استرجل .....اوكسى البمبى !...المصرية هبلة !!!! [الأرشيف]

mostafa_gamal2

23-10-2010, 10:17 PM

( السلام عليكم ورحمة الله وبركاتة )
البداية \
فى البداية اعتذر عن العنوان الذى يبدو مبهم نوعا ما ولكنى تعمدت ذللك لعل وعسى يفهمون
البداية الحقيقة للموضوع هذا كان حوار بينى وبين احد الاصدقاء من احدى الدول العربية (الخليجية ) واثناء الحوار جاء سوال( صادم )الا وهو
(دائما تظهر الاعلانات وخاصة اعلانات مساحيق الغسيل المراة فى مصر كالهبلة والغبية فكيف يكون رد فعلها بفوزها ب500 جنية وكرتونة مسحوق بهذا الشكل الهستيرى ؟؟؟؟!!!!!)
بالتاكيد السوال وقع على اذنى كالصاروخ المدوى فهل تلك الصورة او المخيلة لديهم للمصريين مجرد اعلان عكس طبع مجتمع باكملة .
ايضا (استرجل ) لا اعرف ما هذا الاعلان المقزز للغاية فهل اصبح بريل حكرا على الرجال فقط ! تخيلوا معى ان احدى المريضات المصابة بالكبد والتى تحتاج لشدة للشعير وقفت وشربت البريل هذا فى الشارع كيف سينظرون لها وللعلم تلك المريضة احدى اقربائى وحدث ذللك فى الشارع والناس (هاتك ) يا سخرية !
اللى يقول بصوت عالى استرجل ....استرجل !!!
والللى يقول اية يا وديع دة ..واللى والللى ..
وطبعا جاءت منهارة للمنزل :frown: وكلة بسبب (استرجل ) !!!
عودة مرة اخرى للمساحيق واعلانتها ..
حقا غريب امر مخرجين تلك الاعلانات فكيف ببقعة كاكاو ان تقوم امراة مصرية بالرقص على ازالتها وقولها (اكسى اة اكسى اية اكسى الكيس البمبى !!!) هل الام المصرية تفعل ذللك ؟؟ هل تتمايل بهذا الشكل الخليع :o ....الاغرب لم يتوقف على ذللك فكما قال صديقى العربى فكيف بجائزة 500 وكرتونة برسيل ان ترقص بهذا الشكل وان تدمع !!! وتزغرط !!! (لاحظ الانفعالين ) ثم تقوم ابنتها بتقبيلها على الوجنتين !!!! ماهذا ابسبب 500 جنية !!!!!!!!
بالتاكييد اعلانات البريل والبرسيل هى قطرة فى كاس فلا ننسى اعلانات (الفوط الصحية ) الخاصة بالنساء واعلانتها الفجة جدا
(مفيش قلك مفيش بقع لتلات سعات مفيش قلك )!!!!!!!!
ما هذا اين الاحياء كيف يكون رد فعلك وانت تجلس مع اسرتك وترى تلك الاعلانات ....
اتمنى ان ارى ارائكم لانى
فاض الكيل بى :frown:

mostafa_gamal2

23-10-2010, 10:23 PM

تم حذف الاعلانات بناء على طلب الاعضاء.

bebo_93

23-10-2010, 10:33 PM

فعلا احنا صورتنا امام العالم كله اصبحت سيئه للغايه
ما بالك بالعرب

مش الاعلانات بس كمان الافلام وخصوصا الافلام اللى بتتكلم عن الاحياء الشعبيه فى مصر

تخيلوا لو واحد اجنبى شاف الحاجات دى فى التلفيزيون
اى انطباع هايخدوا عن مصر ؟؟؟!!!

اصبحنا نشوه صورتنا بانفسنا. لصالح من ؟؟

Mr. Ali 1

23-10-2010, 10:39 PM

وهيا الاعلانات دي بس اللي مضايقاك ؟!!
هو فيه اعلان واحد محترم ؟؟؟!!!
انا بس مش عايز اقول امثلة علي اعلانات اقبح
مما ذكرته انت !!
المثل بيقول " ان لم تستحي فافعل ما شئت "
والقائمين علي هذا الأمر لا يوجد عندهم أدني حياء !!
وكمان بصراحة معظم الشعب أهبل بالفعل لأنه بيجري
وراء الاعلانات اللي بيكون فيها اغراء أكثر !!
من الأخر احنا مفيش عندنا رقابة علي الأخلاق ولا الأدب !!

mostafa_gamal2

23-10-2010, 10:41 PM

**تسابيح**

23-10-2010, 10:42 PM

coody

23-10-2010, 10:47 PM

الفلاح الفصيح2011

23-10-2010, 10:57 PM

mostafa_gamal2

23-10-2010, 11:12 PM

بداية ياريت حضرتك تحذف الإعلانات لانها بجد حقير ومستفزة
بعد اذن حضرتك طبعا ...
وغير انه إعلان معروف..
بصراحة أنا بردو بيستفزني الموقف ...
واللي بقي إعلان الأريل اللي تكسب فيه رحلة حق
وتلاقي واحدة طالعة بهدوم البيت !!!
وواحدة تانية طالعة بشعرها !! بجد مهزلة ..
وكل الحاجات دي بكل بساطة مش حقيقية ...
هما بيقولوا كدا عشان يكسبوا فلوس والناس تشتري
غير ان الحاجات دي عرفت انها منتجات صهيونية
ومش مفروض نشتريها ...!!
ام بتاعة استرجل دا اعلان مستفز وحقير....
الإعلام لازم يشوه صورتنا أومال ايه !
ربنا يهدي
بس حضرتك رديت علي الخليجي ازاي:(
الواحد زهق من كثر الكلام والتهم وعدم ادراك
ان مصر شيء والإعلام شيء!

تم حذف الاعلانات وللعلم غرضى من بثة هنا هو توضيح ان الاعلانات حقيرة ومقززة وليس نشرها لان للاسف يوجد ناس بتقول انة اعلان (مضحك وفيها اية فانى !!!!) فاردت فقط ربطة بالكلام لعل الناس التى تعجبها تشمئز . وفعلا اعلانات الاريال بالذات كان لها النصيب الاكبر من الاتهامات لانها للاسف بيعتمدوا على صورة واناس حقيقيون ومناظر طبيعية لاسر مصرية فالناس بتعتقد انها حقيقية وان المصريين بيعملوا كدة وانا عندى يقين كبير ان الاعلانات دى مضروبة وعشان تتاكدى عليكى ان تنظرى الى الاعلان تلاقيهم متجمعين حوالين بعض ويستنوا لما تقول كسبتوا وهاتك ياعياط !!! مفقوسة صح !!!
اما على ردى على الخليجى فكان جملة حضرتك الاخيرة (ان مصر غير تمام اللى بيظهر على الشاشة والميديا والاعلام لان مصر مش عشوائيات ولا فى اعلان برسيل وانت كدة ظالم لمصر لانك اختزلتها فى اعلان !)
..شكرا على المرور

mostafa_gamal2

23-10-2010, 11:16 PM

اولاً: احب احيك علي الموضوع الرائع ده
ثانياً: احنا عندنا عقليات اعلانية غاية في العبقرية في مصر
لكن بعضهم مش كلهم
مش بيهتم بردة الفعل من اللي هيشوفوا الاعلان ده من برة
يعني مش بيهتم بالمنظر العام للاعلان
ده يدي فكرة لواحد لسه داخل مصر جديد علي مدي التخلف اللي وصله الاعلان
اما اكسي و اريال دول
غلابة علي قدهم في الاعلان
مقدرش اقول الا ان مستواهم متواضع جداً في وسط عمالقة في فن الاعلام
لا اكتر ولا اقل
و شكراً لعرض الموضوع القيم

شكرا لك انت على المرور العطر
بالتاكيد مش كل الاعلانات سيئة فى اعلانات البيبسى وشركات المحمول تلاقيها غاية فى الرقى والجمال لانهم للاسف عقليات واستثمار اجنبى وفكر اجنبى مش مصرى ...شكرا على المرور مجددا
..وربنا يوفقك فى الاولمبياد :022yb4: وترفع اسم مصر بدل اوكسى البمبى !!!

روووووز

23-10-2010, 11:17 PM

ههههههههههههه والله اعلانات مضحكة وفى نفس الوقت مستفزة :stickjo4:

يعنى اللى مش هيشرب بيريل مش راجل دى اهانة والله اصل الرجولة عندهم بشرب البريل
وكمان اعلان البيريل بتاع الراجل اللى اسمه شرين وغير اسمه لما شرب بيريل :d
طب لو الاعلان ده كان للنساء هيقولوا ايه :excl::excl:

http://www13.0zz0.com/2009/11/08/10/685131841.jpg (http://www13.0zz0.com/2009/11/08/10/685131841.jpg)
كله ولا الاعلانات بتاعت الاريال والاوكسى والله مسخرة واهانة للشعب المصرى
ولا اعلان ايريال والجنية الدهب يلا نقول ايه غير حسبنا الله ونعم الوكيل شوهتوا صورة المصريين برة :(:(

Mostafa Walid

23-10-2010, 11:21 PM

قالتها الأخت تسابيح
تركيا فعلتها ولم تفعلها مصر مع الاعتذار لها لوكان هناك خطأ فى اسم الموضوع
لكن المصيبه وأنت فى مصر لاتشعر إلا ببعض الكلمات التى غضبت منها
فما بالك لو ذهبت لبلدى عربى وعشت بين ناس لايعرفون عن مصر شىء إلا عن طريق الفن والفضائيات
العرب كل العرب معذورون فى الاساءة لنا فلايعرفون سوى مايشاهدونه فى وسائل الاعلام المرئيه والمكتوبه
ولتفعل مافعلت وانسى مصريتك لساعة واحدة وشاهد التليفزيون من الساعة التاسعة الى الثانية عشرة ليلا
ولاتتعب نفسك فى المرور بين القنوات فيكفيك أن تجمع قناة المحور والحياة ودريم 2 وون تفى (هيما وريم )
أتحداك لو خرجت بعض هذه البرامج تحب نفسك وليس بلدك
هؤلاء يستمتعون بالإساءة للبلد والناس
ومع الحكومة تجد الحديث بمنتهى الأدب والحرص على استمرارية القناة
شوف أصحاب هذه القنوات ---- أكتر ناس منعمين بخير هذا الوطن --- أكتر ناس اشتروا متر الارض بتلاته مليم
والسؤال ليه بيعملوا كده ؟؟ وليس فيهم معارض واحد
ياساده مانحن إلا سلعة لم ترتقى حتى إلى ثمن الطماطم
شكرا لكم وبعتذر على الاطاله
لكن للفضفضه فوائد كثيرة
هى الطماطم بكام انهارده !!!!!!!!!!!!!!

بسته باين ربنا يرحمنا :blush:
بجد موضوع اكثر من رائع وبجد العرب ليهم عذر انهم يحتقرونا بكل الاشكال و فى كل المجالات لان ده الوسيله الوحيده اللى توصلهم شكل شعبنا وطبعا مع الشكل ده مينفعش يحترمنا اصلا اعلان زى الغسيل ده عايز فلوس وبس لكن يطلع ناس ويبين ان المصريين هبل للعرب لا ميهمهوش ابدا هو عايز فلوس وخلاص اعلان زى بريل اعلان حقير وزباله بجد يعنى بس حنعمل ايه هى ديه بلدنا مصر وبجد انا مش عارف انت رديت عليه ازاى الصراحة الموقف يخليك عايز تقوله انا مش مصرى اصلا يا عم يا اما بقى توضحلوا وجهة نظرك وصعب انها توةصله علشان هما عندهم اعلانات محترمة بتبين انعكاس صفات شعبهم مش حاجات علشان فلوس وخلاص

mostafa_gamal2

23-10-2010, 11:24 PM

قالتها الأخت تسابيح
تركيا فعلتها ولم تفعلها مصر مع الاعتذار لها لوكان هناك خطأ فى اسم الموضوع
لكن المصيبه وأنت فى مصر لاتشعر إلا ببعض الكلمات التى غضبت منها
فما بالك لو ذهبت لبلدى عربى وعشت بين ناس لايعرفون عن مصر شىء إلا عن طريق الفن والفضائيات
العرب كل العرب معذورون فى الاساءة لنا فلايعرفون سوى مايشاهدونه فى وسائل الاعلام المرئيه والمكتوبه
ولتفعل مافعلت وانسى مصريتك لساعة واحدة وشاهد التليفزيون من الساعة التاسعة الى الثانية عشرة ليلا
ولاتتعب نفسك فى المرور بين القنوات فيكفيك أن تجمع قناة المحور والحياة ودريم 2 وون تفى (هيما وريم )
أتحداك لو خرجت بعض هذه البرامج تحب نفسك وليس بلدك
هؤلاء يستمتعون بالإساءة للبلد والناس
ومع الحكومة تجد الحديث بمنتهى الأدب والحرص على استمرارية القناة
شوف أصحاب هذه القنوات ---- أكتر ناس منعمين بخير هذا الوطن --- أكتر ناس اشتروا متر الارض بتلاته مليم
والسؤال ليه بيعملوا كده ؟؟ وليس فيهم معارض واحد
ياساده مانحن إلا سلعة لم ترتقى حتى إلى ثمن الطماطم
شكرا لكم وبعتذر على الاطاله
لكن للفضفضه فوائد كثيرة
هى الطماطم بكام انهارده !!!!!!!!!!!!!!

بالتاكيد لو انا اتخيلت انى عربى وشفت صورة مصر عن طريق الاعلام هشوف مصر وكانها ام العشوائيات والقرف وهبل والغباء للاسف البرامج اللى حضرتك ذكرتها زى ما انتا قولت اغلبهم رجال اعمال كبار جدا (البدوى+بهجت قمر_ نجيب سويرس ...... وقريبا عز ) اغلبهم غير حاسين بالشعب ومعانتهم وللاسف بيعرضو حاجات المنفروض متتعرضش لانها فعلا بتسى لسمعة مصر ...وكرد على سوالك الاخير فان بورصة الطماطم اليوم سجلت سعر 5.5 بس صغيرة الحجم مسجلة انخفاض _3 جنية وانشاء اللة قريبا جدا هتبقا ب2 جنية واعتذر عن المصدر :d...شكرا لك وتقبل مرورى

bebo_93

23-10-2010, 11:27 PM

طب لو الاعلان ده كان للنساء هيقولوا ايه :excl::excl:

http://www13.0zz0.com/2009/11/08/10/685131841.jpg (http://www13.0zz0.com/2009/11/08/10/685131841.jpg)

المره دى بقى هايقولوا استرجل واغسل الاطباق ببريل

حسبى الله ونعم الوكيل فيهم

mostafa_gamal2

23-10-2010, 11:27 PM

mostafa_gamal2

23-10-2010, 11:30 PM

بسته باين ربنا يرحمنا :blush:
بجد موضوع اكثر من رائع وبجد العرب ليهم عذر انهم يحتقرونا بكل الاشكال و فى كل المجالات لان ده الوسيله الوحيده اللى توصلهم شكل شعبنا وطبعا مع الشكل ده مينفعش يحترمنا اصلا اعلان زى الغسيل ده عايز فلوس وبس لكن يطلع ناس ويبين ان المصريين هبل للعرب لا ميهمهوش ابدا هو عايز فلوس وخلاص اعلان زى بريل اعلان حقير وزباله بجد يعنى بس حنعمل ايه هى ديه بلدنا مصر وبجد انا مش عارف انت رديت عليه ازاى الصراحة الموقف يخليك عايز تقوله انا مش مصرى اصلا يا عم يا اما بقى توضحلوا وجهة نظرك وصعب انها توةصله علشان هما عندهم اعلانات محترمة بتبين انعكاس صفات شعبهم مش حاجات علشان فلوس وخلاص

شكرا على المرور \ لا اللى يستاهل الجزاء دة احنا لاننا للاسف بقينا بنشوف وساكتين ونقول جميلة خالص وفانى ومضحكة اوى وكردى على الخليجى فقد ذكرتة فى ردى على الاخت (تسابيح ) ...شكرا على المرور

mostafa_gamal2

23-10-2010, 11:32 PM

المره دى بقى هايقولوا استرجل واغسل الاطباق ببريل

حسبى الله ونعم الوكيل فيهم

اعتقد انة هيبقى الطف
(استائنسى واقومى يا بت اغسلى الهدوم ! :039uw8:)
...شكرا على المرور

روووووز

23-10-2010, 11:35 PM

هههههههههه الطماطم بكام عندنا 10 جنية
اغلى من التفاح والفاكهة ههههههههههه

ربنا يكون فى عونا

روووووز

23-10-2010, 11:39 PM

المره دى بقى هايقولوا استرجل واغسل الاطباق ببريل

حسبى الله ونعم الوكيل فيهم

هههههههه هو مين اللى بيغسل الاطباق :d:d

اعتقد انة هيبقى الطف
(استائنسى واقومى يا بت اغسلى الهدوم ! :039uw8:)
...شكرا على المرور

هههههههه ايوه هو العنوان هيكون كده
بارك الله فى حضرتك :d

bebo_93

23-10-2010, 11:43 PM

هههههههه هو مين اللى بيغسل الاطباق :d:d

ماهو بعد الاعلانات دى اللى مش هايشرب بريل هو اللى هايغسل الاطباق :d:d

مابقتش فارقه عندهم مين اللى يغسل

Mr. Ali 1

23-10-2010, 11:46 PM

mostafa_gamal2

23-10-2010, 11:47 PM

ماهو بعد الاعلانات دى اللى مش هايشرب بريل هو اللى هايغسل الاطباق :d:d

مابقتش فارقه عندهم مين اللى يغسل

هههههههههة شكرا على المرو ر

روووووز

23-10-2010, 11:50 PM

ماهو بعد الاعلانات دى اللى مش هايشرب بريل هو اللى هايغسل الاطباق :d:d

مابقتش فارقه عندهم مين اللى يغسل

هههههههه والله عند حضرتك حق :d:d
على كده هروح اشرب بكرة غسيل الاطباق :stickjo4:
الاعلانات دى هتغير تفكير الشعب المصرى

mostafa_gamal2

23-10-2010, 11:52 PM

بصراحة انا مش عارف انتم ليه واخدين الموضوع ده أو أي مشكلة
أخري في مصر علي انها صورة وحشة قدام العرب !!!
ما العرب موجود فيهم بلاوي مهببة أيضاً .
يعني هما مش علي الصراط المستقيم ولا حاجة !!
بالعكس عندهم انحلال أخلاقي كريه و هما عارفين كده كويس اوي
سواء كانوا رجال أو حريم أو حتي أطفال !!
المفروض يهمنا صورتنا أمام أنفسنا .
يعني لو مفيش قنوات فضائية , كنا حنبقي راضيين علي صورة
الاعلانات الحالية ؟!!!
عايزين لما ننتقد شيء ننتقده ونرفضه لأنه غلط , مش لأن العرب
أو غيرهم بيشوفوا ان دي مصر !!

اولا كفكرة عامة الموضوع انة للاسف الموضوع دة مسى لمصر وانا متفق ان للعرب مشاكل منيلة بنيلة بس لانهم لديهم امكانيات اعلامية محدودة وعدم انتاجهم للافلام مسيئة وحتى اعلامهم لا يبرز مشاكل الدولة بشكل غريب ومقزز بالشكل دة يعنى عمرك شفت اعلان فى دولة عربية تلاقى الست طالعها بلبس البيت وطالعها شعرها زى الشمس الذهبية وعمالا عياط عشان كيس برسيل اى تفاهة هذة ....اكيد احنا يهمنا صورتنا ادمنا بس اكيد لازم نشوف الناس بتشوفنا ازاى ...شكرا على المرور

mostafa_gamal2

23-10-2010, 11:53 PM

هههههههه هو مين اللى بيغسل الاطباق :d:d

هههههههه ايوه هو العنوان هيكون كده
بارك الله فى حضرتك :d

شكرا لكى عللى المرور العطر

mostafa_gamal2

23-10-2010, 11:55 PM

هههههههه والله عند حضرتك حق :d:d
على كده هروح اشرب بكرة غسيل الاطباق :stickjo4:
الاعلانات دى هتغير تفكير الشعب المصرى

وهتغير ايضا اذواق الشعب المصرى .....

mostafa_gamal2

23-10-2010, 11:56 PM

روووووز

23-10-2010, 11:58 PM

bebo_93

24-10-2010, 12:02 AM

عند حضرتك حق ده يدل على رجعية وتخلف الاعلان المصرى بس فى بعض الاعلانات كويسة لان زى ما بعض الاعضاء قالوا اللى بتصرف عليها جهات اجنبية
اصل كل حاجة فى البلد الاجانب استولوا عليها
وازاى واحدة تقبل لانها تعمل اعلان زى ده فين العقل ولا كل ده عشان تطلع فى الشاشة :d:d

اللى بتقبل انها تعمل كده بتبقى واحده غلبانه بتدور على اى مبلغ يساعدها فى ظل الغلاء اللى احنا فيه ده
زى ما حضرتك قولتى الطماطم ب 10 جنيه ويمكن اغلى هياكلوا منين:excl:

الغلط مش على الناس الغلابه اللى بيمثلوا دول
الغلط على اصحاب الاعلان واصحاب فكرته

mostafa_gamal2

24-10-2010, 12:05 AM

عند حضرتك حق ده يدل على رجعية وتخلف الاعلان المصرى بس فى بعض الاعلانات كويسة لان زى ما بعض الاعضاء قالوا اللى بتصرف عليها جهات اجنبية
اصل كل حاجة فى البلد الاجانب استولوا عليها
وازاى واحدة تقبل لانها تعمل اعلان زى ده فين العقل ولا كل ده عشان تطلع فى الشاشة :d:d

على فكرة الستات اللى بتعمل كدة واضح جدا انهم مش فايزين وانهم (كومبارس ) طبيبعى يعنى يخبطو على الست ويقولوها تعملى الشو بتاعك وكم دمعة على كام حضن اموى وتخدى 100جنية تحلى بيها بوك ....!!!!

الم ترى حلقة يوميات زوج معاصر عن الحكاية دى كانت مضحكة جد ا جدا

bebo_93

24-10-2010, 12:07 AM

Mr. Ali 1

24-10-2010, 12:09 AM

اولا كفكرة عامة الموضوع انة للاسف الموضوع دة مسى لمصر وانا متفق ان للعرب مشاكل منيلة بنيلة بس لانهم لديهم امكانيات اعلامية محدودة وعدم انتاجهم للافلام مسيئة وحتى اعلامهم لا يبرز مشاكل الدولة بشكل غريب ومقزز بالشكل دة يعنى عمرك شفت اعلان فى دولة عربية تلاقى الست طالعها بلبس البيت وطالعها شعرها زى الشمس الذهبية وعمالا عياط عشان كيس برسيل اى تفاهة هذة ....اكيد احنا يهمنا صورتنا ادمنا بس اكيد لازم نشوف الناس بتشوفنا ازاى ...شكرا على المرور

بالنسبة للاعلانات فأنا علقت عليها في بداية الموضوع .
لكن انا بتكلم بصفة عامة عن خوفنا من ان العرب تشوف مصر
بصورة الاعلانات أو الأغاني أو الأفلام أو المسلسلات أو غيرها .
هل العرب أصبحوا رقباء علينا ؟؟
فيه ناس تقولك بلاش تقول كده علي مصر أحسن العرب بياخدوا فكرة وحشة عننا !!
بلاش ننتقد في مصر عشان العرب ميقروش الكلام ده ويعرفوا ان المصريين مش راضيين عن الأوضاع في بلدهم !!
كل حاجة دلوقتي بلاقي فيها جملة بلاش عشان العرب !!
وكأن العرب دول ملائكة أو ماشيين عن الشريعة الاسلامية واحنا بس اللي غلط !!!
يا أخي علي الأقل احنا بنقدر نتكلم ونعبر عن رأينا , انما هم لا يقدر الواحد منهم علي انتقاد وضع ما في بلده !!
أنا مرة عملت موضوع في منتدي عربي عن " رأيك في دور الكفيل "
ولا واحد فيهم قدر يفتح بقه بكلمة واحدة !!!
عايزين نتكلم ونقول من غير ما نعير للعرب أي اهتمام .
وزي ما المثل بيقول " ما يحس بالنار الا اللي ماسكها " .

روووووز

24-10-2010, 12:17 AM

على فكرة الستات اللى بتعمل كدة واضح جدا انهم مش فايزين وانهم (كومبارس ) طبيبعى يعنى يخبطو على الست ويقولوها تعملى الشو بتاعك وكم دمعة على كام حضن اموى وتخدى 100جنية تحلى بيها بوك ....!!!!

الم ترى حلقة يوميات زوج معاصر عن الحكاية دى كانت مضحكة جد ا جدا

هههههههه والله لو قالولى خدى ايه مستحيل اعمل كده :mad::mad:
لا فيه ايه اليوميات دى فضائح للاعلانات المصرية :confused::confused:
اللى بتقبل انها تعمل كده بتبقى واحده غلبانه بتدور على اى مبلغ يساعدها فى ظل الغلاء اللى احنا فيه ده
زى ما حضرتك قولتى الطماطم ب 10 جنيه ويمكن اغلى هياكلوا منين:excl:

الغلط مش على الناس الغلابه اللى بيمثلوا دول
الغلط على اصحاب الاعلان واصحاب فكرته

ممكن بردوا :frown::frown: يعنى ورا اى مصيبة بتكون الحكومة :stickjo4::stickjo4:

mostafa_gamal2

24-10-2010, 12:19 AM

بالنسبة للاعلانات فأنا علقت عليها في بداية الموضوع .
لكن انا بتكلم بصفة عامة عن خوفنا من ان العرب تشوف مصر
بصورة الاعلانات أو الأغاني أو الأفلام أو المسلسلات أو غيرها .
هل العرب أصبحوا رقباء علينا ؟؟
فيه ناس تقولك بلاش تقول كده علي مصر أحسن العرب بياخدوا فكرة وحشة عننا !!
بلاش ننتقد في مصر عشان العرب ميقروش الكلام ده ويعرفوا ان المصريين مش راضيين عن الأوضاع في بلدهم !!
كل حاجة دلوقتي بلاقي فيها جملة بلاش عشان العرب !!
وكأن العرب دول ملائكة أو ماشيين عن الشريعة الاسلامية واحنا بس اللي غلط !!!
يا أخي علي الأقل احنا بنقدر نتكلم ونعبر عن رأينا , انما هم لا يقدر الواحد منهم علي انتقاد وضع ما في بلده !!
أنا مرة عملت موضوع في منتدي عربي عن " رأيك في دور الكفيل "
ولا واحد فيهم قدر يفتح بقه بكلمة واحدة !!!
عايزين نتكلم ونقول من غير ما نعير للعرب أي اهتمام .
وزي ما المثل بيقول " ما يحس بالنار الا اللي ماسكها " .

على فكرة حضرتك جاوبت على نفسك لاننا كمصريين نحب الانتقاد بطبعنا فكم وانت ماشى وقابلت احد اصدقائك يدلى براية فى لبسك وشكلك العام احنا بطبعنا منتقدين وطبعا دى ليها اسبابها الكثيرة واللى مش هيكفينى الصفحات لقولها .....وطبعا احنا مش بننتقد ليهم ولكن ايضا لينا وبالعكس تماما انا شايف ان لما نعتبر ان العرب رقائب علينا هيكون حافز اكبر لمواجهة المشكلة فمثلا فى دول الخليج انت تاخذ فكرة عامة عليهم بانهم اغنياء وذو رقى عالى وطبعا كلنا مش عارفين اية المشاكل اللى بتواجهم بس تخيل لو انهم منتقدين ذاتيا لانفسهم زى ما احنا بنعمل اكيد هيخرجوا شوية من الكبت اللى عندهم ...تقبل مرورى

Doctor S.E

24-10-2010, 02:20 PM

mostafa_gamal2

24-10-2010, 11:07 PM

انا عشت تقريبا معظم عمري في بلد عربيه بره مصر
و ما تعرفوش كميه الاهانه الي بيشفوها المصريين بسبب الصور السيئه دي
لدرجه ييجي واحد يقول انتو عندكو في مصر كدابين و منافقين انا لما بروح الفندق و ادي العامل حاجه يقولي
(( خلي يا باشا )) و يضحك مستهزئ انه لو فعلا خلى فلوسه المصري وشه هيصفر ..... ايه ده
و انا كانت معايا واحده في مدرستي بتقولي طبعا النظام عندنا شديد لاننا محترمين بنطبق الشريعه انتي اكيد في مصر بتلبسي الي انتي عايزه .... حد بقى يفهمها اني محجبه ...لا حياه لمن تنادي مش معترفين اصلا بان عندنا حجاب او دين
و و و و طول حياتي مواقف كتييير جدا لا حصر لها و الاعلام بيزود الطين بله يوم بعد يوم
مفيش بلد فيها كميه الاعلانات و الافلام و المسلسلات المسيئه دي زينا و قال ايه ..(( بيناقشوا قضايا المجتمع ))...
شكرا على طرح الموضوع و اكيد الكلام فيه عمرو ما هينتهي لانها بجد مأساااه

اولا شكرا على المرور
غرضى من طرح الموضوع كان هو التنبية ان العرب عموما والخليجين خصوصا بقوا بيستحكروا المصرى جدا بسبب تلك الاشياء التى قد تبدو للبعض سطحية ولكنها لها تاثير غاية فى السلبية على مصر والمصريين
...شكرا لكى على المرور ...واكيد الفتاة اللى قالتلك انتى فى بلدك متحررة اكيد شايفة ليل نهار غادة عبد الرازق وسمية الخشاب وفيفى ودينا و.....و,,,,,.,,, الخ