نعم فعلتها تركيا ...وفشلت فيها مصر...!! [الأرشيف] - بوابة الثانوية العامة المصرية

**تسابيح**

21-10-2010, 07:23 PM

السلام عليكم ورحمة الله وبركاته
لست بصدد الحديث عن مهند وأمثاله والإعجاب الرهيب بهم ,ولكني بصدد الحديث عن الجمال التركي في المسلسلات التركية, فهم لم يجعلوا العرب يفتنوا بيهم ولا بأبطالهم ولكن أيضا أصبحت الفتنة في هذا الجمال .فلا يخلو منظر في المسلسل من تصور لمناطق جميلة لدرجة أن العرب أصبحت تركيا غايتهم للسفر بعدما اطلعوا علي جمالها من المسلسلات ..
كثيراا اتحير وأقول (نعم فعلتها تركياا..ولكن فشلت فيها مصر ) بلد الحضارة والتاريخ
فلا تجد المسلسل الإ ويعلن عن أحقر الحقارة عن مصر والمواطن المصري
حتي يظن من لم يأت إليها يوما بأنه سوف يأتي لمجتمع البيوت تمتليء بقارورات الخمر والنساء عاريات أم النخوة في الرجال المصريين فلا يوجد أي نخوة !!
وماذا عن العشوائيات التي تعتبر مصر هي أساس أساس العشوائيات !!
تصدقوا رغم أنني مصرية لكن كدت أن أصدق هذا !!:(:(
وفلا تجد أنهم مثلا يصورون مناظر لمعالم مصر سواء بطريقة مقصودة أو غير مقصودة !!
كما فعلت تركيا فهي لا تريد أن تظهر أمام الأجانب بمظهر غير لائق
بل تتجمل ..هل رأينا في مسلسل تركي مثلا يعلن عن تشوية لتركيا
أم وجدنا مناظر جميلة وبحر تحفه يذهب إليه البطل أو البطلة وماذا
عن العصافير التي تملأ هذا المنظر بالجمال الساحر ...
لست من هواة المسلسلات التركية ولكن الفضول يدفعنا ساعات لمعرفة ما الجذابية في هذه المسلسلات
ولكن ما لفت نظري فعلا هو التنسيق الدقيق في عرض جمال وإبداع وأصالة تركيا ...
أم عندما اشاهد مسلسلاتنا وأفلامنا أكاد يعصرني الألم من الحسرة علي هذا التاريخ العظيم لمصر التي تشوه الأفلام والمسلسلات
..مصر المتدينة مصر الأزهر ....مصر الحضارة ...مصر التاريخ !!
حتي إني سُألت في يوم في منتدي عربي فقيل لي: كم تمثل شخصية اللمبي في المجتمع المصري !!!
صعقت من السؤال ..حدث لي اهتزاز لم أكن اتخيل أن يسألني أحد غير مصري هذا السؤال ..فأجبت بأنها لا تمثل اي شيء ولكنها شخصية لجذب الأموال فقط لا غير ...!!!
كيف لشخص يشاهد في الأفلام والمسلسلات بأن البطل عندما يتضايق من حبيبته يذهب إلي خمارة ويتعاطي الخمر وغيره من يذهب إلي نادي للقمار !!!
ناهيك عن الزنا المباح الذي يعرض في المسلسلات والأفلام دون أدني حياء !!
كأن شيئ عادي منتشر في المجتمع المصري !!دون أدني اعتراض
كأنه أصبح عادي ...!!!
يظن بعض العرب أي كانت جنسيته بأن عندما يأتي لمصر سوف يري هذا الشيء ...ولكن يفاجأ بأن مصر غير الأفلام والمسلسلات !!
هيهات هيهات بينهم !!!
سحقا لهذه الأفلام والمسلسلات التي جعلت الإنسان يخجل من كونه مصري
بسببها!!
أصبح تحتقر كل ماهو مصري وتلعنه وتريد ان تقضي عليه....
ونحن الآن نتجرع هذا الكأس التي صنعته الأفلام والمسلسلات المصرية
التي لم تتعرض في يوم لمصر وتظهر الجمال الذي فيها !!!
فشكرااا تركيا استطاعتي أن تستغلي كل أسلحتك لجذب والتعريف بكي من مسلسلاتك ..أم نحن فيا حسراتاه علينا ...أصبح من بلد الحضارة
إلي بلد الوقاحة ...!!
عفوا .. أأهذه الحقيقة ...أم إنها تخاريف كيبوردية !!!

وردة امل

21-10-2010, 07:53 PM

موضوع جميل جدا يا تسابيح كالعادة:)
فعلا اصبحت المسلسلات والافلام دلوقتى صورة غير
مشرفة لمصر لانها بتعرض حاجات سيئة عن مصر
بتعرض الممثلات العارية والخمارات والقمار والعشوائيات
والبلطجة كمان يعنى مش سايبة اى حاجة وحشة الا وعرضتها
يعنى بتقول كده بالبلدى اللى مش شايف مصر كويس تعالى شوف
والافلام الزبالة طبعا اللى بتتعرض زى حين ميسرة وكلمنى شكرا وافلام
محمد سعد بلا استثناء انا بصراحة مش عارفة الراجل ده ازاى بيعمل
الافلام دى وايه الهبل اللى بيعمله فى الافلام دى قال بيرقص قال
والا بئا المسلسلات بقت زى الافلام كان فى كده مسلسل لفت نظرى
فى التلفزيون اسمه ربع مشكل مسلسل مش عارفة اقول عليه ايه بس
ملهوووووووش معنى خالص
وفى الاخر يقولوا مصر بلد الفن
يا ترى فن ايه ؟؟؟
اما بئا بخصوص تركيا فدى عرفت تعرض نفسها كويس جدا
بتعرض فى مسلسلاتها حاجات كويسة
ومهتمة جدا بالتنسيق والجمال وبتعرض حاجات ومناظر حلوة وعصافير
وبحر وجناين فيها خضرة زى مابتقولى كده يا تسابيح بالظبط
خلت الناس تاخد فكرة كويس عن تركيا
لدرجة ان الناس اتجننت بنور ومهند وميرنا وخليل

mohammedhamed22

21-10-2010, 08:01 PM

للاسف الشديد هذه هي الحقيقه المره المسلسلات المصريه دايما تعرض اسوا ما في مصر وغالبيه الحاجات اللي بتعرضها مش موجودة حقيقي في المجتمع
شكرا جزيلا علي الموضوع الرائع

Mr. Ali 1

21-10-2010, 08:04 PM

مع اني لم أشاهد ولا مسلسل تركي حتي الأن , إلا انني متأكد
من صدق ما قلتي عن استغلال جمال الطبيعة في الأعمال التركية
فدائماً أري هذا الجمال الخلاب في الأفلام الأجنبية والتي لا يكاد
يخلو فيلم واحد منها .
ولست أدري علي وجه اليقين ان كانت مصر تفتقر لهذه الطبيعة الجميلة أم لا !!
أنا من أشد المعجبين والمتابعين للمسلسلات التاريخية والدينية السورية لما فيها
من اتقان للعمل ككل من حيث اللغة العربية ومدي اتقان الممثلين لها ومن حيث
الطبيعة التي يتم تصوير المسلسل فيها ومن حيث تكاليف الانتاج التي تجعل العمل
غاية في الروعة , بينما هنا في مصر نري مثل هذه الأعمال يتم تصويرها في غرف
مغلقة , ففي هذه الغرفة يتم تصوير هذا المشهد , وفي الغرفة الأخري يتم تصوير
مشهد أخر , هذا بخلاف مشاهد الحروب مثلاً والتي يتم تصويرها وكأنها خناقة في
شارع أو حارة !!
المهم عندنا أن المسلسل يكتب من أجل البطل فقط والذي يكون نصيبه هو فقط
نصف تكاليف انتاج هذا العمل !!!
أما عن نوعية الأفلام التي تقدم في مصر وما تحتويه من مشاهد عري وفحش
وخمور ومخدرات , فهذه الأعمال تلقي رواجاً كبيراً جداجدا ودائماً ما نسمع مقولة
" الجمهور عايز كده " وبما ان هذه الأعمال تنجح وتحقق أعلي الايرادات , يبقي
فعلاً الجمهور عايز كده !!
المشكلة مش مشكلة القائمين علي الأعمال الفنية المتنوعة فقط , بل هي مشكلة
الثقافة للشعب المصري كله !!
قلو امتنع الشعب المصري عن مشاهدة مثل هذه الأعمال , لفشلت جميعها ولاضطر
القائمين عليها بتغيير هذه الأنماط من الأعمال .
وكمثال فيلم " صلاح الدين " للمنتجة أسيا , يقال عن هذا الفيلم بأنه حقق أعلي نسبة
خسارة في تاريخ السينما وتسبب في افلاس المنتجة " أسيا " , لأن الجمهور لم يقبل
علي مثل هذه النوعية من الأفلام !!!
مع ان هذا الفيلم حينما يعرض علي أي قناة فضائية الأن , يحقق نسبة مشاهدة عالية
جداً .
ايه المانع ان احنا نتعلم من المسلسلات الدينية والتاريخية السورية ونقوم بعمل نفتخر
به كمصريين !!
لماذا لا يتبني قطاع اتحاد الاذاعة والتليفزيون انتاج مثل هذه الأعمال ؟!!!
طبعاً أنا عارف الاجابة كويس , بس مفيش داعي أقولها .

**تسابيح**

21-10-2010, 08:09 PM

موضوع جميل جدا يا تسابيح كالعادة:)
هي جميلة عشان انت بتردي عليها أكيد
فعلا اصبحت المسلسلات والافلام دلوقتى صورة غير
مشرفة لمصر لانها بتعرض حاجات سيئة عن مصر
قولي حاجات وقحة حقيرة
سيئة كلمة قليلة أوووي أوووي عليها
بتعرض الممثلات العارية والخمارات والقمار والعشوائيات
والبلطجة كمان يعنى مش سايبة اى حاجة وحشة الا وعرضتها
يعنى بتقول كده بالبلدى اللى مش شايف مصر كويس تعالى شوف
يابنتي ياريت كدا وبس
دا بتعلم الشباب الانحراف والوقاحة !!!
والافلام الزبالة طبعا اللى بتتعرض زى حين ميسرة وكلمنى شكرا وافلام
حسبي الله ونعم الوكيل فيهم بجد
ربناينتقم منهم !!
والله العظيم بتعجب
هم مش عندهم حياء ولا ايه !!!
محمد سعد بلا استثناء انا بصراحة مش عارفة الراجل ده ازاى بيعمل
الافلام دى وايه الهبل اللى بيعمله فى الافلام دى قال بيرقص قال
أفلامه ولا ليه ادني معني ولا هدف!!!
وطريق كلام هبلة وعبيطة !!
والا بئا المسلسلات بقت زى الافلام كان فى كده مسلسل لفت نظرى
فى التلفزيون اسمه ربع مشكل مسلسل مش عارفة اقول عليه ايه بس
ملهوووووووش معنى خالص
وفى الاخر يقولوا مصر بلد الفن
يا ترى فن ايه ؟؟؟
اما بئا بخصوص تركيا فدى عرفت تعرض نفسها كويس جدا
بتعرض فى مسلسلاتها حاجات كويسة
ومهتمة جدا بالتنسيق والجمال وبتعرض حاجات ومناظر حلوة وعصافير
وبحر وجناين فيها خضرة زى مابتقولى كده يا تسابيح بالظبط
خلت الناس تاخد فكرة كويس عن تركيا
لدرجة ان الناس اتجننت بنور ومهند وميرنا وخليل
كويس أووووي
عرفت تخلي كل الناس تحبها سواء من خلال الأبطال او المناظر
كل بلد فيها السلبي والايجابي بس احنا عندنا ماهرة اظهار السلبي
وهم عندهم مهارة اظهار الايجابي
شكراا لك حبيبتي

**تسابيح**

21-10-2010, 08:12 PM

للاسف الشديد هذه هي الحقيقه المره المسلسلات المصريه دايما تعرض اسوا ما في مصر وغالبيه الحاجات اللي بتعرضها مش موجودة حقيقي في المجتمع
شكرا جزيلا علي الموضوع الرائع
ليتنا نستطيع أن نغير الحقيقة ....
شكراا لحضرتك

**تسابيح**

21-10-2010, 08:21 PM

مع اني لم أشاهد ولا مسلسل تركي حتي الأن , إلا انني متأكد
من صدق ما قلتي عن استغلال جمال الطبيعة في الأعمال التركية
فدائماً أري هذا الجمال الخلاب في الأفلام الأجنبية والتي لا يكاد
يخلو فيلم واحد منها .
كل البلاد الأجنبية بتستغل مواردها
رغم ان احنا موارد كثير
بس عندنا فشل كبير في استغلالها !!
مش بنعرف نوجها صح !!
ولست أدري علي وجه اليقين ان كانت مصر تفتقر لهذه الطبيعة الجميلة أم لا !!
لا طبعا
مصر فيها مناطق تحفه بجد!!
كل منطقة في مصر لها جمالها الخاص
سواء كانت سياحية فعلا او حتي مش سياحية !!
أنا من أشد المعجبين والمتابعين للمسلسلات التاريخية والدينية السورية لما فيها
من اتقان للعمل ككل من حيث اللغة العربية ومدي اتقان الممثلين لها ومن حيث
الطبيعة التي يتم تصوير المسلسل فيها ومن حيث تكاليف الانتاج التي تجعل العمل
غاية في الروعة , بينما هنا في مصر نري مثل هذه الأعمال يتم تصويرها في غرف
مغلقة , ففي هذه الغرفة يتم تصوير هذا المشهد , وفي الغرفة الأخري يتم تصوير
مشهد أخر , هذا بخلاف مشاهد الحروب مثلاً والتي يتم تصويرها وكأنها خناقة في
شارع أو حارة !!
المهم عندنا أن المسلسل يكتب من أجل البطل فقط والذي يكون نصيبه هو فقط
نصف تكاليف انتاج هذا العمل !!!
أكيد أستاذ علي معظم المصريين متابعيين السوريين بردو
بس في المسلسلات التركية المدبلجة !!!
أصلا غير كدا ان المسلسل بيبقي مفبكر عشان الربح
بس المسلسلات السورية التاريخية دي بتتعرض علي اي قناة !!!
أما عن نوعية الأفلام التي تقدم في مصر وما تحتويه من مشاهد عري وفحش
وخمور ومخدرات , فهذه الأعمال تلقي رواجاً كبيراً جداجدا ودائماً ما نسمع مقولة
" الجمهور عايز كده " وبما ان هذه الأعمال تنجح وتحقق أعلي الايرادات , يبقي
فعلاً الجمهور عايز كده !!
والله العظيم حاجة تكسف
خلاني كرهت نفسي ...
مش عارفة ازاي الناس مش بئا عندها حياء للدرجة دي!!
المشكلة مش مشكلة القائمين علي الأعمال الفنية المتنوعة فقط , بل هي مشكلة
الثقافة للشعب المصري كله !!
قلو امتنع الشعب المصري عن مشاهدة مثل هذه الأعمال , لفشلت جميعها ولاضطر
القائمين عليها بتغيير هذه الأنماط من الأعمال .
وكمثال فيلم " صلاح الدين " للمنتجة أسيا , يقال عن هذا الفيلم بأنه حقق أعلي نسبة
خسارة في تاريخ السينما وتسبب في افلاس المنتجة " أسيا " , لأن الجمهور لم يقبل
علي مثل هذه النوعية من الأفلام !!!
مع ان هذا الفيلم حينما يعرض علي أي قناة فضائية الأن , يحقق نسبة مشاهدة عالية
جداً .
ايه المانع ان احنا نتعلم من المسلسلات الدينية والتاريخية السورية ونقوم بعمل نفتخر
به كمصريين !!
لماذا لا يتبني قطاع اتحاد الاذاعة والتليفزيون انتاج مثل هذه الأعمال ؟!!!
طبعاً أنا عارف الاجابة كويس , بس مفيش داعي أقولها .
زي ما حضرتك قلت دلوقتي ياأستاذ علي
بأن التليفزيون المصري بيلاقي ان العري
هو اللي بيكسب الذهب ليه يذهب للاحترام بعد الشر عليه !!
وبعدين أصلا احنا عايزين شعب مسطول !!
لو فارق بعد الشر عليه من مناظر العري دي
ممكن يتنور ويتحرر فكره بعد الشر !!
شكراا لحضرتك

الفلاح الفصيح2011

21-10-2010, 08:37 PM

تصدقى بالله
أكثر من 30 مدرس ومدرسه
يعنى اللى بينقلوا فكرهم للطلبه
سألتهم من هم أفضل شعب اسلامى فى نظركم
25 منهم قالوا تركيا و4قالوا السعوديه واليتيم دايما والوحيد دائما قلت مصر
ولأننا كنا فى تدريب ولايعرف كل منا الأخر
فسألت زميلة ممن اختاروا تركيا
هل سافرتى تركيا قالت لا ولكن اعلامهم يصفهم بصورتهم دون عبث أوتجميل

فى المقابل صديقى ربنا كرمه بعقد لسلطنة عمان وكان فى غاية السعادة
وعندما وصل للمدرسه المتعاقد معها اختاروا له سكن فى احدى المدن الصغرى
وعندما وصل اليها سأله أحد سكانها من اى بلد جئتنا ؟
فقال له من مصر
ولم يكمل الكلمه حتى كانت يديه تغلق بابه على حريمه وأولاده وظهر على وجه الارتباك وبدأت المضايقات له حتى يرحل من هذا السكن
ولان هذا الرجل من المتدينين فكان يقسم بأنهم كانوا يتابعونه من كل مكان حتى تأكدوا من أنه ملتزم دينيا
فاطمأنوا له وبدأوا يكرروا السؤال هل أنت فعلا من مصر !!!!!!
هذه هى صورتنا التى ينقلها الزعيم ورفاقه إلى العالم ونكرمهم كل عام أفضل تكريم
وتبعتهم الفضائيات لتكمل المسيرة بتصوير الشعب المصرى كأنه صار وحش كاسر والقتال دائر فى كل شوارع البلد
نعم زاد العنف الى حد ما ولكن هل صار سمة حياتنا - هل كل المصريين راقصين وراقصات ورجال عصابات وهاتكى أعراض
هل خلت المساجد من المصليين -- هات ماتت كل الضمائر ---- هل فقدنا كل طيب فى هذا الوطن
قبل أن تجيب اسأل نفسك وكن صادق فى الرد
1- لو كنت تسير فى أكبر شوارع القاهرة الممتلئه بالمتبرجات وبينهن انسانه محجبه -- هل ستخطف نظرك
2- لو كنت تسير فى أكبر شوارع القاهرة الممتلئه بالمحجبات وبينهن انسانه متبرجه --- هل ستخطف نظرك
من هنا يكون الانسان وتوجهاته حسب الاجابة التى سيصل إليها هذا السؤال البرىء -- وربنا السؤال برىء المرادى
شكرا لكم

مستر ايمن محمد راشد

21-10-2010, 08:41 PM

**تسابيح**

21-10-2010, 08:57 PM

تصدقى بالله

لاإله الإ الله ...سيدنا محمد رسول الله عليه أفضل الله وأذكي السلام
أكثر من 30 مدرس ومدرسه
يعنى اللى بينقلوا فكرهم للطلبه
سألتهم من هم أفضل شعب اسلامى فى نظركم
25 منهم قالوا تركيا و4قالوا السعوديه واليتيم دايما والوحيد دائما قلت مصر
ولأننا كنا فى تدريب ولايعرف كل منا الأخر
فسألت زميلة ممن اختاروا تركيا
هل سافرتى تركيا قالت لا ولكن اعلامهم يصفهم بصورتهم دون عبث أوتجميل

فى المقابل صديقى ربنا كرمه بعقد لسلطنة عمان وكان فى غاية السعادة
وعندما وصل للمدرسه المتعاقد معها اختاروا له سكن فى احدى المدن الصغرى
وعندما وصل اليها سأله أحد سكانها من اى بلد جئتنا ؟
فقال له من مصر
ولم يكمل الكلمه حتى كانت يديه تغلق بابه على حريمه وأولاده وظهر على وجه الارتباك وبدأت المضايقات له حتى يرحل من هذا السكن
ولان هذا الرجل من المتدينين فكان يقسم بأنهم كانوا يتابعونه من كل مكان حتى تأكدوا من أنه ملتزم دينيا
فاطمأنوا له وبدأوا يكرروا السؤال هل أنت فعلا من مصر !!!!!!
هذه هى صورتنا التى ينقلها الزعيم ورفاقه إلى العالم ونكرمهم كل عام أفضل تكريم
وتبعتهم الفضائيات لتكمل المسيرة بتصوير الشعب المصرى كأنه صار وحش كاسر والقتال دائر فى كل شوارع البلد
نعم زاد العنف الى حد ما ولكن هل صار سمة حياتنا - هل كل المصريين راقصين وراقصات ورجال عصابات وهاتكى أعراض
هل خلت المساجد من المصليين -- هات ماتت كل الضمائر ---- هل فقدنا كل طيب فى هذا الوطن
قبل أن تجيب اسأل نفسك وكن صادق فى الرد
1- لو كنت تسير فى أكبر شوارع القاهرة الممتلئه بالمتبرجات وبينهن انسانه محجبه -- هل ستخطف نظرك
2- لو كنت تسير فى أكبر شوارع القاهرة الممتلئه بالمحجبات وبينهن انسانه متبرجه --- هل ستخطف نظرك
من هنا يكون الانسان وتوجهاته حسب الاجابة التى سيصل إليها هذا السؤال البرىء -- وربنا السؤال برىء المرادى
شكرا لكم
وأنا صغيرة كنت بحسب ان الممثليين وأشكالهم كداا
منتشرة أوووي في القاهرة ولا فيه حجاب والعملية سداح مداح !! ولما سافرت القاهرة فعلا ومدن كثيرة لقيت انهم زينا بالضبط !!حجاب والتزام وتدين جداا
وأشكال التليفزيون مفيش خالص
وأنا مصرية وكنت طفلة وكنت فاكرة كدا أومال الناس اللي عمرهم ما شافوا مصر هيقولوا ايه !!!
بجد والله انا حزينة للي حضرتك قلته كداا
لأن الحقارة بقت منتشرة جداا ...والناس بتأخذنا علي أساسهم ...
.في الأول كان فيه حظر للمشاهد دي في المسلسلات دلوقتي العملية باظت جداا وبقيت هيصة !!!
بجد ربنا ينتقم من اللي كان السبب!!وحسبي الله ونعم الوكيل فيهم..
شكراا لحضرتك .....

**تسابيح**

21-10-2010, 09:04 PM

فى الواقع ما نراه اليوم على القمر العربى النايل سات شئ مؤسف جدا معظم القنوات تقوم بعرض الافلام الهابطة والاغانى الخليعة التى اصبحت موضه تقلد القنوات بعضها البعض ... الغريب اين اهالى هؤلاء الذين يظهرون على الشاشة بهذا الوضع والغريب انهم فى زيادة مستمرة .... اما عن تركيا فهى خقاً تفوقت على مصر فى انعكاس الصورة الجميلة التى تعبر عن بلدهم
تسابيح النجوم المشرفة البارعة شكراً على ابداعك الذاتى الذى يعبر عن مدى تفكيرك الواقعى الذى يعكس شخصيتك الواعية
ع فكرة بجد مش ع الفضائيات بس
حتي القنوات المصرية اللي كان فيها حظر
بقت دلوقتي بتعرض حاجات أقل ما يقال عنها وقحة !!
ببساطة الأهل عندهم دياثة والعياذ بالله ....
عندهم الأمور عادي لو بنته في وضع مخل مع حد
هيقول دا زي أخوها أو دا تمثيل ا :angry2::angry2:!!دياثة نعمل ايه!!
والحجج جاهزة في أي وقت
شكراا لحضرتك أستاذ أيمن
أكيد احنا بنتعلم من حضرتك ....

sympathique

22-10-2010, 01:59 AM

مجنونة الكيمياء

22-10-2010, 08:27 AM

مصر أم الدنيا
داأبسط شئ وأجمل شئ ممكن أرد على موضوعك بيه
مصر الحضارة العراقة الاصالة التاريخ الجمال الحب وغيره كتيييييييييير وكتييييييييير
أما المسلسلات والافلام ده كله تخاريف ناس عايزة تقضى على البلد
بس مصر أعلى وأسمى من كل دول وستظل أم الدنيا لاخر العمر
دائما وأبدا تقدمى موضوعات رائعة تحكى عن عصرنا
فدمتى لنا متألقة بكلماتك الساحرة وعباراتك المشرقة وموضوعاتك الأكثر من رائعة

alloy

22-10-2010, 08:28 AM

شكراا لحضرتك أستاذ أيمن
أكيد احنا بنتعلم من حضرتك

الاميرة المرحة

22-10-2010, 01:13 PM

عادى يا جماعة مهى مصر ناجحة فى اى حاجة ما عدا كل حاجة فى الدنيا جات على المسلسلات اللى اساسا مش فيها قصة ولا اى حاجة

عبدالله حسن رياش

22-10-2010, 01:26 PM

BaNZeR

22-10-2010, 01:50 PM

تغريد الطيور

22-10-2010, 01:55 PM

موضوع رائع فعلا يا تسابيح بس انا الحمد لله لا بتفرج على مسلسلات مصرية و لا تركية لانها مضيعة للوقت انا اخرى كارتون ههههههههههه

بس فعلا موضوع جميل و اجمل ما فيه انه منك انتى

**تسابيح**

22-10-2010, 01:55 PM

كالعادة ياتسابيح موضوعك رائع

وانتى اتعرضتى لاكتر من نقطة هنا فى الموضوع ده
مع انى مش من هواة متابعة الافلام والمسلسلات
سواء العربية او الاجنبية
ولكنى اعلم ماتقولينه جيدا
وتعرضت له اكثر من مرة
وخصوصا من الخليجيين فى طابا وشرم الشيخ
دائما لديهم انطباع وفكرة عن مصر مش هقولك سيئة لان فيه منهم من يعرف مصر ويعرف شعبها نتيجة لتعامله مع المصريين هنام فى بلادهم
والبعض الاخر يحكم عليه من خلال الاعلام
وذلك باعتبار
ان الاعلام بيعكس ثقافة المجتمع ومابه من احداث
بس تعرفى ان شعبنا ليه دخل كبير فى كل اللى بيحصل ده
مع العلم ان هناك جهات اخرى يهمها كل ذلك
احنا اللى بنتهافت على المسلسلات والافلام وكل مابها
اندفعانا ورائهم هو مادفع هؤلاء ان يطلبوا مبالغ رهيبة فى اعمالهم

بصراحة انا ايديا بتاكلنى على الكيبورد وعاوز اتكلم فى اكتر من نقطة
بس هقولك على حاجة
ان المصريين .. لامعظم المصريين تصرفاتهم وافعالهم تتغير وتختلف باختلاف المكان اللى احنا فيه
مثال
انا حصل قدامى الموقف ده شاب عادى ماشى مع اصحابه ومرة واحدة رمى ورقة على الارض
واحد من اصحابة شال الورقة وراح قايله يعنى لو انت فى المكان الفلانى ....(منطقة مصرية ) كنت عملت كده
رد عليه وقاله ياعم انت تجيب دى زى دى

ومواقف تانية كتيييير
وطبعا نتى اكيد عارفة ان معظم الدول العربية تعتبر مصر هى المسئولة الوحيدة عن كل مايجرى للعرب فى كل مكان وخاصة فلسطين
وكلهم ينتظرون مصر لتكون هى البادئة
ولكن هيهات هيهات
واكيد انتى زينا كلنا بتتعرضى لاسئلة سخيفة على المنتديات عن مصر
وتضطرى انك تجاوبى وتشرحى وتحاولى تغيرى الفكرة اللى فى بالهم
بس هو اقتناعهم كده

لان الاعلام المفروض انه بيعكس ثقافة مجتمع وشعب

احب اقولك
انها ليست اخطاء كيبوردية :d

كلامك تمام أوووي
فعلا المسلسلات بتعرض ثقافة المجتمع
لكن في حالتنا دي المسلسلات والأفلام
عايزة المجتمع كدا منحط وحقير !!
أم بخصوص طابا وشرم الشيخ فبلاش نتكلم أحسن
لأن المنطقة ذات نفسها مفهاش مصريين الإ اللي بيشتغلوا
معظمها أجانب ومناظر ما يعلم بها الإ ربنا !!
ولا كلام مش مضبوط !! أنا مش رحتها بس الأخبار بتوصلنا :d
أم بخصوص الشاب دا
فاحنا فعلا بنفتقد بثقافة المحافظة علي البيئة ! وياعم هي جات عليه يعني !
وصدقني اللي بيعمل كدا في بيته أكيد هيعمل كدا !
أنا مشتركة في منتدي كانوا بيهروني أسئلة عن مصر ...:d
وبجد أنا مش عارفة
وفيه ناس كانت بتقول كلام مغلوطة جداا قلبي خالص كان وجعني
من كثر الشرح...
وناس تانية كانت بتسألني عشان يعرفوا الحقيقة !!!
يعني ناس كدا وناس كداا
ربنا يسامح اللي شوه صورتنا كداا
شكراا لحضرتك أخي

**تسابيح**

22-10-2010, 01:59 PM

**تسابيح**

22-10-2010, 02:05 PM

كلام صحيح
حتى اني في فترة كنت كل ما أقابل واحد ياباني أحس انه بطل كاراتيه
والامريكي
احس انه عبقري ويقدر يدمر معسكر عشان ينقذ حبيبته
اما احنا فحدث ولا حرج
وقال ايه الفن رسالة سامية
إلا بحق مين سامية دي ؟

ههههه
علي كداا أن لما أقابل هندي
يبقي الرصاص هيجي فيه ومش هيحصل له حاجة:d
وانا كمان مش عارفة مين سامية دي:bosyht9:
أكيد هي المخترعة الرسمية لهذا الفن
عادى يا جماعة مهى مصر ناجحة فى اى حاجة ما عدا كل حاجة فى الدنيا جات على المسلسلات اللى اساسا مش فيها قصة ولا اى حاجة
يابنتي مصر والناس اللي فيها
دول حاجة واللي في المسلسلات حاجة تانية
انا عارفة اننا يمكن متأخريين !!
لكن دا مش يمنع اننا متدييين وبخاف من ربنا
والمناظر والحاجات دي بتشوه صورة مصر
مش بتجملها !!

شكراا لحضرتك أستاذ أيمن
أكيد احنا بنتعلم من حضرتك

!!!!!!!!!!!!!!!!!!!!!!!!!!!!!!!!!!!!!!!

**تسابيح**

22-10-2010, 02:16 PM

مصر هي الأولى في تصدير الافلام في العالم العربي
ازاي تتكلمو عنها كدا اصلا :d

بمناسبة الموضوع ده سيبك من النقط دي

ساعات بتفرج على افلام امريكية عسكرية
سواء كانت من اللى ضد روسيا ولا ضد المانيا اللى اشهرها حرب فيتنام وايا من تلك الحروب
تقريباً كدا تكنيك التعامل مع سيناريو الفيلم واثارة الاحداث وتطور الاسلحة
(والكلام ده من المفترض انه قديم جداً)
احدث مليون مرة من المنظر اللى احنا ظهرنا بيه في الافلام اللى بتحكي عن 73 اللى هو كان اخر انتصار تقريباً لمصر في اي مجال لحد دلوقتي -_-

لأسف امريكا دلوقتي بتصنع افلام تفوق قدراتها الحقيقية
يعني بتحسسك بقوة اكبر من حجمها تخشى مجرد التفكير في مهاجمتها
لدرجة إني بستغرب جداً ازاي في حربهم ضد العراق ولا افغانستان ولا غيرها بياخدو المدة دي كلها ومش قادرين يسيطروا

ساعتها تأكد إنه افلامهم واسلحتهم دي تكاد تقترب من الخيال العلمي

الدول التانية بتستعمل الافلام كوسيلة اعلامية بتفيد البلد سواء سياحياً او عسكرياً او فكرياً

في حين احنا افلامنا بتجسد الطبقة الفاسدة بس في مصر بحجة الحرية والديموقراطية ومناقشة مشاكل الشعب

فيهم البركة بصراحة بيعرفونا فين مشاكلنا عشان يزودوها :d

ماله الاجنبي بلا وجع قلب :d
فعلا احنا عندنا إعلام جامد جداا بالنسبة للإعلام العربي !!بعيدااا عن إن
معظمه رديء!
قلت نقطة مهم الأفلام الأمريكية لها عشاق في الوطن العربي ..
فإذا كان كل واحد فيهم اقتنع أن أمريكا كدا وبالقوة دي
أكيد عقليته هتتبرمج علي كدا وبعد كدا هيعلم أطفاله الحكاية دي
بطريقة تلقائية أو مقصودة !!
فأكيد اليأس هيدخل لينا رغم أنه مقيم عندنا أصلا:d
لكن بما انك خبير أفلام أجنبية هل شفت فيلم بيعالجم مثلا
السرقة والقتل في أمريكا !! عشوائيات أمريكية مثلا:d
تقريبا الدول الأوربية كلها بتجمل وبتظهر بلدها وبتتشهر
وبيجي لها السياح العرب لها خصوصا عشان أفلامها ومسلسلاتها
المعظم بتأثر في الأفلام فهم ناس مش عندهم العملية هيصة وسداح مداح
لدول ناس بتخطط وعارفة ان افلامها هتوصل لمين وامته وازاي !!
دا الفرق!!
هم مش بيكشفوا المشاكل هم بيحاول يخلوا دا الواقع المصري
ايه يعني لما يكون فيه مناطق مش محترم !! فين الحرية !!:bosyht9:
بجد مهزلة بكل المقايس !!
يعني بتقول فيها أنا عندي أشوف أجنبي ولا إني اشوف عربي...
بجد رغم انهم مش مسلمين ولا عندهم دين وبيعترفوا به
لكن عنده احترام وحياء عن الممثليين الوقحيين اللي عندناا
!!!!
ربنا يهدي

**تسابيح**

22-10-2010, 02:18 PM

موضوع رائع فعلا يا تسابيح بس انا الحمد لله لا بتفرج على مسلسلات مصرية و لا تركية لانها مضيعة للوقت انا اخرى كارتون ههههههههههه

بس فعلا موضوع جميل و اجمل ما فيه انه منك انتى
أحسن لك ههههههه
يعني اللي اتفرجوا عملوا ايه هههههههه
شكراا حبيبتي
ربنا يخليكي;)

mostafa_gamal2

22-10-2010, 08:40 PM

mahmmoud_sakr

22-10-2010, 09:11 PM

BaNZeR

23-10-2010, 09:04 AM

موضوع ممتاز كان يراودنى انى اكتبة لسبب واحد انى دخلت موقع عربى ولقيت واحد سورى بيقول (انا زورت مصر من كام يوم ومصر غير اللى بيظهر فى الافلام دى خالص )

مش عارف ليه اول ما قريت الجملة دي خطرت على بالي نعمل حملة باسم مصر
ونحاول نصحح صورتها في المنتديات العربية
نوريهم جمال المناطق المصرية
جايز احنا نغير فكرتها عنها اصلاً :d

ونوريهم قد ايه في ناس كويسين
ننشر قصص لمواقف طلبة عملو حاجات كتير حلوة
ننشر قصص عن ظباط او حتى ناس عاديين وقفو ضد الظلم وضد الغلط
مش تبقى كل الحوادث عندنا مظلمة ومنظهرش الجانب المضيء منها
وهكذا

**تسابيح**

23-10-2010, 12:46 PM

موضوع ممتاز كان يراودنى انى اكتبة لسبب واحد انى دخلت موقع عربى ولقيت واحد سورى بيقول (انا زورت مصر من كام يوم ومصر غير اللى بيظهر فى الافلام دى خالص ) طبعا عندة حق لان للاسف الى بيجى مصر بينتشر فى ذهنة فكرة ان مصر كلها عشوائيات وما الى ذللك ...انظرى الى افلام الستينات والسبعينيات افلام فاتن حمامة وسعاد حسنى سترا جمال اخاذ لمصر فهم يصورون فى جنينة الاسماك والحدائق الخلابة وان كان ايضا فى هذا الوقت افلام تتكلم عن العشوائيات ولكن ليست مجرحة للعيبن ..تقبلى مروورى وشكرا على الموضوع المتميز
ياريت تيجي علي أن مصر عشوائيات بس!
دا فيه بلاوي في الأفلام بلاوي بجد
وفيه واحد بردو جيه مصر وهو جزائري وقال ان المصريين طيبيين اوووي
وقال انه كان بيشتري جريدة وبيتكلم مع البائع ولما عرف أن جزائري
مش رضي يأخذ منه فلوس وناس مصريين كانوا واقفيين طلعوا فلوس
عشان يدفعوا ثمن الجريدة !
فعلا في الأفلام القديمة كان فيه إلي حد ما جمال وتصوير لجمال مصر
والأهرام والنيل والكرونيش والحاجات في منتهي الجمال ...
والحواري القديمة المصرية ....
شكراا لك أخي
وأكيد كأن حضرتك اللي كتبت الموضوع:)

**تسابيح**

23-10-2010, 12:48 PM

موضوع رائع كما تعودنا من صاحبة الموضوع
لكن لا نهمل دخول الماده وسيطرتها على كل شئ
وأهمال التراث والعادات والتقاليد الساميه المورثه
والجوء الى المكسب السريع على حسب رغبة المشاهد
موضوع رائع وهادف يستحق الرد

شكراا لحضرتك أستاذ محمود
هو عايزين يقلدوا الغرب وخلاص
سواء كانوا تبع ديننا أو مبادئنا ولا لا
المهم انهم يكسبوا فلوس وخلاص
مش مهم اي حاجة تانية

**تسابيح**

23-10-2010, 01:05 PM

مش عارف ليه اول ما قريت الجملة دي خطرت على بالي نعمل حملة باسم مصر
ونحاول نصحح صورتها في المنتديات العربية
نوريهم جمال المناطق المصرية
جايز احنا نغير فكرتها عنها اصلاً :d

ونوريهم قد ايه في ناس كويسين
ننشر قصص لمواقف طلبة عملو حاجات كتير حلوة
ننشر قصص عن ظباط او حتى ناس عاديين وقفو ضد الظلم وضد الغلط
مش تبقى كل الحوادث عندنا مظلمة ومنظهرش الجانب المضيء منها
وهكذا
فعلا فيه ناس بتعمل كداا
في منتديات عربية كثيرة أنا شفتها ...
وأنا كمان كتبت مرة موضوع عن صور لمناطق ريفية في مصر ومعالم سياحية لقيت فيه ناس كثير
كانت عايزة تيجي وبتتمني تزور مصر
وكانوا من الجزائر أحبابنا:wub::wub:
اما تغير الفكر دا مش بالمكان والمناظر فقط
وكمان بالتصرفات في المسلسلات والأفلام
فالما فيه ناس تشوف الخمرة والقمار والناس السكرانة وشارع الهرم بتاع الراقصات!!! هيقلوا ايه بئا وقتها ..!!!
أم بخصوص الضباط بلاش ههههه
لان الضباط دول رافعيين راسنا دايما :bosyht9: