اجتماع مغلق للطلبة تانية [الأرشيف] - بوابة الثانوية العامة المصرية

m2_aa

25-10-2010, 09:56 PM

بصوا اول حاجه خالص نبعد عن تفكيرنا اي كلام من ناحيه الامتحانا بيقولو صعبه وحتيجي شديدة والكلام التعجيزي ده كله لانك لما تسمع كده مش حتطير على الكتب تذاكر يمكن بالعكس يجيلنا احباط منه وده اللي بيحصل فعلا

اول حاجه قبل ما نبدأ المذاكرة نستعين بالله ونحط في دماغنا ان كل واحد حياخد على اد كل ثانيه تعب فيها و كل واحد فينا حياخد على اد تعبه

وندخل بقى في الجد

اول حاجه مثلا لو حتذاكر كيمياء ولنفرض اننا حنذاكر خمس صفحات ،، نقرا الاول الصفحات وناخد فكره عامه عن اللي حنذاكره وبعد كده نبتدي نفصص بقى كل نقطه ونركز في اننا نكون فاهمينها كويس وبعد كده لو فيها جزء حفظ او اجابه نموذجيه نحفظها وان شاء الله حتثبت على طول والمعادلة الاول نقولها كده كاننا بنعملها في المعمل ونبقى فاهمينها

لحد ما يخلص الجزء اللي علينا مذاكرته

وعلى فكرة فيه دراسة بتقول ان اول مذاكره لو متبعهاش مراجعه خلال 24 ساعه مخنا حيفقد حوال 80 % من اللي ذاكرناه

يعني على الاقل قبل ما ننام نقرا تاني اللي ذاكرناه مجرد قراءه فقط

وبلاش نكدس على نفسنا كل المذاكره اللي علينا واننا نحدد لنفسنا حاجات تتذاكر احنا عارفين اننا مش حنقدر نخلصها في الوقت اللي فاضل في اليوم وبلاش تحطوا كل المواد قدامكم عشان الموضوع ده محبط اووووي صح ؟

وبلاش ننام كتير عشان اليوم اللي بنام فيه اقل او مش بنام فيه خالص في نص اليوم بذاكر فيه اكتر حتى لو ضيعت فيه وقت

وافضل حاجه تنظم لنا وقتنا هو اننا نحدد الاجزاء اللي حنقدر نذاكرها في اليوم وننوي اننا نخلصها وان شاء الله تخلص

m2_aa

25-10-2010, 10:06 PM

فعلا مش كل اللى كنا مخططين ليه عملنا لما بدانا

بس ده بردو مش بأيدينا مواعيد الدروس والمدرسه مشددين جاامد فى الغياب ومش عارفين نقعد

كل ده مكنش معمول حسابه فى الصيف

بس طريقه المذاكره والتنظيم ع حسب مواعيد كل واحد

بس انا عندى مشكله فى حفظ الفرنش مش بعرف احفظ ولو حفظت عالبال مابروح الدرس بكون نسيت

اعمل ايه

بالنسبه لحفظك للكلمات فدي ليها حل ظريف اوي

اول حاجه لازم تقريها كتير ،،، انا مش بعرف اذاكر الا لما اقرا الحاجه كتير ،، يعني ديما مذكره الكيميا في شنطتي وقت ما اكون زهقان اقرا الجزء اللي عليا واسمعه لنفسي

بالنسبه للانجليزي او الفرنش

اولا لازم تنطقي الكلمه صح وتكوني عارفه نقطها كويس ،، يعني ممكن في الحصه تكتبي النطق بتاعها جنبها بس بالعربي لان ده حيفرق معاكي في الحفظ جامد اوي

وبعدين الكلمة اربطيها في دماغك بصورة ليها او تعبير ليها ،،، يعني مثلا مثال بسيط

play

اول ما الكلمه دي تشوفيها او تسمعيها وانتي رابطها بحركتها او بصوره لها لحد بيلعب لعبه معين حتفتكريها

وكمان اكيد طبعا بتحفظي بالكتابه ،، وانتي بتكتبي ارسمي صورة كروكي لمعنة الكلمه

وخلي حد يسمعلك الكلمات شفوي ،،، يعني اي حد من البيت بعد ما تخلص حفظ الكلمات ياخد منك المذكره او الكتاب وفي ايده قلم رصاص ويبتدي يقولك الكلمه عربي وانتي تقوليها فرنش او انجليزي وفي دماغك كتابتها ازاي كانك بتكتبي
والكلمه اللي تنسيها او متعرفيش تجاوبي عليها من المؤكد انك متعرفيش كتابتها ازاي فا ميعلمش عليها وتذاكريها تاني

وعلى فكرة التسميع الشفوي افضل من التسميع بالكتابه لان الشفوي فيه ضغط نفسي اعلى من التسميع بالكتابه
بس الكتابه اساسي في الحفظ بردو

يااااا رب اكون قدرت اساعدك وجربي وان شاء الله حتنفع معاكي الطريقه دي وممكن تدخلي هنا
http://www.imanway.com/vb/showthread.php?20107-%E4%D5%C7%C6%CD-%E5%C7%E3%C9-%E1%CA%DA%E1%E3-%C7%E1%C7%E4%CC%E1%ED%D2%ED%C9-%28-%E6-%C7%E1%D8%D1%ED%DE%C9-%C7%E1%E3%CB%E1%EC-%E1%CD%DD%D9-%C7%E1%DF%E1%E3%C7%CA%29
حتلاقي نصائح مفيده لحفظ الكلمات

بالتوفيق لكِ وللجميع

إسلام صبري

26-10-2010, 05:24 PM

جاسمين33

27-10-2010, 02:41 PM

بس انا كل مااجى اذاكر كيمياء معرفش احل حاجة

Samar Raouf

27-10-2010, 02:53 PM

Samar Raouf

27-10-2010, 02:57 PM

بالنسبه لحفظك للكلمات فدي ليها حل ظريف اوي

اول حاجه لازم تقريها كتير ،،، انا مش بعرف اذاكر الا لما اقرا الحاجه كتير ،، يعني ديما مذكره الكيميا في شنطتي وقت ما اكون زهقان اقرا الجزء اللي عليا واسمعه لنفسي

بالنسبه للانجليزي او الفرنش

اولا لازم تنطقي الكلمه صح وتكوني عارفه نقطها كويس ،، يعني ممكن في الحصه تكتبي النطق بتاعها جنبها بس بالعربي لان ده حيفرق معاكي في الحفظ جامد اوي

وبعدين الكلمة اربطيها في دماغك بصورة ليها او تعبير ليها ،،، يعني مثلا مثال بسيط

play

اول ما الكلمه دي تشوفيها او تسمعيها وانتي رابطها بحركتها او بصوره لها لحد بيلعب لعبه معين حتفتكريها

وكمان اكيد طبعا بتحفظي بالكتابه ،، وانتي بتكتبي ارسمي صورة كروكي لمعنة الكلمه

وخلي حد يسمعلك الكلمات شفوي ،،، يعني اي حد من البيت بعد ما تخلص حفظ الكلمات ياخد منك المذكره او الكتاب وفي ايده قلم رصاص ويبتدي يقولك الكلمه عربي وانتي تقوليها فرنش او انجليزي وفي دماغك كتابتها ازاي كانك بتكتبي
والكلمه اللي تنسيها او متعرفيش تجاوبي عليها من المؤكد انك متعرفيش كتابتها ازاي فا ميعلمش عليها وتذاكريها تاني

وعلى فكرة التسميع الشفوي افضل من التسميع بالكتابه لان الشفوي فيه ضغط نفسي اعلى من التسميع بالكتابه
بس الكتابه اساسي في الحفظ بردو

يااااا رب اكون قدرت اساعدك وجربي وان شاء الله حتنفع معاكي الطريقه دي وممكن تدخلي هنا
http://www.imanway.com/vb/showthread.php?20107-%e4%d5%c7%c6%cd-%e5%c7%e3%c9-%e1%ca%da%e1%e3-%c7%e1%c7%e4%cc%e1%ed%d2%ed%c9-%28-%e6-%c7%e1%d8%d1%ed%de%c9-%c7%e1%e3%cb%e1%ec-%e1%cd%dd%d9-%c7%e1%df%e1%e3%c7%ca%29
حتلاقي نصائح مفيده لحفظ الكلمات

بالتوفيق لكِ وللجميع

انا فعلا بعمل معظم اللى بتقول عليه

بكتب النطق بالعربى

بس المشكله فى النطق الفرنش اساسا والاكسونات بقى وكله بيدخل ع بعضه

بس هجرب طريقتك دى جميله بجد

ميرسى ليك وربنا معانا ياارب

Samar Raouf

27-10-2010, 03:01 PM

بس انا كل مااجى اذاكر كيمياء معرفش احل حاجة

بصى يا جاسمين انا عن نفسى فى اى ماده بطبق الطريقه دى

انى احدد الكم اللى مفروض اذاكره وبقسمه

الى اجزاء

بذاكر جزء واحل عليه الجزء الخاص باسئلته عشان اثبته بالاسئله وبعدين اذاكر الجزء التانى واحل عليه

لانك لو فضلتى تذاكرى وتحفظى كم كبير من الماده بس فى اجزاء مش بتثبتى عليها فى حفظك

وممكن تقع منك

وبعد مابخلص خالص بحل اسئله شامله بقى

على جميع الاجزاء

بكده هيثبت معاكى ان شاء الله وهتعرفى تحلى

حاولى تجربيها كدا

m2_aa

27-10-2010, 03:35 PM

مرسى جدا لm2 a a
على ردوده الجميلة
بجد لازم نراجع الى ذاكرناه قبل ما نام وحكاية مذكرة الكمياء دا انا بعملها
مفروض لما نحفظ مثلا صفحة انجليزى لازم نراجعها قبل ما نحفظ جديد
وكدا ونعمل مراجعة اسبوعية

العفو ،، وبالظبط كده المراجعة كل فتره حتثبت لك المعلومات لحد ما نوصل لاخر السنه ونكبها على ورقة الاجابة :d

فعلا كلامك صح يا مصطفى

مش مصطفى بردو ؟ ههههههههه

:D :D
بالظبط .. هو انا شكلي بيدي على مصطفى? :D

انا فعلا بعمل معظم اللى بتقول عليه

بكتب النطق بالعربى

بس المشكله فى النطق الفرنش اساسا والاكسونات بقى وكله بيدخل ع بعضه

بس هجرب طريقتك دى جميله بجد

ميرسى ليك وربنا معانا ياارب

آمين ويكرمنا جميعا

هو فعلا الفرنش اعرف انه مشكلته في الكتابه غير النطق والعكس

وجربي وان شاء الله حتنفع
متنسيش بس تدعيلي :p

m2_aa

27-10-2010, 03:45 PM

بس انا كل مااجى اذاكر كيمياء معرفش احل حاجة

بصي بلاش تاخديها على اساس انها حفظ ،،، يعني زي ما سمر قالتلك اول حاجه حددي جزء تذاكريه وابتدي بجزء صغير واقريه كله بعضه ولما تحسي انك خلاص فاهماه حاولي بقى تشرحي لنفسك باسلوب قريب من المذكره او اللي بتذاكري منه

يعني بصي كلمي نفسك كانك بتشرحيلها ،،، يعني اكنك اتنين ( بس اوعي حد يشوفك ولا يسمعك :d ) وتخيلي ان اللي بتقوليه ده موجود ،، يعني لو معادلة اعتبري نفسك في المعمل

خلصتي خلاص ؟ شوفي بقى لو المذكره فيها اسئله ورا كل باب او سؤال ورا كل جزئيه
اقري السؤال وحاولي تجاوبي وقارني اجابتك

لو فيه حاجه مش عارفه تفهميها متتحرجيش واقرب حد ينفع يساعدك اسأليه ،،، يعني حد من صحابتك ، مدرس المدرسه او الدرس او هنا

بس اهم حاجه بقى تمسحي جملة (مش عارفه) دي خااالص عشان متأثرش عليكي بالسلب

Samar Raouf

27-10-2010, 04:13 PM

العفو ،، وبالظبط كده المراجعة كل فتره حتثبت لك المعلومات لحد ما نوصل لاخر السنه ونكبها على ورقة الاجابة :d

:d :d
بالظبط .. هو انا شكلي بيدي على مصطفى? :d

آمين ويكرمنا جميعا

هو فعلا الفرنش اعرف انه مشكلته في الكتابه غير النطق والعكس

وجربي وان شاء الله حتنفع
متنسيش بس تدعيلي :p

اها بيدى ع مصطفى هههههههههههه

اكيد هدعيلك والله

ربنا يكرمك ويحققلك كل اللى بتتمناه

m2_aa

27-10-2010, 04:19 PM

اها بيدى ع مصطفى هههههههههههه

اكيد هدعيلك والله

ربنا يكرمك ويحققلك كل اللى بتتمناه

آمين يا رب

إسلام صبري

27-10-2010, 07:23 PM

ايه رايكم ياجماعة
\نعمل تنافس بينا
يعنى باختصار
اعتبر نفسك فى منافسة وقول لنفسك مش هقبل حد يكون اشطر منى
اوك
كل واحد يكتب
مثلا انا مفروض اشطب انهادرا كمياء وانجليزى ورياضة
فى الموضوع ولما ينفذها يكتب هنا \ ونكتب اسئلة واقفة معانا او حاجة مش فاهمنا

مرسى ياسمر على مشاركاتك الجميلة
بالمناسبة فى واحدة اعرفها برضو اسمها سمر هى دلوقت فى 3 ثانوى وهى فى تانية جابت 97 ياريت تكونى افضل منها وتجيبى اكبر من كدا

بصوا كل ما تكونوا مليتوا من المذاكرة افتكروا ان فى ناس على مستوى مصر قاعدين تذاكر انا مش اقل منهم
ويارب فى تفوق دائما

m2_aa

27-10-2010, 09:13 PM

Mostafa Walid

27-10-2010, 09:21 PM

تمااااااام يا سولوم

انا انهارده كنت محدد اراجع الكيميا اللي عليا بتاعه الدرس واحل كام مسئله رياضه بس مكنتش محدد رقم بس حليت كام واحده كده
وكمان عليا واجب قصة انجليزي ومذاكره انجليزي فحقوم دلوقتي اخلصه ان شاء الله خلال ساعه وبكده اكون خلصت اللي كنت مححده انهارده
ولو منمتش على نفسي عشان صاحي من سبعه الصبح ححل كام مسئله رياضه واخلص الصفحه الاول

يلا يا شباب اسخنوا وكده وبلاش ملكعة

انا دلوقتي حقوم اذاكر ،، لو لسه وراك مذاكره قوم ونافسني يلا ووريني نفسك :049gc0:

لا بص يا مستنسخ منى انت :p:p انا بردوا دخلت اشوف حاجة بس انت حمستنى بجد اقوم اخلص اللى عليا فى الكيمياء ويارب اذاكر اى حاجة فى العربى واخلص اى حاجة علشان العربى ده ماده خنيقة بس حلو الحماس ده (كلمه للاسكندرنيه واد يا مصطفى وانت يا سمر عايزين الاوئل;) على الجمهوريه من عندنا ان شاء الله :av4056bb7jp3::av4056bb7jp3: ماشى مش عايزين حد تانى يخش ما بنا يالا اروح اذاكر انا)

ahmed ibrahem2

27-10-2010, 10:20 PM

موضوع جميل والصراحة أنا أول مرة أشوفه ولكن فكرته حلوة جدا وبشكر طبعا إسلام على الفكرة الجامدة دى . أما عن طريقة المذاكرة الصراحة أنا أول مادخلت كنت مرتب حاجة وفجأة كل حاجة جت على دماغى بسبب المدرسة والدروس والتأخير والعوامل التانية اللى الكل عرفها. بس أنا عمتا لقيت لنفسى جدول أعمله كل يوم ويناسب الدروس ومدرستى .

يعنى مثلا جيت من المدرسة الساعة2 ونمت ساعتين وصحيت روحت الدرس الساعة 6 مثلا ورجعت 9 أروح أكل وأنام شوية وأصحى على بالليل الساعة3 أو4 الفجر كده وأخلص واجباتى ومذاكرتى للمادة ومراجعتها وبعديها أشرب كوباية نسكافيه وألبس وأروح المدرسة .

وأكون كده الحمد لله خلصت .

طبعا أنا عارف إن الطريقة دى مش هتنفع مع ناس بس هتنفع مع ناس تانيين ياريت تجربوها وتقولوى.

m2_aa

27-10-2010, 10:37 PM

لا بص يا مستنسخ منى انت :p:p انا بردوا دخلت اشوف حاجة بس انت حمستنى بجد اقوم اخلص اللى عليا فى الكيمياء ويارب اذاكر اى حاجة فى العربى واخلص اى حاجة علشان العربى ده ماده خنيقة بس حلو الحماس ده (كلمه للاسكندرنيه واد يا مصطفى وانت يا سمر عايزين الاوئل;) على الجمهوريه من عندنا ان شاء الله :av4056bb7jp3::av4056bb7jp3: ماشى مش عايزين حد تانى يخش ما بنا يالا اروح اذاكر انا)

طيب اشطه يعني سخنتك :D :D :D

انا خلصت واجب الانجليزي عشان طلع اي كلام ومش فاضل غير شوية كلمات حراجعهم وانا في المدرسه بكره و لما اروح
ودوقتي بقى (حلوة دوقتي دي :D) حقوم اكمل حل التفاضل

لا لا مش تقلق الاسكندرانية حاجزين كراسي اول صف كله :049gc0:

موضوع جميل والصراحة أنا أول مرة أشوفه ولكن فكرته حلوة جدا وبشكر طبعا إسلام على الفكرة الجامدة دى . أما عن طريقة المذاكرة الصراحة أنا أول مادخلت كنت مرتب حاجة وفجأة كل حاجة جت على دماغى بسبب المدرسة والدروس والتأخير والعوامل التانية اللى الكل عرفها. بس أنا عمتا لقيت لنفسى جدول أعمله كل يوم ويناسب الدروس ومدرستى .

يعنى مثلا جيت من المدرسة الساعة2 ونمت ساعتين وصحيت روحت الدرس الساعة 6 مثلا ورجعت 9 أروح أكل وأنام شوية وأصحى على بالليل الساعة3 أو4 الفجر كده وأخلص واجباتى ومذاكرتى للمادة ومراجعتها وبعديها أشرب كوباية نسكافيه وألبس وأروح المدرسة .

وأكون كده الحمد لله خلصت .

طبعا أنا عارف إن الطريقة دى مش هتنفع مع ناس بس هتنفع مع ناس تانيين ياريت تجربوها وتقولوى.

على فكرة الطريقة دي حلوة وانا حطبقها بس قدام شوية عشان انا مش عشاق المذاكره اللي بعد صلاه الفجر دي
وانت كده ماشي تمام ، حتى تلاقي نفسك لسه صاحي ومفيش حاجه في بالك ورايق كده
وكويس انك عامل كل يوم جدول يوم بيوم يعني

يلا قوم نام لو حتنام عشان تصحى بدري او لو حتقوم تذاكر يبقى يلا يا استاااااااذ :stickjo4: مش عاوزين نتعك السنه دي (محدش يسأل يعني ايه نتعك )

إسلام صبري

28-10-2010, 10:49 AM

انا خلصت المياء الى عليا
اروح اشطب الانجليزى
انا الايام دى براجع بس
معنديش دروس لاحد يوم الاحد
يعنى 3 ايام
كل مدرس عنده ظروف الحمد فرصة نستغلها بقى كويس
اوك يا درش نمر وان ودرش نمرن 2
وفين سمر

الطفل البرئ

28-10-2010, 02:00 PM

بجد كان نفسي اتكلم في الموضوع ده مح حد بس مكنتش بلاقي
انا كنت بعاني من الموضوع ده وكتير جدا كنت بقعد اعيط وانكد على اللى فى البيت:( لان مع المدرسة والمواقف اللي بتقبلنى فيها بقيت خلاص حاسة بملل قبل ما اذاكر حتى وده طبعا جاب نتيجة ايه مش عايزة اقولكو باد اد ايه
المهم ماعلينا من الماضى خلاص الملل راح وهتعاون معاكو وهجرب اللي قال عليه الدكتور <انشاء الله>مصطفى اللي بجد بشكره وبدعيله ربنا يوفقه
انا عندى الاسبوع ده كله امتحانات في الدروس يعنى لازم درجات عالية والا <هتعك>هههههههههه
انا خلصت الكمياء النهاردة واجى من اخلص على الفرنش انشاء الله وهحل على الكمياء تانى بكرة

ها حد يقدر يحصلنى ؟؟؟؟؟؟؟؟؟؟؟؟؟

حد عنده دعاء للاستذكار؟

كلما ادبنى الدهر ارانى ضعف عقلي
واذا ماازذذت علما زادنى علما بجهلي

Mostafa Walid

28-10-2010, 02:17 PM

اوبا انتى جبتى بيت الشعر ده منين بيت الشعر ده ملهوش حل بجد
انا بردوا عليا امتحانات كتير اوى وورا بعض وببكره عندى امتحان انجلش كامل ربنا يوفقنا يا رب

Dr.abdo salem

28-10-2010, 02:19 PM

أهلا بيكم يا جماعة :
انا بالنسبة للكيمياء انا المدرس الى بروحله درس من احسن خمس مدرسين كيمياء فى مصر بجد وهوا مش مخلينى مش فاهم حاجة
وعلى فكرة الكيمياء دى مادة روعة
وبالنسبة للفرنش :: اهم حاجة فيه انك تسمع النطق كويس لان ده هيساعدك فى الكتابة بنسبة 90%
وعلى فكرة علشان تبقى قوى فى الفرنش ( أهم حاجة حفظ الافعال وتصريفاتها ) لان هيا الاساس
أما الانجليزى فدا أهم حاجة فيه أنك يكون عندك كم كبير جدا من الكلمات
ونصيحة منى لأحلى منتدى رررررررررررررررررركززززززززززززز على كتاب الوورك بوك لانه بيجى منه الامتحاااان!!

أما اللغة العربية فدى انا ضايع فيها لانى مقصر فى المذاكرة بتاعتها بس انا عندى سؤال الى هيعرف يحله ليه منى جايزة

اعرب((((( وا إسلاماه)))))

إسلام صبري

28-10-2010, 04:42 PM

برغم انى انا الى عامل الموضوع الا انى عندى ضغط مذاكرة فظيع
وكان السبب الريسى فى انى اعمل الموضوع ان اتشجع بجد شجعوتنى
ربنا يسر
لظروف حصلت فى شهر 8 و9 كنت بذاكر ومش براجع جيت من اسوع اراجع انجليزى وفرنش لقيت نفسى ولا لاول مرة اسمعهم
ادعولى اشطبهم خلال الاسبوعين دول
اوك هجبلك الاعراب على بكرة

وجميل اوى الحماس

Dr.abdo salem

28-10-2010, 07:17 PM

يا اسلام ما تسألش المستر بتاعك خليها من مجهودك يا جميل

وعلى فكرة انت هتلاقى شبه التعبير ده فى نص المتنبى ( وا حر قلباه) شبها بالظبط

إسلام صبري

28-10-2010, 09:30 PM

لا متخافش المستر بتاعى فى رحله ومش جاى غير يوم السبت

انا عارف الاجابة بس مش كاملة يعنى كنت سمعتها من زمان
تقريبا ندا ء تقريبا يعنى نداء مفتجع
بس احنا مخدناش بالتفصيل كانت معلومة على الطاير

Dr.abdo salem

29-10-2010, 12:49 PM

أوك انا مستنى الاجابة
بس فين الشباب مافيش ردود ليه؟؟؟؟؟!!!!!!!!!!

إسلام صبري

29-10-2010, 01:05 PM

abdosalem (http://www.thanwya.com/vb/member.php?u=436447)

بقولك
متعرفش توزيع الدرجات
يعنى الانجليزى البرجراف عليه كام الترجمة كام السوال الاول كام
وكدا فى باى المواد

Dr.abdo salem

29-10-2010, 01:20 PM

اوك يا اسلام:

انت عندك فى مادة الانجليزى السؤال الأول الى هوا المواقف عليه 4 درجات
والسؤال التانى الى هوا الاسبيكرز عليه 4 درجات
والسؤال الثالث الى هوا الاختيارات عليه 8 درجات
والسؤال الرابع الى هوا تصحيح الخطأ عليه 6 درجات
والسؤال الخامس والسادس الى هوا قطعة الفهم عليه 10 درجات لانهم قطعتين فهم
والسؤال السابع الى هوا القصة عليه 7 درجات
والسؤال الثامن الى هوا البراجراف أو الليتر عليه 6 درجات
والسؤال التاسع الى هوا الترجمة عليه 5 درجات لان الترجمة من انجليزى لعربى عليها 3 درجات والترجمة من عربى لانجليزى (جملتين) عليهم 2 درجة

Dr.abdo salem

29-10-2010, 01:22 PM

وعلى فكرة فى الليتر الى هوا السؤال الثامن ما عدش بيجيبلك المكان والتاريخ والكلام ده انت هتبدأ علطول ب Dear,...........

الطفل البرئ

29-10-2010, 06:52 PM

انا خلصت الفرنش وامتحنت والحمد لله كان امتحان كويس
الدور علي الانجليزي والكمياء ها؟؟؟
بيت الشعر ده للامام الشافعى
يالا فين الحماس
مين هيسهر معايا

سارة المصرية

29-10-2010, 07:24 PM

وا:أداة نداء وتفجع
إسلاماه:منادى متفجع عليه مضاف منصوب وعلامةنصبه الفتحة والألف للندبة والهاه للسكت

انا سألت المستر فى المدرسة وقالى كدا وهبقى اسأل مستر الدرس

سارة المصرية

29-10-2010, 07:26 PM

Dr.abdo salem

30-10-2010, 09:27 AM

وا:أداة نداء وتفجع
إسلاماه:منادى متفجع عليه مضاف منصوب وعلامةنصبه الفتحة والألف للندبة والهاه للسكت

انا سألت المستر فى المدرسة وقالى كدا وهبقى اسأل مستر الدرس

بالنسبة للاعراب يا سارة:
وا: أداة ندبة ونداء
اسلام: مندوب منصوب بالفتحة
الألف: نيابة عن ياء المتكلم فى محل جر مضاف إليه
الهاء: للسكت لا محل لها
هوا دا الاعراب المظبوط :078111rg3::078111rg3:

Dr.abdo salem

30-10-2010, 09:35 AM

انا مشكلتى بقى الانجليش انا شاطرة جدا فى الانجليش وبحفظ وبحل فى الدرس اووى واى كلمة عدت عليا حتى لو مش حفظ بكون فكراها بس مش بركز خالص مش عارفة اعمل ايه يعنى انا مش بنسى بسهولة بس فى الامتحان بنسى كل اللى ذاكرته لدرجة ان مستر الدرس هيتجنن منى مش عارفة اعمل ايه والله

أما بالنسبة يا سارة لنسيانك الى انتى مذاكراه دى مش حاجة وحشة بس دا بسبب انك خايفة من الامتحان

وانا برشحلك تجيبى ملخص Senior دا ملخص روعة

والى أهم من أى ملخص عندك كتاب الوورك بوك Workbook هوا الى بييجى منه الامتحان

فلسطين22

30-10-2010, 01:20 PM

بجد برافو عليكم بس أنا مش فاضيه أكتب ردود أنا دخلت المنافسه

Dr.abdo salem

30-10-2010, 06:02 PM

بجد برافو عليكم بس أنا مش فاضيه أكتب ردود أنا دخلت المنافسه

اوك وهنشوف مين الى هيكسب فى الاخر:049gc0:

Boody2

31-10-2010, 01:15 PM

حقيقي والله الموضوع دة
كويس اوي اوي وفرصة لتجمع ارائنا مع بعض
كان لازم يبقي في موضوع من دة
..............
فعلاً ياجماعة الواحد كان ايام الصيف عمال يقول امتي الدراسة هتيجي انا هطحن وهعمل وهسوي ومش زي السنين اللي فاتت
الواحد تقريبا علي النظام دة من اول 8 لحد قبل المدارس باسبوع
المدارس جات لخبطت ونيلت وعكننت كل حاجة علي الواحد
فلازم الواحد يلحق نفسة
يعني انا لغاية دلوقت غايب من المدرسة حوالي 23 يوم
ومش عارف هل فعلا ممكن اتفصل ؟؟
بس برجع احمد ربنا اني ما أعدتش قيدي في اولي دي حاجة كويسة برده

اما بالنسبة للمواد
انا شايف ان
العربي : بيتنسي بسرعة بس مفيش خوف من طالما الواحد مخلص علي النحو والبلاغة ( انا خلصت منهجهم وبحل نماذج ثانوية عامة دلوقت )
الرياضة : اسهل من رياضة 3 اعدادي يعني الحمد لله ....... بس بقالي 3 سنين اللي بشوفو بعد امتحان ثانوية عامة سواء جبر او تفاضل بيخليني اكرهها واترعب بس من اليوم اللي همتحنها فيه ... ربكم يسترها
الفرنش : لذيذ اوي اوي ممكن تكون اتقل حاجة فية الضمائر بس والله سهلة اللي هيفهمها مش هتلخبط معاي زي ماكنت ملخبطة معاي في الاول
الانجلش .. زي الرياضة بالظبط .... هو بس عاوز الواحد يتقل نفسة بكلمات زيادة انتو شايفين السنة اللي فاتت " سحابة الرماد , النسور " بس والله مادة لذيذة وسهولتها ان فيها 19.5 درجة من برة المنهج ّ!!!!!!!!!!!!!!!!!!! مواقف وسبيكر برجراف وترجمة
يعتبر اسهل مادة بسس الامتحان بتيجي الله لا يوريكم .. ربنا يهدي المستشار يارب ...
الكميا : والله الذذ مادة جميلة اووووووووي بس عاوزة مراجعة كل يوم كل يوم لو يوم مذكرتهاش هتتعب صدقني انا دلوقت وصلت للباب الخامس هنبدا فيه النهاردة
ادعولنا

يارب كلكم تكونو ماشين تمام يارب ويارب يكرمنا ويدي كل واحد علي قد تعبة
ويهدي مستشارين المواد

معلش طولت عليكم
اخوكم
عبدالرحمن
ث/ع

Boody2

31-10-2010, 01:17 PM

أما بالنسبة يا سارة لنسيانك الى انتى مذاكراه دى مش حاجة وحشة بس دا بسبب انك خايفة من الامتحان

وانا برشحلك تجيبى ملخص Senior دا ملخص روعة

والى أهم من أى ملخص عندك كتاب الوورك بوك Workbook هوا الى بييجى منه الامتحان

انصحكم
Top Studet
خراااااااافة عن تجربة والله

Dr.abdo salem

31-10-2010, 06:03 PM

انصحكم
Top Studet
خراااااااافة عن تجربة والله

شكرا على النصيحة بس انا بجد معجب بكتاب senior وبرده هجرب الملخص بتاعك ده ان شاء الله

وعلى فكرة انا هبدا فى الباب السادس النهاردة فى مادة الكيمياء

وبجد انا معاك ان رياضيات تالتة اعدادى كانت رخمة بس بجد رياضة تانية ثانوى جميلة جداااااااااااااااااا

وعلى فكرة برده انا اسمى عبد الرحمن من المنصورة

إسلام صبري

31-10-2010, 10:25 PM

Dr.abdo salem

01-11-2010, 07:17 AM

الباب السادس
ايه يا عبدو دا انا لسه هدخل الباب الرابع بكرة
لا دانا كدا فى الضياع

انا اشجع كتاب سنيور قمة قمة قمة

والمعاصر رياضة
ياشباب حد معجب بكتاب تانى فى الرياضة يكتب اسمه

اقولك حاجة حلوة هدفعوا كام

اوك
بالنسبة للناس الى ماخرة مذاكرة ونفسها تراجع الى فاتها ومش عارفة من ضغط الوقت والدروس الجديدة
اقولك حاجة حلوة
عندك ياعم الخميس والجمعة مراجعة المتاخر
طوال الاسبوع عادى مذاكرة الاسبوع
يوم الاربع بليل اعمل مراجعة على فات
اولا انا ببعت سلام لكل الى اشترك فى الموضوع ده
ايوة يا اسلام والله هبدا فى السادس بس انت كدا متاخر قوى حرام عليك
وبصراحة ملخص سينيور ده روعة

أما بالنسبة للرياضيات حراااااااااااااااام حد يجيب المعاصر ده ملخص فاشل وبتاع الفشلين(معلش)
اما أحسن ملخص رياضيات هوا كتاب لامى دا أحسن كتاب نزل فى الرياضيات ومن كام سنة كان فى مية فى المية برده حلو

بس انا بقى يا رجالة عندى الخميس والجمعة والسبت أجاااااااااااازة لان مدرستى فترة واحدة

وعلى فكرة يا شياب لازم تلعبوا رياضة لان ده بيساعد على تنشيط المخ وبالنسبة ليا انا بلعب انا واصحابى كل يوم سبت الى عايز ييجى يلعب معانا ييجى ما فيش مانع ههههههههه
وعلى فكرة احنا أوائل المحافظة وبنلعب كل يوم سبت مش غلط يعنى

FOXMOH

02-11-2010, 01:32 AM

Dr.abdo salem

02-11-2010, 07:03 AM

الى abdosalem (http://www.thanwya.com/vb/member.php?u=436447)
اعراب " وااسلاماه" هو
وا:حرف ندبة واستغاسة
اسلام منادى مندوب منصوب بالفتحة المقدرة قبل ياء المتكلم المحذوفة
الالف: للندبة الهاء: للسكت

اولا شكرا لمشاركتك معانا وإعرابك صح :022yb4: بس فيه اعراب أدق شوية:
وا: أداة ندبة ونداء
اسلام: مندوب منصوب بالفتحة
الألف: نيابة عن ياء المتكلم فى محل جر مضاف إليه
الهاء: للسكت لا محل لها

بس برااااااااااااااااااااااااااافووو:022yb4:

Dr.abdo salem

02-11-2010, 12:58 PM

طيب فى سؤال ::: قارن بين :::
1) ملح امونيومى
2) ملح المونيومى

إسلام صبري

02-11-2010, 06:49 PM

فى اى باب ياعبد الرحمن لو فوق الرابع انا برة الموضوع
ياشباب انا ضايع فى الفرنساوى
ايه اهم حاجة تكون قدامك وانت بتذاكر

جيلان94

02-11-2010, 08:50 PM

على فكرة الموضوع جامدة جداااااااااااا
بس انا عندي مشكلة في تنظيم الوقت الوقت ياريت حد يساعدني يعني انا بجد مش بعرف انظم وقتى خالص وده بيضيع مني وقت كتيير وفيه مواد بتيجى على حساب مواد تانية ومش عارفة اعمل ايه وده من اول الاجازة

Dr.abdo salem

03-11-2010, 07:22 AM

فى اى باب ياعبد الرحمن لو فوق الرابع انا برة الموضوع
ياشباب انا ضايع فى الفرنساوى
ايه اهم حاجة تكون قدامك وانت بتذاكر

على فكرة السؤال بتاع قارن ده فى الباب الرابع وادعيلى لان عندى يوم الجمعه امتحان على الباب الثالث والرابع والخامس( المدرس بتاعى ده روعة)

بالنسبة للفرنساوى حاول ابدا من اول درس , وهات كراسة واكتب فيها القواعد علشان ساعة ما تحتاج قاعدة ولا حاجة تبقى سهلة بالنسبة ليك.

انت عارف يا اسلام الميسيو بتاعى جابلى امتحان 2010 دور تانى الوثيقة ما تقدرش تفهم منها حاجة بس هيا سهلة جدااااااا

وبالنسبة ايه الى يبقى قدامك وانت بتذاكر بلاش تسمع أغانى وانت بتذاكر (نصيحة أخ)

Dr.abdo salem

03-11-2010, 07:23 AM

Dr. Hoda Ahmed

03-11-2010, 08:17 AM

أما بالنسبة للرياضيات حراااااااااااااااام حد يجيب المعاصر ده ملخص فاشل وبتاع الفشلين(معلش)

انا اسفة بس وانا بقرا الموضوع العبارة دى علقت معايا اوى

فاشلين مين ؟اولا المعاصر قمة وسيظل قمة وفى 2ث بالذات (المعاصر )
منظم جدا جدا زكتاب المسائل روعة بجد وفى كل الافكار اللى ممكن تلاقيها فى اى كتاب صحيح كمية المسائل كتييير اوى بس ده علشان المعلومة تثبت وكترة الحل مش وحشة

و100% كتاب جميل بس حله مش كتير

وهتعرفوا قيمة كتاب المعاصر واسئلته فى الجزء الخاص بالدوال المثلثية لو كان التعقيد ايجه فى الامتحان فى الجزء ده
كان الموضوع هيبقى صعب اوى

بس الامتحان الحمد لله الى حد ما كان جميل وما فهوش حاجة صعبة كل اللى عايزه مخ وبس يعنى طالب كان واخذ رياضة قبل كده مش بيحفظها وخلاص

موضوع الفرنساوى بقى مشكلته حاجة كلنا كنا فى الاول مش طايقين الفرنساوى
خاصة نطقا يمكن كتابة كانت سهلة شوية

الاكسونات كانت بتلخبط شوية بس الموضوع مشى بعدها كنا بنلخبط بينه وبين الانجليزى فى الشخصيات

بس صدقونى من المذاكرة وفى الاخر هتلاقوا الموضوع لذيد جدا وهتحبوا الفرنساوى اوى

العربى كويس فى 2ث جدا عن 3ث فاحمدوا ربنا بجد والقصة بجد جميلة اوى اقراوها فى اول السنة كلها احسن جميلة

والكيمياء بقى انا زيكم السنة دى كيمياء والحمد لله خلصت احياء

عايزين بقى نشوف المسائل فى الكيمياء بدل ما ضيعوا وقت كتير فى الكلام وانت عارفين انكم مش فاضين

وصدقونى موضوع 2ث ده مش سهل ابدا والله الواحد تعب جدا العام الماضى وحسيت انه 100سنه
مش سنه
بس لكل مجتهد النصيب وربنا مش بيضيع تعب

يلا يا جماعة اتكلمت كتير .................عايزاكم تزدادوا نشاط ونشاط وسيبوا الامتحان ده على ربنا بس اعملوا كل ما بايديكم

سلام عليكم ورحمة الله وبركاته

(تنويه)
الموضوع جميل اشكرك

إسلام صبري

03-11-2010, 03:53 PM

Alkrsan

03-11-2010, 05:33 PM

( نصيحة من اخ )

بصو يا جماعة انا بقول اننا كلنا متلخبطين ومش عارفين نعمل ايه بسبب ان اصلا المواد بتاعت الثانوي دي مبتجيش من اول مرة بمعنى انحنا لو زكرنا مرة مثلا الباب الثالت في الكيمياء وانت وصلت في الدرس مثلا للباب الخامس فبتحس انك بدات تنسى الباب الثالث وده الي انا بحكي فيه ان كل واحد لابد يراجع مرة واثنين وثلاثة ولو انت بيتهيالك انك بتنسى الفات فده مش مظبوط بل هو بيكون لسه في العقل الباطن ولما تراجعه مرة واثنين وعشرة هيثبت وهتيجي تبص اخر شهور في السنة تتلقاق فعلا عارف كل حاجة وتقدر تحل اي حاجة انا معاكوا ان مفيش وقت وكده لكن اقلكوا عاى حاجة هوانتى لازم مثلا تزاكر كل المواد فيوم طبعا لاااااا بصوا شوووووووووفوا الطريقة دي انت مثلا فيوم من ايام الاسبوع عليك درس في اي ماده لازم تقوم الفجر فمزاكرة بعد الفجر دي جميله جدا زاكر بعد الفجر لحدايت متروح المدرسة وتيجي تتغدى وتنام للعصر وتقوم تزاكر قبل الدرس شوية وبعد متطلع من الدرس مفيش مانع تقعد مع اصحابك ساعة او ساعة ونصف مثلا وروح زاكر مادة عليك درس فيها بكرة وقوم برده الفجر تراجع الي فات ولما تروح من المدرسة تزاكر الجديد للدرس وطبعا في ايام فيها درسين وفي ايام مفهاش فاليوم المفهوش ممكن تزاكر المادة المزنوقه في اليوم الي فيه الدرسين مزنوقة الزاي مثلا( يعني بعد الدرس الاول علطول يعني مش هتلقح تزاكرها في اليوم ده) وبرده مفيش مانع متتطلع تقعد ترفه عن نفسك شوية مع اصحابك ساعة او ساعتين وكتب المهرات والمراجعات والتعليلات ودليل الطالب والحجات دي كلها في اخر 3شهور تبقى تشفها يعني متلبخش نفسك معاها لانها بتجعز لكن في اواخر السنه بعد متكون خلصت المهج بتكون مرتاح وتزاكر برحتك وتحل وكله برحتك والي لسه مزكرش برده ميقلقش يبدا بس من هذه اللحظة وبقله ميخفش لسه الوقت كبير وهيزاكر وهيخلص وهيراجع وهيحل ومفيش حاجة هتقف عليه ان شاء الله وعليكم بالصلاة في جماعة لكي يوفقم الله . (ومن يتق الله يجعل له مخرجا ) صدق الله العظيم
:039uw8:

سلسبيل الايمان

03-11-2010, 08:54 PM

طب ياحماعه بالنسبه للى عندها مواد كتير قوى تعمل ايه
انا بجد مش عارفه اذاكر ايه ولا ايه لانى فى الازهر وانتو عارفين ان مواده كتيييير
حد يساعدنى فى المشكله دى؟؟؟؟؟؟؟

Dr.abdo salem

04-11-2010, 07:11 AM

لا طبعا ياعبدو مش بشغل اغانى
بس كنت اقصد ايه اساسى تتكا عليه
تهتم بيه اكتر فى المذاكرة فى حاجة تتذاكر عهلى السريع وحاجات بتها تهتم بيها
بالنسبة لمعاصر هو حلو وانا مذعلتش من كلام عبدالرحمن وياريت اللهم اغفر متزعلش مش المقصود فاشيلين يقصد ان الى عايز يجيب مجموع يجيب كتاب جامد
انا سالت المستر ياعبدو قالى ان لامى دا كتاب قديم وكويس هو احسن من المعاصر
انا هجيبه فى المراجعة لانى اشتغلت من المعاصر واتعوت مبحبش اغير الكتاب الى بذاكر منه

بصو انا بذاكر الحمدلله
بش مش راضى عن مذاكرتى بحس ان الناس بتاخد معلومات اكتر منى

بالمناسبة هو لنا غياب 30 يوم منفصل ولا 15 يوم
انتو بترحوا المدرسة زينا كدا
ولو بتروحوا بتاخدوا كحصة

انت جبت المفيد يا اسلام انا قصدى ان كتاب لامى ده بتاع النااس الى عايزه تجيب مجموع حلو فى الرياضيات لانه كتاب روعة وبشهادة كل المدرسين الاوائل

وبالنسبة للمذاكرة انا عاطى للكيمياء وقت كبير من مذاكرتى لانها فى نظرى اهم مادة ولو ما لمتهاش دلوقتى مش هتقدر أما تيجى تراجع

أيوة يا اسلام احنا مش بنروح يوم السبت لانه أجازة عندنا وعندنا 30 يوم منفصل أو 15 متصل يبقى فيه فصل وإعادة قيد ولبخة يا عم

Dr.abdo salem

04-11-2010, 07:15 AM

طب ياحماعه بالنسبه للى عندها مواد كتير قوى تعمل ايه
انا بجد مش عارفه اذاكر ايه ولا ايه لانى فى الازهر وانتو عارفين ان مواده كتيييير
حد يساعدنى فى المشكله دى؟؟؟؟؟؟؟

ربنا يعينك يا سلسبيل انتو عندكو الازهر ده عذاب والله
يعنى تذاكره ايه بالظبط انا مش عارف نظام عبيط

بس بتهيألى يا سلسبيل انتو عندكو ما فيش مشاكل فى الغياب يعنى ممكن تمشى بدرى من المدرسة بس احنا ربطنا فى المدرسة للحصة السادسة حراااااام والله والواحد يرجع مش قادر يعمل حاجة ينام يصحى من النوم يروح دروس يرجع ينااااام :040vk0:

Dr.abdo salem

04-11-2010, 07:21 AM

loopy122

06-11-2010, 09:32 PM

الموضوووووووووووووووووووووووع
روعة يا جماعة

نلعب بقي اعراااااااااااااب هاااااااااااااااااااااااااااه مين هناك

قال الله تعالي
"فسجد الملائكة كلهم أجمعون الا ابليس "

اعرب اجمعون

إسلام صبري

06-11-2010, 09:52 PM

مفعول به منصوب بالواو

حمدي في الجول

07-11-2010, 06:45 AM

توكيد ثان منصوب مرفوع بالواو لانه جمع مذكر سالم
العب براحتك
دي الحاجة اللي بنعرف نفكر فيها النحو

Dr.abdo salem

07-11-2010, 07:04 AM

توكيد ثان منصوب مرفوع بالواو لانه جمع مذكر سالم
العب براحتك
دي الحاجة اللي بنعرف نفكر فيها النحو

اوك يا جماعة بس ازاى منصوب ومرفوع فى نفس الوقت يا حمدى

auaaa

07-11-2010, 10:41 AM

ممكن اشترك معاكم ياجماعة في المنافسة دي انا ناوية اذاكر انهاردة الباب الخامس والاول والرابع في الكمياء واراجع علي الباب الاول في التفاضل اوكي وروني نفسكم

Dr.abdo salem

07-11-2010, 01:07 PM

ممكن اشترك معاكم ياجماعة في المنافسة دي انا ناوية اذاكر انهاردة الباب الخامس والاول والرابع في الكمياء واراجع علي الباب الاول في التفاضل اوكي وروني نفسكم

ربنا معاكى بس ازاى يعنى ليه انتو عندكم اليوم 30 ساعة(وما فيش مدرسة وما فيش دروس)
ولا ايه رأيكم ؟؟؟؟؟؟!!!!!!!!!!:blush:

Mostafa Walid

07-11-2010, 02:18 PM

انصحكم
top studet
خراااااااافة عن تجربة والله
بجد عنده حق والله كنت لسه حنصحكم بيه كتاب بجد ملهوش حل جميل جدا وفى اسئلة حلوه جدا انا جبته وبعد كده اختفى من السوق خالص ومحدش لقيه انا بنصح اللى يلقيه لازم يجيبوا

Mostafa Walid

07-11-2010, 02:19 PM

سلسبيل الايمان

07-11-2010, 07:06 PM

نلعب بقي اعراااااااااااااب هاااااااااااااااااااااااااااه مين هناك

قال الله تعالي
"فسجد الملائكة كلهم أجمعون الا ابليس "

اعرب اجمعون
اعراب اجمعون توكيد معنوى مرفو ع بالواو لانه جمع مذكر سالم

نغم سماء

07-11-2010, 09:40 PM

سلامى للجميع انا شافة ان احسن حاجة نقول ادعية المذاكرة قبل ما نذاكر وهى اللهم انى اسالك فهم النبيين وحفظ المرسلين والملائكة المقربين اللهم اجعل قلوبنا عامرة بخشيتك وقلوبنا بطاعتك والسنتنا بذكرك اما بعد المذاكرة اللهم انى استودعك ما حفظت فرده لى عند حاجتى اليه

نغم سماء

07-11-2010, 09:43 PM

يا جماعة اعراب اجمعون حال

EL MagicO

08-11-2010, 03:25 PM

ياجماعة نصيحة من اخ لاخواته دى طريقة بطبقها جمعتها من اشخاص ربنا يكرمهم اطبقها

وياريت انتو كمان تتطبقوها عشان نشوف مفعولها

اولا وده الاهم خليك قريب من ربك وارضى والديك والله عمرك ماهتتعب

ثانيا واللى كلنا عارفينو لكل مجتهد نصيب يعنى نتعب السنتين دول وهتشوف بقية حياتك هتبقى ازاى

ثالثا ياريت نشيل من دماغنا فكرة الامتحانات الصعبة والحكاوى اللى ملهاش لازمة دى

وقبل المذاكرة واللى هقولها دلوقتى ياريت تقرأ ورد من القران هترتاح نفسيا والله

رابعا بقى وهى المذاكرة ياريت تصحى الفجر تاخدلك ساعتين قبل ماتروح المدرسة وبلاش السهر ولو عايز ترتاح ف المواعيد اظبط وقتك على الصلوات يعنى ترجع من المدرسة تصلى الضهر وبعد كدا تتغدى وتصلى العصر وتنام او لو استرخيت ساعة لغاية المغرب يبقى تمام هتخليك فايق بقية اليوم وتبتدى تذاكر من المغرب لحد العشاء مادة خفيفة بتحبها وبعد كدا تقوم تصلى العشاء وترجع تذاكر مادة تانية ساعة او ساعة ونص بس بردو تكون خفيفة وانت بتحبها
وتخلى الصعب بعد كدا

بالنسبة للعربى لازم يتذاكر اول بأول وحاول تحضر الدرس من كتاب المدرسة يعنى ولا ملزمة ولا كتاب خارجى

بعد مايتشرح الدرس هتبتدى تلخص الدرس وياريت تكتب كتير عشان تثبت المعلومات واخر حاجة تبص فى الملازم اللى ليها اسئلة

واجابات قصة او قراءة وتبتدى تحل اسئلة الملخص الخارجى وانا برشح كتاب الاضواء ومافيش كلام بعد كدا

بالنسبة بقى للكيمياء لازم ياجماعة تبص بصة ع الكتاب المدرسى وتدقق على اللى بين السطور لانى هى دى موضع الامتحانات

واللى بتفرق طالب عن طالب وبلاش تحل من كتاب الامتحان دلوقتى فى المادة دى بالذات حل اسئلة الكتاب المدرسى ودليل
التقويم وواجب الملزمة بتاعتك بس

بالنسبة للالمانى بصاحة المادة دة روعة بس عايزة تركيز على الجراماتيك والملاحظات الصغيرة اللى عليها وتحفظ الكلمات كويس بأدواتها على حسب طريقتك ومتنساش الاجزاء التانية زى اللاند سكوندى والمواقف

اما بقى الرياضيات فدى اسهل مادة تتذاكر ولازم تحل تمارين كتير جدا وتدور فى كل الكتب مدرسى وخارجى يعنى متسبش فتفوتة

وحاول على اد متقدر تفكر ف المسألة متبصش ف الاجابات او تسأل المدرس غير لما تجيب اخرك لانى ده هيعودك على التفكير

فى اى مسألة صعبة تقابلك ف الامتحان

نيجى بقى للانجليزى اولا انت لازم تحفظ كلمات الوحدات وكلمات الترجمة وتصريفات الافعال والازمنة

ثانيا ياجماعة دى المادة الوحيدة اللى ممكن تيجى برا الكتاب لانها بتعتمد على حصيلتك اللغوية وثقافتك

يعنى من دلوقتى احفظ قدر كبير من الكلمات والافعال اللى ممكن تلاقيها ف الترجمة واعرف انت هتشتغل على زمن ايه من سياق الجملة

بالنسبة للحلول الوورك بوك واى ملخص خارجى يكفى

ملحوظة مهمة اوى ياريت الكل ياخد بالو منها ابعد عن المقدمات بتاعت البرجراف واشتغل بمقدمة من عندك او لو هتستخدم

المقدمة ياريت تشوف الموضوع بيتكلم عن ايه وتحط المقدمة المناسبة ليه

يارب اكون افدتكم ولو حد عنده اضافة يتفضل عشان كلنا نستفيد

وربنا يكرمنا جميعا