السلام عليكم ورحمة الله وبركاته ,,
تحية طيبة لاعضــاء المنتدي الكرام ...

من منـا لا يحمل هاتف محمول ؟
بالطبع اصبح الهاتف من ضروريات العصر ,, عشان بيوصل الناس ببعضها ..
اول ما الموبيل ظهر كانت الناس بتتصل بيه بس ,
كمان شوية عرفنا حاجة اسمها نغمات , وبعدين composer و بعدين نغمات مجسمة وصور , وبعدين اغاني , ...

المهم يعني ,,:blush:
دلوقتي في ظاهرة غريبة اوي .... او يمكن انا لسه واخذ بالي منها دلوقتي ؟!

تلاقي واحد شايل علي الموبايل بتاعه اغاني ,, فوق ال1000 اغنية بلا مبالغة !!!
غير الصور , و الفيديوهات , ....
اول ما الموبايل بتاعه يرن .. تسمع نغمة الرنين الحلوة اللي هو حاطتها .
علي اساس يعني ان لو نغمة الرنين كانت نغمة طبيعية- اللي بتيجي مع التليفون - مش هيعرف يرد علي اللي متصل بيه:confused: !!

واحد تاني بقي تلاقي الموبايل عليه قران , وادعية , وبرامج دينية , ....
المهم , اول لما الموبايل بتاعه يرن تسمع السورة اللي هو حاطتها نغمة رنين ...

هنا ييجي السؤال اللي محيرني ,,
هل يجوز وضع سور القران الكريم نغمات للهاتف المحمول ؟؟
ام انه لا يليق بكلام الله ان يستخدم لهذا الغرض ؟؟
و انت مين من الناس دي ؟!

في انتظار ردوركم ,,
:078111rg3:
a7mad 3abdo

هنا ييجي السؤال اللي محيرني ,,
هل يجوز وضع سور القران الكريم نغمات للهاتف المحمول ؟؟

من رايى ان ايات القران مش مستحبة كنغمة علشان ما ينفعش نقفل كلام ربنا ونرد على حد دى حاجة

اما لما تكون دينية فده دليل على شخصيتنا ودى حاجة مستحبة
لما يكون كلام طيب وهادى

ام انه لا يليق بكلام الله ان يستخدم لهذا الغرض ؟؟

نعم لا يليق

و انت مين من الناس دي ؟!

بفضل الله لا اكون غير طالبة رضاه وعفوه

وللاسف فى ناس كتير من النوع التانى

ربنا يهدى شباب وبنات المسلمين

شكرا على الموضوع وفقكم الله

انا كمان رايي انه مينفعش
واعتقد فيه فتاوي تمنع دة

لكن لو ادعية او اناشيد فدي عادي

انا نغمة موبايلي نشيد

والحمد لله انا مش بسمع اغني اصلا
عشان احطها على الموبايل

شكرا لحضرتك على الموضوع الرائع

هنا ييجي السؤال اللي محيرني ,,
هل يجوز وضع سور القران الكريم نغمات للهاتف المحمول ؟؟

من رايى ان ايات القران مش مستحبة كنغمة علشان ما ينفعش نقفل كلام ربنا ونرد على حد دى حاجة

اما لما تكون دينية فده دليل على شخصيتنا ودى حاجة مستحبة
لما يكون كلام طيب وهادى

ام انه لا يليق بكلام الله ان يستخدم لهذا الغرض ؟؟

نعم لا يليق

و انت مين من الناس دي ؟!

بفضل الله لا اكون غير طالبة رضاه وعفوه

وللاسف فى ناس كتير من النوع التانى

ربنا يهدى شباب وبنات المسلمين

شكرا على الموضوع وفقكم الله

أتفق معكِ أختى الفاضلة
سلمتِ وسلمت يداكِ
شكراً على الموضوع أخى الفاضل

اكيد طبعا ماينفعش نحط ايه قرانيه كنغمة موبايل لكن لو نشيد اوك مفيش مشكله وربنا يهدى لحسن انا بسمع رنات عجب

اولاً : تنوع نغمات الرنين الهدف منه ان كل واحد لما الموبايل يرن يبقي عارف
انه دا الموبايل بتاعه .
ثانيا : من وجهة نظري ان النغمة تكون عادية ومقبولة وغير ملفتة للأخرين .
ثالثا : وضع القرآن الكريم كنغمة رنين مرفوض طبعاً . حط قرآن في الموبايل ولكن
ليس كنغمة رنين وكذلك الأمر بالنسبة للأذان .
رابعاً : سحب الموبايل من كل الفتيات :p:d

طبعا معروف ان نغمة الموبايل القرآن مينفعش
وفيه فتوي بتحرمها لان كلام ربنا لازم نحترمه .....
كان عندنا دكتور في الجامعة كان حاطط نغمة قرآن
كنت هموت واقوله ع النغمة دي بس للأسف مكنش عندي جرأة :slap1qk6:
المشكلة ان فيه نغمات غريبة بجد يعني مثلا تلاقي واحد حاطط نغمة كلب :slap1qk6:
ودا حصل معايا كنا في محاضرة ولقيت صوت كلب صغير كدا
استغربت ايه اللي جابه الكلية عندنا والمحاضرة اللي بعدها
لقيت صوت الكلب ...وطلع شاب هو اللي حاطط النغمة دي
واتسحب منه الكارنية :slap1qk6:
وحد تاني حاطط نغمة لما والده يتصل بيه ولا حاجة استر يارب وحاجات كثيرة
وغير نغمة الكتاكيت دي..تحس انك قاعد في مزرعة:006et4:
ام النغمة الفضيحة فكانت في مرة واحدة معانا حاتة نغمة
وحشتيني وبتوحشني أغنية لتامر عاشور
وكنا ورانا امتحان ف السكشن
ومفيش كلام وبإذا بالفضيحة الكبري (بتاع وحشتيني وبتوحشني )دي كان موقف سخيفة بجد....:romarioxp6:من وقتها وهي مش بتحط الإ أدعية وعملة تليفونها صامت :006et4:
عن نفسي بافضل اي نغمة فيها دعاء السديسي ....ودي نغمة موبايلي
بجد بتحسي براحة نفسية ام نغمات الأغاني بتشعرني بتوتر ...
شكراا ع الموضوع