بسم الله الرحمن الرحيم
ده كلام يا احمد ؟؟؟؟؟؟؟؟

إستووا.. إعتدلوا.. إستقيموا يرحمكم الله

الله أكبر
الله أكبر
أحمد ركز بأه في الصلاة وبلاش تسرح طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه

الله أكبر
أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

سمع الله لمن حمده
ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

الله أكبر
هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي،أستغفر الله

الله اكبر
أهوه أنا مركز أهوه، إنظر لمكان السجود وركز في الأيات اللي بيقولها الإمام

الله أكبر
الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

الله أكبر
هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

الله أكبر
أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

الله أكبر
السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي فتره مانضفتوش

الله أكبر
الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

الله أكبر
فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟
بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل
.
.
.
.
الله أكبر
الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

السلام عليكم ورحمة الله
السلام عليكم ورحمة الله
إيه هيا الصلاة خلصت ؟

السلام عليكم ورحمة الله
السلام عليكم ورحمة الله
أستغفر الله العظيم
!!!!!

منقول للامانه

وعلاجة مراقبة الله والخشية منة..
ويجب على لانسان الموسوس ان يستعيذ بالله من الشيطان الرجيم..
وان يتدبر بأيات القران ويجب علية انو يكون ذو ارادة قوية وتحكيم العقل على ترك مشاغل الدنيا اثناء الصلاة والاستشعار انو بين المولى فبيزيد بالتالي الشعور بالخوف والرهبة من المولى سبحانة..
مشكورة يا شهر زاد صراحة مواضيعك كلها بدون استثناء جدا مفيدة..
جزاك الله كل خير..

شهرزاد بارك الله فيك على هذا الموضوع فعلا قصة تم ادراجها بمنتهى الشفافية والوضوح كما يحدث بالضبط فالشيطان اذا لم نتغلب عليه قضى علينا وادخلنا طريق الندم والهلاك

هههههههههههه
شر البلية ما يضحك !!!
دا مش محتاج شيطان يوسوس ليه , كفاية عليه نفسه !!

الموضوع ده مهم
لان بجد الواحد بيسرح في الصلاه
وبيجي في باله حاجات مكنش بيفكر فيها ف العاده
اسال الله ان يهدينا وان يسامحنا

وعلاجة مراقبة الله والخشية منة..
ويجب على لانسان الموسوس ان يستعيذ بالله من الشيطان الرجيم..
وان يتدبر بأيات القران ويجب علية انو يكون ذو ارادة قوية وتحكيم العقل على ترك مشاغل الدنيا اثناء الصلاة والاستشعار انو بين المولى فبيزيد بالتالي الشعور بالخوف والرهبة من المولى سبحانة..
مشكورة يا شهر زاد صراحة مواضيعك كلها بدون استثناء جدا مفيدة..
جزاك الله كل خير..
شرفني مرورك العطر يا غالية

شهرزاد بارك الله فيك على هذا الموضوع فعلا قصة تم ادراجها بمنتهى الشفافية والوضوح كما يحدث بالضبط فالشيطان اذا لم نتغلب عليه قضى علينا وادخلنا طريق الندم والهلاك تسلم لمرورك مستر ايمن اسعدني تواجدك ولا بد ان نستعيذ بالله من شياطين الانس والجن

هههههههههههه
شر البلية ما يضحك !!!
دا مش محتاج شيطان يوسوس ليه , كفاية عليه نفسه !! تسلم لمرورك العطر يا علي ويكا وتسلم على تعليقك

الموضوع ده مهم

لان بجد الواحد بيسرح في الصلاه
وبيجي في باله حاجات مكنش بيفكر فيها ف العاده

اسال الله ان يهدينا وان يسامحنا

اللهم امين تسلم على تعليقك الصمت الحزين اسعدني مرورك

موضوع مفيد جدا

بارك الله فيك شهر زاد

ربنا يهدينا جميعا الى مايحب ويرضى

للأسف فعلاً موجود
يمكن ده ارحم من اللى مش حاسس نفسه في صلاة اصلاً

المشكله فى أحمد مش مركز فى الصلاه لازم يستعذ من الشيطان قبل الصلاه ويشعر بالرهبه لانه يصلى أمام الخالق سبحانه وتعالى
بعد كده يأحمد لازم تركز و صوابع أيه ..................

هى مش مشكلة أحمد هى مشكلة قلت الايمان بالله

فكما قال الرسول الكريم أن الايمان يزيد وينقص ونحن مع مشاغل الحياة انخرطنا فى كل شيئ يلهينا عن الهدف الذى خلقنا الله من أجله و هو العبادة الذاريات (آية:56) (javascript:showAya(51,56)):وما خلقت الجن والانس الا ليعبدون (javascript:showAya(51,56))

ولكن كيف لنا أن نخلص العبادة لله

أن نعلم أن الرازق هو الله

أن نعلم أن المنجى هو الله

ان نعلم أن العاطي هو الله

أن نعلم أن المانع هو الله

أن نعلم أن كل شيئ بيد الله
البقرة (آية:107) (javascript:showAya(2,107)):الم تعلم ان الله له ملك السماوات والارض وما لكم من دون الله من ولي ولا نصير (javascript:showAya(2,107))


انه الصراع بين أبن أدم والشيطان فقال الشيطان

ص (آية:83,82) (javascript:showAya(38,82)):قال فبعزتك لاغوينهم اجمعين (javascript:showAya(38,82))الا عبادك منهم المخلصين (javascript:showAya(38,83))

فكيف لنا أن نكون من المخلصين

اللهم أجعلنا من عبادك المخلصين

تسلموا لردودكم العطر وتفاعلكم مع الموضوع