|
مشاهدة النسخة كاملة : ممكن سؤال أريج الاسلام 25-10-2010, 06:53 PM السلام عليكم ورحمه الله وبركاته أنا فى تانيه علمى علوم ممكن حد يقولى المواد اللى هأختار منها المستوى الرفيع وأسهل مادة فيهم ايه؟؟ أريج الاسلام 22-01-2011, 03:25 PM محدش بيرد ليه على العموم أنا قدامى 3مواد اختار منهم عربى انجليزى واحياء ممكن تنصحونى اختار ايه لانى بجد محتارة ياريت حد يرد عليا ضرورى Dr.abdo salem 06-03-2011, 08:44 AM وانا والله شبهك بالظبط محتار قوى ومش عارف أعمل ايه؟؟ يا ريت حد يساعدنى بس انا من رأيى أحياء وانتى؟؟ mustafa.sharf 06-03-2011, 01:51 PM انجليزى 6 درجات يعتبروا فى ايدك من خلال النصوص اللى عندك وباقى الامتحان كله 4 درجات يتوقف ع مهاراتك انتى بقى rock book 29-06-2011, 07:36 AM عربى لو هتعرفى تحفظيه لانه رخم شويه sanawyastudents 29-06-2011, 07:58 AM بصي منصحكيش بالأحياء في المستوي الرفيع ... لأنك لما هتدرسي الأحياء هتعرفي إنها عاوزة شغل جامد وبتتنسي بسرعة وحاجات كده كده قدامك عربي وإنجليزي ... لو إنتي في مدرسة لغات أنصحك خدي إنجليزي هيبقي سهل بالنسبالك ... ولو إنتي مش كويسة أوي في الإنجليزي يبقي تاخدي عربي العربي والإنجليزي كل واحد فيه ميزة وعيب .... - العربي: ميزته إن نص الإمتحان بيبقي سؤالين بلاغة مضمونين بيعتمدوا علي فهمك للشعر وتذوقك ليه ... يعني هيحطلك أبيات لأي شاعر ويسألك عن فكرتهم وكده .. وهيجيبلك كلمتين في الأبيات تعربيهم بس سهلين جدا .. يعني حاجات من النحو العادي ( خبر - مضاف إليه - بدل ) الكلام ده عيبه بقي إن نصه التاني أسئلة خاصة بدروس قراءة المفروض تذاكريها ... للأسف هم حوالي 14 درس قراءة بس الدرس الواحد صغير جدا وسهل وأسئلته محدودة وممكن ياخد منك في مذاكرته ساعة بالكتير ... يعني ال 14 درس دول يعملوا 6 دروس مثلا من العربي العادي الإنجليزي: - ميزته إن الجرامر أغلبه هو نفس الجرامر المقرر عليكم أصلا .. يعني مش هتتعبي كتير في الجرامر، وعندك 3 وحدات عن مواضيع مختلفة بتذاكريهم وبيسألك عليهم عيبه بقي ... إنك بتكتبي براجراف عن موضوع هيطلبه منك في 20 سطر تقريبا يعني حوالي صفحة وشوية ... ودي بالنسبالي حاجة صعبة ، أنا الحمد لله كويس جدا في الإنجليزي وكلماته وكده وسهل أكتب البراجراف بس مشكلتي كلها في الأفكار ، يعني مش سهل تحضر في ذهني الأفكار اللي هكتبها عن الموضوع ... عشان كده لو إنتي تجريبي أو لغات أنصحك تاخدي الإنجليزي هيبقي سهل معاكي ... ولو إنتي عربي أنصحك تاخدي العربي بس تذاكريه قبل الإمتحانات بشهر مثلا عشان تلحقي تذاكري دروس القراءة بتاعته وتضمنيه ... علي فكرة أنا معايا عربي السنة دي وشايف إنه سهل جدا بس كان محتاج إني أذاكره قبلها بفترة، لأن مشكلتنا كلنا إننا بنسيب المستوي الرفيع لحد آخر لحظة عموما السنة الجاية هتكوني سألتي المدرسين بتوعك وهتقدري تحددي بالظبط ... وكمان تقدري تغيريه في أي وقت لحد شهر 1 ربنا معاكم جميعا Haitham فلانتينو البوابة 06-09-2011, 11:40 PM اخلصى من تانية الاول ولا خلصتيها ولو مصرة خدى عربى طبعا لكن سؤال بسيط هو مفيش نصوص فى المستوى الرفيع محمدانجينير 09-10-2011, 08:43 PM والله يا هيثم شرحك روعة وشكرا انا هاخد عربي علي الاقل مذاكرة البلاغة والنحو هتنفعني في العربي الاساسي والمستوي أمورة بس مش مغرورة 11-01-2012, 08:46 PM أنا لما سألت ناس قالت الأحياء أحسن عشان مش ممكن يلعب فيها يعنى كله من المنهج كل الحكاية شوية حفظ بس أنا عن نفسى مش عارفة أختار إيه |