مشاهدة النسخة كاملة : سامحوني
عبقرينومان 09-09-2007, 09:32 PM سامحوني
مضطر أأخذ أجازة طوال شهر رمضان
معلش اظن اني الفترة اللي فاتت تعبت جدا ومش بطلب مقابل للتعب
يعني من يوم 1 - 6 لحد اليوم في مشاكل للموقع
وفي كثير من الأعضاء لم يصبر معانا بسبب مشاكل الموقع وسبب مشاكل النقل
وايضا مشرفيين إداريين تركوا الموقع ممكن يكون ما استحملوش ضغط المشاكل ووممكن أكون أنا كنت صعب في الكلام معاهم الفترة السابقة وممكن اكون كنت بطلب منهم فوق الطاقة فقرروا يبسبو الموقع
فأنا بوعدكم بأذن الله ان المشرفيين دول راجعين أن شاء الرحمن
وكمان أنا عارف ان أنا بطلب الاجازة طوال شهر رمضان في ظروف صعبة بيمر بيها الموقع
ومع العلم ان في مشاكل لسا في الموقع
وبطلب من الأعضاء يستحملوني شهر رمضان
وبطلب من المشرفين الحالين والمشرفيين الإداريين يتعبوا الفترة القادمة
والحمد لله انتهينا من إعداد صفحة رئيسية للموقع ومش عارف هلحق اركبها قبل اجازة رمضان ولا ايه
وفي حاجات كويسة كان نفسي اعملها قبل رمضان
بس في حاجة هكلف بيها المشرفيين الإداريين ويا رب ينجحوا فيها أنهم هيصمموا مسابقة عن شهر رمضان والفائز فيها هيأخذ موقع هدية بالدومين
وفي مجلة الموقع اللي طالبت بيها المشرفة القديرة (صيدلانية) هتتعمل بأذن الله وهتكون هي رئيس التحرير ليها سواء كانت موجودة أو لا
وكمان بطلب من كل الاعضاء والمشرفيين تتحملني الفترة القادمة كما تحملت الفترة السابقة
ومعلش انا فعلا محتاج شهر رمضان للتقرب إلى الله لأن ذنوبي كثيرة واتمنى من الله المغفرة
وادعوا لي بالتوفيق في هذا الشهر
وسامحوني على الأطالة
mR . mOstafa Fathi 09-09-2007, 09:37 PM لا والله
يا استاذ اشرف
احنا مقدرين حضرتك وعارفين ظروفك كويس الله يكون فى عونك
الفترة الللى فاتت
والمجلة هتمشى وانا شاء الله هنحرر وهنعمل كل حاجة والمسابفة
جاهزة وكلمت واحد على روم صوتى
بس فضلت انها
هتبقى
على الخاص
_______
وثانيا سمحونى دا
غلط يا استاذ اشرف
قولتلك احنا كنا مقدرينك والموقع فى عنينا من اى حاجة
سواء انتا موجود
او فقى اجازة وانتا تعلم بذلك جيدا
_____________
وان شاء الله
الموقع فى الحفظ والصون
علمي علوم 09-09-2007, 09:39 PM ولا يهمك استاذ اشرف
ومتشكرين على تعب حضرتك الايام اللى فاتت دى اكيد كانت صعبة جدا
وإن شاء الله نوعدك بالحفاظ على مستوى المنتدى وترقيته اكثر باذن الله
وكل عام وانت بخير
fares elnet 09-09-2007, 09:45 PM كل عام وانت بخير ورمضان كريم وربنا يبلغنا رمضان جميعا
وان شاء الله نكون عند حسن ظنك
واحنا مقدرين تعبك وظروفك
وربنا يعينك
الرهينه 09-09-2007, 09:47 PM السلام عليكم ورحمة الله وبركاته
استاذ اشرف يمكن انا متعاملتش مع حضرتك قبل كده
بس انا بحترم حضرتك جدا ومقدره مجهودات حضرتك
وان شاء الله تكون اجازه موفقه
وربنا يتقبل منا واياكم
نور الهدى4 09-09-2007, 09:52 PM والله يا استاذ اشرف كلنا عارفين انك تعبت معانا وبنشكر حضرتك على المجهود الرائع ده
(ان الله لا يضيع اجر من احسن عملا)
ربنا يوفقك يارب ويغفر لنا جميعا ذنوبنا
والله اجازتك دى هتفرق معانا كتير
كل سنه وحضرتك بخير وصحة وامان
MohammeD el_SadaT 09-09-2007, 09:53 PM بسم الله الرحمن الرحيم
السلام عليكم ورحمه الله وبركاته
صعبان عليا أقولك مع السلامه
بجد عارف إنك تعبت جامد الفتره اللى فاتت دى
بس حضرتك لو مشيت كده مره واحده هتبقى عملت زى جمال عبد الناصر فى 67 قال انسحبو وخلاص
المفروض تمهدلنا الأول يا استاذ أشرف
يعنى مثلا فيه أعضاء كتير لحد دلوقتى مهيش قادره تدخل اعضاء كتير هتحتاج تغير اسمها
مشرفين ممكن يجى عليهم فتره ويمشو
مين هيتصرف فى كل ده
مين هيمسك مكانك مهو متقولش أنا ماشى وتسبنا وتمشى من غير ما نعرف رأسنا من رجلينا
السلام عليكم ورحمه الله وبركاته
ولى عوده بعد آراء الأعضاء
عبقرينومان 09-09-2007, 09:57 PM اخيرا سمعنا صوتك النهاردة يا سادات
ان شاء الله هحاول اكون موجود كل يوم لمدة ساعة بعد الفجر بأذن الرحمن
لاني والله وأخذ أجازة من المركز عندي طوال رمضان
وهتواصل مع الموقع بعد الفجر بأذن الله
وعايز كل عضو او مشرف يسامحني
mR . mOstafa Fathi 09-09-2007, 09:58 PM فعلا يا محمد
بس انا استفدت كتير من استاذ اشرف
وعارف انا هعمل ايه كويس
واكيد مش هتغيب الشهر كله متواصل
لا هتدخل تشوفنا ممشينا حالنا الزاى
صح يا سادات
mR . mOstafa Fathi 09-09-2007, 10:03 PM ساعه بردو مش هتكفينا
احنا طماعين هه
ومتقلقش الموقع فى عنينا من جوه
المهم حضرتك تكون بخير
MohammeD el_SadaT 09-09-2007, 10:04 PM والله يا استاذ أشرف أنا موجود بس النت عندى كان عمال يفصل وكنت فاتح الايملات بتاعتى فجأه قفلت كلها
وعمال أحاول أوصل لحضرتك مش عارف
عمتا إن شاء الله إحنا هنعمل كل اللى نقدر عليه بس فى نفس الوقت
حضرتك مينفعش تسبنا فجأه كده والله يا استاذ أشرف إحنا مصدقنا بدأنا نقف على رجلينا بلاش تيجى
تضيع كل ده فجأه كده تعبنا وتعب حضرتك هيروح هدر
فيه مشاكل كتير هتقبلنا مش هنعرف نحلها من غير وجودك
حاجات كتير مش هتبقى فى الحسبان
mR . mOstafa Fathi 09-09-2007, 10:05 PM بعد اذن الاستاذ اشرف
كان فى مشوار لزم نكملة يا استاذ اشرف
وانتا معايا
حضرتك لو تعرف تكلمنى على الايميل
يبقى كتر خيرك وانا فى انتظارك الحين
والله المستعان
عبقرينومان 09-09-2007, 10:14 PM طيب بكرة يا سادات ضبط اميلك وان أدمان2 وهنعمل اجتماع هنبط فيه حاجات كثيرة قوي
وان شاء الله بكرة هيفرق كثير مع الموقع
واي حد منكم يبلغ المرشد بالموعد بتاع بكرة ويبلغ صلاح المشرف الاداري ويبلغني انا كمان بالموعد علشان اكون متواجد على الماسنجر
mR . mOstafa Fathi 09-09-2007, 10:19 PM تمام كدا يا استاذ اشرف
هنضبط انا والسادات
وهنبعتلك رساله امتى الوقت
والله المستعان
MohammeD el_SadaT 09-09-2007, 10:32 PM نستعين بالله ان شاء الله خير
mR . mOstafa Fathi 09-09-2007, 10:37 PM بالتوفيق والى الامام
دائما
منى الشقية 09-09-2007, 11:11 PM ربنا يوفقكم
fares elnet 09-09-2007, 11:57 PM هو انا مش موجود معاكم ولا ايه
لو مطلوب منى اى حاجة قولوا وانا اعملها
انا ما بحبش اكون على الهامش
ولا ايه يا محمد
فنكوشه المنكوشه 10-09-2007, 04:17 AM ربنا معاك يا استاذ اشرف
ربنا اهم من اي موقع
ومتخفش علي الموقع
ياما مشاكل حلت عليه
بس اهو زي ما نتا شايف ولا يهمك
باذن الله كل اللي طلبته هيتعمل
والمسابقه اكيد الاداره مش هتتاخر عنها
والمجله هتتعمل ورئيسه التحرير هتكون موجوده باذن الله
mR . mOstafa Fathi 10-09-2007, 05:46 AM خلاص كل شئ فى مكانه
فنكوشة
وتم اخد اللزم وان شاء الله قريبا
هيتم الاعلان عن المسابقة وعن المجلة
Sir | Youri 10-09-2007, 04:01 PM أقدر أعرف الرد بتاعي راح فين ؟
الاسطورة 10-09-2007, 04:07 PM أقدر أعرف الرد بتاعي راح فين ؟
راح يتغدى:p
ها يروح فين يعنى يا يورى
يعنى انتا مش عارف؟
ولا دى اول مرة ولا حاجة!!
Xx.Youri.xX 10-09-2007, 04:14 PM لا مش أول مرة بس البرنس ميحذفش الرد وينفض للبني آدم اللي كتبه
مهواش نكرة يعني
يتكرم ويتشرف ويبعتلي رسالة فيها ان الحذف تم عشان أشوف إيه السبب
يعني أكتب الرد تاني ؟؟؟
أمرك عجيب
خلاصة الرد اللي اتحذف : " انت بتضحك على نفسك وعلينا يا أشرف "
بأسلوب محترم " انت بتبذل مجهود كبير يا أشرف بس محدش بيحس بيه غيرك "
لو عايزين تفاصيل قولوا وأنا أوضح كلامي
وأرد على أشرف سطر سطر
عبقرينومان 10-09-2007, 04:25 PM مالك يا يوري هو في غيري يقدر يحذف مشاركات
ويا ريت المشرف اللي قام بالحذف يبلغه سبب الحذف
مع علمي ان الرد عادي وما كان فيه مشكلة
fares elnet 10-09-2007, 04:29 PM انا محذفتش اى رد ولو بحذف اىرد
بكتب انا خذفت الرد ده وليه
منى الشقية 10-09-2007, 04:31 PM متخرجوش خارج سياق الموضوع
يا استاذ اشرف الاعضاء في شهر رمضان هيعملوا ايه
Xx.Youri.xX 10-09-2007, 04:33 PM أوكي حصل خير
لا عادى متاخدش فى بالك يا يورى:d
و ربنا يعينك يا استاذ اشرف
بس صحيح يا سادات هوا احنا بدأنا نقف على رجلينا بجد؟:d
The_Relativistic200 11-09-2007, 09:06 AM هتكلم بالفصحى
والله انه لغريب امر ذلك القوم........
اذا حاربوا قالوا...قالوا حاربنا......واذا هزموا قالوا....هزمنا بما ليس له فى ايدينا دفعا
واذا رجعوا والقمهم العامة احجارا...استلوا سيوفهم.....وضربوهم جهارا نهارا
فقطعوا السترات ...وأحلوا عليهم الغمرات...
و....وحوى يا وحوى
حالو يا حالو
===========================================
فكرتونى بالموظف اللى بيشتغل اخر تلات تيام فى الشهر........ و عاوز ياخد اجازة عارضة مدتها اسبوع!!
شئ غريب حقيقى
ويا يورى ردك...
بيجيب عيش وراجع:)
|