ربنا نزل القران ولا كان الرسول قالنا ايه الحلال والحرام
وصحيح الاسلام دين يسر بس مش معنى كده اننا نحلل اي حاجة

وشكرا على الموضوع رغم عدم اتفاقي مع رايك

يبدو حضرتك متمعنتيش الموضوع كويس
انا بتكلم على بعض الامور المستحدثة التي اختلف فيها الفقهاء نفسهم
وساعتها حيكون عليا الاختيار مادام مفهاش نص صريح

فعلا كلمه حرام بقت منتشره قووى..ولو اتبطلت كلمه حلال هتبقى منتشره جدا وطبعا الوضع هيبقى اصعب بكتير ..
العايزة اقوله ان لسه في شيوخ موثوق فيهم هما دول النعرف منهم ..يعنى مش كل حاجه نصدقها وخلاص لا نتأكد ,,وللراى الصح هتكون الاغلبية ان شاء الله ..وفى حاجات من الحضرتك قلتها حرام فعلا ..بس احنا مش عارفين نتفاعل لان الجو مش مساعدنا ..بس هى حرام فعلا ..وبنبقى عارفين انها حرام وبنعملها بردوا ..
شكرا ع الموضووع ..
بصراحة عن نفسي مبقتش بثق في حد
مفيش حد فيهم ميعرفش ... كل حاجة حتى ولو كانت في العصر الحديث عنده اجابة جاهزة ليها
كلهم في الآخر بيتاجرو في الدين
وبعد اكتر من حاجة سمعتها من شيوخ مصريين وشيوخ سعوديين
وغيرهم
بصراحة مبقتش اقتنع باي واحد بعد كدا ولو إنه في بس نادر جداً
شكراً لمشاركتك

BaNZeR

17-10-2010, 06:59 PM

الأصل في الأشياء هي الإباحة وليس التحريم

طالما لم يحرم بالنص في القرآن يبقي أصله الإباحة !!
يعني مثلا التليفزيون أصله انه مباح لكن لما الإنسان يتفرج علي مناظر مش محترمة
أكيد وقتها حرام اللي بيعمله .....
كل واحد عارف الحرام من الحلال والصح من الغلط
بس ساعات فيه ناس بتستسهل الموضوع
واحنا في عصر كله فتن وشبهات والنبي(صلي الله عليه وسلم )
أمرنا بالإبتعاد عن الشبهات لحفظ الدين ...
يبقي نبعد عن الحاجة اللي فيها شبه ونريح دماغنا
والعلماء زيهم زي اي حد ممكن يغلط!! دا بشر!!

لو مشينا على مبدأ اتق الشبهات
وز منتي قلتي احنا في عصر كله شبهات
وبما إنه كل حاجة عندنا اتحرمت ... يبقى كلها دخلت في باب الشبهات
يبقى وصلنا لنفس النتيجة وممكن اغير العنوان اخليه
خلي بالك !! في شوية شبهات تحتيك :d

من قال لا أعلم فقد افتي
انا نفسي فعلاً اشوف واحد من اللى بيفتو دول
وفالحين بعد كل فتوى يقولو
الله اعلى واعلم
إنه يقول الكلمة دي في اول الفتوى وميتكلمش !!
لكن مفيش حد في عصرنا بقى بيمشي بالقاعدة دي دلوقتي

شوف كل واحد هيشيل وزر اللي بيقوله دااا
والابتعاد عن الأخطاء اسمي للإنسان واللي ميعرفش حاجة مش يدخل نفسه في متاهات وفيه ناس فعلا بتعمل كداا
احنا فعلا في عصر غريب وعصر الأمور بقيت في غير أماكنها
سجادة الصلاة فعلا صينية والمصحف بيتصنع بردو في الصين!!
كل اللي بتقوله صح !!
بس هنعمل ايه بئا .....!!
شكراا ع الموضوع

مع تحفظي علي بعض الأمثلة التي تم ذكرها في الموضووع

على فكرة الامثلة كلها مقصودة بس انا حاططها لخدمة لهدف الرئيسي في الآخر :p

الحلال معروف والحرام معروف
شكراً لللإفادة الكريمة :d

BaNZeR

17-10-2010, 07:09 PM

انا من رأيي ان الموضوع مش مجرد حلال و حرام
زمان في عصر تقدم المسلمين حتي لما بدأوا يخترعوا حاجات جديدة معملوش عليها الحوارات دي كلها
شوف مصر من خمسين سنة كانت عاملة ازاي
افتكر انها مكانش فيها مشاكل من النوع ده خالص تقريباً (اظن مش افتكر لاني مكنتش موجود علشان افتكر :d)
مهي المشكلة كلها بدأت من بعد الخمسين سنة اصلاً :d
مكنش لسه في اغاني ولا تلفزيون ولا نت وكان خروج الستات للعمل محدود ولبسهم معروف
وبالتالي مكنش في قنوات فضائية ولا شيوخ فاضية تشتغل للتلفزيون .... ايام زمان بقى :d

لو قلنا زمان مكانش في ناس كتير و التقنية كانت قليلة
طيب لو رجعنا عشرين سنة ورا
هل كان الحال هو الحال؟؟
الموضوع مش مجرد تحليل و تحريم
كل انسان جواه ملكة تمكنه من معرفة الحلال من الحرام
الموضوع و ما فيه ان في ناس ليها مصلحة من الامر ده
ربما يكون مكسب
ربما يكون غرض ضد العقيدة من عقائد اخري
و ربما يكون الهدف هو تفكيك الناس عن بعضها بكل السبل
يعني انتا دلوقت مجتمعك فيه الجماعة دول
واحد ملتزم دينياً : مش بيحبذ التعامل مع الغير ملتزمين دينياً (1)
واحد غير ملتزم دينياً:غالبية تعامله مع الناس بتكون مش مظبوطة لانه ينقصة عامل الدين (2)
واحد عاااااااقل: و ده اللي عليه التركيز دلوقت لانه بيكون عارف ازاي يوفق بين الناس و ده بيكون نادر
من (1) و (2) ينتج ان : خربت !!
ايوه على فكرة النوع ده منتشر كتير
وانا شايف النوع الاول اسوأ من التاني لإنه بيسيب انطباع وحش عن الدين نفسه
يمكن التاني حيجيله يوم ويهتدي

اما العاقل فهو الحتة الوحيدة اللي فضلت سليمة في مصر و العرب و المسلمين و علشان كده التركيز علي الشخص ده
الموضوع وما فيه اني مشغلش نفسي بحاجات بسيطة و اسيب قضايا اكبر قدامي
كده بشوش علي نفسي
بس
و ربنا يهديهم و يهدينا و يهدي الجميع
و تقبل مروري علي موضوعك القيم يا باشمهندس بانزر :d
الموضوع مش بسيط اوي
لما اشتغل على حاجة ناس قالت عليها حرام مش حعرف اعديها بكل سهولة
انا فوقيا على طول آية قرآنية معلقها عالحيطة
تعرف إنه دي كمان اتقال انها حرام ؟
عشان القرآن لا يوضع للزينة
طب المفروض اخدها دلوقتي اكسرها وارميها في الزبالة ؟
مش عارف يمكن شوية يقولك حرام تنام في بيتك وانت .....
شكراً لمشاركتك ياحمد
فعلا والهي كل واحد دلوقتي لما بيتسال في الدين بقي بيرد باي رد وهو مش عارف اي حاجة في اي حاجة في دينه ولكنه خجل عندما يساله احد في شئ فيقول لم اعرف فيضطر ان يجاوب وهو يعلم ان مايقوله خطا

شكرا علي الموضوع
هو ممكن يكون فينا طبع كمصريين اننا نحس نفسنا عارفين في كل حاجة
لكن متوصلش للدين
عشان خجلان اشيل وزر ملايين حيسمعو كلامي ؟
للاسف كلامك صح وكلهم كدا دلوقتي

BaNZeR

17-10-2010, 07:25 PM

اللحية ليست بفرض ولا يوجد دليل علي أنها فرض , انما هي سنة مستحبة , من فعلها يثاب عليها ومن تركها فلا يأثم عليها .
ده كلامك انت مش كلامهم هما
عندهم اللحية فرض ومن تركها فهو آثم
بس معنديش الخلفية الدينية اللى تأهلني إني اكدب كلامهم
عالاقل حالياً

أختلف معك في هذه النقطة . ليس مطلوباً للمرأة أن تبدو خارج بيتها بمظهر يظهر أو يحدد جسمها " هو الشباب ناقص " !!
وبعدين لو هي عايزة تلبس بنطلون حتي لو كان استرتش تلبسه تحت جيبة طويلة مثلاً , لكن ساعتها حيتقال " ايه الفلح ده ؟"
مفيش بنطلون لا يجسد جسم المرأة مهما كان واسع !!
الاسترتش مرفوض طبعاً
البنطلون لو بيجسد الوسط يبقى سهلة تلبس من فوق
اي حاجة تنزل عالوسط
ده احسن ولا الاحسن انها تلبس جيبة وتيجي تطلع سلم
ولا تركب مواصلة ولا شوية هوا يطيروها وتنكشف الساق ؟
وبعدين لو الشياكة و(عدم الفلح) اهم من الدين فده موضوع تاني بقى

ما هي الطرحة اما تكون ملفتة للنظر بما تحتويه من ألوان أو تلاقيها عاملة الطرحة علي جنب بشكل يلفت لها النظر , وكمان معظما لا تغطي منطقة الصدر للمرأة !!

اللى بتتكلم عليها دي الطرحة الاسبانش ودي بردو حرام لإنها
لا بتغطي منطقة الرقبة ولا بتغطي الشعر كله حتى
ومش دي الطرحة اللى بتكلم عنها
ومش كل الطرح ملفتة ولا مزركشة
بتكلم عن الطرح العادية
اللى في ناس حرمتها اصلاً مادام اقل من الخمار

وفيه علماء لم يقولوا بوجوبه مثل الشعراوي رحمة الله تعالي عليه
قال " النقاب لا مفروض ولا مرفوض "
ومن يقول بفرضه فهو متشدد , والدين الاسلامي ليس بدين التشدد .

للأسف بردو مازال في ناس مصممة على انه فرض
وده بردو كلامك او كلام الشعراوي مش كلامهم
بل والسائد كمان دلوقت
يقولك تلات مذاهب بتقول انه فرض وواحد بيقول انه مستحب
وده كان سائد عندي برده
لحد ما اكتشفت إنه النقاب مش في الدين اصلاً !!
فهو كما قال الشيخ طنطاوي الله يرحمه
عادة وليست عبادة
مش حطول في النقطة دي كتير عشان مش مجال تحريم او تحليل هنا

فعلاً كلمة حرام أصبحت منتشرة بشكل ونطاق كبير جداً في حياتنا , وأصبح كل واحد يحرم كيفما شاء والغريب أن معظم المشايخ لا تأتي بالدليل علي هذا التحريم أو يأتي بدليل بعيد كل البعد عما يحرمه !!
وقد شاهدت فتاوي في القنوات الفضائية سواء الدينية أو غيرها يتعجب لها الانسان وكان منهم مفتي الديار المصرية الحالي , ولكني لا أرغب في ذكر فتواه حتي لا تفتن بها الفتيات !!!!
مظنش محدش ميعرفهاش :d
هل رأي أو شاهد أحد منكم في أي برنامج ديني أن الشيخ أو العالم يقول في مرة واحدة فقط بأنه لا يعلم ؟!!!
الكل يجيب عن الأسئلة ويفتي دون أن تواجهه مسألة واحدة يقف عندها ليتفكر فيها أو ليبحث عنها ويتأكد منها !!!
عندما ذهب وفد من المغرب للقاء الامام مالك وكانوا يلقبونه بأعلم أهل الأرض , وقدموا له العيدي من المسائل ليجيب عليها , وحينما أعطي الاجابات لهم , وجدوا 70 سؤالاً لم يقم بالرد عليهم , فسألوه أنت أعلم أهل الأرض ولا تعلم !! ماذا نقول لهم إذا عدنا إليهم ؟؟
قال : قولوا لهم " سألنا مالك عنهم وهو لا يعلم فقال لا أعلم , ومن قال لا أعلم فقد أفتي " .
أما اليوم فنحن نري الكل يعلم !!!
من أغرب الفتاوي التي شاهدتها وسمعتها في قناة الحكمة ولشيخ جليل ولا داعي لذكر اسمه , قال " كثرة بلع الريق تفطر الانسان الصائم " !!!!!! ولم يأتي عليها بدليل !!! طبعاً كلام فاضي يخرج من نفس الأذن دون أن يمر علي الأذن الأخري .
من يفتي لابد له من الدليل الصحيح علي فتواه , والا فلا عمل بتلك الفتوي .
نحن نستقي ديننا من كتاب الله عز وجل ومن سنة رسولنا الكريم صلي الله عليه وسلم , والعلماء والمشايخ هم وسيلتنا في معرفة ديننا , ولكنهم ليسوا مشرعين ومحرمين ومحللين من تلقاء أنفسهم
فمن جاءنا بادليل الصحيح من الكتاب والسنة , وجب علينا العمل بفتواه , ومن جاءنا بغير ذلك , فلا فتوي له .
شكراً لك يا بانزر علي هذا الموضوع الهام جدا .
فعلا والله كلامك صح
ودي اضافة مهمة جداً لباقي الموضوع
خلاص كلهم بقو اعلم من الائمة ومحدش ميعرفش

BaNZeR

17-10-2010, 07:35 PM

الحلال بين والحرام بين
هنا الحديث واضح وصريح ولا يحتاج لتفسير
وان كانوا الخلفاء من قبل والعلماء اجتهدوا قى بعض الامور واخذنا برايهم وكان ذلك الصواب
مش كل حاجة موجودة في عصرنا دلوقتي مكنتش موجودة زمان يسهل التحدث عنها وتفسيرها من الاحاديث
فإما انها بتتحرم بالمزاج او بتتحرم بالقياس ... زي ما السجارة اتحرمت بالقياس
في حين العديد اتحرم بالمزاج

ولكن زى مانت بتقول يامحمد ان الدين اصبح مهنة يتاجر بها فى كل شئ فى المجتمع
من الابرة للصاروخ زى مابيقولوا
وان كانت هناك بعض الاوار سيادية كما نعلم تاتى من اعلى مناصب فى الدولة لتحلل الشئ وتحرمه حتى يتوافق مع سياساتها والسياسات الاخرى
السؤال هنا .. لما عرفنا إنه الدين دلوقتي بقى مهنة ... هل مفترض اننا ناخد بيه ؟
ولو مكنش فين المصدر الموثوق اللى نبقى متأكدين انه مازال عنده ضمير ؟

وبعدين تعالى مثلا على طلبة الجامعات لو بصيت لحالهم هيقولك كل حاجة هشتغلها حرام
اشتغلت مهندس او دكتور او مدرس او محاسب او فى السياحة او محامى او ..او .. او..
كل حال الشباب بيقولك ده حرام
طلعا المهنه بها نقيضها ففيها الحلال والحرام
علشان بس محدش يقول انى بحرم شغل المهلمين والهندسين والمحامين .... ولكن هى فيها الحلال والحرام كما نعلم

مفهمتش الجزئية دي بصراحة

بس نرجع ونقول
العيب عيب مين !!

بقولك ايه انت غيرت لون الخط ليه:d

هو صحيح انا من فترة محطتش مواضيع
بس انا طول عمري بعمل المواضيع باللون البني وكنت بستخدم معاه الازرق احياناً بس كسلت الون المرادي :d
تقدر تشوف مواضيعي القديمة وتطلعلي موضوع واحد كتبته بالاخضر :d

أواه من عقدة الدين فى مجمعنا !!
رائع
بأمانة لقد أبدعت يا محمد
شكرا
لقيت كلام متوافق معاك انت اخيراً :d
تسلم يا ريس ربنا يخليك
وشكراً للمرور

مجنونة الكيمياء

17-10-2010, 07:38 PM

روووووز

17-10-2010, 09:12 PM

موضوع مهم جداا الكلمة دى بتتكرر كتير اوى
كل حاجة حرام تسال الشخص هى حرام ليه يقول هى كده طب فى حديث فى نص فى القران يدل على كده يقول هى كده وخلاص عامل نفسه شيخ :stickjo4::stickjo4:
كل حاجة حرام وحلال ذكرت فى القران والحديث الشريف لانهم منهج نسير عليه ده سبب نزول القران

سأل النبي صلى الله عليه وسلم فقال أرأيت إن أحللت الحلال وحرمت الحرام أأدخل
الجنة ؟ قال نعم
لذا لا يجوز للمسلم أن يحلل ويحرم من تلقاء نفسه فإن ذلك من أعظم الحرام

انا انهارده كنت فى الفصل وباكل عادى هو ده حرام :confused:المدرس دخل قال لى لما تاكلى ادام اصحابك ده حرام :stickjo4: هو فين الحرام فيه بالعقل قولت ازاى هو فى حديث او نص فى القران يدل على كده مرديش عليا وقالى حرام :(:(

دى فتوة جديدة من المدرس بتاعى

ميراج

17-10-2010, 10:06 PM

انا بحيك على الموضوع
فعلا موضوع الحلال والحرام ده بقا
كله بيفتى فيه اللى ليه فيها واللى ملهوش
وكلمه حرام ليست بسهله
وزى ما قولت الحلال بين والحرام بين
وكل واحد هيتحمل ذنب كل حاجه
حللها وحرمها بمزاجه:confused:
واللى نعرفه ان الحجاب فريضه
انما النقاب فضيله
دى حاجه معروفه هيفتوا فى دى كمان
انما موضوع البنطلون وانه اكثر حشمه
مع حضرتك حق بس البنطلون
عمره ما كان زى لبنت مسلمه حتى لو واسع وفضفاض
هوه فى النهايه بنطلون محدد بردوا
فعلا مش ناقص غير يقولك حاسب
اصلك دوست على حته حرام:p
اسفه عل الاطاله
تقبل مرورى

BaNZeR

18-10-2010, 05:53 AM

ما حضرتك جبت الخلاصة **تركت فيكم ما ان تمسكتم به لن تضلوا بعد أبدا كتاب الله وسنتى**
وان الحلال بين والحرام بين
بس من الواضح ان كلمة حرام بقت موضة طالعة
أنا مش فقيهة ولا عالمة فى الدين بس جايز أعرف أكتر من اللى بيتحكموا فيه دلوقتى
يا ترى فعلا بيطبقوا كلام الرسول عليه أفضل الصلاة والسلام وبيرجعوا لكتاب الله
كل حاجة حاسة انها بقت ماشية غلط حتى احنا فى بعض تصرفاتنا بقينا غلط
يعنى عشان مدرس يرضى عنك عامليه كويس وتاخدى الدرجة
عشان أروح أعمل بطاقة لازم وسطة والا أروح تلت أربع مرات وبرده متخلصش وغيره وغيره
بس ربنا يخرجنا منها على خير
وبرده العيب مش فى البلد العيب فى اللى بيحكموها
زى ما حضرتك قولت كل واحد فى منصب غلط يبقى ازاى هيحكم صح
وجزاك الله كل خير على الموضوع وتقبل مرورى
يعني ... موضوع البلد والحكومة والكلام ده ممكن يأثر على قرارات الازهر مثلاً لو حنتكلم سياسياً
لكن انا بتكلم على عامة الشيوخ اللى ملهمش علاقة بالبلد او بالسياسة
واللى مش جوه مصر بس
معرفش هل الشيخ بيحس بلذة التحريم زي ما المدرس بيحس بلذة الشطب بالاحمر عالسؤال يعني :d
وفعلاً تصرفاتنا اصلاً دلوقتي بقت كلها غلط
من رشوة لبتاع المرور .. ينطبق نفس الحكم بردو على الهبات التي تقدم للمعلمين من اجل درجات افضل
وده بيحصل في مدرسة بنات خالتي واللى اسمهم لسه في ابتدائي
ومدرسة خاصة ولغات
ده فرض اساساً عالطلبة يجيبو هدية للمدرسة في عيد الام إن اجاز تسميته عيد !!!

انا انهارده كنت فى الفصل وباكل عادى هو ده حرام :confused:المدرس دخل قال لى لما تاكلى ادام اصحابك ده حرام :stickjo4: هو فين الحرام فيه بالعقل قولت ازاى هو فى حديث او نص فى القران يدل على كده مرديش عليا وقالى حرام :(:(

دى فتوة جديدة من المدرس بتاعى

هو اللى معروف إنه الاكل عورة
بس ده مقصود بيه الاكل في الشارع الاكل في مكان عام
لكن جوه المدرسة مش ححبس نفسي في الحمام عشان اكل مثلا
او اني اخدلي ركن في الكلية مخفي واروح اكل هناك
سواء كان ساندوتش ولا كيس شيبسي ده ميعتبرش اكل اصلاً
احنا مش بناكل طبيخ في المدرسة يعني

انا بحيك على الموضوع
فعلا موضوع الحلال والحرام ده بقا
كله بيفتى فيه اللى ليه فيها واللى ملهوش
وكلمه حرام ليست بسهله
وزى ما قولت الحلال بين والحرام بين
وكل واحد هيتحمل ذنب كل حاجه
حللها وحرمها بمزاجه:confused:
واللى نعرفه ان الحجاب فريضه
انما النقاب فضيله
دى حاجه معروفه هيفتوا فى دى كمان
انما موضوع البنطلون وانه اكثر حشمه
مع حضرتك حق بس البنطلون
عمره ما كان زى لبنت مسلمه حتى لو واسع وفضفاض
هوه فى النهايه بنطلون محدد بردوا
فعلا مش ناقص غير يقولك حاسب
اصلك دوست على حته حرام:p
اسفه عل الاطاله
تقبل مرورى

بنطلون محدد ولا غير محدد المهم ميتحكمش عليه التحريم النهائي
واكيد كل واحد حيتحمل ذنب كل حاجة افتى فيها بغير حق
وحيتحمل وزرها بردو كل واحد نقل مقولة تحريم حاجة بدون التأكد من صحتها
خاصة بعد ما كترت اوي كمية الفتاوي للى دارس دين واللى مبيعرفش يكتب كمان :d

شكراً للإضافة

روووووز

18-10-2010, 11:18 AM

هو اللى معروف إنه الاكل عورة
بس ده مقصود بيه الاكل في الشارع الاكل في مكان عام
لكن جوه المدرسة مش ححبس نفسي في الحمام عشان اكل مثلا
او اني اخدلي ركن في الكلية مخفي واروح اكل هناك
سواء كان ساندوتش ولا كيس شيبسي ده ميعتبرش اكل اصلاً
احنا مش بناكل طبيخ في المدرسة يعني

[/center]

انا باكل فى الفصل ^_^^_^
هو يقصد لو اكلت ادام واحدة حرام يا سبحان الله
يعنى ايام الرسول صلى الله عليه وسلم الرسول كان بياكل مع الصحابه
لو فى حديث يدل على كده يقول مش يفتى على الفاضى :stickjo4::stickjo4:

MoHaMeD ELsHeRbEnY

18-10-2010, 11:50 AM

الموضوع مغلق لحين التأكد من احد العلماء الافاضل
ان كان يصح عرض مثل هذة المواضيع ام لا