|
مشاهدة النسخة كاملة : اسئلة تهاني احمد 24-10-2010, 07:13 AM س( عرف نصف القطر الايوني ) ويا جماعة هو انا مفروض احفظ في الكيمياء اي عناصر ؟ ولو قابلتني اسئلة تانية حقول وياريت كل حد برضو عندو اسئلة يقول عشان تعم الفائدة Dr.abdo salem 24-10-2010, 10:23 AM أولا : إجابة السؤال ( نصف القطر الأيونى : هو نصف المسافة بين مركزى الأيونين) ثانيا: انتى لازم تحفظى مجموعة كدا من العناصر بأعدادها الذرية لأن فيه أسئلة بيكون جايب العناصر برموز غريبة مش تبعها ويقعد يسأل عليها فلازم انتى تكونى عارفه العناصر الى انا هقولها دى ( المجموعة 1a.المجموعة 2a . المجموعة 3a والمجموعة الصفرية والهالوجينات والدورة التانية والتالتة) بعد كدا ان شاء الله هتحلى بسهولة وانا بدعوكم للمشاركة فى موضوع اوليمبياد الكيمياء لانه هيفيد نااس كتيرــــــــــــــــــــــــــ ما هيتاب 24-10-2010, 04:02 PM الميل الالكترونى فى المجموعه والدوره ما هيتاب 24-10-2010, 04:04 PM س السالبيه الكهربيه تهاني احمد 28-10-2010, 09:58 PM الميل الاكتروني في الدورة بيزيد بزيادة العدد الذري وفي المجموعة بيقل بنقص العدد الذر اما السالبية فهي قدرة الذرة على جذب الكترونات الرابطة الكيميائية تهاني احمد 28-10-2010, 10:02 PM يا جماعة عندي سؤال تاني علل تسمية عناصر الفئة S و P بالعناصر الممثلة ؟ محلول koH اكثر قلوية من محلول naoH يستخدم P2O5 في تجفيف الغازات الحامضية ولا يستخدم في تجفيف الغازات القاعدية ؟ على بيه فتحى 29-10-2010, 11:04 AM يا جماعة عندي سؤال تاني علل تسمية عناصر الفئة S و P بالعناصر الممثلة ؟ محلول koH اكثر قلوية من محلول naoH يستخدم P2O5 في تجفيف الغازات الحامضية ولا يستخدم في تجفيف الغازات القاعدية ؟ لا ن يوجد المستوى الرئسى الاخير غير ممتلىء بلالكترونات لان k>Naمن حيث نصف القطر الذرى فيسهل التاين وانفصال oH لاان P2O5اكسيد حمضى لايتفاعل مع الاكاسيد الحمضية لذلك يستخدم في تجفيفها محمد الفاوي 29-10-2010, 02:57 PM يا جماعة لو سمحتوا انا عندي سؤال محيرني جدا وبيقول :ما هو العنصر الذ ينتهي توزيعه الالكتروني بـالمستوى الفرعي3d وبه اوربيتال مشبع محمد الفاوي 29-10-2010, 02:58 PM اللي محيرني في السؤال ده ان المستر قاللي انه السيليكون (si14 ) وانا بقول انه الكبريت (s16) حد يجاوبني على السؤال ده ويقوللي ليه رائد الكيماوي 29-10-2010, 03:03 PM نصف القطر الايونى= طول الرابطة الايونية - نصف قطر احد الايونين:av4056bb7jp3: سارة المصرية 29-10-2010, 03:20 PM على ما اتعقد انك غلطان قصدك 3p بدل 3d لان لو 3d هيطلع عنصر غيرهم بس لو 3p اكيد هيكون السيليكون زى ما المستر قلك لانة هيكون توزيعه كدا 1s2 2s2 2p6 3s2 3px2 يعنى 14 اللى هوا السيلكون محمد الفاوي 29-10-2010, 03:33 PM مرسي عل الاجابة هو فعلا 3p بس انت مختيش بالك من انه قايل :وبه اوربيتال مشبع محمد الفاوي 29-10-2010, 04:16 PM يا جماعة حد يرد عليا لو سمحتوا او ممكن اي مدرس كيمياء يجاوبلي السؤال دة ويفهمهولي عشان انا محتاج السؤوال دة ضروري abosondos 29-10-2010, 05:15 PM لو المستوى 3p به اوربيتال مشبع يبقى هو الكبريت لو المستوى 3p به اوربيتال فارغ يبقى السيليكون وبالتوفيق سارة المصرية 29-10-2010, 05:44 PM لا انا اخدت بالى بص مش المستوى الفرعى p به 3 اوربيتالات صح ؟ px py pz وكل الاوربيتال مشبع ب 2 الكترون يبقى الاوربيتال المشبع اللى هوا px يعنى فيه 2 الكترون يبقى التوزيع هيكون كدا 1s2 2s2 2p6 3s2 3px2 وكدا 14 يبقى السيليكون خلى بالك انت من السؤال هوا بيقول اوربيتال مشبع يعنى الباقى مش مشبعين يعنى فى py pz مش مشبعين والله اعلم محمد الفاوي 29-10-2010, 06:23 PM هو السؤال بيقول : بنتهي بالمستوى الفرعي 3p وبه واربيتال مشبع وطبقا لقاعدة هوند انه الاوربيتالات يجب ان تملأ فرادى اولا ثم تزدوج ومعنى انه بيقول به اوربيتال مشبع يعني 2px به 2 الكترون والباقي 2pyو 2pz به اوربيتال مفرد وده على حد فهمي وياريت اي مستر يفيدني ويقولي في الصح محمد الفاوي 29-10-2010, 06:25 PM و السؤال بيقول : بنتهي بالمستوى الفرعي 3p وبه واربيتال مشبع وطبقا لقاعدة هوند انه الاوربيتالات يجب ان تملأ فرادى اولا ثم تزدوج ومعنى انه بيقول به اوربيتال مشبع يعني 2px به 2 الكترون والباقي 2pyو 2pz به *الكترون مفرد وده على حد فهمي وياريت اي مستر يفيدني ويقولي في الصح سارة المصرية 29-10-2010, 07:22 PM اه فعلا انا نسيت خالص ومركزتش اننا بنوزع فى هوند فرادى اولا يبقى كدا فعلا هوا الكبريت 16 1s2 2s2 2p6 3s2 3px2 3py1 3pz1 سورى بجد مركزتش معاك محمد الفاوي 30-10-2010, 01:08 AM طاب معلش انا عايز لو ممكن مدرس كيمياء من مدرسينا الجمال اللي معنا يساعدونا عي السؤال ده ويبقوا مشكورين ومرسي ليكي على الاجابة يا سارة تهاني احمد 30-10-2010, 04:52 PM طيب يا جماعة في سؤال بس مش موجود في كتاب الوزارة عرف الفريونات وما خواصها ؟ وسؤال صوب الخطأ في العبارة ( محلول اكسيد الصوديم في الماء متعادل التأثير على ورقة عباد الشمس ) هو بيزرق بس حنقول ايه ؟ قاعدي التاثير على عباد الشمس ؟ mnegem 30-10-2010, 06:53 PM طاب معلش انا عايز لو ممكن مدرس كيمياء من مدرسينا الجمال اللي معنا يساعدونا عي السؤال ده ويبقوا مشكورين ومرسي ليكي على الاجابة يا سارة 1- فى حالة العنصر الذى به أوربيتال فارغ فى المستوى 3P أى أن 3Pz فقط هو الفارغ أما 3Px,3Py فبكل منهما الكترون و يكون توزيعه Ne10 3S2,3p2 , و بذلك يكون هو السيليكون Si14 2- أما فى حالة العنصر الذى به أوربيتال ممتلئ فى المستوى 3P أى أن 3Px فقط هو الممتلئ أما 3Pz,3Py فبكل منهما الكترون و يكون توزيعه Ne10 3S2,3p4 , و بذلك يكون هو الكبريت S16 3- فى حالة العنصر الذى به أوربيتال ممتلئ فى المستوى 3d اى أن أوربيتالات d الخمسة قد شغلت بالألكترونات فرادى (5 الكترونات) قبل أن يزدوج أحد أوربيتالاتها بالألكترون السادس و يكون توزيعه Ar18 4S2,3d6 , وهو الحديد Fe26 . مع أطيب تمنياتى لكم بالتفوق أ/ محمد نجم الدين ( الطبرى الثانوية بروكسى) محمد الفاوي 31-10-2010, 01:01 PM شكرا ليك يا مستر محمد |