مشاهدة النسخة كاملة : ليه المتعاقدين بيتبهدلوا كده ؟


Miss Doaa ~
22-10-2010, 07:19 PM
تعاقدت فى 1|9|2009

فى مدرسه فى عزبه بعيدة عنى جدا وبعد المواصله كنت بمشى فى طريق مقطوع نصف ساعه

نادرا لما كنت بلاقى حد ماشى فيه

وقلت نصيبى معلش اصبر ده انا لسه فى البدايه

اتفاجئت بأن فيه مدرسه تعاقد فى المدرسه قريبه المدير ومفيش عجز فى المدرسه

قالوا يبقى اكيد هتمشى هى وانا اللى افضل فى المدرسه

وبعد محاولات مع مدير الادارة اتنقلت مدرسه تانيه

ولقيت بعد 4 ايام من وجودى فيها

الموجه جاى بنشرة ثالثه

قال اصله كتب اسم المدرسه غلط والمفروض اروح المدرسه التانيه

..كل ده وانا لسه فى اول شهــــر .قلت خير مش مشكله

اشتغلت فى المدرسه التانيه السنه الماضيه كلها واول شهر من السنه الدراسيه الحاليه

المهم المدرسه دى اعدادى وابتدائى.. ومعايا مدرستين انجليزى اعدادى كل واحده معاها 15 حصه لانهم 6 فصول اعدادى وانا معايا 6 فصول ابتدائى

طلب منهم موجه الاعدادى ان فيه واحده منهم تمشى من المدرسه لان فيه عجز .
.رفضوا طبعا لان المدرسه قريبه من منزلهم ..
قالهم خلاص يبقى تكملوا النصاب القانونى فى ابتدائى وانا امشى:(

معقول كده ....... وفعلا اتنقلت مدرسه رابعه وانا لسه فى بدايه السنه الثانيه للتعاقد

معذره طولت عليكم .. لكن ينفع انهم يكملوا نصابهم القانونى فى ابتدائى بالرغم ان مفيش عجز فى المدرسه

وهما اللى المفروض واحده تمشى وليس انا

اتنقلت المدرسه الجديدة وانا محبطه جدا وحاسه بالظلم

هل نستطيع ان نعمل ونحن فى هذه الحاله

حسبنا الله ونعم الوكيل

hishamhassan
22-10-2010, 07:29 PM
حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

hishamhassan
22-10-2010, 07:30 PM
ربنا موجود

eslamkobessy
22-10-2010, 07:37 PM
إن مع العسر يسرا

ولاء الشربيني
22-10-2010, 07:50 PM
انا نفس المشكلة مدرستي اللي انا فيها من 3سنيين فيها30حصة ونصابي 24حصةو مدرسةزميلتي نزلت ندب كلي من الاعدادي وانا طلعت ندب لثلاث مدارس ولما اتكلمت الموجهة الاولي قالت هية مثبتة وانتي لا؟ والله انا ما عارفة اعمل اية حد يقولي دة قانوني ان هية علي قوة الاعدادي وتنزل ابتدائي مع العلم ان التعاقد في المدرسة كان لسد العجز وانا كنت شايلة المدرسة ومكانش فية عجز اعمل اية حد يكون عارف يرد علية

أ/محمد على عاشور
22-10-2010, 07:52 PM
الصبر
والله انا عندى البوم حاطط فة جوابات الندب من كترها
اقرب مدرسة على بعد 14 كيلو

ولاء الشربيني
22-10-2010, 08:14 PM
يعني سوال ؟بعد التثبيت ان شاء الله تعالي هية حتفضل برضة انتداب كلي عندي وانا برة ولا اية العمل حتثبت انافي مدرستي الاصلية وهية ترجع اعدادي تاني مع العلم الاعدادي عندنا فية عجز وبرضة الموجهة مش عايزة ترجعها بحجت اني معلم مساعد وهية عندها ولادها في المدرسة وانا مش لية اولاد وقالت لية الست المحترمة موجهة المرحلة لما يبقي عندك ولاد نبقي سيبك في مدرستك:frown: ارجو الرد من مشرفين المنتدي اللي يقدر يفدني

منار على
22-10-2010, 08:29 PM
مش انتى لوحدك اغلبنا كدا واكتر كمان

ولاء الشربيني
22-10-2010, 09:01 PM
والعمل اية ؟ نقدر نسال مين ويدلنا ونترحم من قلة القيمة والبهدلة دي:(

aladdin027
23-10-2010, 08:00 AM
الساكت عن الحق شيطان أخرس
يمكنك ارسال شكوي لمدير الادارة التعليمية
و اذا لم يستجب
ارسلي الشكوي للمديرية مع رقم صادر الشكوي الأولي
و اذا لم تتحرك المديرية فارسلي شكواك للمحافظ
القانون يكفل لك أخذ حقك
و لاترددي كلام الضعفاء بأنه ليس هناك فائدة من الشكوي
فهناك علي الأقل بعض الشرفاء ممن سوف يساعدونك

جارةالوادى
23-10-2010, 11:03 AM
كلنا انتى والحجة دائما جاهزة انتى تعاقد على فكرة هو ده حقها اصلا عشان لها اقدمية اما التعاقد لاء
عموما ربنا يصلح الحال وانا شخصيا الحمدلله حالى افضل كثيرا لان ادارتنا الى حد ما موصلوش للدرجة دى من الافتراء واعدادنا برضو نوعيا كبيرة خصوصا فى الابتدائى بس حكاية تكملة النصاب فى مرحلة تانية غيرمرحلتك ده واردلكل الناس مش انتى بس يعنى خصوصا بعد النشرة اللى جت من الوزارة بكدة

Miss Doaa ~
23-10-2010, 02:23 PM
شكرا للاهتمام والرد

جزاكم الله خيرا

وان شاء الله نبارك لكم التثبيت قريبا

لكم خالص تقديرى

the keng
23-10-2010, 02:56 PM
الصبر فإن بعد العسر يسرا