رايحة الجامعه عشان ادور على عريس !!!!!! [الأرشيف] - بوابة الثانوية العامة المصرية

مشاهدة النسخة كاملة : رايحة الجامعه عشان ادور على عريس !!!!!!

ياسمينايا

24-10-2010, 09:09 PM

السلام عليكم ورحمه الله وبركاته ..
معلش ياجماعه بقالى كتير مش بنزل مواضيع ..بس والله الدراسه والجامعه واكيد انتو عارفين ,,
المهم ..بجد انا مستاءه جدا ..
ازاى في كده ??..كل يوم بروح الجامعه وبشوف البنات وكأني قاعده فى عرض ازياء ..الناس بقت تلبس حاجات غريبه ..والموضوع ده انا عارفه انو تم الكلام كتير عنو ..
العايزة اقوله انى نفسي اعرف هل ده حقيقي ولا لأ ..البنات هدفها الاساسي من الجامعة ايه ؟؟
ياترى الدراسه والنجاح وبتفوق وده طبعا 15 % ..ولا ان هى تلاقي عريس .85 %.????
طبعا تمام جدا لو جايه عشان التفوق ..
طب لو بتدور على عريس ..طبعا اسلوب مش عارفة اسميه ايه ..
الوسائل البتتخيل ان هى دى الهتخليها تلاقى عريس ..
اولا اللبس ..ومش عايزة اتكلم ..معرووف طبعا ...
ثانيا ...طريقه التعامل بالكلام الفيه هزار زياده عن اللزوم ..(ياجماعه ده احنا بنقول منهزرش خالص يروحو مهزرلنا زياده عن اللزوم )..
ثالثا ..نوع تانى من الهزار الا وهو الهزار بالايد ..حاجه بشعه بجد ..البنت دى مبتفكرش لما باباها او اخوها يشوفوها هيعملو ايه ..ترروح البنت رده عليه ..وتقولى ..(ياشيخه انتى عايزة تقوليلي ان هما ممكن يجو الجامعه دى حاجه من رابع المستحيلات ..فاكسان بقى الكلام القديم ده ))اروح قايلالها ..طب ايه رأيك في الذى لا ينام ..الله سبحانه وتعالى البيشوفوك دايما ..وكميه الذنوب البتاخديها ..فى الحاله دى ..مش هتعرف ترد طبعا ))المصيبه انها بتستمر ..بيسمعو الكلام ده ..وبيطلعوه من التانيه ..طب ليه ياجماعه ..؟؟
بعد بحث كبير لقيت ان هو عدم وجود وعى ولا ضمير ..
البنات دول معنهومش وعى وترتب على كده عدم الضمير ..لازم الاباء والامهات ..يربو عيالهم على الوعى ..
ده اهم حاجه ..لازم يعرفو كده ..قبل ما تحصل مشاكل لعيالهم ملهاش اخر ..تلاقي الاب في الشغل ليل ونهار ..متخيل انو بالفلوس هيربى بنتو !!وتلاقى الام 8 ساعات مع صحابها في التليفون والباقى مقضياه خضار وطبيخ ..وازيك يابنتى عامله ..ايه ..وبعدين البنت تروح تنام ..
يعنى مش بيقعدو مع عيالهم خالص ..
وعايزة كمان اقول حاجه ..ان البنات البتدور على عريس بالطريقه دى ..لازم تعرف ان الولاد جواهم بيستحقروها ..والله العظيم ان بسمع تعليقات الولاد على البنات دى ..بسمع وبتقطع بجد ..ازاى هى سامحا لنفسها ..
مش هقول غير ان ربنا يهديهم ..ياارب ان شاء الله ..
ياريت اعرف ارائكو وتنورو الموضوع ..ومعلش لو كنت طولت عليكم ..:)

Mr. Ali 1

24-10-2010, 09:44 PM

الموضوع أساسه البيت والنشأة وأسلوب التربية .
وكلما ابتعد أسلوب التربية عن الدين الحنيف , كلما اقتربت
الفتاة من طريق الشيطان والذي يزين لها ما تفعله حتي يصبح عادة عندها , فلا تري في فعلها أو سلوكها أي خجل أو حياء أو حتي عيب , وكذلك الحال في لبسها .
وللأسف هذه النوعية من الفتيات لا ترغب في اصطياد العريس فقط , بل هي تريد الاستمتاع بالحياة كما تدعي معظم الفتيات !!
فيه بنات بتقول عايزة أشعر بأنوثتي وأستمتع بيها !!
هو ده اللي هي شايفاه ومقتنعة بيه !!
فيه بنات بتزعل وتضايق اوي وتقعد طول اليوم في نكد لو مفيش شباب عاكسوها , ساعتها بتحس انها جرحت في أنوثتها !!!
فيه بنات بتروح الجامعة وتلبس " اللي من غير هدوم " عشان تصطاد شباب معين ومش بغرض الزواج , لا ... بأغراض أخري !!
المسألة متشابكة ومتداخلة ولها أبعاد كتيرة , ومش عايز أقول عشان بنات كتير مش حيعجبها كلامي !!
الأساس هو البيت والأب والأم , لو الأب والأم محترمين بالفعل
مش حيسمحوا لبنتهم تخرج من البيت للجامعة وهيا بملابس تصلح لكبارية أو لغرفة النوم وهي بمفردها !!!
لكن للأسف الأم بتبقي فرحانة ببنتها أوي " البنت بقت عروسة وخراط البنات خرطها " و " يمكن تعرف تصطاد عريس لقطة يهننها ويجيبلها اللي نفسها فيه " و " بنتي مفيش حد في أخلاقها وأدبها , دي تربية ايدي وانا عارفاها كويس "
وطبعاً اللي في دماغ الأم مش شرط يكون في دماغ بنتها !!!
أي شاب لو كان عنده احترام لنفسه لازم ينظر لمثل هؤلاء الفتيات بنظرة احتقار , وحتي لما يسايرها بيكون لغرض معروف للكل ومعروف لها أيضاً لأن مفيش بنت متعرفش كده الأن , الاعلام جعل من لا يقرأ , يشاهد ما يحدث علي القنوات الفضائية المختلفة .
و ............ بلاش كفاية كده .

كرومبو2011

24-10-2010, 11:53 PM

مستر محمد رشوات

25-10-2010, 12:16 AM

BaNZeR

25-10-2010, 08:54 PM

الاميرة المرحة

25-10-2010, 09:10 PM

بجد الموضوع ده خطير لان الحكايةدى مش الجامعات بس ده وصل المدرس ومش هقول الثانوى ولا الاعدادى انا بتكلم على الابتدائى انا جتلى واحدة اعرفها فى خامسة ابتدائى واللهى الكلام ده حصل بالفعل جاى تقولى انا بعرف ولاد وبتكلم ومعاهم قلت ماشى عادى انتى لسه صغيرة راحت قلتى وبحب فلان وهو بيحبنى وبنتكلم مع بعض فى كده لدرجة انها بتقول لواحدة زملتنا انتى لايق عليكى الولد ده متحبوه بعض
لما الحكاية توصل لابتدائى هيبقى ايه الحل ؟!!!!!

ايه كمال

25-10-2010, 09:15 PM

كرومبو2011

25-10-2010, 09:20 PM

وأنا منتظر الرأى القادم

(( لؤلؤة الايمان ))

25-10-2010, 09:29 PM

انا عن نفسى مش هقول غير ربنا يهديهم ومين دا الى هيتجوز واحدة كانت بتهزر مع صحبه واقدامه يبقى معندوش دم

mahmmoud_sakr

25-10-2010, 09:39 PM

الموضوع يحدث بالفعل والكل شافه والبعض مر بيه لكن أى علاقه مابين طالب جامعى وطالبه جامعيه محرمه
والى بيتعبوا هما بعد ما يتخرجوا على أمل يكون فى زواج والنتيجه لا يوجد عمل
ويتقدم لخطبتها أكثر من عريس وترفض علشانه طبعا وهوه محلك سر والباقى معروف
ربنا موجود وأهم حاجه نكون عارفين أنه شايفنا بنعمل أيه ونتغلب على الشيطان
ويارب الكل يكون فى سعاده وخير
وعمل فى رضا الله سبحانه وتعالى

دعاء مدحت شبل

25-10-2010, 09:40 PM

كلام اد ايه نفسى اقوله من زمان و كنت خايفة اوى علشان كلهم كانوا بيسخروا منى و بيتريؤا عليا جامد و كنت بتاثر و بزعل بس جزاكى الله كل الخير ربنا بجد يهديهم و يغفر لهم امين و بجد شكرا اوى على طرح الموضوع ده هو بجد قمة فى الاهمية و الجدو بجد شكرا تانى على المجهود الرائع دة و كفايه انك طرحتى موضوع زى دة بجد الف شكر :078111rg3::078111rg3::078111rg3::):):)

Egypt for Ever 25

25-10-2010, 09:56 PM

مع الاسف الشديد

مش كل البنات اللي بتروح الجامعة بتبقي عايزة تذاكر و تجتهد

( بجد في بنات قمة في الادب و الاخلاق و متفوقين في دراستهم ............. حاجة تشرف )

و في بعض بنات بتبقي رايحة الكلية علشان تهزر و تتسلي و طبعا هتلاقي ولاد كتير من نفس النوعية

نوعية الناس التافهة و المستهترة اللي مش عارفة مصلحتها

انما البنت المحترمة اسلوبها يجبر اي حد علي احترامها

و ده طبعا لان اسلوبها بيكون اسلوب محافظ و الكلام بحدود و في سياق الموضوع مع الزميلات و الزملاء

و لبس البنت المحترمة بيكون محترم و محتشم و بيكون بجد شكلها حلو اوي

ممكن مايكنش علي الموضة

بس كفاية انه بيجعلها محترمة في نظر نفسها قبل ما تكون محترمة في نظر الناس

و بتبقي مختلفة عن اي بنت من بنات الجامعة اللي بتمشي علي موضة

( موضة لا تصلح في مجتمع شرقي متدين زي مجتمعنا ) ................ متهيالي خسارة اني اضيع وقتي في وصف موضة بنات الجامعة اللي بجد بستعجب ازاي ممكن بنت ترضي علي نفسها انها تلبس لبس زي ده

و ارجع واقول االاساس هي التربية

التربية السوية اللي ممكن تنشئ جيل واعي و مدرك للعالم من حوله

و التربية الغير قويمة اللي ممكن تفسد جيل باكمله

ربنا يهديهم و يهدينا جميعا

.................................................. .................................................. ...............

مستر ايمن محمد راشد

26-10-2010, 05:45 AM

ياسمينا ..اولاً ربنا يوفقك فى دراستك
ثانياً موضوع فى غايةالخطورة والاهمية فتلك الاوضاع والمواقف تحدث بصفة مستمرة وفى الزيادة ولكن يوجد البنات المحترمات التى تعرف معنى الحياء وتخشى الله
شكرا جزيلا على هذا الموضوع

Ahmed 3030

26-10-2010, 08:30 AM

البنات دي مفيش في مخها جواز خالص :excl:
دول بتوع البوي فريند والباقي معروف ;)

ياسمينايا

26-10-2010, 04:32 PM

ياسمينايا

26-10-2010, 04:35 PM

يدورو على عريس في الجامعة ؟؟
معظم اللى بيكلم في الكلية بيبقى للتسلية او للعلم فقط
لكن مفيش حد بيدور على خطبة وهو لسه في الكلية غير نسبة نادرة جداً
ده من ناحية الولاد طبعاً بما إنه مينفعش يبقى عائل لاسرة وهو لسه طائل
انصحهم يدورو على عريس في حتة تانية ويبقو يقابلوني لو لقيو بردو :d

للاسف البنات المن نوعية دى ..بيفكرو بالطريقه دى ..لانهم بيصقدقو كلام الولاد البيبقى كله كدب والمصيبه انو بيبقى باين انو كدب وبردوا بيتصدق ..
بجد حاجة غريبه جدا ..
شكرا لحضرتك ..

ياسمينايا

26-10-2010, 04:37 PM

ياسمينايا

26-10-2010, 04:39 PM

انا عن نفسى مش هقول غير ربنا يهديهم ومين دا الى هيتجوز واحدة كانت بتهزر مع صحبه واقدامه يبقى معندوش دم

اكيد طبعا ..
بس مخهم مش قادر يوصل للنقطة دى ..منفضيين ..!!
شكرا ..:d

ياسمينايا

26-10-2010, 04:41 PM

الموضوع يحدث بالفعل والكل شافه والبعض مر بيه لكن أى علاقه مابين طالب جامعى وطالبه جامعيه محرمه

والى بيتعبوا هما بعد ما يتخرجوا على أمل يكون فى زواج والنتيجه لا يوجد عمل
ويتقدم لخطبتها أكثر من عريس وترفض علشانه طبعا وهوه محلك سر والباقى معروف
ربنا موجود وأهم حاجه نكون عارفين أنه شايفنا بنعمل أيه ونتغلب على الشيطان
ويارب الكل يكون فى سعاده وخير
وعمل فى رضا الله سبحانه وتعالى

بالظبط ..ده البيحصل ..وبيتحججو ..
وبينسو انهم هيتحاسبو على كل حاجه ..
والبنت تقعد مستنياه لحد ما تعنس ..
كل واحد بياخد جزاة العملوه .
شكرا لحضرتك ..

ياسمينايا

26-10-2010, 04:42 PM

ياسمينايا

26-10-2010, 04:45 PM

ياسمينايا

26-10-2010, 04:47 PM

dodda1

26-10-2010, 05:36 PM

في بنات اصلا هدفها الاساسي من الجامعة هو انه تدخل علي اهلها بعريس ازاي تدخل بايدها فاضية
فاكره ان الولد اللي بنكلمه ده هيفكر يرتبط بيها ده حتي مش هيفكر مجرد التفكير ازاي يامن لها علي بيته
انا بنت اهوه في ثانوية يعني كام شهر وهدخل الجامعة عندنا بقي دلوقتي البنت في ايدها ولد تروح معاه الدرس لحد ماتلاقي الحد المناسب في الجامعة
بجد بستغرب عليهم نفسي بنت بتكلم شاب تقولي بتستفاد ايه غير انها ترحص نفسها بس
وياه لو نصحتيها نفتكرك غيرانة
شكرا علي طرحك

ياسمينايا

28-10-2010, 06:29 PM