مشاهدة النسخة كاملة : الفوضى يا معلمين الفوضى خش وانت تفهم


نغم البحر
11-09-2007, 07:44 PM
لن أبدأ بالجملة الرنانة "فى اوروبا والدول المتقدمة "يتبعون المنهج العلمى لأنى ببساطة معنديش عقدة الخواجة" وربما سبب فشلنا هو محاولتنا لبس فستان الغرب و هو مش على مقاسنا فاصبح منظرنا وحش اوى كنا عايزين نبقى حلوين فاصبحنا اكثر قبحا
اذن :لماذا نتبع سياسة الفوضى ؟وكأنها اصبحت منهجنا المفضل !نحن افرادا ودولة نعيش الحياة اما ارتجالا ولا نتبع المنهج العملى فى التفكير من اهداف ووسائل تحقيقها او خطط بديلة ونتخذ قرارات فردية دون استشارة الاخرين مع سد الاذان
اولا :سياسة الفوضى الحكومية تتجلى فى وزارة التربية والتعليم فى ظل المعلومات الهائلة والكلام الكبير دة تلاقى كل وزير بعد الكلمتين دول يشيل سنة ستة ويحط سنة خامسة واللى بعدة يشيل خامسة ويحط ستة وفى وزير عاجبنى قوى تبقى المدرسة "زى الزفت " والعيال مش عارفين " يفكو الخط كل دة مش مهم .....المهم تلاقى مكتوب عالحيطة " مدرستى نظيفة وجميلة ومتطورة ومنتجة "بتنتج اية ان شاء الله محدش عارف كل مدرسة تتطلع شوية بلاليص كل بلاص مهمتة حمل الشنطة ورايح جاى فى جولة مكوكية لحد ميخلص العام الدراسى وربنا يفرجها ؟
اما بعد تولى سعادة الوزير يوسف والى الذى يولينا عناية خاصة فيستورد كل المبيدات والمخصبات الزراعية من جارتنا الغالية اسرائيل فكانت الخطة واضحة"مرض لكل مواطن " بس ملحقش يا عينى عشاااااااان ولاد الحرام شالوه قبل مايخلص علينا الظاهر فية واحد جاسوس اخترق وزارة الفساد وخلعة
أما وزير الداخلية الهادى دة معروف عنة "لسانة قصير وايده طويلة "بيمسك أى حد يفتح بؤوة...... الله يعفو عنه واحد جارنا كان بيتتاوب اتمسك
وبقية الوزرا مش هتكلم عنهم عشان تاريخهم مشرف يعنى وزير المالية مثلا برأ زمتة وسلم اللى فى خزنة الدولة واللى فجيبة لجمال مبارك ............اة بالمناسبة مش عايزين ننسى الريس حبيب الملايين طول مانا ماشية بادعيلة واهديلة هذه الكلمات بمناسبة رمضان كل سنة وهو طيب طبعا مع غلاء الاسعار والجو التحفة اللى عايشينه

الكلمات دى من سفير الفقراء احمد فؤاد نجم

http://static.flickr.com/69/204746771_adb86a1efc_m.jpg http://static.flickr.com/75/204746772_a65418f146_m.jpg
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

FRANKENSTEIN
11-09-2007, 07:47 PM
انا لسه قاري القصديه دي من يومين كدا
بجد جميله و احمد فؤاد نجم بيعبر فعلا عن الشعب وعن حاله

وبالنسبه للموضوع الرئيسي

مفيش فايده ....هي دي مصر يا عبله " قصدي يا احلام " :d

نغم البحر
11-09-2007, 07:51 PM
والله عندك حق هى دى مصر ربنا يرحمنا

اماا بالنسبة لاحمد فؤاد نجم فده نجم بجد بس مشكلته انه شيوعى الحادى ربنا يهديه

ميرسى جدا لمرورك الكريم ورمضان كريم

The Happy Angel
11-09-2007, 08:17 PM
السلام عليكم ورحمه الله وبركاته

الاول انتي لسه فكرانا يانغم البحر عارفه احنا مين

ثانيا
: الموضوع متناقش قبل كدا ميه مره وبيعمل خناقات وكلام ملوش لزمه ومحدش بيستفاد بحاجه وانتوا عارفين ان البلد دي كدا
؟؟؟؟؟؟؟؟؟؟؟؟؟؟؟؟؟؟؟؟؟

M I D O
11-09-2007, 09:25 PM
الراجل ده انا بعشق اشعاره وهوا فعلا تعرض للاهانة كثيرااا ولكنه جريء ويحب مصر جدااا واشعاره كثيررة ومثيرة وجميلة شكرااا للموضوع

عبقرينومان
11-09-2007, 09:54 PM
يا هنضيع يا هنضيع

أحمد2025
11-09-2007, 10:19 PM
المقولة تغيرت
(أوروبا ودول الخليـــــــــــــــــــــج)

منى الشقية
11-09-2007, 10:54 PM
الموضوع مكرر للعضو اسلام رشوان

http://thanwya.com/vb/showthread.php?p=295091#post295091

MohammeD el_SadaT
11-09-2007, 11:21 PM
الموضوع مكرر للعضو اسلام رشوان

http://thanwya.com/vb/showthread.php?p=295091#post295091

القصيده مكرره
لكن الموضوع مش مكرر
************************************************** *
أما عن الموضوع

عمتا احنا دوله خدنا على الكرباج
لو اتعملنا كويس بنبلطج المواطن جلده نحس ومبقتش بتفرق معاه
هو ده حال الشعب المصرى حاليا
نفض تعيش
وانا مالى
طول ما هو بعيد عنى انا فى أمان
ما الناس كلها ساكته
عاوزنى اعمل ايه
هو انا هتحرك لوحد
هو انا احسم من النس دى كلها
اللى يشى على الناس يمشى عليا
دى الحكومه يابا حد يقف قدام الحكومه
اللى عند الحكومه مبيرجعش
وحاجات كتيييير ...................................
من هذا القبيل


نحن اصبحنا احياء أموات فى ظل ظلم الاستعباد دكتاتوريه فى قناع الديموقراطيه
سياسه الحديد والنار فى قناع الرفق بالإنسان



جزاك الله خيرا على الموضوع الجميل ده
حرك جوه الواحد مشاعر كتييييييييييييييييييييييير

The_Relativistic200
12-09-2007, 01:03 AM
كفاية وجودك يا نغم انا مش هعلق عالموضوع:)

نغم البحر
12-09-2007, 10:05 AM
السلام عليكم ورحمه الله وبركاته

الاول انتي لسه فكرانا يانغم البحر عارفه احنا مين

ثانيا
: الموضوع متناقش قبل كدا ميه مره وبيعمل خناقات وكلام ملوش لزمه ومحدش بيستفاد بحاجه وانتوا عارفين ان البلد دي كدا
؟؟؟؟؟؟؟؟؟؟؟؟؟؟؟؟؟؟؟؟؟

وعليكم السلام ورحمة الله وبركاته

طبعا ف****م ومتابعة المنتدى عادى جدا

عارفة ان الموضوع متناقش قبل كده مش 100 مرة قول تريليون مرة وبنناقشه تانى ولسه هنفضل نناقشه طول ما اوضاعنا سيئة بالمنظر ده


ماهو للاسف كتير منا مش فى دماغه ان البلد باظت عايش وخلاص

لكن الناس اللى فاهمة يبدو لها الامر مرعب ومخيف

وان ما كناش من خلال كلامنا هنقدر نغير حاجة فعلى الاقل نطلع اللى جوانا

وشكرا لمرورك

نغم البحر
12-09-2007, 10:06 AM
الراجل ده انا بعشق اشعاره وهوا فعلا تعرض للاهانة كثيرااا ولكنه جريء ويحب مصر جدااا واشعاره كثيررة ومثيرة وجميلة شكرااا للموضوع

انا كمان والله بس ربنا يهديه ويبعد عن الفكر الشيوعى الالحادى

ميرسى للمرور الكريم

نغم البحر
12-09-2007, 10:08 AM
يا هنضيع يا هنضيع

اولا بجد وجودك اسعدنى جدا فى موضوع ليا يا استاذ اشرف وبجد زيارة عزيزة

ثانيا ماهو احنا فعلا ضايعين واله البلد دى حلها مذبحة زى مذبحة القلعة كده

بشكر مرورك الكريم يا استاذنا

نغم البحر
12-09-2007, 10:09 AM
المقولة تغيرت


(أوروبا ودول الخليـــــــــــــــــــــج)



والله عندك حق هو احنا بقينا فين ودول الخليج فين ده كفايا الامارات

شكرا لمرورك

cOpRa_r00t
13-09-2007, 10:50 PM
كلام جميل بس والله زهقنا واتخنقنا من الكلام ومازال الدمار

ولسة البلد زى ماهيا وياريت تكون زى ماهيا يبقى ربنا بيحبنا

دى بقة متنيلة اكثر واكثر ومازال الدمار شغال لحد مانبيع العيال

am_online5
19-09-2007, 07:29 AM
كلمات جميلة جدا
شكراجزيلا اخي الكريم علي هذا المجهود الجيد
وكل عام وكلنا جميل بخير وبصحة وسلام

_GUIDE_
19-09-2007, 08:14 AM
لن أبدأ بالجملة الرنانة "فى اوروبا والدول المتقدمة "يتبعون المنهج العلمى لأنى ببساطة معنديش عقدة الخواجة" وربما سبب فشلنا هو محاولتنا لبس فستان الغرب و هو مش على مقاسنا فاصبح منظرنا وحش اوى كنا عايزين نبقى حلوين فاصبحنا اكثر قبحا
والنبى بلاش نجيب فى سيرة حد احنا فى شهر مفترج :D
اذن :لماذا نتبع سياسة الفوضى ؟وكأنها اصبحت منهجنا
ايوه سمعتى عن مشروع الفوضى الخلاقة
المفضل !نحن افرادا ودولة نعيش الحياة اما ارتجالا ولا نتبع المنهج العملى فى التفكير من اهداف ووسائل تحقيقها او خطط بديلة ونتخذ قرارات فردية دون استشارة الاخرين مع سد الاذان
اولا :سياسة الفوضى الحكومية تتجلى فى وزارة التربية والتعليم فى ظل المعلومات الهائلة والكلام الكبير دة تلاقى كل وزير بعد الكلمتين دول يشيل سنة ستة ويحط سنة خامسة واللى بعدة يشيل خامسة ويحط ستة وفى وزير عاجبنى قوى تبقى المدرسة "زى الزفت " والعيال مش عارفين " يفكو الخط كل دة مش مهم .....المهم تلاقى مكتوب عالحيطة " مدرستى نظيفة وجميلة ومتطورة ومنتجة "بتنتج اية ان شاء الله محدش عارف كل مدرسة تتطلع شوية بلاليص كل بلاص مهمتة حمل الشنطة ورايح جاى فى جولة مكوكية لحد ميخلص العام الدراسى وربنا يفرجها ؟
طيب سمعتى اخر فضيحة بيقولك اهدار مليار جنية من اموال وزارة التربية والتعليم
على طباعة كتب اتضح بعد كده انها
كتب المنهج القديم وحرقوهم:D
اما بعد تولى سعادة الوزير يوسف والى الذى يولينا عناية خاصة فيستورد كل المبيدات والمخصبات الزراعية من جارتنا الغالية اسرائيل فكانت الخطة واضحة"مرض لكل مواطن " بس ملحقش يا عينى عشاااااااان ولاد الحرام شالوه قبل مايخلص علينا الظاهر فية واحد جاسوس اخترق وزارة الفساد وخلعة
الراجل طلع برىء يا احلام مش طلع مدير مكتبه هو اللى عمل الموضوع ده
الدكتور يوسف عبد الرحمن ال مدير مكتبه ال
أما وزير الداخلية الهادى دة معروف عنة "لسانة قصير وايده طويلة "بيمسك أى حد يفتح بؤوة...... الله يعفو عنه واحد جارنا كان بيتتاوب اتمسك
بيتاوب اتمسك ...! لزم محطش ايده على بقه وهو بيتاوب بئا :D

وبقية الوزرا مش هتكلم عنهم عشان تاريخهم مشرف يعنى وزير
المالية
الراجل زى الفل بتاع المالية ده ده جيبلك اسعار فى الشركات والمصانع زى الفل
ده انتى عندك العده 6600 زيرو بالف جنية لو حبيتى تبعيها بعدها با اسبوع هتخسرى 200 جنية على الاقل
هو باع البلد وخسر كام مليار احسبى بئا البد دى بقالها كام الف سنة
يبئا احنا الكسبانين
مثلا برأ زمتة وسلم اللى فى خزنة الدولة واللى فجيبة لجمال مبارك ............اة بالمناسبة مش عايزين ننسى الريس حبيب الملايين طول مانا ماشية بادعيلة واهديلة هذه الكلمات بمناسبة رمضان كل سنة وهو طيب طبعا مع غلاء الاسعار والجو التحفة اللى عايشينه
كل سنة وانتى طيبة ياخالتى :D