لماذا نعارض التوريث ونحن نربى ابنائنا عليه؟
انتشرت فى الأونة الاخيرة اخبار تتوقع ان يقوم الحزب الوطنى بترشيح السيد جمال مبارك فى الانتخابات الرئاسية القادمة ومنذ ذلك الحين خرجت المعارضة واخذت تصرخ وتنادى وتندد بهذا الامر الذى اسمته "بالخطير" بالرغم من ان الرئيس مبارك لم يصرح بذلك ولم يصرح اى مسئول كبير بالحزب الوطنى بأن السيد جمال مبارك هو مرشح الحزب فى 2011 ولكن فلنسير مع ادعاءات المعارضة التى لا اساس لها من الصحة واؤكد ان الرئيس مبارك هو مرشح الحزب الوطنى فى 2011 ولكن ما العيب فى ترشح جمال مبارك بمباركة والده ولماذا تعترض المعارضة على ترشح السيد جمال مبارك وهم شخصيا يورثون مقاعدهم لأبنائهم ومستعد ان اذكر بالاسماء شخصيات فى الاحزاب والجماعات المعارضة تستفيد من ابائهم واقاربهم وتتولى مناصب كبرى فى تلك الاحزاب أليس هذا توريثا
هل هو حلال للمعارضة وحرام للسيد الرئيس ؟اليس الرئيس من حقه ان يجعل ابنه فى منصب هام؟ هل تنكرون ان الطبيب يجعل ابنه طبيبا ويوفر له عملا يميزه عن زملائه لانه ابن الطبيب؟ ضابط الشرطة يجعل ابنه شرطيا...
عضو مجلس الشعب يورث الكرسى لأبنه من بعده
الا يوجد نظام ابناء العاملين فى بعض الشركات الكبرى ويقوم الاب بتعيين ابنه وتمييزه عن زملائه وهو ذاته الاب الذى يخرج ويتظاهر ضد التوريث
غيروا انفسكم لتغيروا غيركم
واريد ان اؤكد للمرة الاخيرة ان الرئيس مبارك هو مرشح الحزب الوطنى كما قال الدكتور على الدين هلال فى حديثه مع قناة الحرة وسيكتسح الرئيس فى الانتخابات وان تاريخه يمنعه من القيام بتوريث رالحكم لابنه بالرغم من ان ذلك لا عيب فيه ولا عار طالما سيحدث فى انتخابات رئاسية ينزل فيها الشعب ويدلى بصوته فالرئيس قد يجعل ابنه مرشحا ولكن الشعب هو القادر على قبول جمال او الاطاحة به
مدحت محمد حسين

منتظر ارائكم حول هذا المقال خاصة اننى هوجمت هجوما بشعا من بعض الناس فى مدرستى لمرد انهم قراوا عنوان المقال ولم يقراوالمضمون

بالنسبة لموضوع التوريث يامدحت انا مش هناقشك فيه ولا هتكلم فى الموضوع

بس احنا فى الانتخابات دى على شفا حفرة
لان الاراء متناقضة حول مبارك
انا ممكن اكون معاك ان مبارك هيرشح نفسه
وكمان ممكن جيمى يرشح نفسه
بس تفتكر لو جيمى اللى مسك الحكم هنقدرنفوق من اللى احنا فيه
انامعاك برده ان احنا مش هنفوق دلوقتى خالص
انت بتقول ان احنا نبدا بانفسنا ونغير انفسنا
وان الله لايغير ما بقوم حتى يغيوا ما بانفسهم
وان اللى احنا فيه دلوفتى ده بسبب اعمالنا احنا
وان ربنا مسلط علينا جلاده
بس انا مش عاوز حد تانى يقولى غير نفسك
بقالنا عقود بنقول عاوزين نغير انفسنا
ومحدش فينا بيبتدى بالتغيييير الا من رحم ربى
يعنى ايه احنا بنضحك على نفسنا بالكلام ده مثلا
تلاقى كل شوية واحد يقولك غير نفسك وابتدى انت الاول
طب وانت ما بداتش انت من قبلى ليه وغيرت نفسك انت كمان
احنا محتاجين نفوق بس مش اكتر من الغيبوبة اللى احنا فيها
وحالة اللاوعى اللى النظام قدر يدخل الشعب فيها
والدوامة اللى احنا اتحطينا فيها

وبصراحة بقى كده جمال مسك الحكم
مبارك اللى مسك الحكم
فيه ناس معينة لازم تفضل ولها دخل كبير اوى فى اللى بيحصل
يوسف بطرس غالى
المشير طنطاوى
مفيد شهاب
عز الذى كان له الفضل فى تدريب جمال مبارك على العمل السياسى
فيه ناس ورا الكدر مش ظاهرة شغالة برده
محتاجين ناخد بالنا منها

كفاية كده يامدحت:slap1qk6:

ماشى يا معلم
رايك راى محترم جدا
مع انى اختلف معك قليلا
ولكن الخلاف عادى جدا ورايك محترم للغاية

ماشى يا معلم
رايك راى محترم جدا
مع انى اختلف معك قليلا
ولكن الخلاف عادى جدا ورايك محترم للغاية

ماشى يامدحت :)

منتظر باقى اراء الناس التانية

موضوعك جميل وجدير بالمناقشة وتبادل وجهات النظر المختلفة .
الموضوع له جانبين : ترشيح الرئيس مبارك لفترة رئاسة أخري - ترشيح جمال مبارك
بالنسبة للجانب الأول : يعني هو الرئيس مش مكفيه الفترات السابقة ؟!!
من عام 1981 وحتي الأن هل حدث أي تطور في البلد إلي الأفضل أو انعكست سياسة
حكمه بإيجابية علي الشعب المصري ؟!!
هل مشاكل البلد والتي أصبحت مزمنة مثل التعليم والبطالة والصحة والمواصلات والاسكان
والأجور وارتفاع الأسعار الجنوني و ............ , هل تم حل مشكلة واحدة فقط منهم ؟!!
هل الوضع الحالي للبلد والتي يحكمها الرئيس مبارك تدل علي أن هناك أي بارقة أمل في
تحسين الأوضاع أو التطور والتقدم نحو الأفضل ؟!!
بالنسبة للجانب الثاني : افتراضك بأن أبناء أحزاب المعارضة وأبناء الأطباء أو حتي ضباط الشرطة
يرغبون بتوريث المنصب لأبنائهم وبنفس المنطق يحق للرئيس مبارك أن يورث الحكم لابنه - هذا
الافتراض خطأ !! لماذا ؟!!
لاختلاف الوضع تماماً , فالدولة ليست ملكية شخصية حتي يورثها الأب لابنه !!
وحتي لو تقدم جمال مبارك للانتخابات , فهذا لا يجوز من جهة مبدأ تكافؤ الفرص , فكيف أكون
القاضي والجلاد في نفس الوقت ؟!!
مقاليد الحكم في يد جمال مبارك , فإذا قام بالترشيح , فلن يتغلب عليه أحد !!
مش معني كلامي اني مع المعارضة في كل اتجاهاتها .... لا .... ولكن ما أراه في هذا الأمر
يتوافق مع ما يراه كثير من الشعب المصري ومن ضمنهم المعارضة .
علي فكرة , لو سألتني أرشح مين , حقولك مش عارف وسبق لي أن قلت مثل هذا , وانا جاد والله
فلست أعلم شخص محدد أراه يصلح للحكم , وهذا أحد العيوب الكثيرة للنظام الحالي , فهو لم يستطيع
أن يفرز أو يؤهل شخص أو أكثر للشعب المصري حتي نستطيع أن نختار فيما بينهم !!

هرد على حضرتك نقطة نقطة غدا ان شاء الله
وشكرا لراى حضرتك المحترم اللى بدون تجريح

موضوعك جميل وجدير بالمناقشة وتبادل وجهات النظر المختلفة .
شكرا لزوق حضرتك
الموضوع له جانبين : ترشيح الرئيس مبارك لفترة رئاسة أخري - ترشيح جمال مبارك
بالنسبة للجانب الأول : يعني هو الرئيس مش مكفيه الفترات السابقة ؟!!
من عام 1981 وحتي الأن هل حدث أي تطور في البلد إلي الأفضل أو انعكست سياسة
حكمه بإيجابية علي الشعب المصري ؟!!
يعنى معقولة مفيش اى ايجابيات اى نظام له ايجابيات وسلبيات
هل مشاكل البلد والتي أصبحت مزمنة مثل التعليم والبطالة والصحة والمواصلات والاسكان
والأجور وارتفاع الأسعار الجنوني و ............ , هل تم حل مشكلة واحدة فقط منهم ؟!!
المشاكل موجودة فى كل انحاء العالم وكل دولة ولها ظروفها
التعليم فى تحسن رائع
البطالة الدولة تحاول الحل بكل طاقتها
الصحة تشهد قصورا كبيرا
الاجور ترتفع ولكن جشع التجار اقوى بكثير
المواصلات جيدة او مقبولة
الاسكان يشهد ارتفاعا جنونيا
هل الوضع الحالي للبلد والتي يحكمها الرئيس مبارك تدل علي أن هناك أي بارقة أمل في
تحسين الأوضاع أو التطور والتقدم نحو الأفضل ؟!!
بالنسبة للجانب الثاني : افتراضك بأن أبناء أحزاب المعارضة وأبناء الأطباء أو حتي ضباط الشرطة
يرغبون بتوريث المنصب لأبنائهم وبنفس المنطق يحق للرئيس مبارك أن يورث الحكم لابنه - هذا
الافتراض خطأ !! لماذا ؟!!
هو مش هيعمل كده بس انا بقارن بينه وبين المعارضة
لاختلاف الوضع تماماً , فالدولة ليست ملكية شخصية حتي يورثها الأب لابنه !!
وحتي لو تقدم جمال مبارك للانتخابات , فهذا لا يجوز من جهة مبدأ تكافؤ الفرص , فكيف أكون
القاضي والجلاد في نفس الوقت ؟!!
مقاليد الحكم في يد جمال مبارك , فإذا قام بالترشيح , فلن يتغلب عليه أحد !!
مش معني كلامي اني مع المعارضة في كل اتجاهاتها .... لا .... ولكن ما أراه في هذا الأمر
يتوافق مع ما يراه كثير من الشعب المصري ومن ضمنهم المعارضة .
علي فكرة , لو سألتني أرشح مين , حقولك مش عارف وسبق لي أن قلت مثل هذا , وانا جاد والله
فلست أعلم شخص محدد أراه يصلح للحكم , وهذا أحد العيوب الكثيرة للنظام الحالي , فهو لم يستطيع
أن يفرز أو يؤهل شخص أو أكثر للشعب المصري حتي نستطيع أن نختار فيما بينهم !!
انا رديت على حضرتك وحضرتك جبت الخلاصة لو حد سالنى هتنتخب مين هقول معرفش لان مفيش اى وجوه تستطيع حكم البلد

بالطبع فيه ايجابيات , لكن هناك فرق بين تقييم النظام بوجه عام
وبين سرد للتاريخ !
فأنا تحدثت عن النظام بوجه عام وان كانت له ايجابيات , فسلبياته
أكثر بكثير مما حعل المواطن العادي لا يشعر بالايجابيات !
كوني اني اتحدث عن سلبيات النظام , فهذا في حد ذاته أمر
ايجابي بالنسبة لمصر والوطن العربي !
بتقول ان التعليم في تحسن رائع !!!
هو فيه تعليم أساساً في مصر ! أين يوجد هذا التحسن في التعليم ؟!
اذكر لي مادة واحدة سواء في المدرسة أو في الجامعة تتحسن حتي ولو ببطء !!
حالياً يوجد بعض خريجي الجامعة لا يجيدوا الكتابة بصورة جيدة !!
حتي فكر الطالب وولي الأمر عن التعليم اختلف بشكل كبير عما كان في الماضي !!
انظر لمن معك في مدرستك واسألهم عن رأيهم في التعليم في مصر سواء الطلاب أو
المدرسين !!
الدولة لا تحرك ساكناً تجاه مشكلة البطالة , فقد أوقفت التعيينات والتي أصبحت تعيينات
داخلية لكي يتم اختيار أشخاص بعينهم !!
أين المشاريع التي تقيمها الدولة للنهضة باقتصاد مصر والمساعدة في حل مشكلة البطالة ؟!
أين المساعدات التي تقدمها الدولة للشباب من أجل اقامة مشروعات صغيرة ؟!!
حكاية الصندوق الاجتماعي مجرد وهم وتوريط للشباب !!
أما عن غلاء الأسعار وجشع التجار : يا مدحت في مصر يوجد تزاوج بين السلطة والمال , بمعني
أن كبار التجار لا يقوموا برفع الأسعار من تلقاء أنفسهم وبدون مباركة النظام !!
وكمثال أحمد عز وتقريباً نصف عدد الوزراء والذين هم رجال أعمال , يعني اللي بيرفع الأسعار
هو من في يده رفعها أو تخفيضها !!
وبعدين فين دور الدولة الرقابي علي السلع وجودتها وأسعارها ؟!
اوعي تصدق ان آليات السوق المصري تخضع لعملية العرض والطلب !!
الكلام ده لما تلاقي السلعة المتوفرة بكثرة , يقل سعرها , بينما السلعة الشحيحة والتي يكثر
الطلب عليها يزداد سعرها , وهذا لا يحدث في مصر . الأسعار في زيادة مستمرة بصرف النظر
عن توافر السلعة من عدمه !!
المواصلات في مصر جيدة ؟!!
عمرك جربت تركب قطار درجة عادية " مش حجز " وتشوف الوضع بنفسك وأنا حسيب الحكم لك انت !
بص علي أتوبيسات النقل العام وشوف الناس راكبة فيه ازاي , وازاي بيعرفوا يركبوا أو ينزلوا منه !!!
بص علي الميكروباص والأجرة التي تزيد دوماً مع زيادة سعر البنزين أو السولار !!
يعني لما سعر البنزين يزيد , تلاقي الأجرة زادت وكأن كل الميكروباصات بتسير بالبنزين , ولما السولار
يزيد سعره , الأجرة ترجع تزيد تاني وكأن الكل قلب لسولار !!
المواطن العادي واللي دخله محدود يجيب منين ويلاحق علي ايه ولا ايه ؟!!

جمال مبارك من حقه يترشح زيه زي والده

على الاقل ده لما حيدخل حيدخل انتخابات زيه زي غيره
بغض النظر عن موضوع التزوير لو حصل فالتزوير بيحصل لأي رئيس ولأي عضو مجلس شعب ولأي كل حاجة
وبيحصل مع والده نفسه
مش حيتأثر بموضوع التزوير

لكن التوريث بتاعنا احنا بيبقى فعلي
البلد ما باظتش غير لما كل واحد ورث ابنه في نفس مجاله حتى لو مش حابه

يبقى مجتش على جمال بقى

ما هو دا اللي جايبنا ورا !
كل واحد فاكر ان البلد تكية خاصة له :040vk0:

جمال مبارك من حقه يترشح زيه زي والده

على الاقل ده لما حيدخل حيدخل انتخابات زيه زي غيره
بغض النظر عن موضوع التزوير لو حصل فالتزوير بيحصل لأي رئيس ولأي عضو مجلس شعب ولأي كل حاجة
وبيحصل مع والده نفسه
مش حيتأثر بموضوع التزوير

لكن التوريث بتاعنا احنا بيبقى فعلي
البلد ما باظتش غير لما كل واحد ورث ابنه في نفس مجاله حتى لو مش حابه

يبقى مجتش على جمال بقى
ايوه يبقى لازم نبدا نغير
واؤكد ان جمال بن يرح نفسه فى 2011
وسنرى