وسع يا حماار !!! انت مبتشوفش!!! [الأرشيف] - بوابة الثانوية العامة المصرية

مشاهدة النسخة كاملة : وسع يا حماار !!! انت مبتشوفش!!!

مكعبات

22-10-2010, 09:52 PM

رغم انى عادة’’ لا اكتب مواضيع فى العام
و لكننى حقا
اريد ان استمع الى آراء الجميع
فى هذا الموضوع
وسع يا حمار
انت مبتشوفش
يخربيت اللى علمك السواقه
ده تلاقى .....اللى جيبهالك
اركنى هنا على جنب و انا هنزل اربيك
للاسف الشديد
جميع هذه الكلمات اسمعها يوميا
فى الشارع المصرى
بل اسوء منها بكثييييييييييييييييييير
فى جميع المناطق
الشعبيه و المتحضره
على جميع الطرق السريعه و الغير السريعه
لماذا
لماذا اصبحنا هكذا
وصلنا الى اعلى مراحل الأنحطاط الأخلاقى
و نسينا ان ((الدين المعامله))

اصبحنا نتشاجر لمجرد المشاجره
بدون اى سبب او تفسير
نسب بعضنا البعض بأسوء الألفاظ و الاهانات

اين الروح الطيبه
اين الخوف من الله
اين الحياء من النفس
لا اله الا الله
هل لهذه الدرجه وصلنا لهذا التدنى فى المستوى الاخلاقى
الأن
اذا هاجمنى احد الاجانب و قال لى
انتم شعب مصر
شعب غير متحضر غير اخلاقى
فبماذا سأرد
انتظر منكم الاجابه
الموضوع مطروح للمناقشه

Mr.Hesham Shaaban

22-10-2010, 10:51 PM

والله معاكي حق أنا بسمع اكتر من كده وبكون متضايق خاصة لما يكون معايا أولادي . ورأيي أننا لازم نهتم بتعليم أبنائنا في المدارس الاخلاق اولا قبل العلم ونحاول ننمي فيهم روح الوطنية لأننا شعب طيب وممكن ييجي مننا

مكعبات

22-10-2010, 10:56 PM

vampire1188

22-10-2010, 11:02 PM

معلش انا آسف انى بعترض على الموضوع كلية

لان انا واحد من الناس لسه جاي من بره اهو وكنت سايق

ولما اقعد فى طريق اصلا المفروض انه مابياخدش 10 دقايق ويقعد معايا اكتر من تلت ساعة

بسبب واحد ماعندووووش دم راكن عربيته فى نص الشاااااارع يبقى دا تسميه ايه ؟؟!

سوري يعنى .. واحد زى دا مش المفروض يتشتم بس دانتى تنزلى ترزعيه قلمين وتتخانقى كمان

فواحد زى دا بيربيلى انا مع الوقت نوع من البلاهة

بحيث انى ممكن ابقى سايق العربية وماشى واقوم راكن في نص الشارع انا كمان ونازل اجيب حاجة

الطريق يقفل ولا يولع انا ماليش دعوة المهم انى جيبت حاجتي وخلاص

فهيا بتبقى عملية زوووووق واحترام للطريق ليس الا

مكعبات

22-10-2010, 11:08 PM

طبعا رأيك محل اهتمام
بس انا بتكلم ف نقطه مختلفه
انا مش بتكلم عن مخالفات الطريق
و الركن صف تانى
و السير عكس الأتجاه
انا بتكلم
ان اى حد على اتفه حاجه بقى بيشتم و يقول الفاظ بشعه

vampire1188

22-10-2010, 11:31 PM

مممممم .. والله فىه ناس بيبقى خلقها ضيق ومش بتستحمل

وفي ناس تانية بتاخد الشتيمة دى على اساس انها عادة

وأى حاجة تحصل لازم اشتم عشان ابين ان انا بقى مضايق وقرفان عشان الناس تبعد عنى

وهكذاااااا يعنى

Mr. Ali 1

22-10-2010, 11:51 PM

من وجهة نظري الموضوع له عدة أسباب مثل :
1- الزحمة الشديدة مع جو الدخان والخنقة بتولد سوء الخلق .
2- ضيق الشوارع بيساعد علي سرعة ازدحام الشارع والكل مستعجل !!
3- البعد عن الدين .
4- ضغوط الحياة المختلفة .
5- عدم وجود نظام محدد وواضح , وهذا يجعل الكل يظن أنه علي صواب وان غيره هو المخطئ !!
6- الاستهتار واللامبالاة .
7- عدم التحلي بالصبر .
8- الواقع المر " وبخاصة في القاهرة " فعلاً شوارع القاهرة تجيب الضغط , وتخلي الواحد يفقد أعصابه !!

مكعبات

23-10-2010, 12:19 AM

Hopeful Girl

23-10-2010, 12:42 AM

احنا كدة مع المواطنين
يعنى مع بعض

بس لو أحد من الأجانب هنعمله تعظيم سلام

وللأسف بنجيب العيب فى الحكومة والدولة

والعيب فينا احنا

mr karim ali

23-10-2010, 01:36 AM

انا لا املك سيارة
فلا اسمع هذه العبارات

مكعبات

23-10-2010, 12:39 PM

انا لا املك سيارة
فلا اسمع هذه العبارات

يعنى هو انا اللى عندى عربيه
معنديش طبعا بس بسمع بردو

**تسابيح**

23-10-2010, 12:58 PM

أساسا الأجانب لما يجوا مصر
مش بيحترموا الطريق
لانهم في بلادهم اتقال لهم انت دا شعب مش متحضر
لو احترمت الطريق هيحصل نصايب
يمكن فعلا الناس بقت تتخنق
بس مش لدرجة الشتيمة وبعدين معظمنا مسلمين
مفروض المسلم من سلم المسلمين من لسانة
اللي الكلام الطيب يطلعه...
وفعلا زي قال الأستاذ علي شوارع القاهرة حاجة فظيعة
بجد احنا في بلدنا بيبقي عربييتين ماشيين
وبقف لما يعدواا لاني بخاف هههههه
لكن لما رحت القاهرة لقيت العربية متكبسة فوق بعضها
والله كان منظر رهيب فعلا
ربنا يهدي

my soulr

23-10-2010, 01:01 PM

بشرى سااااااااااااااااااااااااااااااااااارة
تم تفعيل قناتى الحكمة وقناة وصال مرة اخرى على الترددج 10992 رأسى

الفلاح الفصيح2011

23-10-2010, 02:17 PM

مكعبات

23-10-2010, 03:19 PM

مكعبات

23-10-2010, 03:20 PM

طيب لما بنسمع الكلام فى الشارع أذاننا تتألم من صداها المريض
فلماذا تفرضيها علينا الأن ومسجله ومكتوبه
من الأخر الملافظ سعد يامكعبات :d:d:d

وشكرا على الموضوع الطيب
ولى عوده بس أما اسمع الكلام ده فى سفرى بكره ان شاء الله :d

يااااااااااااااااااااه يا استاذ ده اهوان حاجه بتتقال
ده انا بشوف و بسمع حاجات اوحش منكده بكتييييييييييير و بسد ودانى و الله من كتر الخنقه :slap1qk6::mad::mad::mad:

روووووز

23-10-2010, 04:03 PM

موضوع مهم والله :)
الكلام ده بنسمعه كتير اوى
وده يدل على همجية الشخص واختفاء الاخلاق والادب من عنده :stickjo4:
قبل كده وقفنا فى الطريق بسبب خناقة حصلت اكتر من ساعة
واحد راكن العربية بطريقة غبية اوى والتانى عايز يركن جنبه مش عارف قال من الغبى مقالش حمار مفرقتش :d:d اللى راكن العربية كده ومسكوا فى بعض شتيمة وكان لسه هيضربوا بعض :stickjo4::040vk0:
واللى كان معصبنى كلامهم لبعض وقال مكان راقى قال واللى والله مصر معدش فارق فيها مكان راقى او غيره وكان معصبنى اكتر احنا اتاخرنا ووقفنا ساعة :d

ده الفرق عندنا وعند الغرب :(

http://www9.0zz0.com/2009/10/27/08/445080333.jpg

مكعبات

23-10-2010, 07:41 PM

الفلاح الفصيح2011

23-10-2010, 09:29 PM

روووووز

23-10-2010, 09:51 PM

عندنا عندهم المهم نوصل بالسلامة
:d:d:d:d:p:p

أنا سمعت إن أمريكا مابيحصلشى فيها حوادث ربع اللى بيحصل فى مصر !!!!!!!!!!
صحيح الكلام ده؟؟؟؟؟؟؟؟
ياريت مستر جوجل يقولى
لأنه واضح انه غضبان منى ومش راضى يقوللى على أى معلومة -- ليه مش عارف :p

حضرتك تأمر اى حاجة وانا انفذ عمو جوجل ده صديقى العزيز ومش بيرفضلى طلب :p

مصر تتفوق على أمريكا بأربعين ضعف...في عدد قتلى الحوادث:giljotiiniug3:

أصبحت حوادث المرور في مصر خبرا يوميا بل خبرا عاديا غير مستغرب إذ أن كم الخسائر في الأرواح أو في الأموال باتت من الامور التي ألفها الناس ففي المجتمع المصري اعتاد الناس على سماع ألفاظ وتعبيرات مرتبطة بالحوادث من قبيل حادث مروع أو حادث اليم حيث ارتفعت معدلات حوادث المرور في مصر خاصة في الفترة الأخيرة لعدة أسباب يأتي في مقدمتها رعونة السائقين وعدم التزامهم بقواعد المرور ولعل هذا ما دفع وزارة الداخلية إلى تطبيق قانون المرور الجديد ظنا منها انه يعمل على الحد من الحوادث ويعيد الانضباط إلى الشارع المصري ويقلل من حجم الخسائر الفادحة التي يتعرض لها الاقتصاد سنويا بسبب ارتفاع معدلات حوادث الطرق .

حيث أوضح التقرير الصادر من مركز الدعم واتخاذ القرار التابع لمجلس الوزراء بان عدد الحوادث بلغ 22الف حادث مروع عام 2008ووصل عدد الضحايا إلى 10الاف قتيل ,30الف مصاب كما يتبن من التقرير أن عدد حوادث القطارات وصل إلى 1231حادثة من نفس العام .وعلى هذا تعد مشكلة حوادث الطرق من اعقد المشكلات التي ينجم عنها الكثير من الخسائر سواء في الأرواح أو في الأموال . حيث أكدت الإحصائيات أن عدد الوفيات من حوادث الطرق سنويا تصل إلى 7الاف حالة وان أسباب الحوادث ناتجة عن الحالة الفنية للمركبات ونسبة الحوادث الناتجة عن الأحوال الجوية 4%والناتجة عن سؤ الطرق 2%,ومصر تحتل المرتبة الأولى في نسبة الضحايا وعدد القتلى يتزايد بالمقارنة بعدد السكان والسيارات بنحو 40 %ضعفا عن مثيلاتها في أمريكا , حيث تجاوز أعدادهم الذين استشهدوا وأصيبوا في كل الحروب التي خاضتها مصر وفى الإسكندرية على وجه الخصوص تكثر معدلات الحوادث في الصيف و في شهر رمضان المبارك وذلك نظرا للزحام الشديد في جميع الطرق وخاصة طريق الكورنيش لما به من العديد من السلبيات التي لم يرعاها المسؤلين والقائمين على تصميم الطرق منها بعد المسافات بين الأنفاق الأمر الذي يجعل الأشخاص لا يستطيعوا تحمل هذا مما يؤدى إلى عبورهم الطريق وبالتالي وقوع الحوادث بالإضافة إلى سير المركبات بسرعات كبيرة وكأنهم في سباق وحتى الأنفاق نفسها تمثل خطر على من يعبر عن طريقها وخاصة النساء والفتيات لان معظمها مظلم وبه حارس امن مسن لا يقدر حتى على حماية نفسه مما يعرضهم إلى التحرش من قبل بعض المنفلتين لذلك يفضلون عبور الشارع عن النفق حتى لو دفعوا ثمن هذا حياتهم . ويأتي في المرتبة الثانية من حيث الخطورة الطريق الدولي والذي يتوسط بحيرة مريوط وعلى الرغم من انه ساهم بشكل كبير في تيسير حركة المرور والوصول أسرع من أي طريق أخر نظرا لما يتمتع به من إمكانيات في سير المركبات عليه بسرعات فائقة لكنه لا يخلو من العيوب التي تكمن في سير المقطورات جنبا إلى جنب السيارات الصغيرة ونتيجة التحامها بعضها ببعض تقع الحوادث المروعة, وعن أسباب حوادث الطرق يقول احمد مهني رئيس لجنة النقل والمواصلات بالمجلس المحلى أن تصميم الملفات والدورانات تنقصه خبرة التصميم الجيد وهو ما لا يحتاج لخبرة لتأكيده بل يمكن مشاهدته بالعين المجردة من خلال عشرات الحوادث التي تقع كل يوم عند الارتداد أو الدوران للطريق الأخر حيث تصطدم السيارات القادمة والتي تستعد للهبوط بكل قوتها من أعلى الكوبري فتقع الصادمات المروعة , مشيرا إلى أن هناك خلط سيارات النقل مع السيارات الصغيرة بالإضافة إلى كثرة عربات النقل (أسطول مركبات )وهى نسبه عالية جدا ولا يوجد مثيل لها في العالم بالإضافة إلى أن سائقي النقل الثقيل لا يلتزمون بالسرعات التي حددها القانون أو الالتزام بها , وأكد مهني أن حوادث الطرق ترجع إلى السلوكيات الخاطئة من جانب السائقين وذلك مثل إغفال وتجاهل علامات وإشارات المرور التحذيرية وتغير المسارات والتجاوز بشكل خطير وسؤ صيانة المركبات , وعم ترك مسافة أمان كافية مع المركبة التي في الأمام علاوة عن التعب والإرهاق والانشغال وتشتت الذهن أثناء القيادة وأوضح رئيس لجنة النقل بان قلة كمائن الطرق التي تردع المنفلتين من عشاق السرعة الجنونية ومدمني تعاطى المخدرات بالإضافة إلى سؤ فوالق ولحامات الطرق والكباري وهذه المسؤولية تقع على عاتقهم وكذلك قلة المبالغ المخصصة لصيانة الطرق , مشيرا إلى انه لابد من وضع استراتيجية لتحسين عمليه قيادة السيارات في مصر بالإضافة لتحسين شبكة الطرق السريعة الضخمة والموسعة لأنها غير مؤهلة للسير وليست صالحة لاستيعاب كافة السيارات التي تمر فوقها ومعظم هذه الطرق خاليه من الخدمات الأولية والإرشادية .

اى خدمة يا فندم :p:p

الفلاح الفصيح2011

23-10-2010, 10:12 PM

شكرا--- بس فين رابط الخبر؟:p:romarioxp6::p

الله يمسيك بالخير ياباشمهندس:d:d:078111rg3:

روووووز

23-10-2010, 10:19 PM

شكرا--- بس فين رابط الخبر؟:p:romarioxp6::p

الله يمسيك بالخير ياباشمهندس:d:d:078111rg3:

وماشى عشان حضرتك تتاكد مش معقول انى هكتب كل ده :006et4:
ومحدش يقول ان الخبر ده قديم ده اللى كان موجود :040vk0:
http://www.bbcalex.com/News/News.asp?id=55753

الفلاح الفصيح2011

23-10-2010, 10:32 PM

روووووز

23-10-2010, 10:47 PM

كدا كله تمام الله ينور عليكى
وشكرا على المجهود
وعندك حق فعجلة القيادة نصفها مع السائق والنصف الاخر مع القوانين والحزم فى تنفيذها
ربنا يسترها علينا جميعا
بس ممكن تسألى السيد جوجل هو ليه زعلان منى!!!!!!!!!!!!

لا شكر على واجب حضرتك :dانا معملش مجهود خالص انا جمعت شوية كلمات وكتبتهم فى عمو جوجل ظهر الخبر على طول ونعم العلم يا جماعة :d
مش عارفة والله هو زعلان ليه :excl::excl:

Free Love

26-10-2010, 06:45 PM

والله هوا دا الي بنسمعه كل يوم

مصر مصر مصر

مصر هيا امي نيلها هوا دمي ..................

Dr. Hoda Ahmed

27-10-2010, 11:05 AM

كل دى حاجات الواحد تقريبا عاد بيشوفها كل يوم والموضوع مش فارق اوى

بس احيانا الواحد بيعذرهم فى حاجات كتيرة برضه طول اليوم بيسوق ومسافات بعيدة وزحمة والجو حر وفى ناس بتستهبل ومفيش نظام خالص

انا مش هقول صح طبعا الطريقة غلط 100 % بس الظروف اللى عايشين فيها ضغظ وعصبية وحاجات كتيرة اوى

ربنا يهدى عباده وترجع مصر بشعبها الطيب زى زمان ويرجعوا يفهموا دينهم صح ويطبقوه وقتها مش هيكون فى مشاكل

MOHAMMED SHABARA

27-10-2010, 11:17 AM

بجد موضوع بيحصل كل يوم
على الطرق المصرية
10000000 مرة
بس بجد العيب مش فينا احنا بجد:blush: