كلكو او معظمكو شاف موضوعي الاول اللى هو
خلي بالك !! انت بتدوس على حرام !! (http://www.thanwya.com/vb/showthread.php?t=256687)

ومعظمكو او بعضكو شاف الموضوع التاني اللى باسم
الرد علي ( خلي بالك !! انت بتدوس على حرام !! ) للعضو بانزر (http://www.thanwya.com/vb/showthread.php?t=257048)

الغريب في الموضوع إنه كل حاجة فيه اتفسرت غلط !

أولاً الموضوع اتقفل ربما لإنه يحتمل على شبهات
في حين أنني وضعت موضوعاً نقاشياً وليس موضوعاً دينياً

ثانياً اتحط الموضوع التاني رداً علي باعتبار إني أفتيت في حلالية هذه الاشياء
على الرغم من اني كتبت تحت انا لا حللت ولا حرمت !

ثالثاً الموضوع الاول اتنقل لمجرد انه صاحب الموضوع التاني طلب ذلك
او عشان الاتنين يبقو جنب بعض !!

انا فقط ذكرت حالنا وواقعنا حالياً من تحريم لكل شيء في حياتنا
ولم اضع تخطيئاً لكل شخص قام بتحريم احد تلك الأشياء

فأنا غرضي الاول والاخير لفت النظر إلى هؤلاء المشايخ
الذين يضعون كفة الدين مقابل كفة المال
اي الدين مهنة عندهم فقط
والحمد لله في كتير تفاعلو مع الموضوع وفهموه
وتقريباً جائت كل الردود حتى الرد الاخير بالموافقة
على عكس الموضوع الآخر !!
حتى ولو كان اصح من هذا


ولكن لم يتطرق اي منهم الى الفكرة الاساسية
ليست في تحريم حلق اللحية ولا في تحليل الموسيقى
وإنما في فكرة التحريم المطلقة
والتي ستؤدي في وقت من الأحيان إلى التمرد
والتمرد هو العصيان التام

على سبيل المثال

الاب ممكن يحرم ابنه من صلاحيات كتير ولكن لازم يديله صلاحيات تانية كتير
ويخليه يجرب
لكن لو قفل في وشه كل حاجة ومسبلهوش غير انه يطلع من البيت للمدرسة وفي البيت يذاكر وبس
حتى لو كان ثلاثة ارباع الاوامر الاخرى في مصلحته
ففي يوم من الايام سيتمرد هذا الابن
وسيعصي جميع اوامر ابوه
حتى ولو كانت صح
حتى ولو كانت بابعاده عن الغلط


دي الفكرة
لما نفضل نشحن الشباب بكل حاجة على انها حرام
في يوم من الايام مش حيلاقي حلال غير انه يجرب الحرام

ليه نحاول نقفل السكة لإنه في بعض الآراء بتقول انها حرام وفي المقابل اراء تانية بتقول حلال


اعتقد احنا مش افضل من العلماء اللى اختلفو نفسهم في الامر
ماهما جايبين بردو نفس الاحاديث اللى احنا بنقولها لبعض
ودول كانوا دارسين فقه احسن مني ومنك مليون مرة

ومع ذلك اختلفو بردو
ايه لازمة التعصب الجامد ده

لنا الله !

أنا شوفت الموضوعين وكنت شايفة ان الأول كان نقاش زى ما حضرتك قولت وكان ردى على الموضوع فى الاتجاه ده لكن أما شوفت الموضوع التانى زعلت جدا لأنى حسيت ان اللى قرأ الموضوع فهمه غلط وكان رده على الموضوع صعب شوية
وحضرتك عرضت موضوع للمناقشة وكلنا شاركنا فيه يبقى أكيد لو حضرتك حللت حاجة أو حرمتها كلنا وافقناك على كده
وده طبعا محصلش ولو كان حصل كانت رودودنا هتبين معارضة على كلامك

فعلا انا كنت شوفت موضوعك الاول
بس معرفتش ارد نظرا انه كان مغلق
وبصراحه برضو معرفتش اتقفل ليه
لو على الامثله انا مكنتش شايفه انها بتعبر عن وجهة نظر شخصيه
لكن بتعبر عن واقع موجود
وجدال بيقابلنا كلنا في حياتنا اليوميه
( الحرام والحلال )
موضوع مش هيخلص في صفحه ولا اتنين ولا ميه
========
انا مش عارفه اجمع
عشان اعرف ارد صح
لازم يبقى عندي خلفيه صح
افضل اني اقرا المواضيع دي تاني
=====
بس المهم ان الموضوع مش مستاهل الدوشه دي كلها
لانه في الاول والاخر نقاش مش خناق
ربنا يهدينا جميعا

الموضوع مغلق للمرة التانية
وللتوضيح للمرة الالف انا قولت الموضوع مغلق لان فية بعض الشبهات
وليس مغلق لاى سبب اخر
وقولت اننا هنسأل حد يحكم فية ان كان يصح يستمر ولا لا
وبالفعل سألنا وهنسأل كمان واحد عشان نبقى ضامنين ان مواضيعنا كلها حلال
وان كان الموضوع فية بعض الكلمات تحتاج لتعديل ونترك الفكرة نفسها دا هيحصل
يعنى لو الموضوع نفسة فكرتة حلال ومفيش عليها خلاف اوعدك انة هيستمر مع تغير بعض الكلام الى علية شبهه وخلاف
اما لو الخلاف نفسة فى الفكرة فأكيد مش هيستمر
فى رعاية الله