السلام عليكم ورحمة الله وبركاته

بدون مقدمات هدخل في الموضوع علطول

طبعا ديه اول مشاركه ليا بس انا متابعه كل جديد في البوابه

اساتذتي الافاضل الكرام اللي يعجز لساني عن شكركم

اللي ابهرتونا بمجهوداتكم العظيمه

ارجو من كل مدرس هنا في البوابه
انه يساعدني في الموضوع ده
الموضوع اللي عيزه حضرتكوا تسعدوني فيه بسيط جدا
طبعا زي محضرتكوا عرفين الوزير رضي الله عنه منع الكتب الخارجيه بس الحمد لله نزلت تاني
معدا اهم كتاب وهو كتاب الاضواء
وطبعا مفيش حل غير الكتاب المدرسي اللي نعتمد عليه في المذاكره والكتاب المدرسي للاسف مينفعش الا انه
يتولع بجاز
واكيد طبعا الوزير هيجيب الامتحانات منه يعني ممكن يجيب سؤال ما بين السطور
ومن التدريبات بتاعت كل درس
يعني من الاخر انا طالبه من حضراتكوا تعملوا مذكره حل كل اسئله الكتاب المدرسي من طق طق لسلام عليكوا
انا فكرت معملش الموضوع ده لاني حاسه ان مفيش مدرس هيعبرني
لكن باذن الله
كل مدرس هنا بيحب يعمل الخير
وهتساعدوني وانا في انتظار ردودكوا
يعني تقولولي انكوا هتسعدوني
ومش هتتخلوا عني
ممكن !!؟
ومتنسوش المذكره

اه معلش نسيت مقول حاجه
انا معتمده علي ربنا ثم علي المذكرات اللي هنا

المذكرات كثيرة جدا إمامك فما عليك إلا أن تختاري

استاذ امام حضرتك فهمتني غلط
انا اقصد يعني عايزه مذكره لحل كل اسئلة الكتاب
وشكرا لدخول حضرتك لموضوعي

ان شاء الله انتظرى المذكرات قريبا يا بنتى ا / مصطفى من اسيوط

ان شاء الله انتظرى المذكرات قريبا يا بنتى ا / مصطفى من اسيوط
ياريت يا أستاذنا فعلا احنا فى امس الحاجة اليها وجزاك الله كل خير

يا مي حل تدريبات الكتاب امر هين وبسيط ان شاء اللة والاستاذة هنا مجهودهم يغنيك حتي عن الكتب الخارجية اما مسالة الامتحان فهي لا علاقة لها بالسيد الوزير الامتحان مركزي لكل محافظة فهو مرتبط بالموجه العام حسب كل محافظة المهم نذاكر ونجتهد وحل التدريبات اللي هنا اواللي بناخدها في المدرسه

بصي يا مي
انا من رايي
انك اولا تعتمدي علي ربنا وتبذلي كل جهدك في الماده وتستعيني بالمذكرات اللي هنا انتي لو ذكرتيها كويس وحليتي الاسئله علي كل درس
كده يبقي كويس ومتعقديش نفسك يعني السؤال اللي متعرفيش تحليه متحبطيش ركزي مره واتنين ولو معرفتيش اكتبي السؤال في القسم المخصص ليه
وهتلاقي الاساتذه هيجاوبوا عليه
وربنا يكرمنا ويوفقنا كلنا يارب

يا مي لا تظلمي السيد الوزير ، ولاتظلمي كتاب المدرسة ، فأنا شايفه أفضل من أي كتاب خارجي ، ومع إني واضع كتاب خارجي في اللغة العربية ، مازال تحت النشر ، إلا أنني أقول لك يا مي كلنا نستفيد من كتاب المدرسة إذا قرأناه بعناية ، وأوعدك إن شاء الله لو ربنا سهل بنزول كتابي هذا العام أن تكون لك نسخة مجانية ،،،،،،،،،، كتابي اسمه نحو الفصحى ، وأنا حسام حميدة الفنجري ، مدرس أول اللغة العربية ، باحث الشريعة الإسلامية